كب كيك الكوسا


         وصفة : منى                 2008/08/25                 18 تعليقات
كب كيك الكوسا

·          يحمى الفرن على درجة حرارة 180 درجة مئوية , يغلف قالب الكب كيك بورق الزبدة .

·          يقلى البصل و الثوم و المرتديلا بملعقتين من الزيت حتى تصبح قطع المرتديلا مقرمشة ثم تترك جانباً حتى تبرد .

·          يبشر الكوسا ثم يعصر بين راحتي الكف للتخلص من السائل الزائد في الكوسا .

·          يخلط الكوسا و مزيج البصل و الطحين و البيكنغ بودر و الجبنة ثم يتبل المزيج بالملح و البهار المشكل و يقلب الكل حتى الحصول على مزيج متجانس .

·          يخفق البيض و الزيت بمضرب سلك حتى يتجانسا , يصب مزيج البيض فوق مزيج الكوسا و يقلب الكل ثم يصب في قوالب الكب كيك مع الأخذ بعين الاعتبار أن المزيج سينفش بشكل بسيط .

·          تخبز الكب كيك في الفرن لمدة 20 – 30  دقيقة أو حتى تنضج و يصبح لونها ذهبيا و جميلاً .

·          يقدم الكب كيك مع السلطة الحامضة و الكتشاب .  




نصف كيلو كوسا مبشورة ( ما يقارب 4 حبة كوسا متوسطة الحجم ) أو يمكن استعمال لب الكوسا
8 – 10 بيض
بصلة متوسطة الحجم
فص ثوم كبير
كوب كامل أو أقل من المرتديلا المقطعة لمكعبات
كوب جبنة شيدر مبشورة
نصف كوب طحين
ملعقة صغيرة بيكنغ بودر
ثلث كوب زيت زيتون
ملح و بهار مشكل





• يحمى الفرن على درجة حرارة 180 درجة مئوية , يغلف قالب الكب كيك بورق الزبدة .

• يقلى البصل و الثوم و المرتديلا بملعقتين من الزيت حتى تصبح قطع المرتديلا مقرمشة ثم تترك جانباً حتى تبرد .


• يبشر الكوسا ثم يعصر بين راحتي الكف للتخلص من السائل الزائد في الكوسا .

• يخلط الكوسا و مزيج البصل و الطحين و البيكنغ بودر و الجبنة ثم يتبل المزيج بالملح و البهار المشكل و يقلب الكل حتى الحصول على مزيج متجانس .


• يخفق البيض و الزيت بمضرب سلك حتى يتجانسا , يصب مزيج البيض فوق مزيج الكوسا و يقلب الكل ثم يصب في قوالب الكب كيك مع الأخذ بعين الاعتبار أن المزيج سينفش بشكل بسيط .



• تخبز الكب كيك في الفرن لمدة 20 – 30 دقيقة أو حتى تنضج و يصبح لونها ذهبيا و جميلاً .

• يقدم الكب كيك مع السلطة الحامضة و الكتشاب .
  • وصفات تانية ممكن تعجبك


التعليقات

  1. Eman 26 August 2008

    شكلها بشهي ،يمييي
    ممكن أعملها بالكوسا الأخضر؟ وقوالب الكب كيك كأنها صغيرة مو هيك ؟؟ يعني الصينية أم ال12 قالب مو 6 ما هيك؟

  2. منى 26 August 2008

    أكيد فيك تعمليها بالكوسا الأخضر و القالب هو الي فيه 12 :)

    يلا عمن انتظر تجربيها اذا الله راد

  3. سارونات 31 August 2008

    السلام عليكم و رحمة الله و بركاته و الله الكوسا شكلها عامله عمايلها معك شو هالابداع و ان شاء الله ستتم التجربة
    بالتوفيق
    سلام

