لقمة تشكن


         وصفة : منى                 2008/09/14                 91 تعليقات

آخر تصويت


آخر تعليق

لقمة تشكن

·          تقطع صدور الدجاج لمكعبات بنفس حجم مكعبات البطاطا ثم تنقع بالخل مدة ساعة .

·          تقلى البطاطا في زيت حار حتى تشقر و تصبح ذهبية .

·          يحمى الزيت على نار متوسطة و يضاف البصل و يقلب حتى يطرى و يشقر .

·          تعلى النار و يرفع الدجاج من الخل و يضاف على البصل و يقلب حتى يحمر و يجف مرقه ثم يتبل حسب الرغبة .

·          تخفف النار قليلاً و يضاف الجزر و الفليلفة الحمراء و الخضراء و الفطر و يقلب الكل لمدة 5 دقائق أو حتى ينضج الدجاج و تطرى الخضار , ترفع الحشوة عن النار و تضاف الذرة .

·          تمد البطاطا المقلية في صينية فرن ثم تغطى بالدجاج و الخضار .

·          تخلط مقادير الصلصة في الخلاط و تمد على وجه الصينية ثم تغطى بالجبنة المبشورة و تخبز الصينية في الفرن لمدة 20 دقيقة ثم يشعل الفرن من فوق لبضع دقائق حتى يشقر الوجه .  




نصف كيلو صدر دجاج منزوع الجلد و العظم
3 ملعقة كبيرة خل
3 - 4 حبة كبيرة بطاطا مقطعة مكعبات
4 ملعقة كبيرة زيت
حبة بصل متوسطة مفرومة ناعماً
حبة فليلفة حمراء مفرومة ناعماً
حبة فليلفة خضراء مفرومة ناعماً
حبة متوسطة جزر مبشور
نصف كوب فطر
نصف كوب ذرة
بهار مشكل
رشة فلفل أبيض و زنجبيل أو بهارات حسب الرغبة
ملح
جبنة قشقوان أو موتزاريلا مبشورة للوجه ( اختياري )

صلصة الكريم و المايونيز :

2 ملعقة كبيرة جبن كريم
علبة قشطة
2 ملعقة كبيرة مايونيز
ربع أو ثلث كوب حليب





• تقطع صدور الدجاج لمكعبات بنفس حجم مكعبات البطاطا ثم تنقع بالخل مدة ساعة .

• تقلى البطاطا في زيت حار حتى تشقر و تصبح ذهبية .

• يحمى الزيت على نار متوسطة و يضاف البصل و يقلب حتى يطرى و يشقر .

• تعلى النار و يرفع الدجاج من الخل و يضاف على البصل و يقلب حتى يحمر و يجف مرقه ثم يتبل حسب الرغبة .

• تخفف النار قليلاً و يضاف الجزر و الفليلفة الحمراء و الخضراء و الفطر و يقلب الكل لمدة 5 دقائق أو حتى ينضج الدجاج و تطرى الخضار , ترفع الحشوة عن النار و تضاف الذرة .

• تمد البطاطا المقلية في صينية فرن ثم تغطى بالدجاج و الخضار .

• تخلط مقادير الصلصة في الخلاط و تمد على وجه الصينية ثم تغطى بالجبنة المبشورة و تخبز الصينية في الفرن لمدة 20 دقيقة ثم يشعل الفرن من فوق لبضع دقائق حتى يشقر الوجه .
  • وصفات تانية ممكن تعجبك


التعليقات

  1. أم ساطور 14 September 2008

    السلام عليكم ورحمة الله وبركاته ماشاء الله شو هالاكلات الطيبة يسلم ايدك يا أخت منى والله هالوصفة باين عليها لذيذة كتير وجوزي عجبتو مكويناتابس ما بيحب المايونيز بيصير بلا مايونيز ؟
    وشكرا الك على وصفاتك الحلوة

  2. منى 14 September 2008

    هلا أختي ام ساطور :) الله يسلمك و يحفظك يا حق , أختي فيك تستغني عن المايونيز بس انصحك تظيفيه و لو ملعقة لان الطعمة مو ظاهرة بس بيعطي طعمة طيبة كتيرللوصفة ;)

  3. ام دانية 14 September 2008

    تسلم ايدك شو ما عملتي بشهي بس الي طلب عندك اذا كان من الممكن تعملي اللقم يعني العوامة لانو انا عملتا كتير بس مع ذلك ما عم تنجح معي دوختني والله :upset والله ياام ساطورخسارة انو ابو ياسين ما بحب الميونيز لانو كتير طيب :grin

