كاتو جلاس ( كاتو الأيس كريم )


         وصفة : منى                 2008/06/01                 66 تعليقات
كاتو جلاس ( كاتو  الأيس كريم )

·          تحضر الحشوة , يمزج الحليب مع الطحين و السكر ثم يوضع على نار متوسطة و يقلب الكل حتى تسمك الكريما و تغلي لمدة دقيقتان أو ثلاثة .

·          تضاف المارس و الزبدة و تحرك حتى تذوب و تمتزج مع الكريما ثم تترك حتى تبرد تماماً .

·          تخفق الكريما البودرة مع الحليب البارد جداً حتى تنتفخ و تسمك و نحصل على الكريما الشانتييه  .

·          نأخذ ثلاث ملاعق كبيرة من الكريما البيضاء و تترك جانباً للتزيين ثم تضاف باقي الكريما الشانتييه بالتدريج لكريما المارس ملعقة ملعقة مع التحريك بعد كل إضافة حتى انتهاء كل المقدار , أصبحت الحشوة جاهزة .

·          يغلف قالب على شكل قبة بورق نايلون ثم تغمس أول حبة من أصابع الليدي فنجرز بالحليب ثم تصف أول طبقة على القالب المغلف .

·          تمد طبقة من الحشوة فوق البسكويت حتى تغطيه تماماً .

·          تكرر العملية حتى انتهاء كل المقادير مع ضرورة أن تكون أخر طبقة من البسكويت , ثم يوضع طبق صغير على البسكويت و يرص بلطف للتخلص من الفجوات بين طبقات الكاتو .

·          يوضع القالب في الفريزر لمدة 12 ساعة على الاقل و يفضل اعداده قبل بيوم من وقت التقديم .

·          قبل بنصف ساعة من موعد التقديم يقلب القالب في طبق التقديم و ينزع ورق النايلون عنه ثم يدهن بالكريما البيضاء التي تركناها جانباً و يرش بالكاكاو أو بالشوكولا المبشورة و يقدم .

 

 




علبة من بسكويت الليدي فنجرز ( أو يمكنك اعداد هذه الوصفة )
حليب لتغميس البسكويت حسب الحاجة

حشوة الأيس كريم :

كوب و نصف حليب
4 قطعة من شوكولا مارس من الحجم الصغير
2 ملعقة كبيرة سكر
3 ملعقة كبيرة طحين
ملعقة كبيرة زبدة
علبة كريما خفق ( متل دريم ويب و انيا و غيره )
ثلاث أرباع كوب حليب بارد جداً لخفق الكريما

للتزيين :

كاكاو بودرة أو شوكولا مبشورة





• تحضر الحشوة , يمزج الحليب مع الطحين و السكر ثم يوضع على نار متوسطة و يقلب الكل حتى تسمك الكريما و تغلي لمدة دقيقتان أو ثلاثة .

• تضاف المارس و الزبدة و تحرك حتى تذوب و تمتزج مع الكريما ثم تترك حتى تبرد تماماً .

• تخفق الكريما البودرة مع الحليب البارد جداً حتى تنتفخ و تسمك و نحصل على الكريما الشانتييه .

• نأخذ ثلاث ملاعق كبيرة من الكريما البيضاء و تترك جانباً للتزيين ثم تضاف باقي الكريما الشانتييه بالتدريج لكريما المارس ملعقة ملعقة مع التحريك بعد كل إضافة حتى انتهاء كل المقدار , أصبحت الحشوة جاهزة .

• يغلف قالب على شكل قبة بورق نايلون ثم تغمس أول حبة من أصابع الليدي فنجرز بالحليب ثم تصف أول طبقة على القالب المغلف .

• تمد طبقة من الحشوة فوق البسكويت حتى تغطيه تماماً .

