كرات الدجاج مع الطماطم و الزعفران


         وصفة : سها قمند                 2009/08/25                 24 تعليقات
كرات الدجاج مع الطماطم و الزعفران

·         يوضع الدجاج المفروم مع الدهنة في وعاء كبير و يدعك جيدا ثم يضاف الشبت و البقدونس و الكزبرة و الرز و الحمص و يتبل المزيج بالبهار و الملح و القرفة و جوزة الطيب و تمزج المواد جيدا ثم ترطب اليدان بالماء و يشكل الدجاج على شكل كرات بحجم الجوزة .

·          يسخن الزيت في قدر و يقلى البصل حتى يكتسب اللون الذهبي ثم يضاف الليمون المجفف و أوراق الزعفران و الكركم و الفلفل و البندورة المبشورة و  معجون الطماطم و مكعبي المرق و يحرك المزيج لمدة 5 دقائق .

·         يضاف الماء( قد يحتاج إلى أكثر من أربع أكواب ) و يترك المزيج حتى يغلي و عند الغليان تضاف كرات الدجاج على دفعتين أو حسب حجم القدر .

·         بعد أن تنضج الكرات يترك المزيج على نار خفيفة حتى يتسبك و يصبح قوامه أكثف قليلاً ثم يقدم بجانب الرز المفلفل و بالصحة و العافية

 

750 غ صدور دجاج منزوع عنها الجلد و مفرومة
100 غ دهنة غنم
½ كوب أرز بسمتي مطبوخ ( يكال المقدار بعد الطبخ )
½ كوب حمص مطبوخ و مقسوم
½ كوب بقدونس طازج مفروم
¼ كوب كزبرة خضراء مفرومة ( اختياري)
¼ كوب شبت مفروم
4 ملعقة كبيرة زيت نباتي
1 حبة بصل حجم وسط مفرومة
2 حبة ليمون مجفف
رشة صغيرة من أوراق الزعفران
½ ملعقة صغيرة من مسحوق الكركم
2 حبة بندورة متوسطة الحجم و مبشورة بدون القشر
3 ملعقة كبيرة من معجون الطماطم
½ ملعقة صغيرة فلفل
2 مكعب مرقة الدجاج
4 أكواب ماء










• يوضع الدجاج المفروم مع الدهنة في وعاء كبير و يدعك جيدا ثم يضاف الشبت و البقدونس و الكزبرة و الرز و الحمص و يتبل المزيج بالبهار و الملح و القرفة و جوزة الطيب و تمزج المواد جيدا ثم ترطب اليدان بالماء و يشكل الدجاج على شكل كرات بحجم الجوزة .

• يسخن الزيت في قدر و يقلى البصل حتى يكتسب اللون الذهبي ثم يضاف الليمون المجفف و أوراق الزعفران و الكركم و الفلفل و البندورة المبشورة و معجون الطماطم و مكعبي المرق و يحرك المزيج لمدة 5 دقائق .

• يضاف الماء( قد يحتاج إلى أكثر من أربع أكواب ) و يترك المزيج حتى يغلي و عند الغليان تضاف كرات الدجاج على دفعتين أو حسب حجم القدر .

• بعد أن تنضج الكرات يترك المزيج على نار خفيفة حتى يتسبك و يصبح قوامه أكثف قليلاً ثم يقدم بجانب الرز المفلفل و بالصحة و العافية




  • وصفات تانية ممكن تعجبك


التعليقات

  1. ام نور 26 August 2009

    فينا نسميا كفتة الدجاج مهاك شكلا طيبة رح جربا وخبرك

  2. Iman 26 August 2009

    ما شاء الله يا سهى ابدعتي. وصفه لذيذه كتير. المطبخ الهندي من اقرب المطابخ لقلبي بعد الحلبي. بتخيلا طيبه مع رز بسمتي بالهيل او الفستق. شكرا

  3. منى 27 August 2009

    كتير كتير الوصفة شكلها يمي , و هي الدهنة اكيد من اقتراحات الماما :zzz

    سهى يا ترى من وين عم تجيبي شبت ؟ انا لقيت منه مرة واحدة بس في شي مول من هل المولات نسيت ايا واحد , بس كانت مرة و ما انعادت , انت من وين عم تجيبيه :?

  4. souha 27 August 2009

    هلا أم النور مزبوط كلامك لأنو هي عبارة عن كفته بس بالدجاج و هالأكلة مارح تاخد منك وقت كتير بالطبخ عم استنا تجربها و تخبريني رأيك :zzz

  5. souha 27 August 2009

    هلا أم النور مزبوط كلامك لأنو هي عبارة عن كفته بس بالدجاج و هالأكلة مارح تاخد منك وقت كتير بالطبخ عم استنا تجربها و تخبريني رأيك :zzz

  6. souha 27 August 2009

    هلا منى كيفك يا ستي هي الدهنة من اقتراحاتي بس الكمية من اقتراحات ماما
    الشبت أنا ما كنت بعرف وين بيلاقو لحتى وحدة رفيقتي دلتني أنو بالنيو تاون بتلاقي و فعلا طرقت الطريق خصوصي كرمال هالأكلة و جبت الشبت و الليمون المجفف من هنيك :zzz
    سلام