  4. منى 14 September 2008

    هلا ام دانية :)
    من عيوني اختي باذن الله طريقة اللقم, و الله حسيت انك و ام ياسين بتعرفوا بعض 8) انا قلبي دليلي

  5. samar2005 14 September 2008

    مرحبا ست منى
    انا عضوة جديدة وكثير مبسوطة فيك وبوصفاتك انت وكل الاخوات
    الصراحة ابهرتيني بكل ما يشمله الموقع
    وهالاكلة شكلها كثير طيبة الله يسلم ايديك ويعطيك العافية والف صحة وهنا
    تقبلي مروري

  6. منى 14 September 2008

    هلا سمورة :) بينور الموقع بأخت عزيزة و كريمة و ان شاء الله تجربي شي وصفة و تطلع طيبة و على زوزوءك ;) مية هلا فيك

    على فكرة واحدة من أعز صديقاتي اسمها متل اسمك

  7. ام دانية 14 September 2008

    والله حزرتي يا ست منى ام ساطور اختي وانا عم استنى اللقم من تحت دياتك ان شاء الله :roll

  8. muna.g.7 14 September 2008

    اي وصفة تنزلينها في الموقع اعملها وانا مغمضة عيوني ومتاكدة انها لذيذة مية في الميةوهذي طعمتها في فمي قبل ما اجربها

  9. منى 14 September 2008

    هلا ام دانية :) الله يديمكم لبعض على قلب واحد و ترجعوا سالميين و غانميين من ألمانيا , ان شاء الله اختي رح ضيف الوصفة , رح حاول قبل رمضان :zzz

  10. منى 15 September 2008

    هلا منونة :) ان شاء الله بتعجبك كتير و كلامك بس من زووءك حبيبتي , انا اليوم عندي ضيوف على السحور و محضرتها , اتفضلي معانا يا قمر

  11. Eman 15 September 2008

    وصفة شهية ،ممكن جربها بعد رمضان ،لأن رمضان بده خفايف..سلمت يمينك..
    ،سؤال ،شو الأكلات المفضلة على السحور وما بتعطش؟؟ مليت من سحوري ،صدقامن أول رمضان لهلأ ،يوم بيض مقلي ويوم جبنة بالسخانة وبنعيد الدور، البارحة لغير شكل عملت جظ مظ ،واليوم دور جبنة بالسخانة :upset
    ،عطوني رأيكن يا حلوات!!شو ممكن أعمل على الفطور؟؟؟؟ :?

  12. ام دانية 15 September 2008

    والله معك حق يا ست ايمان شي بحير فعلا شو الواحد بدو يطبخ بس بتعرفي ذكرتيني بالجظ مظ الي زمان كتير كتير ما ساويتو من قبل ما اطلع على المانيا :cry ست منى كنت حابة اسئلك انو عجينة السمبوسك نفسا بتصير للشيشبرك لانو جاية على بالي اعملو بس ما بعرف كيف بتصير العجينة وياتر العجينة بدها بعد ما تنحشا لحمة سلق؟ قبل مااحطها بالبن :sigh لا تواخذيني عم عذبك باسئلتي لانو الصراحة مالي كتير شاطرة بالكل :?

  13. أم ساطور 15 September 2008

    السلام عليكم كيفك اخت منى وين اكلت اليوم

  14. منى 15 September 2008

    هلا أم دانية :) و لا يهمك أنا بخدمة الناس الطيبة , الشيشبرك وصفته بالتفصيل الممل على [URL=http://www.l2ma.com/content/view/361/2/]هل الرابط[/URL]

  15. منى 15 September 2008

    هلا أم ساطور :) معلش اليوم سمااح عندي عزيمة و مشغوووووولة كتير , بكرة ان شاء الله وصفة جديدة ;)

  16. سارونات 16 September 2008

    السلام عليكم و رحمة الله و بركاته
    لو بتعرفي اختي منى كم مرة اجي طل عالوصفة و ارجع اطلع صايره كل يوم عم زورها
    اول مرة شفتها اكيد الصورة جزبت انتباهي بس لما قريتها و عرفت ان فيها قشطة و مايونيز و جبن كريمي :cry :cry :cry
    بس لساتني متمسكة فيهاو بدي اعرف ازا منقدر نخففها و تظلها طيبة حتى لو مو متل الاصلية بس المهم طيبة معليش خلينا نحافظ على اصابيعنامن الاكل هالمرة :grin بقى شو قلتي اختي منى
    بالتوفيق
    سلام

