كانيلّوني


         وصفة : منى                 2007/06/28                 23 تعليقات
كانيلّوني

تحضير الحشوة :

·         يحمى الزيت على نار متوسطة ثم يقلى البصل و الثوم حتى يشقر البصل .

·         تضاف اللحمة و تقلب على نار قوية مع التحريك بملعقة خشبية حتى تنضج و تمتص مرقها .

·         تضاف البندورة و المرق و ورق الغار ثم تهدى النار و تترك الصلصة على نار هادئة جداً لمدة 45 دقيقة أو حتى تتسبك مع التحريك بين وقت و أخر .

·         تتبل الصلصة بالملح و البهارات ثم تزال ورقة الغار , أصبحت الصلصة جاهزة .

·         يمكن إضافة الفطر أو الجزر أو الفليلفة بعد تقلية اللحمة للحشوة حسب الرغبة . 

تحضير الصلصة :

  ·         تسخن الزبدة ثم يقلب فيها البصل حتى يشقر .

·         تضاف البندورة و باقي المقادير و تترك الصلصة حتى تسمك قليلاً لمدة 15 – 20 دقيقة .

·         يمكن أن يستعمل الخلاط العامودي لطحن الصلصة إذا كنت ترغبين بصلصة ناعمة و يمكن أن تترك الصلصة على حالها .

تطبيق الوصفة : 

·         تمد نصف صلصة البندورة في قعر طبق بايركس أو طبق فخار .

·         تحشى أنابيب الكانيلّوني بهذه الحشوة أو تفتح حبة كريب و يمد عليها من الحشوة ثم تلف كالسيجار .

·         ترتب القطع المحشية فوق الصوص ثم تغطى بباقي الصلصة و ترش الجبنة على الوجه .

·         في حال استعمال الأنابيب الجاهزة توضع الصينية في البراد لمدة ساعتين على الأقل .

·         تخبز الصينية في الفرن على درجة حرارة 180 درجة مئوية لمدة نصف ساعة تقريباً ثم تترك لمدة عشر دقائق لتتهدى قبل التقديم .

 

 




علبة كانيلّوني أو وصفة الكريب
جبنة صفراء مشكلة ( غرويير , بارمزان , موزاريلا )


صلصة البندورة الإيطالية :

ملعقة كبيرة زبدة
كيلو بندورة ( ما يعادل 5 – 6 حبة ) مقشرة و مفرومة ناعماً
حبة كبيرة بصل مفروم ناعماً
رشة سكر ( اختياري )
ملح
ملعقة كبيرة خل البلسمي
نصف كوب من الماء ( في حال استعمال الكانيلّوني الجافة )

صلصة البولونيز :

2 ملعقة كبيرة زيت زيتون
حبة كبيرة بصل مفروم ناعماً
3 فص ثوم مهروس
نصف كيلو لجمة مفرومة
3 حبة بندورة مقشرة و مفرومة ناعماً
نصف كوب من مرق اللحم
ورقة غار
ملح و بهار مشكل
ملعقة صغيرة أوريغانو ( اختياري )
رشة سكر ( اختياري )





تحضير الحشوة :

• يحمى الزيت على نار متوسطة ثم يقلى البصل و الثوم حتى يشقر البصل .

• تضاف اللحمة و تقلب على نار قوية مع التحريك بملعقة خشبية حتى تنضج و تمتص مرقها .

• تضاف البندورة و المرق و ورق الغار ثم تهدى النار و تترك الصلصة على نار هادئة جداً لمدة 45 دقيقة أو حتى تتسبك مع التحريك بين وقت و أخر .

• تتبل الصلصة بالملح و البهارات ثم تزال ورقة الغار , أصبحت الصلصة جاهزة .

• يمكن إضافة الفطر أو الجزر أو الفليلفة بعد تقلية اللحمة للحشوة حسب الرغبة .


تحضير الصلصة :


• تسخن الزبدة ثم يقلب فيها البصل حتى يشقر .

• تضاف البندورة و باقي المقادير و تترك الصلصة حتى تسمك قليلاً لمدة 15 – 20 دقيقة .

• يمكن أن يستعمل الخلاط العامودي لطحن الصلصة إذا كنت ترغبين بصلصة ناعمة و يمكن أن تترك الصلصة على حالها .


تطبيق الوصفة :


• تمد نصف صلصة البندورة في قعر طبق بايركس أو طبق فخار .