• تكرر العملية حتى انتهاء كل المقادير مع ضرورة أن تكون أخر طبقة من البسكويت , ثم يوضع طبق صغير على البسكويت و يرص بلطف للتخلص من الفجوات بين طبقات الكاتو .

• يوضع القالب في الفريزر لمدة 12 ساعة على الاقل و يفضل اعداده قبل بيوم من وقت التقديم .

• قبل بنصف ساعة من موعد التقديم يقلب القالب في طبق التقديم و ينزع ورق النايلون عنه ثم يدهن بالكريما البيضاء التي تركناها جانباً و يرش بالكاكاو أو بالشوكولا المبشورة و يقدم .





  • وصفات تانية ممكن تعجبك


التعليقات

  1. غيث 1 June 2008

    تسلم ايديك اخت منى وانشاء الله رح جربها هاليومين بتعرفي يوم الجمعة عملت مائدة مفتوحة عندي بالبيت بمناسبة عيد ميلادي وكان فيها عدة اكلات من مطبخكم اضافة لاكلات تانية طبعا ومن اكلاتكم عملت سلطة المعكرونة طلعت بتجنن و فطيرة الخضار (فطيرة سيما اختك)و كرات بطاطا المحشية و سمبوسك باللحمة وكلهم نجحو الله يعطيكم العافية .بدي اقلك الفطيرة عملتها انا على شكل حلو يدعى البقجة بحلب اي انني عملت كل قطعة لوحدها بالبف كتير طيبة طلعت بس بدي اسالك البطاطا طلعت طيبة كتير بس بعضها لزق بمصفاة القلاية لما قليتها ولما سكبتها انخرب شوي شكلها بس طعمتها طيبة وحبها زوجي كتير عموما سوري للاطالة عليكم وشكرا لكم جزيلا
    صحيح هلق قايمة اعمل لهم بوظة بالزبادي على طريقتك ورح جربها بالموز وقسم منها بالدراق ورح خبرك النتائج انشاء الله

    9

  2. منى 2 June 2008

    هلا أخت غيث :)
    هنا يا رب على كل لقمة نزلت ببطونكم , ان شاء الله عوافي يا حق ..

    فكرة الفطيرة هيك كتيرررر حلو و فكرة جديدة , ان شاء الله ببقى بجربها مرة تانية

    كرات البطاطا يا ترى انت قليتيهم بزيت قليل , بتعرفي انا جربتهم بعزيمتي و صارت حديث الطاولة متل ما بيقولوا و انقلوا معي عادي و لا اتخربت منهم واحدة , اتوقع انك زودري الحليب بالبطاطا لحتى صارت معك طرية , انا لما جربتها ما حطيت حليب ابداً ;)

    ان شاء الله رح تحبي الايس كريم , لان كتير صار جربوها و عجبتهم , سهلة و خفيفة ..

    لا تنسي تجربي هل الوصفة , رح تحبيهاااااااا كتير اذا الله راد :zzz

  3. بدور 2 June 2008

    يا سلاااااااااااااااام :eek
    شكلو مغري كتير كتير و لازم جربو بأسرع وئت نشالله :p

    يسلمو هالايدين الناعمين على هالوصفة الحلوة كتير..
    عنجد يا منى الشطورة انت مافي متلك و كتير ئليل ألائي شخص بلطفك و شطارتك و افكارك العظيمة الله لا يضيعلك تعب يا رب :zzz

  4. غيث 2 June 2008

    والله يا اخت منى انا حطيت ماء للبطاطا ولم استعمل الحليب واستعملت نشاء الذرة مع ذلك بيجوز كترت الماء معي معقول عموما كانت طعمتها طيبة كتير ورح اعيدها انشاء الله اما عن الايسكريم كتير طيبة فعلا وخفيفة انا عملتها بالموز كانت رائعة و عملت كمان من اكلاتك يا فنانة الهيطلية كمان نجحت لسع حاطة قائمةمن اكلاتكم بالدور لحتى اجربها كلها ورح احكيلك شو بيصير معي ان شاء الله