  17. منى 17 September 2008

    هلا سارونات :) سبحان الله حضرتها من يوممين لضيوفي على السهرة و لما جيت تأعمل الصوص كانت القشطة خالصة و ما بقى في وقت روح اشتري , المهم كوب حليب على النار مع ملعقة صغيرة طحين و ملح و فلفل أبيض و جوزة الطيب لحتى يغلي الصوص و يسمك , رفعته بعدها أضفت المايونيز و الجبنة , و حتى الجبنة ممكن تستغني عنها إذا حابة تطلع أخف أما المايونيز نو لان هو سر الصوص و الله طلعت بتجنن كتير طيبة و شوي أخف

  18. سارونات 17 September 2008

    السلام عليكم و رحمة الله و بركاته
    تسلميلي اختي منى و صحتين و هنا عليكم انتو و ضيوفكم
    و الله هالقشطة طلعت بنت ناس مع اننا انا و ياها ما منتفاهم بالمرة بس لما شافت ان بدي ساوي الوصفة و ان وجودها غير مرحب فيه قامت راحت عبيتها :grin و خلتلك الساحة فاضية مشان تساوي البيشاميل الخفيف و تنحل المشكلة
    اختي منى المايونيز منضيفها مباشرة على الصوص بعد ما نرفعو من على النار او مننطر تحتى يبرد شوي
    ما دام انحلت مشكلة الصوص فاكيد راح ساويها ان شاء الله بس ما عرفت قديش بيكون حجم قطع الدجاج و البطاطا يعني متل الشيش طاووق او اقل بعتقد اقل
    و كمان ما راح اققدر ساويها بدجاج فريش لان راح اشتري دجاج و جهزو و احفظو في الفريزر و راح ساوي فيه اربع وصفات دجاج اللي هن هالوصفة و الشيش طاووق و فروج البطاطا و دجاج البوب كورن بقى بقدر قطعو للحجم المناسب و بس بدي استعملو طلعو من الفريزر او ما ينفع و قصدي بالنسبة للوصفات الاربعة يعني اي وصفة ينفع و اي وصفة ماينفع
    بالتوفيق
    سلام

  19. رنا 17 September 2008

    والله وصفات شهية للسحور بس بماأنه بالامارات شوب كتير وبنتي بترضع مني مابقدر اتسحر اكل دسم مشان العطش والصراحة السمن كمان يعني كتير خايفة من الميزان بعد ماعرفت موقع لقمة طيبة
    بس سؤال عالماشي يامنوشة هلأ قرب العيد وكل عام وانتي بخير وبتعرفي حلويات العيد مافي اطيب منها بس بدي اسألك انا مرة شفت برد للاخوات انك مابتخبزي كعك العيد كله يعني بتخبزيه اول بأول بس بدي أسأل كيف طريقة التفريز وقديش ممكن يقعد بالفريزر وممكن تنصحيني بالتفريز ولا اخبزه دفعة وحدة ؟؟؟

  20. منى 17 September 2008

    هلا أمولة :) أكيد شغلة , ليه أنا كم اخت ديجيتال عندي :zzz ان شاء الله بيمشي حال سحوركم و صحتين و هنا و الف شكر لكل الاخوات

  21. Eman 17 September 2008

    ما شاء الله على الأفكار الرائعة!! :eek
    لسه البارحة كتبت الرد ،واليوم بلاقي أفكار كتيرة وشهية ..! :p

    الله يجزيك الخير أختي الحبيبة الغالية منى ،حاسة حالي شغلة اسمي مكتوب بأول الصفحة 8) ،فكرة البريوش لسه ماخاطرت وجربتها ،رح حاول بعد التمحيص الجيد في الوصفة :upset ..يسلمو حبيبتي لجعل سؤال مطروح للجميع بها الأسلوب الجميل

    أختي dado ،حبيت فكرة الرز بحليب والمهلبية رح جربها إذا الله راد،جزاك الله خيرا

    لارا أكلاتك طيبة وشهية،لكن المشكلة أني بنام بعد السحور فلازم يكون خفيف على المعدة ..يسلمو لارا على أفكارك .

