كاتو بسيط و مميز


         وصفة : منى                 2007/08/04                 39 تعليقات
كاتو بسيط و مميز

·          يمزج الحليب الساخن مع عصير الليمون و يترك أثناء خفق البيض , ينخل الطحين مع البيكنغ بودر و الملح , تدهن صينية فرن متوسطة الحجم بالزبدة و يحمى الفرن على درجة حرارة 180 درجة مئوية .

·          يخفق البيض و الفانيليا و البشر في حال استخدامه حتى يصبح المزيج هشاً ثم يضاف السكر الناعم و يخفق الكل حتى يشتد المزيج و يبيض .

·          يضاف مزيج الحليب و عصير الليمون و الزبدة بالتناوب مع الطحين المنخول و يقلب المزيج بخفة بعد كل اضافة حتى تنتهي المقادير و يتجانس المزيج .

·          يصب مزيج الكاتو في الصينية المحضرة ثم يخبز في الفرن مدة 45 – 60 دقيقة أو حتى ينضج .

فكرة لذيذة :

يمكن أن تكسبي الكيك مزيدا من الطراوة و النكهة التي تفضلينها , اغلي كوب أو كوبان من أي عصير أو شراب مفضل عندك مع القليل من السكر و اتركيه على النار لمدة 10 دقائق ثم صبي الشراب الغالي على الكيك حال نضوجه و خروجه من الفرن و اتركيه حتى يبرد .

 

 




5 بيض بحرارة الغرفة
فانيليا
بشر حبة ليمونة أو برتقالة ناعم ( اختياري )
كوب و نصف سكر ناعم
ثلاث أرباع كوب حليب دافئ
ربع كوب عصير ليمون
2 كوب و نصف طحين حلويات فاخر
2 ملعقة صغيرة بيكنغ بودر
رشة ملح
ثلث قالب زبدة طرية

زبدة لدهن القالب





• يمزج الحليب الساخن مع عصير الليمون و يترك أثناء خفق البيض , ينخل الطحين مع البيكنغ بودر و الملح , تدهن صينية فرن متوسطة الحجم بالزبدة و يحمى الفرن على درجة حرارة 180 درجة مئوية .

• يخفق البيض و الفانيليا و البشر في حال استخدامه حتى يصبح المزيج هشاً ثم يضاف السكر الناعم و يخفق الكل حتى يشتد المزيج و يبيض .

• يضاف مزيج الحليب و عصير الليمون و الزبدة بالتناوب مع الطحين المنخول و يقلب المزيج بخفة بعد كل اضافة حتى تنتهي المقادير و يتجانس المزيج .

• يصب مزيج الكاتو في الصينية المحضرة ثم يخبز في الفرن مدة 45 – 60 دقيقة أو حتى ينضج .


فكرة لذيذة :

يمكن أن تكسبي الكيك مزيدا من الطراوة و النكهة التي تفضلينها , اغلي كوب أو كوبان من أي عصير أو شراب مفضل عندك مع القليل من السكر و اتركيه على النار لمدة 10 دقائق ثم صبي الشراب الغالي على الكيك حال نضوجه و خروجه من الفرن و اتركيه حتى يبرد .





  • وصفات تانية ممكن تعجبك


التعليقات

  1. basema 26 February 2008

    شـكراً كثيـر يا مـنى على تعـب المحبـة , وصـفات أكثـر من روعـة … بالحقيقـة أنت سـت بيت شـاطرة والله يعوضك كل خير لتعليمنا ما تعرفينه بكل صـدق ومحبـة …
    عنـدي سـؤال إن سـمحت : بعـد تجربـتي لوصفةالكاتو هذه, لم ينجـح الكاتو معي , كون كل ما أضـيف الليمون للحلـيب يفرط الحليب ويبرغل!!! هل من حل؟؟؟

    لك مني كل الشـكر

  2. منى 27 February 2008

    هلا أختي بسمة :) رد حلو متل اسمك الحلو ,, كلك زووء و مية اهلا و سهلا فيك

    أختي طبيعي ان الحليب بيفرط بعد اضافة الليمون , يعني هادا هو المطلوب , و إذا مو حابة هل القصة فيك تستخدمي كوب حليب دافي عوض عن ثلاث ارباع كوب حليب مع ربع كوب عصير ليمون ;)

