كاتو شرائح الاناناس


         وصفة : منى                 2009/08/25                 18 تعليقات
كاتو شرائح الاناناس

الطبقة الاولى:

·         نضع السكر والزبدة مع بعضهم في صينية الكاتو (وانا استعملت صينية تيفال قطرها 22)ونحرك على نار متوسطة حتى يصبح لون السكر مائل للاحمر ويذوب السكر نهائيا .

·         نفتح علبة الاناناس ونصف شرائح الاناناس فوق خليط السكر والزبدة حتى يغطي قاع الصينية ومع الاحتفاظ بماء عصير الاناناس .

·         نترك الصينية جانبا لحين تحضير الكاتو

.تحضير الكاتو:

·         يحمى الفرن على درجة 180درجة , ينخل الطحين والبيكينغ باودر .

·         يخفق البيض والفانيليا لمدة 10 دقائق حتى يتضاعف حجمه

·         نضع السكر و نستمر بالخفق حتى يذوب السكر

·         نضع الماء الفاتر او يمكن استعمال نصف كأس من ماء الاناناس .

·         نضع الطحين المنخول بالتدريج مع تخفيف سرعة الخفاقة حتى يتجانس الخليط

·         نصب خليط الكاتو فوق الاناناس والكراميل.

·         نضع الصينية في الفرن المحمى على الرف المتوسط لمدة 50 دقيقة او حتى ينضج

·         يخرج الكاتو من الفرن بعد نضجه ويسقى بماء الاناناس

·         يترك الكاتو حتى يبرد جيدا لمدة ثلاث ساعات او اكثر(كل مابرد اطيب) ثم يقلب ويقدم وبالصحة والهنا .     






الطبقة الاولى :

ثلاث ارباع كوب سكر
100غ زبدة
علبة اناناس بوزن 450 غ(9 شرائح اناناس)

الكاتو:

6 بيض
كأس وربع طحين
نصف كأس سكرناعم
نصف كأس ماء
ملعقة فانيليا
ملعقة كبيرة بيكينغ باودر





الطبقة الاولى:

• نضع السكر والزبدة مع بعضهم في صينية الكاتو (وانا استعملت صينية تيفال قطرها 22)ونحرك على نار متوسطة حتى يصبح لون السكر مائل للاحمر ويذوب السكر نهائيا .

• نفتح علبة الاناناس ونصف شرائح الاناناس فوق خليط السكر والزبدة حتى يغطي قاع الصينية ومع الاحتفاظ بماء عصير الاناناس .




• نترك الصينية جانبا لحين تحضير الكاتو


.تحضير الكاتو:


• يحمى الفرن على درجة 180درجة , ينخل الطحين والبيكينغ باودر .

• يخفق البيض والفانيليا لمدة 10 دقائق حتى يتضاعف حجمه

• نضع السكر و نستمر بالخفق حتى يذوب السكر

• نضع الماء الفاتر او يمكن استعمال نصف كأس من ماء الاناناس .

• نضع الطحين المنخول بالتدريج مع تخفيف سرعة الخفاقة حتى يتجانس الخليط

• نصب خليط الكاتو فوق الاناناس والكراميل.

• نضع الصينية في الفرن المحمى على الرف المتوسط لمدة 50 دقيقة او حتى ينضج

• يخرج الكاتو من الفرن بعد نضجه ويسقى بماء الاناناس

• يترك الكاتو حتى يبرد جيدا لمدة ثلاث ساعات او اكثر(كل مابرد اطيب) ثم يقلب ويقدم وبالصحة والهنا .
  • وصفات تانية ممكن تعجبك


التعليقات

  1. منى 25 August 2009

    الله يعطيكي الف عافية رنونة , اي شو هل الكاتويات , كل واحد بيقول للتاني زيح لااقعد محلك :zzz

    كتير الوصفة سهلة و شكلها حلو :)

  2. ام نور 26 August 2009

    يمممممممممم سبحان الله مرة اكلت هيك كاتو عند اخت جزائرية بس حاطة تفاح محل الاناناس بس شو كان طيب واستغربت كيف قلبت القالب والتفاح ولا مهروس محافظ عاشكلو بس خجلت اسالا كيف عاملة هالكاتو وهلىء عرفت كيف انشالله رج جربو

  3. ام نور 26 August 2009

    حبابة رنا عندي استفسار لو سمحت لما تشيلي القالب من الفرن مباشرة بتسقي بعصير الاناناس هو وساخن يعني ما بتستني شوي لا يفتر :? ولما تحطي العصير ما بيتشتش :?

  4. رنا 28 August 2009

    عزيزتي ام نور …اسفة على التاخر بالرد بس والله بنتي الصغيرة كانت مريضة وكنت بالمشفى 3 ايام …واليوم طلعت

    ياستي بتحطي ماء الاناناس والكاتو سخن هلأ هو مارح يتشتش بالعكس رح تعطيه طراوة رائعة وهي ماء الاناناس مابتطلع كتير حوالي نص كوب يمكن ياريت تجربيه وتخبريني
    وبدي قلك كمان هلأ الزبدة فيكي تقلليها انا احيانا بستعمل 100 غ والنتيجة دائما رائعة :p

    بس لاتنسي بعد ماتسقيه تستنيه ليبرد تمااااما يعني مابتقلبيه لوقت التقديم خليه بالبراد

