كاتو شوكولا لذيذ و سهل بثلاث خطوات


         وصفة : منى                 2007/11/15                 96 تعليقات
كاتو شوكولا لذيذ و سهل بثلاث خطوات

·          يحمى الفرن على درجة حرارة 160 درجة مئوية , يدهن القالب بالزبدة بشكل جيد ثم يغلف قاعه و جوانبه بورق الزبدة .

·          لتعير السكر البني , يوضع القليل من السكر في الكوب و يضغط عليه السكر ثم يضاف المزيد من السكر ويضغط حتى يصبح السكر بعيار كوب ثم تكرر العملية لعيار الثلث الباقي من كمية السكر .

·          الخطوة الأولى : يوضع السكر و الحليب و الزبدة في قدر كبير و ينخل فوقه الكاكاو و بيكربونات الصودا ثم يوضع على نار متوسطة و يقلب بمضرب سلك حتى يصبح ناعماً و يقلب من دون أن يترك ليغلي ثم يرفع عن النار و يترك جانباً لمدة خمس دقائق ليبرد .

·          الخطوة الثانية : ينخل الطحين و البيكنغ بودر و الكورن فلاور ثم يضاف نصف المزيج لمزيج الحليب و الكاكاو و يقلب بمضرب السلك , يضاف باقي مزيج الطحين و يقلب , أخيراً يضاف البيض و يقلب المزيج بلطف حتى يتجانس .

·          يصب مزيج الكاتو في الصينية المحضرة و تضرب الصينية بضع ضربات خفيفة كي تخرج فقاعات الهواء من المزيج ثم يخبز في الفرن لمدة 45 – 50 دقيقة أو حتى ينضج ثم يخرج من الفرن و يترك لمدة دقيقتين في القالب ثم يقلب على مشبك سلك و يترك حتى يبرد تماماً .

·          الخطوة الثالثة : تحضر الكريما , ينخل السكر و الكاكاو في وعاء متوسطة , يضاف الماء و الزبدة و يقلب الكل بملعقة خشبية حتى الحصول على كريما ناعمة و يضاف القليل من الماء إذا دعت الحاجة ثم تمد الكريما فوق الكاتو و تمسد بطرف السكين أو الملعقة و توضع في البراد لمدة ساعة أو حتى تجمد الكريما   

تنويعات و إضافات :

 ·          يمكن إضافة نصف كوب من المكسرات عند إضافة البيض .

·          للحصول على كاتو موكا يمكن إضافة ملعقة صغيرة و نصف من النسكافيه  و استبدال ربع كوب من الحليب بربع كوب من القهوة التركية المحضرة . 

 

 




كوب و ثلث سكر بني
ثلاث أرباع كوب حليب سائل
125 غرام زبدة
2 ملعقة كبيرة كاكاو بودرة
كوب + ملعقة كبيرة من طحين الحلويات الفاخر
2 ملعقة كبيرة دقيقة الذرة ( كورن فلاور )
ربع ملعقة صغيرة بيكربونات الصودا
ملعقة صغيرة بيكنغ بودر
3 بيض بدرجة حرارة الغرفة مخفوق قليلاً مع الفانيليا

الكريما :

كوب و ربع سكر بودرة
ملعقة صغيرة كاكاو بودرة
2 ملعقة صغيرة زبدة طرية بحرارة الغرفة
ملعقة كبيرة ماء أو حليب مغلي

زبدة لدهن القالب





• يحمى الفرن على درجة حرارة 160 درجة مئوية , يدهن القالب بالزبدة بشكل جيد ثم يغلف قاعه و جوانبه بورق الزبدة .

• لتعير السكر البني , يوضع القليل من السكر في الكوب و يضغط عليه السكر ثم يضاف المزيد من السكر ويضغط حتى يصبح السكر بعيار كوب ثم تكرر العملية لعيار الثلث الباقي من كمية السكر .

• الخطوة الأولى : يوضع السكر و الحليب و الزبدة في قدر كبير و ينخل فوقه الكاكاو و بيكربونات الصودا ثم يوضع على نار متوسطة و يقلب بمضرب سلك حتى يصبح ناعماً و يقلب من دون أن يترك ليغلي ثم يرفع عن النار و يترك جانباً لمدة خمس دقائق ليبرد .

• الخطوة الثانية : ينخل الطحين و البيكنغ بودر و الكورن فلاور ثم يضاف نصف المزيج لمزيج الحليب و الكاكاو و يقلب بمضرب السلك , يضاف باقي مزيج الطحين و يقلب , أخيراً يضاف البيض و يقلب المزيج بلطف حتى يتجانس .

• يصب مزيج الكاتو في الصينية المحضرة و تضرب الصينية بضع ضربات خفيفة كي تخرج فقاعات الهواء من المزيج ثم يخبز في الفرن لمدة 45 – 50 دقيقة أو حتى ينضج ثم يخرج من الفرن و يترك لمدة دقيقتين في القالب ثم يقلب على مشبك سلك و يترك حتى يبرد تماماً .

• الخطوة الثالثة : تحضر الكريما , ينخل السكر و الكاكاو في وعاء متوسطة , يضاف الماء و الزبدة و يقلب الكل بملعقة خشبية حتى الحصول على كريما ناعمة و يضاف القليل من الماء إذا دعت الحاجة ثم تمد الكريما فوق الكاتو و تمسد بطرف السكين أو الملعقة و توضع في البراد لمدة ساعة أو حتى تجمد الكريما



تنويعات و إضافات :

• يمكن إضافة نصف كوب من المكسرات عند إضافة البيض .