• تحشى أنابيب الكانيلّوني بهذه الحشوة أو تفتح حبة كريب و يمد عليها من الحشوة ثم تلف كالسيجار .


• ترتب القطع المحشية فوق الصوص ثم تغطى بباقي الصلصة و ترش الجبنة على الوجه .


• في حال استعمال الأنابيب الجاهزة توضع الصينية في البراد لمدة ساعتين على الأقل .

• تخبز الصينية في الفرن على درجة حرارة 180 درجة مئوية لمدة نصف ساعة تقريباً ثم تترك لمدة عشر دقائق لتتهدى قبل التقديم .



  • وصفات تانية ممكن تعجبك


التعليقات

  1. Rino 12 June 2008

    ما شاء الله منى الوصفة تحفة
    بتعرفي إلي أكتر من شهر جايبة علبة كانيلوني و لهلق ما قررت كيف بدي أعملا محتارة شو أحشيها و شو حطلها صلصة على الأرجح رح أعملها بطريقتك بس أنا مفكرة حط عالوش بشاميل و جبنة قشقوان أولك بتلع طيبة

  2. ام نور 13 June 2008

    سلم دياتك منى عاهل فكرة شكلا طيبة بوقرة رح جربا انشالله وخبرك :) بس بالانابيب

  3. منى 14 June 2008

    هل رينو :)
    بتطلع طيبة , بس البيشاميل منستعمله لما منكون حاشينها بالدجاج أكتر ;)

    اذا جربتيها خبريني

  4. منى 14 June 2008

    هلا ام نور:)

    أكيد بالانابيب , ان شاء لله بتعجبك و اسفة للتاخير بالوصفة :zzz

  5. نوارة 15 June 2008

    هلا ميمو انا مرة جربتها بالسبانخ والجبنة وصلصة الباشاميل بس ما حبيتها وكنت رايدة اجربها بصلصة بندورة بس ما عرفت شلون بس هلق اكيد رح اجربها بطريقتك شكلها بجنن

  6. منى 15 June 2008

    هلا نوارة يا عسلي الي مشتاقتله كتيررر

    , ان شاء الله تجربيها و تكون متل ما بتحبي , و إذا جربتيها يا ريت تخبريني;)

  7. ام نور 17 June 2008

    منى جربت الكانيلوني بالمعكرونة الانابيب مع الاسف ما نجحت معي ابدا بس معليش رح ارجع جربا مرة تانية ولا حتى تظبط المشكلة ولا مرة عاملة هالنوع ابدا ورحت اشتريت علبة انابيب مكتوب عليا انو ليست بحاجة لا سلق استواء سريع وحشيتا صوص بولونيز وصفيتون ملزقين ببعضون ما تقولي لما استوا كبر حجم القطع ولزقوا ببعضون وصارو لما شيل القطعة تكون مفتوحة وطالعة اللحمة منا :upset يعني بيشبهوا كل شي الا الكانيلوني
    فشو رايك لازم اعمل مرة تانية :?

  8. منى 17 June 2008

    المشكلة الي صارت معك انك تركتيها بالبراد و هي مكتوب عليها سريعة فما اتحملت , أعتقد هيك ,, لما تجربيها مرة تانية ممكن تشتري كانيلوني مصنوعة من سميد القمح القاسي و هي احسن نوع للكانيلوني أو اللازانيا, و إذا بقيان عندك من هل النوع معناها اطبخيه من دون ما تضيفي مي للصوص و من دون ما تتركيها ساعتين بالبراد , و كمان عينك دليلك ;)

    يلا ازرعيها بدقني هل المرة و ان شاء الله بتضبط معك المرة التانية

  9. ام نور 17 June 2008

    ولك عادي ولا يهمك موني ;) رح جربا بس بغير نوع صح انا تركتا ساعتين كل فكري تشرب النكهة :grin

  10. تورتاية بالكريز 21 June 2008

    تسلم ايدكي احلى منمون الغالية والله اليوم اجازتي ووكنت محتارة اطبخ ايه وودكرتيني بهالاكلة الطيبة ان شاء الله اجربها بطريقتك غاليتي وتقديمك رائع انا دايما بعملها ببشاميل بس تعرفي اعتقد كدا اخف تسلم ايدكي الحلوة ياقمر

  11. منى 21 June 2008

    هلا حبيبتي ام ياسمين الغالية , بعد زمان هل القمر الحلو ما بان :)