    ومنى خانم الله يخليلنا ياكي شو منطلع قدام شطارتك …واحد بالمليوووون
    :grin

  5. رنا 28 August 2009

    بس بدي قلكن ياجماعة يلي بده يجرب هالكاتو وقت نخلص من عمل الكراميل ياريت تصفوا الانانا بدون ماتحركوا الصينية من محلها يعني خلوها عالفرن وهو مطفي لانه انا مسكتها لبعدها عن الغاز قام تزحلطت الصينية ووقعت عالارض وللاسف انحرقت ايدي بالسكر والله يبعد عنكم كل شر لانه حرق السكر كتير مؤلم وصارلي عشرين يوم بقصة الحرق بقا ديروا بالكن ;)

  6. منى 28 August 2009

    عليكي العافية :sigh
    حرق السكر فظيع , اله يحمينا و يرحمنا من نار جهنم

  7. soma 6 September 2009

    أول شي يسلم اديكي على هالكاتو والله هديك اليوم جبت علبة أناناس و جاية عبالي جرب هالكاتو و هلق انشالله رح جربه بعد ما قريت الوصفة
    و تاني شي ألف سلامة عليكي و على بنوتك خير ليش كانت بالمشفى ما على قلبكم شر انشالله

  8. رنا 8 September 2009

    سألت عليكي العافية اختي …انا كنت بالمشفى من اكلة فول…بنتي عمرها شهر ونص تقريبا ونزل معدل خضاب الدم عندها فجأة للنص تقريبا والسبب متل ماقالوا الدكتور انه طلع دمها بيتكسر من شي اسمه فول …والله لا يورجيكي تلات ايام بالمشفى تحاليل وااخد دم…بالاخير عطوها شوية دم ومشي حالها الحمد لله
    وبالنسبة للكاتو بنصحك نصيحة تجربيه عن جد كتييييير سهل بس ديري بالك من السكر مشان ماتحرقي ايدك متلي …وكمان شغلة استعملي صينية تيفال واسقيه بالماء وهو ساخن وماتقلبيه ليبرد تماااااااااما واخيرا خبريني بالنتائج
    سلامات ;)

  9. رنا 9 September 2009

    عادي منى كلنا مشغولين بالصيام ..ياستي سألت عليكي العافية زينة تمام وصحتها كتير كويسة الحمد لله المهم اني ضل بعيدة عن الفول …وهي لازم ماتدوقه طول عمرها …بتعرفي زعلت عليها الفول طيب :grin

  10. منى 9 September 2009

    ايه البنت اكابر بطبيعة جيناتها , انتي على شو زعلانة :grin

    الحمد الله ان هي هي القصة و بس , يلا معافاية يا رب و ان شاء الله لا بقى تنعاد ;)

  11. منى 9 September 2009

    رنونة ما انتبهت انك كنتي في المستشفى :roll

    ولي على البي , سلامة القطة الحلوة , ان شاء الله تكون هلا تمام و هل الشغلة مرت على خير , الله يحميها و يخليها و الله يبعد عنا المستشفى و دخلتو .

    سلامات و بوسات كتيرة و كبيرة الك و لبنوتك

  12. gsm 9 October 2009

    السلام عليكم إخت رنا بالأول بدي اتشكرك على ها الوصفات ما شاء الله ولا محل جاتويات محترف يا ستي انا اليوم جربت هل الجاتو مع إنو بتذكر ماما كانت تعملنا ياه المهم اخدت الوصفة وإتبعتها بحذافيرا عن جد كتيير طلع شكلها حلو ومغري جدا واكيد طعمتها واااااااااااو روعة يسلموا غيديك يا رب وتبقى على طول أتحفينا بهيك أكلات طيبة مت تحت دياتك الحلوين

  13. gsm 10 October 2009

    من شان الله ما تواخذيني هلق كنت عم اقراء التعليقات انتبهت انو بنوتك كانت تعبانة ان شاء الله معافاية وما على قلبها شر وانتي كمان سلالالالالالالالالامات والله ما في اصعب من حرق السكر بزمانو انحرقت بالسكر وضل الحرق معلم تقريبا سنة بقى عليك العافية انتي وبنوتك الحلوة بوسيلي ياها امانة :)

  14. رنا 30 October 2009

    الله يسلمك اختي وشكرا لتجربتك وصحتين وعوافي ;)

  15. tala.87 18 May 2010

    السلام عليكم :اول شي بهنيكم عهالموقع وبتشكر جهود الكل.القصة انو انا اشتهيت اعمل هالكاتو وفتحت النت لدور عالوصفة وشفت هالموقع اللذييييييييييذ
    وحبيت كون منكم وفيكم وحبيت تكون مشاركتي بهالموضوع لاني بحب الحلو كتييير .شكله هالكاتو كتير طيب تسلم ايديك مدام رنا رح جربه قريبا ان شا الله .ودمتم سالمين

  16. tala.87 18 May 2010

    بس صحي عندي سؤال السكر والزبدة بيطلعو طيبين مع بعض؟مو ممكن يطلع دسم هيك ؟ :x

  17. منى 18 May 2010

    مية هلا فيك نورتينا و شرفتينا اختي :)

    اتمنى ان تعجبك الوصفة و تكون على زووءك و هلا ان شاء الله رنا تشوف سؤالك و ترد ;)

  18. حمودي 3 January 2011

    والله عن جد مابعرف كيف اشكرك انتي والشيف منى ع ها الوصفه الي تطير العقل طلعت حلوه كتيررررررررررر
    …………….
    وكمان الكيك صار اسفنجي وبوقت قليل وبمقادير قليله وبدون تعب
    …………….
    انا ما عملت 100غ زبده تقربياً عملت 1 ونصف ملعقه كبيره وكمان عملت 5 بيض
    …………….
    بس ياترى ضروري يصير الكراميل جامد او متصلب عندما يكون في الصحن ؟
    ………….
    وثاني مره شكر والف شكر
    مع خالص تحياااااااااااااااتي
    Ahmed

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)