  4. سارونات 1 September 2008

    السلام عليكم و رحمة الله و بركاته
    رجعت و رجعت اسئلتي المزعجة :upset هل فينا نقلل من مقدار البيض لانو كتير بعرف انو دور البيض هو انو يخلي المكونات تمسك ببعض بس قلت اسألك و كمان هل يمكن استعمال بياض البيض فقط شو قولك
    و سؤالي المعتاد هل يمكن استبدال جبن الشدر بالجين الابيض العادي حيث يتم وضعه في الفريزر لدقائق ثم بشره
    بالتوفيق
    سلام

  5. منى 2 September 2008

    هلا أختي :)
    و لا يهمك أسئلتك على العين و الراس , ممكن تقللي من البيض , بس مو ممكن تستخدمي بياض البيض , و إذا الجبنة الصفراء مو من الاشياء الي بتحبي تستعمليها بالوصفات , ممكن تستخدمي الجبنة البيضاء بس رح تبقى قطع ظاهرة مو متل الجبنة الصفراء الي رح تدوب ;)

  6. سارونات 13 September 2008

    السلام عليكم و رحمة الله و بركاته
    ساويتها بالاسبوع الاول من رمضان و طلعت كتير طيبة و شكلها كتير حلو و هي سهلة و ما بتاخد وقت ابدا و ساويتها بجبن مبشور
    و بينما انا عم ساويها قطعو الكهربا مشان يصلحو شي فساويتها على ضوء الموبايل
    و وجودها بالسفرة بيجزب النظر و الكل بيسأل شو هي مع ان في اللي ما تقبلو انها تكون شي مالح و محطوط باكياس كب كيك عاساس انو الاكياس بس للحلو بس انا وراهم و راهم و اكيد الطعمة الطيبة راح تنتصر بالاخير
    اكيد راح ساويهم مرة تانية و تالتة و رابعة لان عم جد وصفة مميزة و بنصح الكل يجربوها
    في عندي فكرة كتير بسيطة ساويتها قبل مع الكب كيك و بيطلع شكلهم كتير حلو و هي انك تتركيهم يبردو شوي و بعدين تطلعيهم من الاكياس الورقية و تقلبيهم يعني الوجه بيصير تحت و بتحطيهم بالطبق بشكل متناسق و بيطلع شكلن كتير حلو راح جربامع كب كيك الكوسا و بشوف كيف بيطلعو و هيك بتكون طريقة تقديم مختلفة و منتخلص من مشكلة الضيوف اللي يمكنم ما يتقبلو فكرة الاكياس الورقية بعتقد مشكلة التقبل هي هي في كيفية اكلهم يعني يمكن ينزعجو من الكيس
    جازاك الله خيرا اختي منى على هالوصفة المميزة و جعله في ميزان حسناتك
    بالتوفيق
    سلام

  7. dado 26 September 2008

    باينة أكلة طيبة كتير.. أنا بموت على الكوسا وعلى المعحنات.. كيف اذا اجتمعوا سوا 8)
    بس عندي سؤال أخت منى.. هل بالامكان الاستغناء عن المرتديللا أو استبدالها بشي تاني؟ لأنو أنا ما باكل لحم.
    وشكرا كتير وجزاك الله ع قد تعبك

  8. منى 26 September 2008

    مية هلا سارونات :) بتعرفي , أحيانا اسئلتك طويلة و بتسألي عن أدق التفاصيل بس لما تجربي وصفة كمان بتعطي رايك بادق التفاصيل , لهيك ردودك على الوصفات الي مجربتيها مميز و بيغني الوصفة ..

  9. سارونات 27 September 2008

    السلام عليكم و رحمة الله و بركاته
    :) تسلميلي اختي منى كتير فرحت بكلماتك الطيبة يخليلي ياكي:zzz بدي ارجع ساويهم اليوم و بدي اعرف ازا فيني جهزهم و حطهم بالقوالب و خليهم بالبراد لشي ساعة قبل ما دخلهم الفرن و ازا بينفع فهل عطول بفوتهم على الفرن او بنطر تياخدو درجة حرارة الغرفة بينما الفرن عم يحمى
    بالتوفيق
    سلام