  7. souha 27 August 2009

    السلام عليكم
    هلا إيمان كل عام و أنت بخير مباركة طاعتك :)
    شكرا على كلماتك الحلوة هادا من زووءك
    والله ما بعرف إذا هالأكلة أكيد من المطبخ الهندي بس شكلها هيك بيقول ;)
    أنا مالي دايقة الرز بالهيل و الفستق كيف بتعملي
    سلام

  8. منى 27 August 2009

    خلص رح جرب ارجع اسأل , الله يعطيكي الف عافية ;) انت و الماما و الله يخليكم لبعض و يديمكم بالصحة و العافية

  9. سارونات 3 September 2009

    السلام عليكم و رحمة الله و بركاته

    كتير حلوة الوصفةاختي سهى و بما اني قريت في الردود ان دهنة الغنم اضافة شخصية للوصفة فهذا يعني انها بتنعمل من غير دهن صحيح :? يا ريت تخبريني اذا بتنفع و تطلع طيبة من غيره مشان جربها

    بالتوفيق

    سلام

  10. souha 4 September 2009

    السلام عليكم
    هلا أخت سارونات :) الوصفة الأصلية ما فيها دهنة بس أنا اخترت حطلها دهنة لأنو صدور الدجاج بتبقى ناشفة شوي و الدهنة رح تعطيها طراوة فيكي تجربيها بدون دهنة بس إذا بدك نصيحتي جربيها بنص كمية الدهنة يعني 50 غ يلا ناطرتك تجربيها و تقوليلي رأيك و أنشاء الله صحة و هنا مقدما ;)

  11. Eman 25 October 2009

    السلام عليكم ورحمة الله وبركاته ،
    اليوم جربت الوصفة ، وصفة رائعة بكل معنى الكلمة ، ونكهاتها تعبر عن الذوق العربي الأصيل ،باستخدام الزعفران والشبت والكركم ، جعلني أدعو الله أن يرزقني الجنة حتى أنعم بفراش الزعفران الذي يملأ أرضها ,, رزقنا الله وإياكم الجنة ونعيمها أجمعين.
    عودة للوصفة الرائعة، استخدمت جميع المواد المذكورة ما عدا :الكزبرة ،اللومي ،الارز والدهنة.. حتى الزيت ما استخدمته بتقلاية البصل واستعضت عنه بزيت سبراي (من أجل الصحة)، وقدمتها مع أرز بالهيل ونثرت على وجهه شبت مقطف .
    وزوجي سألني عن مصدرها ، وطلب مني أن أشكرك سهى وأشكر موقع لقمة طيبة ، سألني عن أصلها ، وأتمنى أن أعرف منك سهى مسقط رأس هذه الأكلة …
    مع خالص حبي ودعائي لك بالجنة ونعيمها سهى الغالية :)

  12. souha 1 December 2009

    هلا إيمان كيفك :)
    أولا أسفة لتأخير الرد صدقيتي اليوم حتى شفتو و بشكرك أولا على الدعوات الحلوة و ربي يرزفنا الجنة أجمعين و ثانيا بشكرك على تطبيق الوصفة لأنو بحسها مظلومة بس صدقوني يلي بيجربها رح يحبها كتير ما تقولو عم تعمل دعاية للوصفة :grin بس فعلا طيبة و بدي قلك صحة و هنا على قلب العيلة كلها بالنسبة لتاريخ الوصفة ما بعرف عنو شي مع إني بهتم كتير بتاريخ الطبخ بس بحس إنها أخدة شوي من المطبخ العربي و شوي من المطبخ الهندي على كل حال المهم في انهاية الطعمة :zzz
    و كل عام و أنتي بخير بمناسبة عيد الأضحى و منى و كل زوار الموقع

  13. karamela 20 November 2010

    السلام عليكم لسهى ومنى
    عندي اسئلة عن هالطبخة ياريت وحدة فيكن تجاوبني واذا بتجاوبوني انتو التنتين فيا سعدي ويا هنايا
    اول شي انا الشبت بسمع عنو وما بعرفو ياترى كيف شكله
    تاني شي بصير اعمل هالاكلة بدون زعفران وبدون شبت
    والسؤال التالت شو بتقصد سهى بحمص مقسوم
    وبدي اسألكن وين هالغطة والله كتير اشتقنالكن بتمنى تجاوبوني على اسئلتي كلها وبالذات السؤال الاخير

  14. منى 21 November 2010

    كل سنة و انت سالمة كرميلا :)

    رح ابدا من الاخير للاول ;)

    انا هلا عم حضر شي مهم و عندي اخر وقت راس السنة , لهيك مشغولة كتير و ما ووقتي ضيق كتير :roll
    ان شاء الله فترة و بتعدي و بدي تدعيلي بالتوفيق و ربي يبارك بوقتي