• للحصول على كاتو موكا يمكن إضافة ملعقة صغيرة و نصف من النسكافيه و استبدال ربع كوب من الحليب بربع كوب من القهوة التركية المحضرة .
  • وصفات تانية ممكن تعجبك


التعليقات

  1. linda 15 November 2007

    اول شي الحمدلله على رجعة الموقع
    كتير اتدايقت لما شفتو مهكر
    يعني الله يصلحهون شباب السعودية بدال ما يهكروا مواقع بتسيء لديننا بيجيو بيتشاطروا على مواقع الاكل
    بعين الله

    تاني شي 8)
    انا بدوب بشي اسمو كيك شوكلاتة كتير بحبو
    يعني مدمنة تقريبا
    شكرا كتير على الوصفة منى
    و يالله لا عاد تطولي علينا بالوصفات الحلوة :)

  2. منى 15 November 2007

    :sigh شفت ليندا

    حسبي الله و نعم الوكيل , الواحد شو بده يحكي ..

    بس هدولة أكيد مو مثال عن شباب السعودية , هدولة بيمثلوا حالهم و سوءأخلاقهم و بس :(

    و محضرة كتير وصفات بهل الغيبة , ان شاء الله رح ضيفهم ;)

    نورتي يا قمر

  3. omtasneem 12 January 2008

    بسم الله الرحمن الرحيم شكل هالكاتو بيشهي رح نسمن هالشتوية من تحت هالاكلات الطيبة يعطيك الف عافيةبس لو طولت شو هي بيكربونات الصودا وهل ممكن تبديلها بشي تاني وشكرا لك :x

  4. منى 13 January 2008

    هلا فيك ام تسنيم :)
    حبيبتي بيكربونات الصودا هي بودرة شكلها نفس البيكنغ بودر و هي اساسا من مكوناته , ما فيك تستبدليها بشي تاني , بس فيك تحضري الكاتو من دونه

  5. سارونات 6 August 2008

    السلام عليكم ور حمة الله و بركاته يسلم دياتك ان شاء الله راح اجربهبس فينا نستبدل السكر البني بالسكر الابيض و ازا فينا فهل نستعمل السكر المبلور او الناعمو هل نستعمل نفس الكمية او بتتغير و هل بيتغير شي تاني بالوصفةازا بدلنا السكر او لا
    كمان بدي اسالك عن كيكة الشطرنج ازا مجربتيها لان شكلا كتير حلوو مميز و ازا مجربتيها بدي اعرف بس مقادير الكيك لان محتاجتها بسرعة و بلكي بشي يوم بتحطيها بالموقع مع الشرح مع العلم ان ما عندي القالب الخاص فيها فراح اعملا بقوالب عادية و حطا بكيس الحلواني
    جازاك الله كل خير
    سلام

  6. منى 7 August 2008

    هلا حبيبتي :)
    فيك تستبدليه , رح يتغير الطعم بشكل بسيط , بس كمان لذيذ كتير و السكر استعملي السكر العادي بنفس الكمية ;)

    و انا ما عندي قوالب ليها , الصراحة ما جربت اعملها , بس لما جربها اكيد رح نزلها اذا الله راد

  7. سارونات 15 August 2008

    السلام عليكم و رحمة الله و بركاته
    تسلميلي على الرد
    كمان بدي اسال ازا فينا نحط بدال الزبدة زيت و ازا فينا شو بنغير و قديش منحط زيت
    بالتوفيق
    سلام

  8. منى 16 August 2008

    هلا أختي :)

    لا ما بيصير , الزبدة اساسية في الوصفة ;)

  9. سارونات 16 August 2008

    السلام عليكم و رحمة الله و بركاته
    جازاك الله خيرا اختي منى و ان شاء الله بجربا بالمستقبل
    ازا اضفنا المكسرات عند اضافة البيض هل بتكون مفرومة تماما متل البودرة او مفرومة وسط او شوو ما فينا نستغنا عن النسكافيه و نحط بس قهوة و ازا حطينا نسكافيه امتى منحطو و هل منحطو بودرة او مندوبو
    بالتوفيق
    سلام

  10. سارونات 19 August 2008

    السلام عليكم و رحمة الله و بركاته

    قررت جربو بعد بكرا ان شاء الله و اكتر شي عجبني بالكاتو هو شكلو المستطيل اللي طالع كتير حلو مشان هيك بدي ساويه مستطيل بس ما بعرف ازا صينيتي بتنفع او لا فبدي اعرف ازا ممكن طول و عرض صينيتك و كم كوب فيها
    بعرف تعبتك معي ما تواخزيني
    بالتوفيق
    سلام

  11. منى 19 August 2008

    هلا أختي :)
    المكسرات تكون مفرومة وسط , فيك تحطي النسكافية او ما تحطيه على مزاجك و زوءك , انا بحب النسكافيه مع كل كيكات الشوكولا بحس أنها بتظهر طعمة الشوكولا ;) و منحط النسكافيه مع الحليب و مندوبو فيه ..

    صينيتي هلأ مو عندي مستعيرتها رفيقتي و لسا ما رجعتها , ان شاء الله بس ما رجعت بالسلامة ببقى بقيس الصينية ;)

  12. سارونات 19 August 2008

    السلام عليكم و رحمة الله و بركاته
    تسلميلي اختي منى :) و ان شاء الله رفيقتك تستفيد من الصينية و كل كاتو تساويه فيها او في غيرها يضبط معها
    راح قلك على حجم صينيتي و انت حاولي تتزكري حجم صينيتك و شوفي ازا بتنفع او لا صينيتي حجما 23*33 سم يعني نفس حجم صينية كاتو الموز بحشوة الكراميل و القرفة بس مو متأكدة من الارتفاع انا صينيتي ارتفاعها :? لحظة تروح قيسو طلع 4 سم
    شو قولك اعملا بهالصينية او بصينية دائرية
    و كمان التعرجات اللي طالعة كتير حلوة بالشوكولا انت ساويتيها عن قصد لما مسدتي الشوكولا او هيك طلعت لحالها
    بالتوفيق
    سلام

