كرات كباب مفاجآت


         وصفة : منى                 2008/09/24                 38 تعليقات

آخر تصويت


آخر تعليق

كرات كباب مفاجآت

·          تدعك اللحمة مع الكعك و الملح و البهار جيداً ثم تقطع لكرات و يعمل تجويف في كل كرة و تحشى بالجبنة ثم تغلق و توضع جانباً .

·          يفرم البصل جوانح و تفرم الفليلفة لعيدان و تجهز البندورة في حال توافرها طازجة تعصر و تصفى .

·          تذوب السمنة على نار متوسطة ثم تضاف كرات اللحمة المحشية و تقلى حتى تنضج من جميع الجهات .

·          ترفع كرات اللحمة من السمنة و يقلى البصل بنفس السمنة حتى يطرى ثم تضاف الفليلفة و الفطر و يقلب الكل لبضع دقائق .

·          يضاف العصير  أو مرق مذوب فيه رب البندورة و يتبل بالملح و رشة بهار و يترك الصوص حتى يغلي و يتسبك .

·          تضاف كرات اللحمة و تترك لتغلي مع الصوص لمدة 5 – 10 دقائق .

·          تقدم كرات اللحمة مع الصوص ساخنة مع الأرز بالشعيرية .

فكرة خفيفة :

يمكن وضع الكرات المحشية في الصوص المحضر مباشرة من دون قلي لنخفيف السمنة المستخدمة في الوصفة .

 




نصف كيلو لحمة مفرومة مرتان ( لحمة كباب )
2 ملعقة كبيرة كعك مطحون ( بقسماط )
ملح و نصف ملعقة صغيرة بهار
جبنة قشقوان أو موتزاريلا مقطعة لمكعبات
ملعقة كبيرة سمنة
2 حبة كبيرة بصل
حبة فليلفة حمراء
حبة فليلفة خضراء
نصف كوب فطر
4 كوب عصير بندورة مصفى أو رب بندورة مع 4 كوب مرق
ملح و رشة بهار





• تدعك اللحمة مع الكعك و الملح و البهار جيداً ثم تقطع لكرات و يعمل تجويف في كل كرة و تحشى بالجبنة ثم تغلق و توضع جانباً .

• يفرم البصل جوانح و تفرم الفليلفة لعيدان و تجهز البندورة في حال توافرها طازجة تعصر و تصفى .

• تذوب السمنة على نار متوسطة ثم تضاف كرات اللحمة المحشية و تقلى حتى تنضج من جميع الجهات .

• ترفع كرات اللحمة من السمنة و يقلى البصل بنفس السمنة حتى يطرى ثم تضاف الفليلفة و الفطر و يقلب الكل لبضع دقائق .

• يضاف العصير أو مرق مذوب فيه رب البندورة و يتبل بالملح و رشة بهار و يترك الصوص حتى يغلي و يتسبك .

• تضاف كرات اللحمة و تترك لتغلي مع الصوص لمدة 5 – 10 دقائق .

• تقدم كرات اللحمة مع الصوص ساخنة مع الأرز بالشعيرية .

فكرة خفيفة :

يمكن وضع الكرات المحشية في الصوص المحضر مباشرة من دون قلي لنخفيف السمنة المستخدمة في الوصفة .
  • وصفات تانية ممكن تعجبك


التعليقات

  1. أم علي 24 September 2008

    شو هالاكلات الغريبة يلي بتجيبين ست منى باينتا شهية ;) ساويت القطر من شوي بس مع الاسف ما نجح معي :cry وساويت عجينة لقمة القاضي لحد الان ماشي الحال ادعيلي تنجح :zzz امبارح اختي ام ساطور عزمتنا على كباب وخضار تحت العيش والله كتير طلعت طيبة وبتشهي وكلنا حبيناها تسلم ايدك على هالاكلات