  5. منى 2 June 2008

    هنااا و عوافي على كل شي جربتيه أخت غيث :)

    هيك شجعتي جرب البوظة على موز , الصراحة ناوية جربها بكل انواع الفواكة :zzz

    و انا بانتظار رايك حبيبتي بباقي الليستة ;)

  6. منى 2 June 2008

    هلا بدورة :)

    ان شاء الله اذا جربتيه ما بتندمي ابدا , و اذا بتحبي فيك تشتري الليدي فنجرز جاهز من عند my bakery للتسهيل

    الله يخليلي ياكي بدورة , خجلتيني يا عسل 8)

  7. بدور 3 June 2008

    مين هاد my bakery ؟ ما عرفتو؟ :?

    والله يا ريت بتكوني سهلتي علي كتير كتير..

    و شكرا عالتشجيع و المساعدة ميمو الأمورة ;)

  8. ام نور 3 June 2008

    كاتو بيشهي فعلا سلم دياتك يا منى وما يحرمنا هالوصفات الحلوة بس شكلو بيشبه شارلوت مهاك بس عطريقتك اكيد :)

  9. منى 3 June 2008

    هلا بدورة :)

    هادا بجنب باتشي و خضير الي بالموكامبو , ما بيضيع ابدا حطي باتشي بظهرك و خضير على يسارك و خطوتين بتكوني صرتي عنده

    من عيوني اي خدمة او سؤال

  10. منى 3 June 2008

    هلا احلى ام نور :)

    تمام كتير بيشبه الشارلوت , بس مع البوظة .. جربيه ام نور و رح تدعليلي ;)

  11. سمسمة 4 June 2008

    الله يسلم هالأيدين يأأحلى منى
    بقدر استعمل بدل الدريم ويب كريمة خفق( وبينغ كريم)

  12. منى 4 June 2008

    هلا سمسمة :)
    قصدك الكريما الفريش الي منخفقها مع السكر لحتى تعطينا الكريم شانتيه ؟

    اذا كان هيك اكيد فيك , و بتطلع اطيب كمان ;)

  13. ام محمد 7 June 2008

    كيفك يااغلى صديقةشو هل الاكلات الطيبةوشكرا لانو عطيتنااسم المحل على فكرة اهلي ساكنين قريب منه يعني اذارحتي للمحل لازم تتفضلي وتشربي فنجان قهوة وميت اهلا وسهلا :)

  14. منى 7 June 2008

    هلا ام محمد :) على راسي أهلك و حارتك كلها و الله ;)

    بتشرف حبيبتي , و اكيد بس ما تفضي رح كون معزومة عندك على فنجان قهوة

  15. Eman 25 July 2008

    وصفة مغرية ومشتهية جربها ،لكن خايفة ما تنجح معي ،لأ،ي جربت من قلب كاتو الاناناس وقدرة قادر وما ضبطوا معي ، كأن الحلو مخاصمني ومو راضي ينجح معي ، برأيك ممكن تنجح معي هالوصفة :? ؟

  16. منى 26 July 2008

    هلا أمولة :)

    هيك زعلتيبني و الله , غريب , يا ترى شو الي ما نجح لحتى حاول ساعدك

    هي الوصفة ان شاء الله مضمونة , و اذا البسكويت متوفرجربيها و على الغميضة ان شاء الله بتبيض وجهك

    أي سؤال من عيوني

  17. مريوم 4 March 2009

    سؤالي اليوم عن الكريمة, خصوصا كريمة شانتيه، لمن اخفقها مع سكر بودرة و بتثخن و احطها بالبراد حتى تبرد الاحظ عند الاستعمال سرعان ما تذوب او مثلا اذا اردت التزيين فيها لا تثبت على الشكل الذي رستمه.
    فما هي المشكلة.
    (للتوضيح: انا استعمل الكريمة السائلة التي تحتاج الى سكر ناعم و اخفقها لمدة دقيقتان )
    شكرا جزيلا خالتو منى. 8)