  13. سارونات 19 August 2008

    هادي انا من جديد طار عقلي بالصينية و نسيت خبرك بخطتي الساروناتية و اللي لازمها الموافقة من القيادة المونية العليا تتطبق
    بدي بعد ما طلع الكاتو من الفرن اخد منو الثلث و حطو بالفريزر و يمكن خليه قطعى كبيرة او قطعو مربعات زغار
    و طلعو بعد فترة و حطلو شوكولا دايبة او ساويلو كريما متل هاي بس قوليلي هالكريما اللي حضرناها بينفع نخليها بالبراد لفترة او لا ازا ينفع قليلي كم المدة و ازا الكاتو ينفع ينحفظ بالفريزر كمان قليلي كم المدة
    ما بعرف ليش حاسة انهاما بتنفع و ان القيادة العليا راح تقيلني من منصبي بسببا
    في انتظار قرار القيادة المونية :eek
    بالتوفيق
    سلام

  14. منى 20 August 2008

    :grin عن جد فقعتيني ضحك

    هلا الكيك ممكن ينحفظ بالفريز لمدة شهر طبعا من دون كريما و بيكون مغطى بشكل محكم و الكريما لازم تعمليها قبل ما تدجهنيها على الكيك مباشرة ;)

    شو اقالة و ما اقاالة , دا احنا من دونك سلطة يا جميل ;)

  15. سارونات 20 August 2008

    السلام عليكم و رحمة الله وبركاته
    و لك تسلملي هالضحكة و ان شاء الله تصلا منورة هالوش و القلب عطول :grin و ان شاء الله بخبرك بالنتيجة قريباعلى امل ان لا تكون هناك ضحايا بشرية او مادية بعد هاي العملية
    بالتوفيق
    سلام

  16. سارونات 20 August 2008

    السلام عليكم و رحمة الله وبركاته
    :cry جات الحزينة تفرح مالقتلاهاش مطرح :cry كنت راح ساويه اليوم و قال شو رايحة طلع الزبدة و البيض من البراد و فجأة :eek ما في بييييض :sigh و انا بعرف انو ما في بس من كتر ماني حابه جربو نسيت يلا و عسى ان تكرهو شيئا و هو خير لكم ان شاء الله بكرا بساويه
    كمان سؤال الكريما بتكون ساخنة و الكاتو بارد لما منحطا عليه او شو
    بالتوفيق
    سلام

  17. منى 20 August 2008

    يلا مو مشكلة , خيرها بغيرها و ان شاء الله بكرة تجربيه و يعجبك , الكاتو بارد و الكريما مو سخنة , اصلا هي ما بدها نار على البارد بتصير ;)

    اختي انا مو نسيانة وصفات الاجاص بس صار جربت أكتر من وصفة و كلهم :x ما خرج نزلهم لااان ……( اتشفر الحكي )

  18. سارونات 21 August 2008

    السلام عليكم و رحمة الله و بركاته
    يي عليي عهالسؤال شكلي دخت من كتر ما بدي ساويه اي اكيد مكونات الكريمة باردة و الكاتو بيكون بارد او فاتر لمن بنضيفها الكاتو هلأ بالفرن و ظل في 5 دقايق تطلعو — الله يستر و يضبط — راجعة بعدين تخبرك بالنتيجة
    بالتوفيق
    سلام

  19. منى 21 August 2008

    يلا عم استناك :)

  20. سارونات 21 August 2008

    السلام عليكم و رحمة الله وبركاته :cry :cry ما ضبط للاسف بس مو مشكلة انا الخطأ اللي ساويتو هو اني ما حطيت ورق زبدة لاني كنت مستعجلة و هالشي خلاه يلزق و ييبس من الجوانب بس بعدين قدرت طلعو من القالب بس هو ما نفش ابدا و ارتفاعو طلع يادوب نص اللي بالصورة و يبس و ما طلع طري مع اني اتبعت الوصفة متل ما هي بس راح فكر و شوف وين ممكن يكون الغلط اكيد بكون مساويتلي شي غلط من دون ما انتبه عن جد كان بدي فرحك بالنتيجة خصوصا بعد تعبك معي بالاجوبة و هلأ بكون ضيقتلك خلقك سامحيني
    بس اكيد راح جربو مرة تانية و ما راح استسلم :)
    بالتوفيق
    سلام

  21. منى 22 August 2008

    بالعكس اختي انا زعلت على تعبك :roll و و حتى لو مو حاطة ورق زبدة كان لازم يطلع معك بسهولة , أكيد المشكلة بالسوائل , اتوقع غليتي الصوص كتير أو كانت المواد الي استعملتيها من بيض و طحين و غيره باردة

  22. سارونات 22 August 2008

    السلام عليكم و رحمة الله و بركاته
    تسلميلي اختي منى و ان شاء الله راح عيدها مرة تانية و فرحك و افرح
    بالنسبة للمواد فكانت بدرجة حرارة الغرفة
    يعني بقيت الصلصة انا ما تركتها تغلي متل ما قلتي و ظليتني عم حركا حتى قطعت الكهربا لربع ساعة و ظليتني شوي عالعتمة 8) بس اكيد كنت يقدر شوف بس يمكن متل ما قلتي اكون خليتها فترة طويلة مع انه يا دوب تجانست المكونات و حركتها شوي و شلتا
    في احتمال كمان قوليلي لما بضيف الطحين المنخول للصوص هل لازم الصوص تكون باردة تماما او ينفع تكون دافية لان خليتها لاكتر من 5 دقايق و ما كانت تبرد
    كمان البيض انا بعد ماحطيت كمية الطحين المنخول فوق الصلصة على 3 مرات و مزجتها منيخ خفقت البيض مع الفانيلا و عطول ضفتو شو قولك
    بالتوفيق
    سلام

  23. منى 22 August 2008

    هلا أختي :) الصوص رح تكون دافية مش باردة , هلا اليوم سويت القالب و نفش و بيجنن و طررررررري متل الخسة , اتفضلي معنا ;)