  3. basema 27 February 2008

    شـكراُ كثير يا منى … إنشاء الله ببقى بجربه مرة ثانية وبقول لك شلون حايطلع معي … إنشاء الله ينفش هالمرة :upset

  4. منى 27 February 2008

    :roll اااه ما نفش معاك ! طيب يمكن استعملتي طحين عادي أو حرارة الفرن مو محماية بشكل منيح , أو البيض ما انخفق منيح :roll ..

    و على كل الاحوال ازرعيها بدقني و ان شاء الله اذا جربتيه مرة تانية يعجبك ;)

  5. TOOLEEN 9 December 2008

    السلام عليكم :) كل عام وانتم بخير وعساكم من عوادة اجمعين
    هذا اول يوم اسجل في موقع وهو اول موقع يعجبني خصوصا منى التى احببتها من قلبى وانالماراها قط يمكن طيبتها الواضحة على كتاباتها الله يسعدها ووفقها و يسخر اولادهالها اميـــــــن
    الكيك روعة إن شاء الله اجربه
    منى ماحجيتي او اح الاعضاء؟

  6. منى 9 December 2008

    و عليكم أفضل السلام و أتم التسليم تولين :)
    ردك فرحني كتير , ان شاء الله كل سنة و انت و اهل بيتك كلهم أقرب و احب الى الله و بفضل و صحة و خير
    الف شكر الك للدعوة الغالية , الك متلها و احلى اختي :)
    ان شاء الله تجربي هل الكيك و يعجبك .

    أأخ يا اختي , لسا ربنا ما اذن الي بالحج , و كل سنة قلبي بيدوب على الحجاج بعرفات , ربي يجعلني منهم عاجلا غير ااجل يا رب العالمين

    و بقية الاخوات ما حدا فيهن راح للحج هل السنة , ربنا يجمعنا بعرفات اجمعين :zzz

    مية هلا اختي نورتي

  7. ام عمر 28 January 2009

    تسلم ايدك ;)
    بس ممكن مقدار الزبدة بالغرام :cry :?

  8. منى 29 January 2009

    أختي القالب الي استعمله وزنه 225 غ ثلته رح يكون 75 غ :)

  9. شوق 4 February 2009

    شكرا اختي منى على الوصفة، جربت الكيك مبارح كثير طيبة، يسلموا يديكي.

  10. منى 4 February 2009

    الله يسلمك شوق و الف الف عافية على الكيك بكل لقمة و فرفوطة ;)

  11. أم الهدى 17 February 2009

    حبيبتي عندي سؤال خاص بهالكيكة وبكل أنواع الكيك التانية
    فيني أحط زيت بدل الزبدة ، كيف فيني أعرف إذا بقدر أستبدلو ولا لأ لازم زبدة وفي حال استعملت زيت بدل الزبدة بحط نفس المقدار ولا بغير
    ومشكوووووووورة كتير كتير

  12. منى 17 February 2009

    هلا ام الهدى :)
    بصراحة انا كتير احيان استبدل الزبدة بالزيت بس في وصفات كيكات الشوكولا أو كيكات البهارات , بحس أن الطعم ما بيظهر , هو اكيد بتبقى الزبدة أطيب بس الزيت أسهل .

    إذا حابة تستبدلي تضيفي نفس المقدار تمام , نصف كوب زيدة بنصف كوب زيت و هيك ;)

  13. سارونات 7 March 2009

    السلام عليكم و رحمة الله و بركاته
    يعطيكي العافية اختي منى
    سؤالي المعهود كم هو حجم الصينية و الله يجازي اختي ام هدى على هالسؤال لان عطول بيخطر ببالي يعني هالشي بينفع لما بتنضاف الزبدة طيب اذا كانت الزبدة راح تنخفق مع السكر شو منساوي ساعتها يعني منخفق زيت مع سكر بالخفاقة الكهربائية او بس بمضرب السلك

    شو كمان 8) اختي منى اذا كنت مستعملة هالوصفة يعني ساويتيلها حشوة او تغليف يا ريت تحطي الوصفة لما بتقدري مشان تكون عينة و بعدها يمكن نبتكر اشياء تانية شو قولك

    كمان شوقتينا كتير لكاتو الفواكه شو قرب وقته او لا

    اليوم صاير يوم الطلبات اختي منى مو قلتيلي في مفاجأة بهاداك اليوم و راح تكون بعد شهر وينها :?