  18. منى 9 March 2009

    هلا مريومة :)
    أتوقع ان المشكلة عندك بفترة الخفق , لحتى نحضر الكريما الشانتيه لكل علبة كريما سائلة بوزن 200 غ بدنا ملعقة سكر بودرة بتحطيهم كلهم بنفس الوعاء بالفريزر لمدة ربع ساعة بعدها بطالعيهم و بتخفقي , ممكن يكون في شوية تلج على أطراف الكريم , هادا هو المطلوب , و الوعاء لازم يكون مسقع , كمان هادا هو المطلوب .
    بتخفقيهم بعدها لحتى تبدى تصير كريما لمدة كم دقيقة لحتى تصير جامدة منيح .

    بس ما حصلتي عل الكثافة المطلوبة بتوقفي فورا و الا رح تتحول الكريما لزبدة ;)

    ان شاء الله تكون وضحت الفكرة و اسفة للتاخر بالرد

  19. zanalook 9 March 2009

    روووووووووووعة تسلم ايدك

    انا جربت الحشو وطلع لذيذ ورائع وفكرتى بقا انى وضعتة فى كاسات ورشيت علية مكسرات وجوز هند
    واحلى حاجة انة عجب ابنى عمر اصلة مش اى حاجة بتعجبة واللة فضلت ادعيلك لانى كنت مبسوطة بالنتيجة قوى

  20. مريوم 9 March 2009

    سلام عزيزتي. يعطيكي الف عافية و انشاءالله اجرب الكريما و اخبرك شو بصير معي. بس الملاحظة اللي عطيتيني ياها انا ما كنت اعمل فيها من الاول و الظاهر هيدا السبب. يعني ما كنت احطها بالثلاجة حتى تبرد و الظاهر هون لمشكلة
    انشاءالله تزبط ادعيلي.

  21. منى 16 March 2009

    هلا أختي zanalook :)
    مممم فكرة لذيذة كتير , ريتو الف هنا و على قلبك و قلب الأمير الصغنون , الله يبراك الك فيه و الف شكر الك للدعوات الغالية اختي

  22. منى 16 March 2009

    هلا مريومة :)
    ان شاء الله بتزبط معك و تصير متل ما بتحبي , لا تنسي تخبريني اختي

  23. رنا 13 May 2009

    ياستي ساويته وطلع رائع بالفعل وكان الي بقلبه ايس كريم عن جد يسلموا ايديكي بس الغلط الي غلطته انه لما كنت عم ساويه اتصل فيني زوجي وطلب مني البس بسرعة لانه رح يجي ياخدني بعد نص ساعة وهو انا انعبطت العبطة العجيبة ونسيت اخلي ملعقتين كريما بيضا وخلطتها كلها مع الشوكولا قام النتيجة اني اضطريت زينه من برا بكريما الي حشيت فيها من جوا قصدي مزيج الكريمتين :grin يعني طلع سوداني قالبي مو ابيض :grin وهي صورته
    [img]http://up3.m5zn.com/photo/2009/5/13/09/9g1ad6upw.jpg/jpg[/img]

  24. منى 13 May 2009

    مممممم

    ممممممممم , يممي شو بيشهي

    شو هل الكاتو , يا هيك الغلطات يا بلا طالع حلو كتير و الشوكولا مغطيته كأنها دعوة للغطس فيها , ياااا سلام شي ناهي و غير شكل و الله :zzz

    سلم دياتك و ريتو الف الف عافية و صحة :)

  25. رنا 13 May 2009

    الله يسلمك بس على فكرة اكلت عنك كتيييييييير :zzz

  26. منى 17 May 2009

    عن جد :)