    حيرتيني , فرنك حرارته مو ثابتة , أو الفرن انضرب ضربة قوية اثناء الخبز :roll

  24. سارونات 22 August 2008

    السلام عليكم ور حمة الله وبركاته
    صحة على قلوبكم بس ليش هيك اتأخرت بس شوي قمت لقيت حصتي طارت وينا :cry اعترفو هلأ مين اكلا :grin او لتكوني حطيتيها بشي محل تاني لان اكيد من كتر ما الكاتو طيب خلص بسرعة
    و الله انا كمان احترت يعني لهلأ كل شي ساويتو صح باقي شي و هو ضرب الصينية ضربات خفيفة يمكن هون كون ضربتا كتير و كمان لما طلعتو من الفرن القسم اللي فوق بدت تطلع فيه فقاعات او حفر زغيرة و بالنسبة للفرن ما بعتقد فيه شي بس يمكن
    نحنا هلأ لازم نعرف وين الغلط تحتى المرة التانية يضبط
    قوليلي باي قالب عملتيه رجعتلك رفيقتك قالبك او ساويتيه بواحد تاني
    بالتوفيق
    سلام

  25. منى 23 August 2008

    عم يخطر ببالي ان تكوني خليتيه قليل بالفرن و طالعتيه من قبل ما يستوي , جربتي تنخزي الكيك بشوكة أو سكينة قبل ما تطالعيه لتتاكدي اته استوى ؟ انا امبارحة اخد معي أكتر من ساعة كاملة بالفرن :roll

    رفيقتي ما رجعت القالب فعملته بقالب مدور بقياس 24 سنتيمتر

  26. سارونات 23 August 2008

    السلام عليكم و رحمة الله و بركاته
    لا اكيد استوى انا نخزنو بعود خشب و طلع نظيف و ما فيه شي و بعدها طالعتو من الفرن و هو اخد 56 دقسقة تقريبا
    قوليلي بالنسبة لخطوه اننا نضربو ضربات خفيفة فينا نستغنى عنها لان يمكن هاي الخطوة هي اللي خلتو يفشل
    بالتوفيق
    سلام

  27. منى 23 August 2008

    ممكن , بس مو معقول تكون هي السبب :roll

  28. سارونات 24 August 2008

    السلام عليكم و رحمة الله و بركاته
    طيب لكان بس لازم اعرف شو السبب ممشان جربا مرة تانية و تضبط قوليلي البيض خفقتيه مع الفانيلا بالمضرب الكهربائي صح و متى نخفقه هل في بداية الوصفة اونخفقو و نضيفو
    بالتوفيق
    سلام

  29. منى 25 August 2008

    منخفقه قبل ما نضيف الطحين على السائل :roll و فيك تخفقيه على الخفاقة الكهربائية

  30. لارا مينا 22 September 2008

    مساء الخير…عملت الجاتو وطلع مو شيء عادي طلع جنان وكأنه شيف حلويات فرنسي هو يلي عامله مع إني غيرت شوي في حرارة الفرن ووقت الخبز وما استخدمت ورق زبدة وما حطيت الجاتوه في البراد وجمدت الكريمالحالها-والكريما ضفت عليها زيادة حليب وماء لصارت تمام و زي ما قلتي كل وحدة وحسب حالات الطوارئ إلي تصادفها, وبصراحة هذي أول مرة أعمل جاتوه من خلال القسم يلي بالموقع واتحمست كثير إني أعمل باقي الأنواع ولكي خالص شكري وتحياتي.

  31. منى 23 September 2008

    هلا لارا :) مسا الخيرات و الليرات و الردود الي بتبل القلب , أكيد الاشيا الي غيبرتيها هي لحتى تناسب الوصفة مطبخك و معداتك و صحة و هنا و عوافي على قلبكة و ان شاء الله ما تكوني نسيتيني من دوعة حلوة ;)

    إذا بتحبي أقترح عليك تجربي كاتو جوز و لوز و موز حتى لو ما عنك لوز مطون تستبدلي اللوز بالطحين و بيطلع خيلة و كمان في كاتو السبانخ , تحفة و سهل كتير

  32. souha 7 November 2008

    بدك اليوم تطولي بالك :( منين بتشتري طحين حلويات فاخر أنا كتير بساوي أنواع كاتو بس بلاحظ إنو جودة الطحين بتلعب دور كبير بنجاح الكاتو و كمان المعجنات الغربية

  33. منى 7 November 2008

    تمام سهى , الطحين المنيح هو من اساسيات نجاح الكاتويات , انا كنت اشتري الطحين من عند كنان , و جربت كمان طحين نعمة منيح كتير , و هادا ممكن تشوفيه باي سوبر ماركت كيسه شفاف و مكتوب عليه بالازرق الغامق و الكاشف ..

  34. ام عمر 22 January 2009

    تسلم ايدك
    حبيت اسالك الكوب العادي ولا المعياري
    وجزاكي الله كل خير :zzz :zzz :zzz

  35. منى 22 January 2009

    هلا اختي ام عمر :)
    نور الموقع فيك و مية اهلا و سهلا .