    بالتوفيق
    سلام

  14. سارونات 7 March 2009

    السلام عليكم و رحمة الله و بركاته
    نسيت شي مهم)) مو قلتلك اليوم يوم الاسئلةو الطلبات العالمي :grin ))

    على علمي قالب الزبدة اللي معودة تستعمليه وزنه 200 غ لتكوني غيرتيه او بس مشان هالوصفة او اصلا انا غلطانة بالنسبة لل 200غ

    سلام

  15. منى 10 March 2009

    اختي الصينيةى الي استعملتها هون بحجم 26 سم أو 28 سم

    أختي الحشوة ممكن تكون فولكه , شوكولا مدوبة أو كريما شانتيه ؟أو مربى انت و زوءك

    ان شاء الله قرب , هي كم وصفة بس ;)

    اختي الزبدة الي استعملها ممكن تكون احيانا 200 و احيانا 225 و على هل الكمية ما رح تفرق كتير , يا دوب ربع ملعقة :zzz

  16. سارونات 10 March 2009

    السلام عليكم و رحمة الله و بركاته

    يخليلي ياكي اختي منى

    طيب اذا بدي احشيها فواكه بس قطع الفواكه و صفها يعني ما بضيفلها شي لان هيك راح تطلع ناشفة مو هيك :? و كمان اذا حشيتها فواكه بدي اعرف قديش بتضاين لان بعتقد بتضاين اقل من باقي الكيكات بحشوات تانية او هذا يعتمد على نوع الفاكهة :?

    بالتوفيق

    سلام

  17. منى 11 March 2009

    اختي بتحشيها و بتشربيها من عصير الفواكة و هي بالفعل ما بتضاين لان الفواكة لازم تتاكل بسرعة بعد ما تقطعيها :)

  18. mazon 15 August 2009

    يعني انا هلئ لحتى طلع معي الموقع بالصدفة ..كنت عم دور ع وصفة كاتو سهلة ومجربة ع غوغل ..قمت اكتشفت هالموقع الرائع..
    يعني جد شكرا كتير شي بيرفع الراس
    شكرا مرة تاينة

  19. منى 16 August 2009

    الشكر الك و لهل الرد و اتمنى ان تبقي معنا على طول و كمان اتمنى ان تجربي شي و يكون على زوءك ;)

  20. حمودي 30 December 2010

    يسلمووووووووووووووووووووووووووووو ع الوصفه
    انا اخذت كم طريقه للكيك من الموقع
    وان شاء الله يضبط معيه
    …………
    اي بس في سؤال بسيط ع الوصفه !
    قوام البيض كيف يكون ياريت توضحي اشوي
    اي كمان اقدر اخفقه بالخلاط العادي او السلك بدل المضرب الكهربائي
    ………………………..

    شكراً لكي كل جهودك الرائعه والجميله والوصفات المميزه والسهله

  21. حمودي 30 December 2010

    انا اخذت كم وصفه كيك من الموقع وان شاء الله اجربها
    ……………..
    بس في سؤال بسيط ع قوام البيض ( ياريت توضيح بسيط )
    وضروري نخفقه بالمضرب الكهربائي ؟
    ولا بالخلاط او المضرب السلك
    ……………
    شاكرلك جهودك الرائعه والمميزه

  22. منى 31 December 2010

    مية اهلا و سهلا فيك اخي , منور اتمنى ان الوصفات الي ناوي تجربيهاو تزبط معك و تكون تمام و متل ما بدك او احسن

    البيض نخفقه لحتى يصير كانه هواء او مليان فقاعات هوائية و اذا جيت لتمسكه بتحس انك ماسكة رغوة
    اما بعد ما نضيف السكر و نخفقه فرح يسمك و يصير لونه ابيض و متل الكريما