    و انا عم قول لحالي ليه ما قدرت اتعشى بنهاراتها :grin

  27. DOUHA 1 July 2009

    جربتووو من ساعة صار بالفريزر بس بيجننننننننن بكرةبخبرك النتيجة :zzz :zzz

  28. منى 2 July 2009

    مممم , يا ريت لو تبعتيلي مسج بنص القالب ما بقول لأ :grin

  29. منى 3 September 2009

    ريتو ان شاء الله الف صحة و هنا لارا , بتعرفي في كتير انواع كيك او حلويات بحضرها لضيوفي مرة واحدة , بس هل النوع لازم حضره كل ما اجى لعندي ضيوف و دايما بتكون النتيجة , ووواو . انا كتير مبسوطة انك جربتيه , و هي خلينا القالبين مع بعض , عن اذنكم نخليهم يتعارفوا براحتهم :grin

  30. لارا مينا 3 September 2009

    حبيت أرسل صورة الجاتوه تبعي علشان مايظل الجاتوه تبع رنا وحيد :grin ويونسوا بعض ويتسلوا في أوقات الفراغ.

    [img]http://up4.m5zn.com/9bjndthcm6y53q1w0kvpz47xgs82rf/2009/9/2/01/rr2mw7dfc.jpg[/img]

    ألف شكر أخت منى ونصيحة لاتفوتوا هذا القالب :p

  31. سارونات 6 September 2009

    السلام عليكم و رحمة الله و بركاته

    اولا مبروك للي ساوو الوصفة و نجحت معهم و الصور بتجنن ما شاء الله
    ان شاء الله بدي جرب هالوصفة لهيك عندي سؤالين
    اولا كم حجم علبة اللايدي فنجرز او كم حبة فيها لان الانواع تختلف

    كمان بعد ما نقصها كيف فينا نرجع نحتفظ فيها بالمجمد يعني منغطيها او لا

    بالتوفيق
    سلام

  32. سارونات 6 September 2009

    كمان شي قديش وزن علبة الكريما هل هو اربعين او ستين

    بالتوفيق
    سلام

  33. منى 6 September 2009

    تقريبا فيها 40 حبة و على كل انتي فيكي تتحكمي بالكمية حسب ما تخلص عندك الكريما , بس ما زاد , اذا زاد يعني . بتغطيها و ترجعيها للفريزر , اما سؤال الكريما ما فهمته , هيا علبة بودر بقى شو فصدك ؟

  34. سارونات 6 September 2009

    السلام عليكم و رحمة الله و بركاته

    يخليلي ياكي اختي منى انا قصدي اني ما راح استعمل لا دانيا و لا دريم ويب لهيك بدي اعرف كم غرام فيها العلبة اللي منستعملها

    بالتوفيق
    سلام

  35. سارونات 7 September 2009

    السلام عليكم و رحمة الله و بركاته

    انا ناطرتك اختي منى و المكونات عندي جاهزة بس بدي اعرف كم غرام في علبة الكريما و هل طبق زجاجي راح ينكسر او لا لان عندي بس طبق زجاجي بالحجم اللي بالصورة اذا فيكي تخبريني قديش قطر القالب المستعمل بكون كتير شاكرة