    غيث..كل عام وأنت بخير أختي ، جزاك الله خيرا ،أنا شفت معايدتك من قبل ووصلتني
    ;) ،فكرة التمر مع اللبن حلوة ،ممكن أعملها بكرة ،وإن شاء الله تعجب أبو العيال :roll

  22. منى 17 September 2008

    هلا ام دانية :)
    يلا كله بالاول صعب بس بعدها بيصير سهل , و هادا الشيشبرك مو سهل أبدا و يا ويلي شووو بياخد وقت , بس أنا بمووت عليه , ان شاء الله بيطلع معك طيب و بيعجك و بيعجب زوجك

  23. ام دانية 17 September 2008

    :zzz صباح الخير لكل الحلوات بصراحة شهيتوني على كل هل الاكلات ماءشاء الله عليكن على هل لافكار :eek انا وزوجي منتسحرسحور عادي يعني حواضر زيت وزعتر وجبنة وو…… الخ والحمدلله عنا موشوب بالعكس برد كتير :upset بس اكيد احسن من الشوب الله يكون بعونكن بدي خبرك ياست منى اني عملت اليوم عجينة الشيشبرك وبصراحة قد مني ست شاطرة تعذبت بالعجينة لصارت معي :grin وبيني وبينك صار يطلع معي اشكال غريبة عجيبة :cry بس ان شاء الله تكون الطعمة طيبة يالله الكلام مو بالشكل بس كمان بالطعمة لانو زوجي كتير بحب هل الاكلة وانا اول مرة بعملا ادعيلي تطلع طيبة لانو هي فطور اليوم هههههههههههههه :?

  24. منى 17 September 2008

    مممم صباح الخيرات على الجميع :)

    أنا بهل الشوب ما عم اتسحر غير فواكهة و بس , و اليوم إلي بشتهي أكل في شي معناه اليوم التاني عندي عزااب مع العطش , أما لبقية العيلة أكتر الشي بريوش مع كاسة شاي و مع تنويع بالحشوات كل مرة شي مختلف شي قشطة و عسل و شي كيري و شي شوكولا ..

    لارا ردك جوعني من على الصبح ما شاء الله سحوركم عامر دايما كله شي خفيف و طيب ;) , أخذت كم فكرة للتجريب

  25. غيث 17 September 2008

    كمان حبيت اشكر ايمان على الفكرة الحلوة والسؤال المهم واللي بوقته وكتبت ذلك بتعليق منفصل عن التعليق السابق منشان ابارك لك برمضان ايمان وكل عام وانت بخير ولو اجت متاخرة بس بتعرفي انا اول رمضان عايدت على اسرة موقع لقمة طيبة بشكل عام واليوم معايدتي لك بشكل خاص ورمضان كريم على الجميع ان شاء الله

  26. غيث 17 September 2008

    السلام عليكم يا ستي كلنا عنا هالمشكلة وخاصة مع الشوب والعطش حتى صرت اشرب كوب من الكوكتيل فقط على السحور مع طونات من الماء ههه ممكن تمر ولبن عيران جدتعلمتها من هنا بالسعوديةتمرو حليب او تمر ولبن عيران وهو افضل منشان مشاكل الاسهالات للي بيكتر من التمر بيعدله اللبن او ممكن فطاير بجبن حلو غير مملح مع كاسة شاي بترد العطش شوي اشو كمان جربت ما بقى اتذكربس غالبا هيك عم اتسحر وشكرا منى منشان نستفيد من الاخوات ونتذكر شو ناسين شكرا لك

  27. لارا مينا 17 September 2008

    مساء الخير..بصراحة عندي أفكار كثيرة وإن شاء الله تستفيدي منها راح أكتب الأشياء إلي نعملها بالبيت ..رز مصري بالبندورة -مكرونة بالبندورة – بيتزا تخبز مع شوي لحم مفروم مطبوخ حيث يعطي طعم غير غير للبيتزا–خبز باغيت يقطع مائل يدهن بخليط من (بصلة صغيرة على النار مع شوي زيت وفلفل رومي طولي وجزر مبشور وملح وبهار ثم يضاف له 3أو 4 ملاعق جبن سائل وتحرك) ثم تحمر في الفرن قليلا من الأعلى– خبز عربي يستخدم كقاعدة ويوضع فوقه أي حشوة ثم يخبز بالفرن مثلا زيت وزعتر أو صلصة بندورة أو جبن سائل يخلط بأي نوع خضار أو مكونات البيتزا — سلطة خيار باللبن — عجينة سمبوسة جاهزة تحشى بحشوة خضار أو عصاج وتلف بشكل رول ثم يصب عليها خليط طماطم معصورة وتغطى ثم تخبز بالفرن حتى تجف– 4قطع توست تقطع أطرافها وتصف بجانب بعضها البعض وتحشى ثم طبقةتوست أخرى وتحشى ثم طبقةتوست أخرى وتغطى باللبنة وكأنها تورتةمربعة بيضاء وتزين بأي نوع خضار وزيتون.. وبصراحة كلها لذيذة بشكل ما تتخيلين والكتابة أحيانا لا تعطي الطبق حقه مثل الصورة وعذرا للإطالة .