  10. منى 27 September 2008

    هلا دالو :) ان شاء الله بتعجبك كتير , فيك تستغني عن المرتديلا بس النكهة بدها تعزيز , زيدي شوية بهارات و لو بتاكلي لحم دجاج ممكن تضيفي دجاج مسلوق ;) مية اهلا و سهلا نورتي اختي

  11. منى 28 September 2008

    هلا سارونات :) اختي لا ما بيصير انك تخليهم ساعة قبل ما تخبزيهم , لازم ينخبزا على طول بعد ما تجهزيهم , هنا و عافية مقدماَ

  12. souha 11 December 2008

    هلا كيفك منى كل عام و انت بخير
    كيف قضيتي العيد؟
    اليوم عملت الوصفة كتير طلعت طيبة و والدتي حبتها كتير و عجبتها فكرة الأكياس يعني ما في قلي ما في دسم المرة الجاية بدي ضيف عليها بقدونس و بركي شوية جزر وهي الصورة و قوليلي رأيك
    [url=http://www.0zz0.com/realpic.php?s=7&pic=2008/12/11/21/690467646.jpg][img]http://www7.0zz0.com/thumbs/2008/12/11/21/690467646.jpg[/img][/url]
    بس أنا لما طالعتها من الفرن و صفيتها بالصحن بعد شوي شفت بالصحن شوية رطوبة مع أنها استويت كتير منيح يعني نص ساعة بالفرن يا ترى هدا من بخار الماء :zzz
    سلام

  13. منى 12 December 2008

    هلا ام السوس :)
    كل سنة و انت بالف الف خير
    متل ما قلتي المهم الفكرة و بعدها انت و زوءك
    الرطوبة الي طلعت سببها انك حطيتيهم قريب كتير من بعضهم , انا بالعادة ببردهم على رف الفرن الي متل الشبك , طبعا و هو برة الفرن :zzz

    الف صحة و هنا و الصورة منظرها بيشهي , يممي , انا بموت على الكوسا

  14. شفاء 20 August 2009

    هلأ طالعتا من الفرن وعمبدوقها;)

    فعلا طعمتها لا يُعلا عليها والاولاد كتير عجبتن وماحدا اكتشف الكوسا غيري :grin

    وطبعا انا حطيت كلشي قلتي عليه يعني البقدونس والجزر يعني ماشاء الله الاكلة جمعت كتير فوائد
    مليحة للاطفال خاصة انن بصوموا

    واكيد رح اعتمدا

    الله يجزيك الخير يامنى ويكتبلك بكل حرف حسنة

    واكيد بكرة برمضان رح ادعيلك كتير

    ورح اعملك دعاية اكتر(عاساس انا مو عاملة دعاية من شي 3 شهر) :grin

  15. tamtoom 27 April 2010

    هاي يا صبايا.. شكرا كتير ع الاكلات الطيبين انا صرلي فترة عم جرب الوجبات الظريفة اللي عندكن بس لهلأ قررت اعمل اشتراك وكون عضو نافع واعطي رأيي.. هلأ الكب كيك بياخد العقل انا عملتوا بس بما انو ما كان عندي كوسا ولا مرتديلا حطيت بدالون فول اخضر ونقانق وحطيتن بقوالب الكب كيك الورق لانو ما عندي المعدن المهم شو بدي احكي طلعوا شغغغغغغلة بياخدو العقل عن جد يسلم هالايدين

  16. منى 28 April 2010

    هلا شفاء :)
    الف الف صحة و هنا على البك و الب الصبايا الحلوات , كتير انبسطت انهم عجبكي و عجبوهن .
    الله يخليلي ياكي و الف الف شكر للدعوات الكريمة من اخت كريمة :zzz

  17. laimuna 14 May 2010

    بدي جربها انشالله الوصفة باين عليها مميزة كتير وانا كتييييييير بحب الكوسا يسلمو ايديكي منى

  18. منى 16 May 2010

    ان شاء الله تجربيها و تكون على زووءك :)

    رح استنى رايك ;)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)