    بالتوفيق
    سلام

  36. لارا مينا 8 September 2009

    مساء الخير أخت سارونات ..أنا رح أجاوبك بما إني عملت الوصفة ولحد ماتفضى الأخت منى وتجاوبك وطبعا من بعد إذنها أكيد … بالنسبة للطبق الزجاجي الي نعمل فيه الوصفة ممكن تستخدمي أي طبق دائري عميق وكله رح يزبط لا تخافي زي إلي نعجن فيه أو نخفق فيه تقريبا قطره 30 سم _ السكويت تقريبا استخدمت 45 قطعة بس أنا عملت البسكويت حسب طريقة منى وكان تحفة .. والكريمة أضفتها كلها للقالب لأن مارح يأثر لو كانت كميتها زيادة شوي عن عدد القطع لا تخافي وخليكي شجاعة _ والكريمة أنا ماستخدمت البودرة استخدمت الطازجة يلي بتنخفق على طول من دون حليب لذا ماستخدمت 3/4 كوب الحليب البارد المكتوب في الوصفة بس أضفت لها تقريبا 3 ملاعق كبيرة سكر بودرة لأنها مافيها سكر أصلا مثل دريم ويب _ ووزن العلبة 400 غم بالزبط .
    وزي ماقالت منى بعض الحلويات حلوة بس نسويها مرة وحدة بس وما بنعود نكررها ليه ماأدري , أما هذا الجاتوه مستحييييييييييل مانعمله على طول سواء عندنا مناسبة أو من دون مناسبة,, جربيه ونبغى نشوف صورة الجاتوه تبعك علشان نعمل شبكة تعارف للجاتوه جلاس في الشرق الأوسط :grin

  37. لارا مينا 8 September 2009

    وعلى فكرة نسيت حاجتين …أنا لما حطيت شوي كريما بيضاء على جنب لنغطيهاحطيت تقريبا 4 ملاعق كبار ومليانة لأن حبيت تكون الكريمة على الوجه أكثر من يلي في الصورة_ أما القالب إذا بقى منه شيئ غطيته بوعاء معدني أو بلاستيكي من الأنواع الخفيفة وحجمهم نفس القالب الزجاجي إلي عملت فيه الوصفة طبعا تغطيه وهو على شكله قبة يعني,, وممكن تغطيه بالطبق الزجاجي إلي عملتي فيه كمان بس ممكن يكون ثقيل شوي لما ترفعيه وخذي كل وقت منه على قد حاجتك ورجعي الباقي في الفريزر.

  38. لارا مينا 8 September 2009

    عفوا وزن الكريمة السائلة 400 مل وليس غم لخبطت شوي .

  39. منى 9 September 2009

    كفيتي و وفيتي لارا , انا رح نزل صورة القالب الجديد الي عملته بمناسبة عزيمة السحور عندي في رمضان و نخليهم يحكوا براحتهم :grin

  40. منى 15 September 2009

    و هي كاتو الجلاس النجمة احتفالا برمضان :)

    [img]http://farm3.static.flickr.com/2578/3921778843_ec54d39cdd.jpg[/img]

  41. سارونات 15 September 2009

    السلام عليكم و رحمة الله و بركاته

    يخليلي ياكي لاروووش انا بس هلأ قريت الرد لان النت عندي كان مقطوع و شو فرحت بردك لان بعرف ان منووش كتير مشغولة و ان شاء الله راح جرب الوصفة قريبا و نعمل حفلة تعارف للكاتويات

    منووش شو هالابداع بسم الله ما شاء الله طالع شكل القالب بيجنن

    يخليلي ياكي الحقيني اذا فيكي على وصفة داجا محشي شرقي ضرووووووووووري

    بالتوفيق
    سلام

  42. سارونات 5 October 2009

    السلام عليكم و رحمة الله و بركاته

    منوووش ساويت الوصفة و هي هلأ بالثلاجة و كل شي كان تمام و انا ساويتها كلها على شوكولا يعني ما خليت كريما بيضاء و انما خليت ثلاثة ملاعق من الكريما اللي عملتها متل ما عملت اختي رنا مشان حطها عند التقديم بس يا فرحة ما تمت لو تشوفي التعبير على وجهي لما اكتشفت اني ما حطيت نايلون :eek بقى هلأ بعد ما يجمد راح قطعو لقطع و حط الكريما فوقه لان ما فيني اقلبه :cry بس في فكرة شفتها بالتلفزيون يمكن جربها و هي اني بلل فوطة بمية سخنة و اعضرها و بعدين غطي فيها الاناء مشان يدوب شوي من الجوانب و هيك راح يصير فيني اقلبه الله يستر