    انا بعلها بالبشاميل لما بطبخها مع الدجاج أكتر , و كمان مع اللحمة طيبة , بس هي الوصفة الأصلية و البسيطة ;)

    و ان شاء الله رح ضيف وصفات تانية للكانيلوني , و اذا جربتيها خبريني يا أحلى قمر بمصر

  12. Eman 30 August 2008

    اليوم عملتها وصراحة شكلها كان بشهي ، مشان هيك ما انتظرت لتستوي وأكلت حبتين منها قبل ما تدخل الفرن!! :p
    بدي أسألك منى كيف بتعملي كريب الشوكولا؟؟ حابة أعرف طريقته ؛ دقته من قبل من مطعم الأسطورة بحلب وكان طيب كتير بالشوكولا وأحيانا مع الشوكولا والكريمة والموز ..يممممي كله طيب :zzz
    يسلمو على الوصفة الحلوة والدقيقة ;)

  13. منى 31 August 2008

    هنا و عوافي أمولة :)
    من عيوني وصفة الكريب , اصلا هي جاعهزة عندي من زمان بس بدها تنزيل ان شاء الله ;)

  14. سارونات 2 April 2009

    السلام عليكم و رحمة الله و بركاته

    اختي منى هل ضروري خل بلسمي او ممكن خل عادي

    و قديش وزن علبة الكانيلوني اللي راح نحتاجها لهالوصفة يعني 250غ أو 500 غ و هل استعملتيها كاملة او لا

    بالتوفيق
    سلام

  15. منى 2 April 2009

    هلا اختي :)
    انا استعمل البلسمي لان طعمته اخف و فيها شي من الحلاوة نوعا ما , ما جربت بالخل العادي . العبوة تقريبا@ 500 غ و انت استعملي لحتى تخلص معك الحشوة :)

  16. سارونات 6 April 2009

    السلام عليكم و رحمة الله و بركاته

    طيب اختي منى شو رأيك بتنفع بالخل العادي او لا او فيني استغني عنه نهائيا

    بالتوفيق

    سلام

  17. منى 7 April 2009

    يا اختي الطريقة الايطالية بدها خل بلسمي ;) اذا حابة تغيري في الوصفة ممكن يزبط بس مو على مسؤوليتي :grin

  18. سارونات 9 April 2009

    السلام عليكم و رحمة الله و بركاته

    يخليلي ياكي اختي منى

    انا مو مستعملة الخل البلسمي من قبل و بما انه فيه طهمة حلاوة فبفضل استعمل الخل العادي احسن
    ان شاء الله راح جربها قريبا و خبرك بالنتيجة

    بالتوفيق

    سلام

  19. منى 9 April 2009

    هلا سارونات :)
    صح فيه حلاوة بس مو لاذع متل الخل العادي .
    انصحك تجربيه بالخل البلسمي او تستغني عنه خالص و على فكرة لازم يكون هل الخل بخزانة مطبخ لان بيعطي طعم مميز كتير للسلطة و بقية الاطباق ,

    خلاصة , اتشجعيو اشتري منه و رح يعجبك

  20. سارونات 9 April 2009

    السلام عليكم و رحمة الله و بركاته

    يخليلي ياكي اختي منى وضحت الفكرة هلا
    راح اخذ نصيحتك بعين الاعتبار و ان شاء الله بأقرب فرصة راح اشتري خل بلسمي

    ربنا يوفقك و يسهل دربك
    سلام

  21. سارونات 6 December 2009

    السلام عليكم و رحمة الله و بركاته

    منووش بدي لو سمحتي حشوة الدجاج للكانيلوني و هل اذا ساويت حشوة دجاج بساوي صلصة طماطم للتغطية او صلصة بيشاميل

    بالتوفيق

    سلام

  22. منى 6 December 2009

    هلا سارونات :)
    حشوة الدجاج ممكن تكون بصلة مع دجاج مسلوق و بهارات على زوءك و منها بهارات ايطالية او حبق

    و كمان ممكن تستعملي صلصة حمراء او بيضا على زوءك , كل واحدة طعمة مختلفة و التنتين يم يم ;)

  23. سارونات 8 December 2009

    السلام عليكم و رحمة الله و بركاته

    يخليلي ياكي منوووش ان شاء الله بس جربها راح خبرك

    اشتقتلك كتيير منووش الحمد لله رجعتيلنا الله يديمك معنا

    بالتوفيق
    سلام

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)