  28. dado 17 September 2008

    مرحبا..
    أنا بفضل شي يكون حلو وبارد إذا أمكن..
    سلطة فواكه مثلا… أو زبدية رز بحليب باردة أو مهلبية.. بظن انها افضل شي لأنو الدنيا شوب فهيك أكلات بتبرد القلب.. وكمان فيها نسبة سكريات منيحة وبالتالي بتعطي طاقة خلال يوم الصيام

  29. حوراء 17 September 2008

    أطباق الخضروات وخاصة التورولي

    ايضاالمعجنات

  30. منى 17 September 2008

    أمولة سؤالك على الصفحة الرئيسية صار ان شاء الله الأخوات كلهم بيشاركوا , عن جد مشكلة هل السحور و خصوصاً مع هل الشوبات ,هلأ أنا عندي عزيمة على السحور و مشغولة شوي , بكرة ان شاء الله بكتب شوية أفكار و أكيد الأخوات بيشاركونا كمان

  31. منى 18 September 2008

    هلا رنونة , الله يخليلك القطة الحلوة و تشوفيها ادام عينك مالية البصر و القلب يا حق ..
    حلو العيد متل الاقراص بعجوة و الكرابيج و غيره ممكن يتفرز أو ممكن ينخبز و يتفرز بعدها حسب رغبتك , انا الصراحة ما بفرزه بس امي بتفرزه من دون خبز و عمتي بتخبزه و بتفرزه :zzz حيرتك بعرف , بس الطريقتيين بيصيروا .

    إذا شلتيه من دون خبز لازم تنتبهي لما تجي تطالعييه لازم من الفريزر للفرن على طول , هنا و عوافي و كل سنة و انت و الجميع بخير

  32. منى 18 September 2008

    هلا سارونات :) المايونيز و الجبنة مباشرة بعد ما ترفعيها من على النار و الدجاج أصغر شوي من الشيش طاووق و هو و البطاطا بنفس الحجم , كل الوصفات بينفع تستعملي الها دجاج مفرز , جهزييه و قطعييه و فرزييه عادي

    مية هلا فيك و ان شاء الله تجربيها و تعجبك

  33. سارونات 26 September 2008

    السلام عليكم و رحمة الله و بركاته
    اختي منى عم فكر ساويها بكرا بس بدي اسألك بما انها ما بتاخد غير 20 دقيقة بالفرن فهل فيني جهزا من قبل بشي ساعة او 2 و حطها بالبراد تحتى يوصل الوقت او ما بينفع و ازا بينفع فهل بحطلها الصوص او انطر حتى يصير وقت دخلها الفرن و بالبراد هل بغطيها او لا
    و بعد ما طلعها من الفرن هل فيني علفها بالالمنيوم تحتى تظلها بادرة او خليها بالفرن و هو مطفي
    لما قريت اسم الوصفة لقمة تشكن قلت شو هالوصفة ما شفتها من قبل و فكرتها دجاج بحجم اللقم متل دجاج بوب كورن و انا بالدجاج اللي فرزتو منشان الوصفة كتبت تشكن الا منى :grin كتير عجبني الاسم بس كمانن لقمة تشكن حلو بس تحتى اتعود عليه
    بالتوفيق
    سلام

  34. منى 28 September 2008

    أختي فيك تجهزيها حتى قبل بيوم و تغلفيها منيح بالالمنيوم و تحفظيها في البراد , وقت حابة تقدميها تجهزي الصوص و تسكبيه على وجهها و تخبزيها ;) . انا خبزتها مع الصوص و طالعتا و لما اجو الضيوف رجعتها للفرن شي عشر دقايق لحتى سخنت مرة تانية ..