    راح خبرك بالنتيجة

    بالتوفيق
    سلام

  43. منى 6 October 2009

    يييي يلا معلش خيرها بغيرها ان شاء الله هلا ان شاء الله تطلع الطعمة تمام و على زووءك

    بانتظار النتيجة :)

  44. سارونات 6 October 2009

    السلام عليكم و رحمة الله و بركاته

    لساتني مطالعتو من الفريزر و ما قدرت اقلبو لهيك راح قطعو لقطع و كل واحد اله قطعة و طلع كتير طيب و مختلف انا على فكرة حطيت بس نص ملعقة زبدة و عم فكر قلل اكتر بالمرة الجاية و يمكن ما حط زبدة كمان يمكن قلل كمية الكريم شانتييه لان بدي ياه يكلع اخف هو طلع طيب و طلع لا ثقيل و لا خفيف يعني وسط بس مع هيك بدي خففو اكتر

    جازاك الله خيرا منوووش على هالوصفة و ان شاء الله بالمستقبل ارجع جربها و ما انسى النايلون مشان اقلبها :zzz

    بالتوفيق

    سلام

  45. dentamaniac 13 October 2009

    منى يا منى
    عملتو و طلع تححححححححححححححححفه
    تسلم ايديكي يا رب و الله يجزيكي كل الخير
    طعمه مختلف و لذيييييييييذ عن الوصفات المعتاده بالليدي فنجر و انا لقيته كتير اخف من الوصفات اللي كلها قشطه و جبنه كريمي وووو

    عن جد كتييير طيب
    يسلموا دياتك

  46. منى 16 October 2009

    هنا و الف عافية يا احلى سوسنة :) كتير انبسطت انه عجبك , انا هل القالب بالذات من الوصفات المفضلة عندي ;)

    اكلتي عني كم لقمة و الا لاااا :roll

    هنا و مية صحة على البك و الب كل مين دااقه

  47. roroo51 23 February 2010

    كتير كتير بتشهي هي الوصفة و فعلا مبين انها طيبة بس كنت بدي اسأل انو اذا في شي تاني ممكن استخدمو عوضا عن اليدي فنجرز لانو انا عايشة بألمانيا و لا مرة شفت هيك شي عنا هون.
    فهل في اي بسكويت تاني عادي ممكن استخدامو علما اني جديدة بالطبخ و النفخ و يمكن كتير يكون صعب علي اساوي الليدي فنجرز لحالي مع اني كتير جربت وصفات و كتير نجحو و يسلمو ايديكي على هالموقع و اكتر الشي عجبني انو حلبي لانو انا حلبية.
    شكرا

    • رانو 1 July 2013

      يسلم هالايدين ست منى بس اذا مالقيت بسكويت الليدي فنجر …بشو بقدر ابدله

      • منى 2 July 2013

        هلا رانو , فيك تستبدليه بشرايح كيك ابيض سادة , تقطعيها رقيق و تسقيها بشوية حليب محلى بسكر خفيف

        ايا سؤال تاني من عيوني

  48. منى 24 February 2010

    ان شاء الله اذا جربتيه بيعجبك كتير , و اذا مو متوفر الليدي فنجرز ممكن تجربي الوصفة بكيك عادي سادة تقسميه شرايح ;)

    الف صحة و هنا على كل شي جربتيه , و نور الموقع باحلى حلبية ;)

  49. إسراء 16 January 2011

    وليييييي شو طيب بجنن اهلي كتير حبوه وانا عملتوا ببسكويت اللدي فنجرز الفاشل اللي انا عملتو ههههههه بس مومشكلة لما يصير عندي خفاقة رح ارجع جرب اعمل البسكويت وان شا الله بنجح معي …. المهم الكاتو طلع طيب كتير وصورتو بس كيف بدي ابعتلك الصورة ست منى ؟ عندي صور كتيرة لاكلات مجربتا من الموقع بس مابعرف كيف بدي ابعتلك ياهون ؟