    اختي انا استعمل الكوب العادي لتسهيل عملية القياس لجميع الاخوات ;)

  36. ام عمر 22 January 2009

    تسلمي يا رب زالله يجزيك كل خير :)

  37. منى 23 January 2009

    الله يسلمك أم عمر :)

  38. سارونات 5 February 2009

    السلام عليكم و رحمة الله و بركاته
    بدي ارجع ساوي الوصفة مرة تانية و ان شاء الله تضبط معي
    بدي اسألك اذا فيني استعمل صينية بايركس لهالكيك و اذا استعملتها هل راح تأثر على مذة الطهي و درجة الحرارة
    و اذا استعملت صينية مفتوحة من النص بقياس 20 سم هل بينفع او لا لان بخاف تكون كتير صغيرة و يخرب الكيك مع انها مرتفعة

    انا بعرف انو المكونات لازم تكون بدرجة حرارة الغرفة بس نحنا هلا بالشتا فاذا كان المطبخ كتير بارد مو متل الغرف اللي هي دافئة فهل عادي حط المكونات بالمطبخ تتاخذ درجة حرارته و استعملها او حطها بمكان دافي تحتى تدفا و بعدين اخذها للمطبخ البارد و استعملها
    :?
    ما تواخزيني اختي منى على اسئلتي الكتيرة
    بالتوفيق
    سلام

  39. سارونات 14 February 2009

    السلام عليكم و رحمة الله و بركاته

    اختي منى شو قلتي ناطرتك خصوصا هالاسئلة كتير مهمة بالنسبة لي لان لما جربت كاتو البرتقال بالصوص الابيض خرب بسبب الزبدة لان كانت بحرارة الغرفة اللي هي باردة و البيض كمان فانتزعت و علق نصها بايدي و بالخفاقة :cry
    انا في الانتظار اختي منى بعرف اشغالك كتير لهيك كل مرة راح ذكرك :zzz و ان شاء الله ما تملي مني و من اسئلتي
    بالتوفيق
    سلام

  40. منى 14 February 2009

    هلا أختي :)
    اكيد فيك بس انا الصراحة مو مجربتها لهيك ما فيني فيدك بالوقت المناسب لنضج الكيك
    صينية بقياس 20 كتير كتير صغيرة و اكيد ما بتنفع

    اختي اذا كان المطبخ بارد متل ما عم تقولي ممكن تحطيالنقادير بمكان دافي لحتى ما تحسي بالبرودة لما تمسكيها و تكون حرارتها عادية

    و لا يهمك اختي و اسفة كالعادة بالتاخر بالرد , و ان شاء الله تكون الاجابة كافية و تجربيه و يظبط معك ;)

  41. سارونات 14 February 2009

    السلام عليكم و رحمة الله و بركاته

    يخليلي ياكي اختي منى وضحت الفكرة
    بس زعلت لما قلتي ما بتنفع الصينية اللي اشتريتها انا فكرت لان مرتفعة راح تنفع طيب بتنفع لكيك الليمون و هل في اي وصفة بالمنتدى فيني ساويها بهالصينية
    بالتوفيق و جازاك الله خيرا
    سلام

  42. منى 14 February 2009

    اختي عي الصينية عندك لو ما كانت مثقوبة من النص كانت تنفع للأغلب الوصفات , بس هيك رح تكون كتير صغيرة , ممكن تشوفي اي وصفة و تقسميها بالنص كتجربة ;)

  43. سارونات 17 February 2009

    السلام عليكم و رحمة الله و بركاته

    طيب راح اخذ بنصيحتك و قسم شي وصفة و جربها
    بس قوليلي الصينية المثقوبة من النص اللي بتنفس للوصفات اللي بالموقع قديش بيكون قطرها مشان المستقبل
    بالتوفيق اختي منى
    سلام

  44. منى 18 February 2009

    اختي قطر الصينية الي استعملها 23 أو 24 سم

    طيب عندي قاعدة رح تريح بالك بالنسبة للصواني لان بشوف انها مسالة بتقللك كتير

    أي كيك لما تعمليه و تسكبيه في الصينية لازم ما يزيد عن نصف الصينية و الا بعدها رح ينفش و يخرب , ممكن الزيادة تحطيها في قوالب الكب كيك أو في قالب كيك صغير :zzz

  45. منى 18 February 2009

    اختي قطر الصينية الي استعملها 23 أو 24 سم

    طيب عندي قاعدة رح تريح بالك بالنسبة للصواني لان بشوف انها مسالة بتقللك كتير

    أي كيك لما تعمليه و تسكبيه في الصينية لازم ما يزيد عن نصف الصينية و الا بعدها رح ينفش و يخرب , ممكن الزيادة تحطيها في قوالب الكب كيك أو في قالب كيك صغير :zzz

  46. سارونات 8 March 2009

    السلام عليكم و رحمة الله و بركاته

    يخليلي ياكي اختي منى

    بتعرفي اكتشفت شي يمكن يكون منيح و هو اني لما قست قطر الصينية ما قستو كتير منيح لان الثقب اللي بالنص يمتد طوليا ليتجاوز ارتفاع الصينية فهمتي علي لهيك ما قدرت قيسها بالضبط في النص يعني قست بعيد عن النص و لذلك لما قستها بالنص بالضبط بالرغم من ارتفاع تلك المنطقة لقيت انها وصلت ل 22 سم و تجاوزتها شوي اذا هيك بعتقد انحلت المشكلة ما بعرف اذا هيك صح او انا متفائلة كتير

    بالتوفيق
    سلام

  47. منى 9 March 2009

    ان شاء الله تنحل المشكلة و لا تنسي ان القاعدة الاساسية ان ما تزيد كمية مزيج الكيك و هو ني عن نصف قالب الكيك ;)

  48. شفاء 29 May 2009

    عملته اليوم لرفيقتي واولادها لما اجو عندي وطلع كتييييييييير طيب مع اني بجربه اول مرة بس حسيته ما نفش كتير بس مو مشكلة المهم طلع كتيييير طيب

    وكان عندي كريمة من قبل فزدتا عالكريمة تبعته وطلعت كتييييير طيبة

    يسلمو دياتك ياعسل

  49. منى 30 May 2009

    هلا شفاء :)
    الف صحة و هنا على قلبك و قلب القطط الحلوة و كمان ضيوفك كلهم :)

    ان شاء الله المرة التانية بينفش معك متل ما بتحبي ;)

  50. DOUHA 31 October 2009

    رح جرب بعد بكرة

    لازم ايكون اسمو كاتو التحدي

    معقول صعب؟؟

    شكرا منى
    بخبرك شو رح ايصير معي إن شاء الله ;)