    أنا غيرت الاسم لان هنن الهم شكل اللقم , قصدي الدجاج و البطاطا و ما كتير حبيت خص هل الوصفة باسمي , يعني غيرت رااي :grin

  35. سارونات 28 September 2008

    السلام عليكم و رحمة الله و بركاته
    ساويتها و طلعت طيبة و عجبتهم بس ما اكلو اصابيعن وراها :( اختي منى قولك ازا ضفت جبن كريمي بياكلوهن و شو قصدك بالجبن الكريمي هل هو الجبن الدائب او متل ما بيسموه جبن الكاسات و هل فينا نستبدلو بالجبنه مثلثات )) انتبهتي على كاسات و مثلثات :grin))
    شكرا كتير على المعلومة اكيد هيك كتير بيسهل الموضوع ففينا نحضرها قبل بيوم :zzz
    وان شاء الله يتخترعي شي وصفة و تسميها تشكن الا منى راح كتير افرح فيها :zzz
    بالتوفيق
    سلام

  36. منى 29 September 2008

    هلا سارونات :) يعني ما اضفت قشطة و لا مايونيز و لا جبن كريمي , بس صوص الحليب :roll معناها طلعت صينية عادية لان الصوص الي بيميزها ,جبن الكريم هو جبن الكاسات أوجبنة متل لافاش كيري

    وهي وصفة انا الي اخترعتها بس غيرت الاسم ;)

  37. مروة المصرية 10 October 2008

    بجد عايزة اشكرك جدا لانى اول مرة اجرب وصفة وتنجح معايا كدة وفعلا زوجى عجبة جدا طبق لقمة تشيكن .بجد وصفة رائعة وشكرا لك جدا وانا مشتركة جديدة وان شاء الله اجرب وصفات اكتر من موقعك الرائع

  38. منى 11 October 2008

    مية هلا و مية سهلا مروة , بينور الموقع بأخت مصرية غالية :)

    هنا و عوافي على قلبك و قلب زوجك بكل لقمة اكلتوها , و ان شاء الله تجربي كمان غير وصفات و تعجبك :zzz

  39. ام سيمى 16 October 2008

    السلام عليكم
    الله يعطيك العافية لان الوصفة رائعة انتهينا قبل قليلي من العشاء ويا سلام شي لذيذ

  40. منى 17 October 2008

    مية الف هنا و عافية على قلبك و قلب العيلة :) كتير انبسطت انها عجبتكم , هلا فيك ام سيمى أخت جديدة في الموقع :zzz

  41. بدور 9 November 2008

    اسم على مسمى.. فعلا حتاكل صوابعك وراها :p

    انا بموت بهيك اكلات
    عنجد فرحت كتير على هالوصفة الله يعطيكي الف عافية ولا يحرمنا من لمساتك السحرية ميمو الغالية

  42. منى 9 November 2008

    هلا بدورة :)
    الله يخليك حبيبتي و ان شاء الله تجربيها و تعجبك

  43. نادين 28 November 2008

    بجد هالاكلة عذاااااااااااااااب
    انا عملتها 4 مرات و كل مرة بيقلي زوجي انو ماتهنيت فيها حبابة ندوش عيديها هههههه
    لانو فعلا ماحدا يقدر يحزر الصوص العظيم وبالنسبة الي كل شي مايونيز و بشاميل انا بعزو موووووت
    يسلم ايديكي
    بس سؤالي انو شو اسم الاكلة ؟
    يعني كل اسماء الاكلات هو شرح للمحتوى …بقصد مافي اسماء خاصة
    اه بقليلي 27 يوم انزل لسوريا واول شي بدي اعمل لاهلي هالاكلة يسلم دياااتك

  44. منى 29 November 2008

    هلا ندوشة :)
    الف الف هنا على قلبك و قلب زوجك .
    الاكلة هي انا اخترعتها , بالاول سميتها الدجاج على طريقتي , بعدها سميتها لقمة تشكن , لان هي وصفة خاصة ةبموقع لقمة طيبة و كمان كل شي بمقاديرها بحجم اللقمة :grin عصفوريين بحجر واحد

    الله يسلمك حبيبتي و ان شاءالله بتوصلي سالمة و غانمة و تعجب كل اهلك , لا تنسي تخبريني رايهم