  50. لينا74 15 April 2011

    مرحبا منى انا ما عرفت شو هوهالبسكويت لانو بتعرفي انا مو عايشة بحلب وصورته مو واضحة لو سمحتي تفرجيني ياه او تشرحيلي شلون شكله حابه كتير جربه ولكي جزيل الشكر

  51. منى 16 April 2011

    صحتين و الف الف عافية اسراء:)
    لا تقولي فاشل عن شي انت عملتيه بايدك ابدا , ما دام تعبتي فيه و قدمتيه بحب فهو اطيب من ايا شي تاني :zzz

    الصور فيك تحمليها على جروب لقمة طيبة في الفيس بوك ;)

  52. منى 16 April 2011

    هلا لينا :)
    حبيبتي الوصفة بتلاقيها على هل الرابط http://www.l2ma.com/content/view/233/2/
    بتشوفي الصورة لحتى تقدري تشتريه او حتى ممكن تحضريه على ايدك :)

    اتوقع اسمه بالفرنسي biscuit au cuillère , هيك على ما اذكر

    ايا سؤال تاني من عيوني:)

  53. ريم ز 10 May 2011

    كتير طيب يسلموا ايديك
    جربتوا مبارح وطلع بيجنن يسلموا يسلموا يسلموا

  54. ريم ز 10 May 2011

    كيفك ست منى
    مشان الصديقة roroo51
    كانت عم تسأل مشان بسكويت ليديز فينجر
    هون بألمانيا اسمو lضffelbescuits
    وبتلاقي بأي محل متل lidl او kaufland

  55. ريم ز 10 May 2011

    lضffelbescuits

  56. nourm 24 June 2011

    مرحبا ست منى يسلمو أيديكي عالهلاكلات الطيبة
    الله بجزيكي الخير
    عندي سؤال من فضلك
    فيني ساوي الكاتو كلاس قبل بويمين؟؟

  57. منى 25 June 2011

    هلا ريم :)
    شكرا حبيبتي كتير للمساعدة و ان شاء الله بتكون لقتهم ;)

  58. منى 25 June 2011

    هلا نور :)
    اي اكيد فيك , بتحطيه بالفريزر لوقت اللزوم و بعغدها بتطالعه قبل شي نص ساعة و بتجهزيه و تقدميه ;)

  59. roroo51 25 June 2011

    شكرا كتير ريم . اخيرا لاقيتهم من فترة :grin

    يسلمو ايديكي و الله يجزيكي كل خير :)

  60. منى 26 June 2011

    :)

  61. رانو 7 July 2013

    مرحبا ست منى يسلم ايديكي على كلشي …انا طبعا من المتابعين بشكل دائم هون وعالفيس وبشارك بالكروب …بس عندي سؤال الليدي فنجر ماعرفت الاقيه…بشو ممكن استبدله …او اذا في وصفة اقدر اساويه

    • منى 9 July 2013

      هلا رانو , الله يسلمك يا قمر منورة
      ممكن تستبدليه بشرايح كاتو عادي سادة , و اذا حابة تحضيره بنفسك هي وصفتي :)

      http://l2ma.com/?p=727

      ايا سؤال تاني من عيوني

  62. رانو 10 July 2013

    يسلم هالايدين مدام منى …انا كنت مفكرة انه بسكويت ..بس طلع متل الكيك تقريبا..عكل حال تسلم ايديكي …ان شاء الله بجربه معمشان الكاتو كلاس

    • rawad 13 August 2013

      تسلم ايديكي ست مني، حبيت اسال عن المارس حاكم في عدة مقاسات ،كم غرام الي استعملتيها لو سمحتي؟

      وشكرا

تقييم الوصفة
عاديةقد أحضرهاجيدةممتازةأكثر من رائعة (2 votes, average: 1.00 out of 5)