  51. منى 1 November 2009

    مو صعب ابدا بالعكس سهللللللللل و الله :zzz

    رح استنى رايك

  52. محبةالمصطفى ملك 1 May 2010

    السلام عليكم
    منى اجا دوري حتى أهلكك بالأسئلة :p
    أولا أنا ما عندي و لا قالب كاتو ممكن أعرف منك اذا في محل عنده تشكيلة منوعة من قوالب الكاتو لأن قريب من بيتنا ما شفت غير قوالب تيفال صغيرة…..
    و مشان هالكااااااااااااتو الرائع تسلم ايدك الصورة أكتر من رائعة و رح أجربوا بس بعد الإجابة على أسئلتي طبعا(الأولو شرط آخرو شو؟)
    طيب
    أولا:دقيق الذرة مهم؟
    و الزبدة أنا عندي زبدة لونا (تركية)يتزبط؟
    ثانيا:السكر أكيد معلش سكر عادي و اذا البني أطيب قوليلي ما في مشكلة
    ثالثا:هلأ قلتي انو فينا نستغني عن البيكربونات طيب شو فائدتهم ليقوم يخرب الكاتو بدونه؟
    و آسفة كتير عبعذبك معي

  53. منى 6 May 2010

    هلا اختي :)
    انا باخد قوالبي من المدينة من محل مختص بتجهيزات المطاعم , أتوقعه انه للباتنجكي , في عبارة البلور الي مقابيل خان الوزير , بس مو متاكدة من اسم المحل :roll

    دقيق الذرة مهم و اذا متوفر بتكون النتيجة ممتازة , اذا نو بيمشي الحال كمان بس بالكورن فلور النتيجة احسن

    زبدة لونا ما بتزبط ابدا , يعني اذا جاي على بالك تنزعي الكاتو استعمليها

    السكر البني اطيب بكتير , اذا متوفر استعمليه و رح تعجبك النتيجة كتير ان شاء الله

    ما بيخرب الكاتو من دون الكربونات , فائدتهم متل البيكنغ بودر , لنفش الكاتو

    ايا سؤال تاني من عيوني 8)

  54. محبةالمصطفى ملك 6 May 2010

    تسلم عيونك يا أحلى منى :zzz
    طيب شو الزبدة اللي بتنصحيني فيها؟
    و لونا بتصير لباقي الحلويات أو المعجنات ولا نو؟
    و السكر البني من وين بتشتري لأني صاحبتك قليلة خبرة :p
    و يسلموووووووووووووووو كتير

  55. منى 7 May 2010

    احسن الشي لورباك و لافاش دو باري , و لونا ما استعملها ابدا , بحس وين ما حطيتها بيصير عدم , بومناتي كنت استعملها بس لدهن القوالب ;)

    السكر البني ملايان بالمولات و انا بجيبه من عند كنان جنب قصر المحافظ

    ايا سؤال تاني تكرم عيونك

  56. محبةالمصطفى ملك 7 May 2010

    تسلم عيونك يا حلو
    طيب آخر سؤال و هو لازم أحطه بصفحة السويسرول بس يلا معلش… :p
    هو عن آلة الخفق الكهربائية هي ضرورية لتحضير السويسرول؟؟
    و من وين بتنصحيني أشتريها؟

  57. منى 7 May 2010

    اكيد الة الخفق ضرورية لكل الكيكات .

    أنصحك تدوري على ماركة منيحة و معروفة و تكون استطاعتها عالية و دايما بعدي عن الصيني و غني اله :grin

  58. محبةالمصطفى ملك 7 May 2010

    يسلمو يا أحلى منى بس آخر سؤال حول الكيكات و تحضيرن:
    هلأ أي وصفة كيك في البداية يفضل خفقها بمضرب كهربائي؟؟؟؟
    لأني بستعمل اليدوي؟؟ :zzz
    و تانيا بعد اضافة الطحين لازم خفق و لا تقليب بملعقة؟؟
    أنا دائما و قت بعمل كيكة السفن أب بتم بخفق و بتنجح بس بدي الطريقة الصح و آسفة على كتر الأسئلة البايخة :p

  59. منى 8 May 2010

    انا بخفق بالكهربائي , هلا هو باليدوي بتنجح , بس محتمل يصير بعدها معك فقرات :grin

    بعد اضافة الطحين ااقلب بالملعقة و ممكن اذا قالب اخلاقه عظيمة اترك الخفاقة الكهربائية بس على اوطى عيار
    تحت امرك
    ايا سؤال و لو كان فتفوت انا ;)

  60. محبةالمصطفى ملك 8 May 2010

    تسلمي يا أحلى منى
    طيب ممكن نرجع للزبدة بس بدون ما تطعميني قتلة :grin
    هلأ لونا قلتي مو منيحة طيب زبدة طيبة لأن عندي منها :p
    و لا الزبدة النباتي عموما ما منيحة للحلويات؟؟؟؟؟

  61. منى 9 May 2010

    طيبة احسن من غيرها بس كمان انا افضل الزبدة الحيوانية , كلو طبيعي احسن ;)

  62. محبةالمصطفى ملك 9 May 2010

    امممم
    ايه اش هالسرعة باردود يا منى :)
    طيب رح أجيب زبدة بريزدن و أترك اللي عندي للسوكسيه
    طيب منى آآآآآآآخر سؤال :p
    ولي أكيد اليوم منى رح تلحقني بالعصاية :grin
    هههههه
    هلأ أنا اشتريت قالب كاتو و بدي أعمل كاتو السفن أب اللي بعملو دائما بس ما بعرف اذا رح يكون القالب مناسب و لا لأ…السؤال هو:لوين لازم يصل خليط الكاتو في القالب للنصف أو أكتر أو أقل؟؟؟؟

  63. منى 9 May 2010

    للنص احسن الشي , بس اذا اكتر من النص بشوي مو مشكلة ;)