    انا استخدم الخفاقة الكهربائية و هي بتعطينا النتيجة المزبوطة و الي ما رح نحصل عليها بالخلاط

    اذا مو متوفرة الخلاطة الكهربائية ممكن تستخدم مضرب السلك , بس بياخد وقت , انا عني هلا اتعطلت خفاقتي باخر مرة عملت كيك بنص عملية الخفق , فكملت انا على ايدي بس كانت عملية متعبة جدا , لهيك اتناوبت عليهال
    انا و الاولاد :grin

    ايا سؤال تاني من عيوني , و مرحبا فيك مرة تانية

  23. حمودي 31 December 2010

    كلك ذوق
    عن جد يسلموووووووووووووووووووووووووووووووو

  24. حمودي 2 January 2011

    انا جربت الكيكه طلعه حلووووووووووووه كثير
    …………..
    وان انصح كل محبي الكيك تجربه هذي الكيكه مذاقها حلو كتيررررر وشكلها راقي
    …………..
    فكره:
    بعدان تخرجي الكيكه من الفرن وهيا حاره تدهني وجهها بشراب الفيمتو ونرش عليها جوز الهند
    ………….
    مع خالص تحيااااااتي للجميع وخصوصاً شيفتنا الحلوه منى
    Ahmed

  25. منى 2 January 2011

    الف الف صحة و هنا , و انا مبسوطة كتير لحماستك لتجربة الوصفة , صحتين و عوافي على البك و الب كل مين داقها

    فكرة حلوة كتير , اكيد عطتها طعم و خلت شكلها حلو , شكر للاضافة و صحتين مرة تانية

  26. حمودي 10 January 2011

    مدام منى كيف يكون القوام تبع الكيكه
    عندي يصير سميك كثير
    وكمان بعد ان تنضج تصير قويه اشوي
    ……….
    شو رايك نقلل كميه الدقيق لاني عم استعمل دقيق عادي مو خاص بالحلويات
    ………..
    شو رايك ؟

  27. منى 10 January 2011

    ممكن تجرب اخي , بس كيف عم ينجح معك الكيك بطحين عادي :roll

    انا رايي ان المقادير صعب تتغير و لازم تكون على الميلي

  28. حمودي 12 January 2011

    هيا صارت حلوه نفشت وكمان طعمتها طيبه كتير بس
    تصير سميكه
    ………….
    ماعليش انا رح جرب وخبرك بالنتائج
    ………
    اي مدام في القشطه المنزليه كم حوالي تعملي حليب ولازم يكون مركز ولا تبع الشرب
    ………
    مع خاااااااالص تحياتي
    Ahmed

  29. منى 13 January 2011

    انا بغلي حوالي 3 او 4 كيلو حليب طبيعي طازج و كمية القشطة تختلف كل مرة

    رح استنى اخبار بالي صار معك

  30. حمودي 14 January 2011

    مدام منى بترجاكي من كل قلبي والله تعبت انا والكيك والحلويات
    يعني ارفعي صور للكوب تبعك
    ………..
    مخ خالص تحيااااااااااااااااااتي لكي
    Ahmed

  31. منى 15 January 2011

    اخي الكوب الي استعمله هو الكوب المعياري الي عياره 250 مل للسوائل , و في حال ما اتوفر عندك ممكن تستعمل الكوب الاحمر الي بيجي هدية مع النسكافييه لان هو قياسه بنفس قياس الكوب المعياري

  32. رغد غسان علاء الدين 27 January 2011

    غرف قلبي عاللي عميسألو عن الزبدة بالغرام..عنجد برافو..ستات هالبيوت ممتازات..بدهن يعملو شي مرتب..