  2. منى 24 September 2008

    هلا ام علي :) هنا و عوافي على تحت العيش و ريتو مطرح ما سرى مرى .
    هلا القطر شو المشكلة الي صارت معك لحت ااقدر ساعدك ؟ ان شاء الله تنجح معك العوامات بس انتبهي على كمية المي لحتى ما يصير فيك متل ام دانية , بانتظار نتيجة العوامات

  3. ام دانية 24 September 2008

    مساء الخير يا احلى منى :) انا اليوم ما علقت الصبح لانو قررت اعمل الطبخة بالاول وبصراحة طلعت كتير طيبة يسلمو هل الايدين :zzz انا وزوجي كتير حبيناها وخصوصا فكرة الكبابة مع الجبنة 8)ريحتيني الله يريحك لانو كنت محتارة شو بدي اطبخ الله يجزيك الخير قولووووووو امييننننننننننننننننننن

  4. سارونات 24 September 2008

    السلام عليكم و رحمة الله و بركاته
    :eek :eek بسم الله ما شاء الله شو هالوصفة المميزة اختي منى و تنفع خصوصا بالشتاء و فكرة الجبنة كتير مميزة اكيد راح جربا مع ان ما بعتقد راح ساويها برمضان بس ازا قدرت اكيد بساويها اما بعد العيد فاكيد راح ساويها و خبرك بالنتيجة بس عندي شوية اسئلة هل فينا نستبدل السمنة بالزيت و ما مدى اهمية الفطر يعني هل يمكن الاتستغناء عنه و تظل الوصفة طيبة و ازا بدي استعمل بس فليفلة خضرا فهل بستعمل 2 او بس 1 مع ان اكيد الفليفلة الحمرا راح تعطي لون مميز و شو المقصود بعصر البندورة هل المقصود استعمال المبشرة او كيف منعصرها و هل تصفيتها ضرورية ام لا
    بالتوفيق
    سلام

  5. منى 25 September 2008

    خليلي عينك ام دانية على الدعوات الحلوة , أميين يا رب العالمين و هنا و عوافي على كل لقمة أكلتوها ;)

  6. منى 25 September 2008

    هلا سارونات :) أكيد فيك تستبدلي السمنة بالزيت , بس بالسمنة أطيب و الفطر فيك تستغني عنه , الاهم الفليلفة و البصل و بيمشي الحال بلا الفليلفة الحمرا استعملي 2 من الخضراء , البندورة بتغلسيها و بتقسميها بالنص و تحطيها في خلاط العصير و بتخفقيها لحتى تصير بيورييه , بعدها بتصفيها لحتى تتخلصي من القشر و البذر و تصفايتها ضرورية لحتى يصير الصوص أطيب :zzz

  7. ام ناصر 25 September 2008

    الله يجزاكي الخير على هلاكلات الطيبةاخت منى قد ارسلت لك وصفة للكيك مابعرف اذا وصلت لو لا؟

  8. منى 25 September 2008

    مية هلا فيك ام ناصر :) الشكر ليك على الرد و التواجد دائما ..

    اختي للأسف ما وصلني شي لان ميزة اتصل بنا كانت معطلة , هلا فيك ترجعي تبعتيها أو تبعتيها بأي رد , ممنونة الك كتير مشاركتك و بانتظار وصفة الكيك ;)

  9. سارونات 25 September 2008

    السلام عليكم و رحمةالله و بركاته
    جازاك الله خيرا اختي منى اخر سؤال ان شاء الله هلأ لازم الموتزاريلا او القشقوان ما بينفع جبنة مثلثات عادية بعرف انو الغرض انو الجبنة تدوب و تسيح بس هل كل الفترة اللي راح تقضيها الجبنة البيضة العادية مثلثات بالطبخة ما راح تخليها تسيح :?
    الله يوفقك و يسهل دربك
    سلام

  10. muna.g.7 25 September 2008

    اختي منى تسلم ايدك على هالوصفه الغنية وفي نفس الوقت سهلةتصلح اكله عائليه وللضيوف لمل يقضمونها وتطلعلهم المفاجاة السارة طبعا

  11. منى 25 September 2008

    هلا سارونات :) مشكلةالجيبنة المثلثات انها رح تسيح زيادة عن اللزوم و ما رح تبقى بقلب الكرة و رح تطلع لبرة :roll ما انصحك تجربيها فيها ..