    ممكن تتركي الزبدة الي عندك لدهن القوالب , دايما طبق مميز معناه مكونات ممتازة ;)

  64. محبةالمصطفى ملك 9 May 2010

    :) :) :) :) :) :) :) :)

    أنا كتييييييييير فرحانة فيك و بردودك السريعة يا أحلى منوووووووووووووووووووووش

  65. منى 9 May 2010

    مية السلامة بهل القامة :) نورتي

  66. محبةالمصطفى ملك 11 May 2010

    السلام عليكم يلا يا منى اجا وقت الشغل…..
    عبستنى ردودك الحلوة في الصفحات الآتية:
    كب كيك قوس قزح
    مربى الفريز
    كيك الليمون
    اللحم بعجين
    كبة على السيخ
    ول السجق
    سلطة المعكرونة
    و يسلكو ايديك يا أحلى منى
    و رح أبعتلك قريبا و صفة الكاتو بالسفن أب
    و ماما بتطبخ طبخ طيب كتييييييييييييييير بس المشكلة انوا ما بتعير مشان هيك ما بقدر أنقل شي لحتى جربن أنا بس ما بتعمل حلويات أبدا اللهم غير حلو العيد المعمول و الكرابيج و أقراص بعجوة و بيطلعوا و لا شغل مهروسة

    بتعرفي منوووووووووش أنا جعت من كتر ما فتلت بهالموقع الشهي يمي يمييي أنا رايحة آكل هلأ صحة عقلبي(هههههههه)
    بتعرفي اتذكرت أنا رح آكل هلأ مرتديلا عالعشا بدك أبعت طريقتها كمان؟؟؟؟؟

  67. منى 12 May 2010

    لاحقتك من ارنة لارنة :zzz

    ماماتك متل كل الامهات , سبحان الله الخبرة الها دور و نحنا شو ما عملنا ما منجي نقطة جنبهن

    تبقي كلي عني كم لقمة من المرتديلا , يا ترى طريقتك غير الطريقة الموجودة هون :roll

  68. محبةالمصطفى ملك 12 May 2010

    شكرا يا منوووووش عالردود بس نسيت السجق رول

  69. منى 13 May 2010

    :?

  70. محبةالمصطفى ملك 13 May 2010

    ايه شو اشارات التعجب و الاستفهام هي؟؟؟
    ههههههه
    قصدي نسيت صفحة السجقنه رول أكيد فهمتي علي ما؟؟
    طيب منوووش بدي أعمل اليوم ماريا أو عرايس بس بدي أسألك اذا بالفرن أغطي السندويش بسلفان و لا لأ لأني أنا بعنل التوشكا و السجق عالكباسة بس بدي أجرب بالفرن هالمرة

    انت شو رأيك أي وحدة أطيب بالفرن و لا الكباسة؟؟؟؟؟؟
    عبستنى ردك اليوم لأني مستعجلة :p

  71. منى 13 May 2010

    بالكباسة اسهل , انا بعملهن بالفرن لما بكن عاملة كمية كبيرة ما بيعود الي بالم اوقف على الكباسة شي نص ساعة

    اذا بدك تعمليهن بالفرن غطيهن ;)

  72. محبةالمصطفى ملك 13 May 2010

    هههههههه فضيت جرة الغاز يعني رح أعملهن عالكباسة
    بس منى ليش منقشر البندورة؟؟؟؟ و ليش منتخلص من بذورها؟؟؟

    و آخر سؤال الدبس رمان ضروري لأني حسيت أنو ما رح أحبه بالماريا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    و منوووووووووووووش كرمالي لا تقولي اني كرارة و بسأل كتييييييييير :zzz

  73. منى 14 May 2010

    و الله ما رح قول شي :roll

    البندورة منقشرها لان قشرها مو طيب ابدا اذا طلعلنا في السندويشة .
    و منشيل البذر لان ما بدنا الخبزة تنبل و تمقمق , يقبرني الحلبي :grin

    دبس الرمان رح يعطيها طعم كتير طيب , جربي و ان شاء الله ما بتكوني الا رضيانة

  74. محبةالمصطفى ملك 17 May 2010

    يسلمو كتييييييير يا منى أنا عملت ماريا طلعت طيبة كتييييير بس عملتها قبل ما تحطي الرد فما تشجعت و حطيت دبس رمان و البندورة تركت البذور لأن ما كانت مستوية 8)

  75. محبةالمصطفى ملك 17 May 2010

    يلا يا حلوة روحي عصفحة الآيس كريم بالزبادي لأن بلش وقته و رح أدعيلك كتيرررررررررر اذا نجح معي يا قمر و تسلم ايدك و الله محتارة من وين أبلش..أنا و ماما منعرف نطبخ كتير منيح بس أنا بحب الحلويات و الأكلات الجديدة و شفت طلبي بموقعك الاكتر من رائع :zzz

  76. محبةالمصطفى ملك 18 May 2010

    منووش عصحفة الأورانجيتيه كماااااااان :p

  77. محبةالمصطفى ملك 18 May 2010

    منوووووووووووووووووش :p هلكتك بالأسئلة بس معلش انت الكريمة و نحنا بنستاهل 8)
    هلأ منرجع بس لوصفة الكاتو بثلاث خطوات انت كاتبة ملعقة صغيرة بيكينغ باودر طيب أنا دائما بحط الظرف كامل مو قليل ملعقة صغيرة؟؟؟

  78. منى 18 May 2010

    هنا و الف عافية يا رب على البك :)

    حطي الباكيت كلو , انا بجيب علبة بيكنغ بودر كاملة لهيك استعمل المعالق ;) و كمان لا تنسي كربونات الصودا

  79. منى 18 May 2010

    هنا و عوافي على كل شي جربتيه :)

    البيكنغ بودر مو قليل لان رح استعمل معه كربونات الصودا .