  33. منى 27 January 2011

    :)

  34. رغد غسان علاء الدين 26 February 2011

    امبارح جربت هالوصفة والنتيجة واو..بس شو ملاحظتي؟ إنو الكمية طلعت كتير كبيرة..فلحالي قدرت قبل ما احطها بالقالب..فطيت التلتين بالقالب والتلت الباقي بقالب الكب كيك..وهي كفت ما شالله..منيح ما حطيتها كلها بالقالب..خيتو كني انا إيدي خضرا :grin
    المهم النتيجة غير شكل..أنا بحب يوم الجمعة ..السهرة يكون فيها شي حلو وعصير وهيك قصص :) ((طبعا كالعادة حطيت الصورة بالألبوم يا ميمو))

  35. منى 26 February 2011

    صحتين و الف عافية رغودة :)
    الحمد لله انك اتصرفتي متل مو لازم , بتعرفي هلا انا نفسي بمقاديري الي بعملها من الف سنة مرات بتفرق عن مرات ;)

  36. مرجانة البحور 28 April 2011

    يسلموو دياتك اخت منى وربنا ما يحرمنا منك ممكن استبدل الزبدة بالسمنة ؟؟؟؟

  37. منى 28 April 2011

    لا اختي , السمنة ما بتنفع للحلويات الغربية لان نكهتها قوية ;)

  38. Jassy 21 July 2011

    السلام عليكم :) كيفكن صبايا ؟
    بس قبل ما انسى ، دايما بدي اسأل شو عنوان ألبوم رغد :grin عطول بقرا انها حطت هالأكلات .. بس وين ؟!
    منوش لك هي مو نفس مقادير الكاتو الرخامي على طريقتك تقريبا ؟؟ في شوية فرق بس بكمية المقادير.
    أنا عاملة من هالقسم شي 5-6 وصفات، واعتمدت منهم وصرت كررون ، وأكترون هو الكاتو الرخامي عطريقتك. يعني نفس هادا.
    أنا بستخدم تقريبا دايما الزيت بدال الزبدة، أسهل وأرخص ههههههه (ما شاء الله أرخص بعشر ليرات!). وبصراحة شديدة ما عطول بعمل نفس المقادير بالميلي ، يعني صرت حتى عالنظر أحط :grin معلمة !!! ههههههه
    وطبعا عطول دايما بينجح، ليش بيقولوا مقادير الكاتويات لازم بالميلي؟؟
    طبعا كل مرة بحط نكهة شكل، شي رخامي بس على توت بدال الشوكولا، شي بنكهو بنكهة الموز الصناعية، اليوم عملتو بالكاكاو وضفتلو قرنفل وقرفة :) وهي صورتو :

    [img]http://img221.imageshack.us/img221/110/img5272t.jpg[/img]

    مع هالأربع وردات الباقيات من أولتا امبارح ههه هيك شكلو متل البراونيز هع صحي حابة جرب شي وصفة براونيز، عجب في هون بالموقع؟ رح دور، إذا مافي رح جرب كم وصفة الأسبوع الجاي وحط. في واح زلمة عاليوتوب يا لطيف شو شاطر وكل وصفاتو بسيطات وناجحات، وانا منزلة كل فيديوهاتو (إذا حدن بدو ممكن انسخلها الدي في دي)، وهاي قناتو :
    [URL=http://www.youtube.com/user/robjnixon]http://www.youtube.com/user/robjnixon[/URL]
    عندو براونيز بيجننوا :)

    المهم فتنا بموضوع مانو علاقة هههههههه .. ايه كيفكون انتوا؟

    شكرا منى :)

    والسلام عليكم

  39. منى 1 August 2011

    هلا ياسمين :)
    يا ستي رغودة بتحط صورها بالبومها الي على الفيس بوك , انت ما عندك ؟
    ما بعرف و الله ما انتبهت و قارنت , بس بكل الاحوال اخدت عشر من عشر لانك حفظانة الموقع تمام :grin
    و الله ياسمين انا بشتغل بالغرامات و على الميزان , ما بحس حالي عندي اريحية الشغل على النظر , بخاااف
    برافو عليك و الف الف صحة و عافية و هنا على كل النكهات و التغيرات و الابتكارات , بس كانو عم تنسي تاكلي عني :roll

    يا ستي ما بقدر حمل شي من اليوتيوب , انترنتي مو سريع كل هل الاد , ممكن تعلمينا وصفته :)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)