    الحمص المقسوم , هو بعد ما تسلقي الحمصات بتحطيها بمي باردة و بتحركيها , بتلاقي القشة طلعت لفوق و حبة الحمص نفسها صارت نصيين

    ما عندي فكرة اذا فيك تحضري الوصفة بدون شبت و زعفران , هي بدها سهى لتجاوب

    اخر الشي الشبت هي صورته

    [img]http://www.bonappetit.com/images/tips_tools_ingredients/ingredients/2008/11/ttar_dill_bunch_v.jpg[/img]

    و هو مو متوفر الا بالمولات الكبيرة :)

  15. karamela 21 November 2010

    حبيبتي منى
    لاتفكري اني نسيت المفاجأت اللي وعدتينا فيهن يوم عيد ميلاد لقمة طيبة وعندي احساس انو هاد الشي اللي شاغلك
    بتمنى يكون كتاب خاص بانستنا او حتى برنامج تلفزيوني
    ومن هون لحتى اعرف يارب الله يباركلك بوقتك ويسعدك على قد ما اسعدتي ناس من هالموقع
    امين يااكرم الاكرمين

  16. souha 31 January 2011

    هلا صبايا كيفكن
    هلا كرميلا أسفة إني متأخرة بالرد بس عذريني شغلي لفوق راسي بالنسبة للحمص متل ما قالت منى شغلتو سهلة كتير يعني إذا بتغطي عليه بعد السلق بيستسلم لحالو أما الزعفران و الشبت ما فيكي تستغني عنهن لأنو هالوصفة مكوناتها قليلة و بتعتمد على المطيبات لحتى تحصلي على النكهة المميزة و بالنسب للشبت بنصحك تجربي طعمتو خيال و بيلاقي استحسان عند معظم الناس و معلومة عالطاير لما تشتري الشبت لا ترمي منو و لا تنتوفة قصي الأعواد السفلية و حطيها مع المخلل لما بتكبسه بس شو مخلل بيطلع غراااااااام :p
    كيفك منونة من وين جايبة صورة الشبت غرف قلبي رح نط جوا الشاشة :grin
    سلام لكل الصبايا

  17. souha 31 January 2011

    هلا صبايا كيفكن
    هلا كرميلا أسفة إني متأخرة بالرد بس عذريني شغلي لفوق راسي بالنسبة للحمص متل ما قالت منى شغلتو سهلة كتير يعني إذا بتغطي عليه بعد السلق بيستسلم لحالو أما الزعفران و الشبت ما فيكي تستغني عنهن لأنو هالوصفة مكوناتها قليلة و بتعتمد على المطيبات لحتى تحصلي على النكهة المميزة و بالنسب للشبت بنصحك تجربي طعمتو خيال و بيلاقي استحسان عند معظم الناس و معلومة عالطاير لما تشتري الشبت لا ترمي منو و لا تنتوفة قصي الأعواد السفلية و حطيها مع المخلل لما بتكبسه بس شو مخلل بيطلع غراااااااام :p
    كيفك منونة من وين جايبة صورة الشبت غرف قلبي رح نط جوا الشاشة :grin
    سلام لكل الصبايا

  18. منى 1 February 2011

    الله يخليك كرميلا على الدعوات الحلوة الكريمة من اخت كريمة متلك :) و متل ما قلتي هادا الشي الي شاغلني :zzz

    ام السوس طولتي الغيبة هل المرة :roll
    بتعرفي من وقت ما دليتيني على الشبت و انا بجيب منه دوما و كتير بيعطي نكهة طيبة و انا عم استعمله كتير للسلطة , بس لسا ما جربته للمخلل , هلا رح جربه ان شاء الله

    يا ستي هي الصورة من بابا جوجل , حبيب الملايين الله يخليلنا ياه :grin

  19. zena al afandi 15 March 2011

    تسلم إيدكون على هاوصفة اللذيذة ،أنا بحب كتييييير الشبت والزعفران لذلك ركضت ركض وعملت هالأكلة بس للأسف فرطوا الطابات أثناء الطبخ!!!!ياترى شو الغلط اللي عملتو؟؟   :sigh

  20. منى 15 March 2011

    ممكن تكون اللحمة مدهنة ؟

  21. zena al afandi 22 March 2011

    والله ممكن شوي ، أو ممكن قللت الحمص شوي :x على كل حال رح جربها مرة تانية وبخبرك انشاءالله. ألف شكر  

  22. Ruwshan 25 June 2013

    ذائما زوجي كان بيجيب لي صدر دجاج وكنت احير كيف اطبخها ؟؟؟
    عندما وجت هاذا الموقع وشفت هل وصفه ,,,,,

    عملتها وما صدقت وما توقعت هيك لذيذ
    الف شكر لكي ما ننحرم منك يارب

  23. Ruwshan 25 June 2013

    عندي سؤال للست منى
    مافي وصفه للسمك ؟؟؟؟؟

    • منى 27 June 2013

      في بس وصفات السمك بالموقع قليلة , ان شاء الله بكترهن :)

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)