  45. رنا 4 March 2009

    بكرا رح اعمل هالطبق وهل حضرت الدجاج بس بدي اسألك يامنى العزيزة بيصير اعمل المايونيز بالبيت ….ولا بيعمل شي اذا تعرض للحرارة بعدين ليش ماعم يطلع معي المايونيز ابيض عم يطلع مايل للصفار ..
    ياريت تردي بسرعة …انا وحظي

  46. منى 4 March 2009

    اختي بيجوز تعمليها بالمايونيز الي بالبيت بس انا بفضل انك تحضريها بالمايونيز العادي هل المرة و بعد ما تشوفيها و تدوقيها تبقى حضريها بالمايونز الي شغل البيت , و هل المايونيز اذا كان تازة و بعدها استخدمتيه لهل الوصفة , هي بس , ما بيأثر ابدا ;)

  47. رنا 4 March 2009

    حظي حلو رديتي علي بسرعة خلص بكرا رح جربها وببقى بخبرك…شكرا كتير كتير

  48. منى 4 March 2009

    كان صايرة كسلانة بالردود انا :roll .

    منيح نبهتيني رح حاول ظبط هل القصة , بس ما شاء الله تبارك الله عم يكون عندي كل يوم تقريباً أأقل الشي 20 رد و فيهم سؤال لأجاوب عليه لهيك عم يصير تاخير احيانا , ازرعيها بدقني رنونة :zzz

  49. رنا 5 March 2009

    لا والله مو مشكلة الله يقويكي يارب اولاد وبيت وطبخ ومونة …معك حق يلي عنده مشاغلك مادخله بالنت ولا بيعرف عنه ;)
    بالنسبة للطبخة ساويتها اليوم بس للاسف ماصورتها لانه لبين ماوصلت عالطاولة كان طاير نصها ….طلعت طيبة كتير والله والمايونيز مو ظاهر بالمرة بالطعمة بس في نكهة مميزة …بس حسيت انه لو نحط معها كمان صوص بشاميل بتطلع طيبة يعني مابينشف الصوص كتير بيضل في مزيج من الصوص وبتبطل تصير ناشفة …انا اول مرة بطبق بالحذافير بس بعدين بخترع :zzz ياستي بس جد وصفة لا يعلى عليها بس كتيربتشبع :( ههههه مابضل مكان للتنفس

  50. منى 6 March 2009

    الف هنا و الف عافية :)
    و هادا هو المطلوب , انك تعرفي بالأول شو بقصد و بعدها تصيري تغيري الي بدك اياه لحتى تطبق مع زووءك ;)

    أنا بحس ان صوصها هيك رح يميزها عن الوصفات الي فيها بيشاميل كتير , و هي ما بدها كتير بالفرن بس يا دوب شوي لحتى ياخد الدجاج من نكهة الصوص لان بالأصل كل شي مستوي

    هنا و عافية مرة تانية رنونة :)

  51. رنا 6 March 2009

    انا ماطولت عليها بالفرن عشرين دقيقةمتل ماقلتي بس مابعرف ليش حسيتها نشفت …؟؟؟يعني متبلة تتبيل ….ليكون لان شغلت الفرن من فوق وتحت ؟؟؟

  52. منى 6 March 2009

    :roll هادا هو السبب

    هي بدها من تحت بس و بعدها يا دوب كم دقيقة من فوق لحتى تحمر , بس مع ذلك ما رح تكون كمية الصلصة كبيرة , يا دوب شي تغمس بالخبزة اذا اكلتيها غمس , لهيك فيك تزيدي الصلصة مرة تانية

  53. نوارة 7 March 2009

    ميموقصدك القشطة هي نستله نفسهااللي منستخدمهاللحلويات

  54. منى 8 March 2009

    هلا نوارة :)
    تمام حبيبتي هي نفسها

  55. نوارة 27 March 2009

    ياي ما أطيبها اليوم كان اخي وخالي عالغدا جربتها ياي شو طيبة
    دسمة بس صراحة تستاهل
    الله لا يحرمنا من وصفاتك

  56. منى 28 March 2009

    الف هنا و عافية و صحة على قلبك و قلب محمد و فارس و خالك ;)