  12. منى 25 September 2008

    هلا منونة :) الله يسلمك منونة و أكيد مفاجأة سارة :grin و هي سهلة و ما كتير بتاخد شغل , نورتي يا قمر

  13. تورتاية بالكريز 27 September 2008

    تسلم اييدكي حبيبة قلبي وصفة رائعة وغنية وكل مكوناتها عندي والحمد لله ومنظرها مشهي كتير ماشاء الله
    عندي فكرة بسيطةاكيداختي الغالية تعرفيها لكرات اللحم بعملها لما بعمل الاسباجيتي بكرات اللحم اني بدهن صنية بالزيت واكبب الكفتة لكرات وبدخلها الفرن بتكون خفيفية ومتماسكة ومشربتش دهون كتير
    وان شاء الله بجربها واقولك لانها جديدة واكيد شهية

  14. منى 27 September 2008

    هلا بالغالية ام ياسمين :) ان شاء الله تجربيها و تعجبك , والله اختي فكرة جديدة علي و اتوقع اسهل و اخف بكتير من القلي , رح جرب فكرتك مرة تانية و بخبرك اكيد , و ان شاء الله اذا جربتيها تعجبك :zzz

  15. samar2005 16 October 2008

    مرحبايا منى
    الله يسلم ايديكي عالطبخة الطيبة امبارح جربتها وعنجد زاكية ولذيذة وعجبت زوجي وكمان ابن عمي ومرته وفدمت معها البرغل بالشعرية كمان مرة تسلم ايديك

  16. منى 16 October 2008

    مية هلا سمر :) صحة و هنا على قلبك و قلب زوجك و ضيوفك و ان شاء الله وجهك ابيض على طول

    بتنوري دايما اختي

  17. منامينو 9 November 2008

    اللـــــــــه، ما شاء الله عليكي يا منى، وبرافو عليكي كمان، بحب الأشياء الغريبة اللي مثل هيك ;) تسلم هالأيادي يا رب

  18. منى 9 November 2008

    هلا منامينو :)
    الله يحفظك أختي و يسلم هل الديات الي عم تكتب الرد , رح تعجبك كتير , طيبة و تغير :zzz

  19. بدور 9 November 2008

    والله هالاكلة كمان تغيير شكل و مبينتها كتير طيبة..

    على اساس انا تعشيت و دخلت عالموقع بس الظاهر العشا يلي اكلتو نحرق بس من الصور والوصفات يلي عمشوفا و رجعت عصافير بطني تلحن من جديد :grin

    كلما بدخل على وصفة جديدة بشتهي عليها وبتخيل طعمتها كمان و يا سلاااام 8)

    الله لا يضيعلك تعب يا رب والله اكلاتك كتير مميزة ولمساتك واضحة فيون..

  20. منى 9 November 2008

    هلا بدورة :)
    يلا اتفضلي اتعشي معنا و العشا على زووءك بيكون
    الله يخليلي يالكي يا احلى عسل و ان شاء الله تجربيها و تحبيها ;)

  21. جوعان 12 January 2009

    شكرا جزيلا اخت منى عل هذه الطبخة
    بصراحة شخص مثلي عايش بل غربة هذه الطبخة مثالية و سريعة التحضير اتمني ان تقدمي لنا وجبات سريعة التحضير…….
    مع كل احترامي و تمنياتي لكم بل توفيق و شكرا

  22. منى 12 January 2009

    هلا فيك اخي و الشكر ليك و لتواجدك في الموقع , ان شاء الله اخي ساقوم باضافة المزيد من الوصفات السهلة و السريعة , الاف شكر للدعوات و الك متلها ان شاء الله .