    اذا ما رح تستعمليها حطي الظرف كله ;)

  80. محبةالمصطفى ملك 18 May 2010

    على قلبك يا حلو
    طيب منى أنا فضولية و بحب أعرف كل شي بالتفصيل أول مرة كتبتيلي أحط الظرف كله و بيكربونات الصودا
    و تاني مرة قلتي أحط الظرف كله اذا ما رح أحط بيكربونات الصودا :?

    و طيب انتي ليش ما بتكتري بيكينغ باود و بلا بيكربونات الصودا و لا في سر :roll

    و آخر شغلة كمان ليش بتشتري البيكينغ علبة مو ظروف مشان أتعلم منك و الفانيليا كيف بتشتريها كمان؟

  81. منى 19 May 2010

    يا ستي بشتري علب لان الظروف ما بلحق منها , العلبة ابرك ;)

    الفانيليا ما بجيبها الا من المدينة , كمان الظروف ما بتمشي معي

    حطي الي انتي متعودة عليه و الي بيناسبك , انا كتبت طريقتي فوق متل ما بعملها :zzz

  82. محبةالمصطفى ملك 21 May 2010

    طيب يا منوووش و أنا بدي الأبرك كمان :zzz
    فشو مكتوب على علبة الفانيليا و البيكينغ باودر و من وين و السعر كمان ;)
    لأني رح أوصي زوجي

  83. منى 22 May 2010

    البيكنغ بودر من اي محل , رويال بس بالعلب و ما كتير بعرف السعر , كني 50 ليرة .

    اما الفانيليا بالمدينة فرط , بشتري ااقل شي بيبيعني ياه عمو البياع , شي بـ 25 ليرة و بتروح معي سنة , لان كتير نكهتها قوية و ربع ملعقة بتكفي و اذا كترنا بيطلع الكيك مر .

    اي قبل ما انسى لا تشتري بيكنغ بودر من المدينة لان مو منيح ابدا ;)

  84. محبةالمصطفى ملك 22 May 2010

    يسلمووووووووو يا حلو
    و البيكينغ ما قلتي الكمية اللي بتعادل الظرف

  85. محبةالمصطفى ملك 22 May 2010

    منوش نسيتيني بصفحة الكريم تووووووم

  86. منى 23 May 2010

    انا بحط لكل كاسة طحين ملعقة صغيرة بيكنغ بودر ;)

  87. محبةالمصطفى ملك 24 May 2010

    يسلمو منى
    اسعااااااااااااااف اسعااااااااااف يا منى على صفحة أورانجيتيه :cry

  88. محبةالمصطفى ملك 26 May 2010

    منووووووشة يلا على صفحة عدس مدمس
    حطي الباشيه و الحقيني انا سابقتك 8)

  89. محبةالمصطفى ملك 12 June 2010

    منوووش أنا جهزت أغراض الكاتو تقريبا بس بدي أسألك عالصينية :p
    أنا عندي الصينية المستطيلة طولها33و عرضها23 و ارتفاعها3 بتصير ولا لأ؟
    و كمان اذا حطيت ظرف كامل بيكينغ باودر و ملعقة صغير كربونات بصير ولا هيك كتير؟؟؟
    و الكربونات هي نفسها اللي بحطوها للسوس؟؟؟؟
    و الكورن فلاور شو هو اللي بتشتريه؟؟؟
    و ما بصير أحط نشا بداله(آسفة على السؤال البايخ) :roll
    و شو الفرق بينهم؟؟؟؟؟؟

  90. محبةالمصطفى ملك 12 June 2010

    منوش نسيت أسألك وصلتك رسالتي و فيها الوصفة؟؟؟؟؟

  91. zina 13 July 2011

    مرحبا مدام منى أنا صار معي اكتئاب لان ما زبط ابدا اول شي طلع ملدوع رغم أني حطيتو بس 40 دقيقة وما نفش ابدا وطلع السوس مسكر وعم يقرش كتير زعلت لان شكلو بيشهي بليز اولي شو السبب :?

  92. منى 17 July 2011

    هلا زينة :)
    ممكن يكون مزيج الزبدة سخن اكتر من اللزوم لما ضفتيه على بقية المقادير ؟
    الصوص عم يقرش معناها السكر مو بودرة , معناها استعملتي سكر ناعم مو بودرة و هادا بيفرق كتير ;)

    لا تزعلي و لا يصير معك اكتئاب , منتعلم دوما من تجاربنل

  93. منى 17 July 2011

    هلا ملك :)
    القالب ارتفاعه قليل , هادا قالب سويس رول و ما بيصير لهل الوصفة
    استعملي ظرف بيكنغ بودر و ربع معلقة صغيرة كربونات
    الكروبنات هي نفسها تبعة سلق الحمص , ما بعرف شو بيحطوا للسوس :roll
    الكورن فلور بشتريه الي بالعلبة الصفرة soo good و فيكي تستعملي النشا بداله هون و الفرق بيناتهم انو واحد من القمح و واحد من الذرة ;)

  94. zina 19 July 2011

    شكرا مدام منى مزبوط يمكن الزبدة كانت اكتر من فاترة بس هي اول مرة بعرف انو في فرق بين السكر البودرة والسكر الناعم :upset يعني هاد بشتىي فرط ولا في نوع معين؟؟؟؟ :?

  95. laraye 1 August 2011

    مرحبا منى … جربت هالكاتو من فترة وكان كتير طيب .. بس ما نفش معي كتير و اشتهيت احشيو من نفي الكريما الفوقانية قولتك بيصير؟؟
    يسلموا ايديك فعلا كتير سهل ;)

  96. نزيهة 23 November 2012

    أمممممم يمي كتيييير بتشهي بس 2 ملاعق صغيرة زيدة كم بالغرام :cry :?

تقييم الوصفة
عاديةقد أحضرهاجيدةممتازةأكثر من رائعة (1 votes, average: 1.00 out of 5)