  23. أم ساطور 1 February 2009

    السلام عليكم والله معك حق با اخ جوعان الواحد بيحب هيك وصفات سهلة بس ان شاءالله ماتكون جوعان بالغربة بس فيني انصحك بمحلات التركية وخصوصي الشاورما بتعبي الكرش تمام واهم الشي انها لذيدة :grin وتسلم ايدك اخت منى :roll

  24. منى 1 February 2009

    هلا ام ساطور :)
    الله يسلمك و يا ستي كلامك مظبوط ما في اطيب من التركي :zzz

  25. شفاء 15 September 2011

    كتير حلوة فكرة الجبنة
    كتير انبسطوا عليها الاولاد
    يسلمو ايديكي يارب

  26. منى 15 September 2011

    الله يسلمك و يخليلك القطاط الحلوة ;)

  27. amoula 11 August 2012

    طيبة طيبة طيبة كتيييييير :eek :eek , الله يجزيكي الخير يارب , كنت محتارة شو أطبخ وهالطبخة عبال يمن فترة وموكوناتها بسيطة موجودة بالبيت , عملتها وكان الحمد لله عندي بقيان دبس بندورة من حلب و فطلعت شي غرام :zzz :zzz اكلناها على الافطار وانا مبسوطة الحجي الله يخليلي اياه عجبتو كتيييير وانصدم لما شاف الجبنة بقلبها :grin , الله يعطيكي العافية وصفة بتستحق النكش منشان ينتبهو عليها الصبايا بالفايس بس ان شاء الله بظروف أحسن :)
    صحي ماما مرة عملتاه بس بتعديل انو حطت مكعبات بطاطا قلتهم مع البصل وحطت المي يغلو لتستوي البطاطا بعدين ضافت الدبس بندورة

    • منى 24 December 2013

      مممم , يا الف الف صحة و هنا و عافية يا رب على قلبك امول , يا ستي شو اشتهيت كون عكن على السفرة ع اد ما شهيتيني

      هنا يا رح قلبي

  28. رهف 21 November 2012

    اليوم بدي أطبخها يامنى الله يسلم ايديكي

  29. Mona 22 November 2012

    ان شاء الله بتحبيها , عوافي مقدما يا رب:)

  30. رهف 26 November 2012

    للأسف يامنى أول مرة بعمل شي من وصفاتك مابتصير معي من أول مرة بعد ماحشيت اللحمة طلعت الجبنة منها وقت يلي عبقليها بس ماما قالت لي كان لازم اللحمة تنعجن كتير منيح بقى مابعرف اذا هاد هو السبب …….؟

  31. Mona 28 November 2012

    لازم تنعجن بس مو كتير ..
    يمكن كنتي مرققة اللحمة شوي و الا شو ؟

    :roll ازرعيها بدقني

  32. رهف 28 November 2012

    لا والله
    يامنى عادي يعني مالها رقيقة كتير بس كمان مالها سميكة
    بس كان بقيان شوي من اللحمة ماحشيتها فقليتها وكملت الطريقة نفسها لتحضير الصلصة وطلعت كتير طيبة والله عنجد كتير بحب طبخاتك

    • Mona 24 February 2013

      , ممممم
      ممكن تكون اللحمة بدها دعك شوي ؟
      بكل الاحوال مية صحة و الف هنا و عوافي على قلبك و قلب الك اكل

  33. omomara 28 May 2014

    وهي كمان من الوصفات اللي جربتها وطلعت لذيذة غير شكل

    تسلم ايديك يارب

    ودمت بخير

    • منى 28 May 2014

      الف هنا و صحة يا قمر بكل لقمة و بكل جبنة ساحت و داابت بصحونكن :)

  34. Loshka taha 8 March 2015

    الوصفة حسيتها رائعة وغريبة فحبيت اعملها اليوم للاولاد . شكرا الك ع وصفات الحلوة ، كتير عم نستفيد منها عشان ننوع

    • منى 23 May 2015

      شرفتي يا حبيبة قلبي ، شكرا كتير لتواجدك

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)