    خليلي عينك نوارة الله لا يحرمني من هل الرفقة الحلوة

  57. haya 25 May 2009

    اليوم كنت قاعدة محتارة ومو عارفة شو بدي اطبخ فعلى طول فكرت بموقع لقمة طيبة وفتحت عليه ولقيت عزيمة خالك وتذكرت ساعتها لقمة تشكن فقررت اني اعملها وعلمتها ويا الله شو طلعت طيبة طعمها مو معقول عن جد يسلموا ايديك يا منى والله لا يحرمنا من وصفاتك اللي بتنقذنا لأني كل ما بحتار بالاكل بفتح على الموقع تبعكم وبلاقي فيه اشياء كثير لذيذة وعلى طول بجرب وهداك اليوم كمان جربت وصفة عجينة العشر دقائق وكثير طيبة طلعت وعجبت الجميع عندي بالبيت

    مرة ثانية بقول لك يا منى تسلم ايدك ولمزيد من التقدم ان شاءالله

  58. منى 27 May 2009

    هلا هيا :)
    لو تعرفي شو انبسطت ان جربتي الوصفة و عجبتك و عجبت العيلة كلها
    الف صحة و هنا على قلبك و قلب القطط الحلوة و العيلة واحد واحد

    الف شكر الك للثقة في الموقع و لتجربتك الوصفات و كمان للتواجد و الرد الطيب , نورتي حبيبتي

  59. dado 3 June 2009

    مرحبا
    حضرت هالطبق مبارح لضيوفي على الغدا.. وكتير حبوها وانا حسيتها سهلة، وأحلى شي إنو بتحضريها كلها تقريبا وبس يجوا الضيوف بتخبزيها وما بتاخد وقت كتير.
    والطبق كله خلص عالغدا وهذه سابقة تـُسجَل لهالوصفة 8)
    بس في شي غريب.. إنو كل يلي أكلوا منها قالوا إنها وصفة خفيفة :grin

  60. منى 4 June 2009

    عن جد دالو :grin
    يا ستي الف هنا على قلبهم و هي كمان سابقة , لان و لا واحد بعرفوا قال عنها خفيفة

    يا ترى انتي دقتي منها و الا نو :roll

  61. DOUHA 10 August 2009

    ياجماعة الوصفة تجنننننن وانا دئتا من شغل منى والله
    من المصدر الاساسي

    :zzz

    بجد رائعة بس منى ليه الصورة طالعة بس نصا؟؟

    معقول من عندي

    :?

    على العموم صورتا ببالي ههههههههههه

  62. منى 11 August 2009

    هنا و عافية يا ضحى يا ام الزووء كله :)

    الصورة طالعة كلها عندي

    بقى يمكن من عندك :roll

    بس خليك على الصورة الي ببالك اطيب :grin

  63. mareya 7 January 2010

    حلو موقعط الله يعطيكي العافية يا رب
    انا اليوم ان شاء الله ناوية جرب الوصفة و برجع بعطيكي رأيي ان شاء الله مع صورة
    الف شكر :)

  64. منى 7 January 2010

    رح استنى صورتك و رايك و اتمنى انها تكون على زووءك :)

  65. توتة الشام 22 March 2010

    مرحبا منى ماشالله موقعك بجنن وانا بالصدفة دخلت كنت عم دور على اكلات جديدة طلعلي موقعك انا بساوي متل هالصينية بس بساويها بالمعكرونة والدجاج والخضار بس بصل وتوم وفليفلة خضرا وجزر مبشور ونفس الصوص تبعك بتطلع بتجنن وتسلم ايديكي على وصفاتك الطيبة

  66. منى 23 March 2010

    مممم , اكيد بالمعكرونة بتطلع طيبة كتير :)
    رح جربها على طريقتك ان شاء الله شي مرة ,
    نورتي الموقع و شرفتيه و مية اهلا و سهلا فيك اختي

  67. semo 9 April 2010

    شو هالاكلة يامنوش بتاخد العقل سيمفونية رائعة تناغم بيجنن بالطعمات بيخلي القلب يدق والعيون تشوف كل شي قدامها حلو

    أكلة بينكتب فيها قصيدة عملتها من كم يوم وكان عندي ضيوف تركوا الاكل وضلوا ياكلوا فيها لخلصوها وبعدين التفتو لباقي الاكل

    والله عم ادعيلك من كل قلبي الله يجعل دعواتي من نصيبك

  68. farah 23 June 2010

    تسلميلي يا منوش على هالأكلة شو طلعت لذيذة وخفيفة :zzz اي عن جد خفيفة كتير بتعرفي انا سلقت مكعبات البطاطا بدل ما اقليها وكترت شوي عيار الصوص وما بتتخيلي شو طلعت طيبة وبتشهي وحطيت مع الخضار شوية فاصوليا خضرا كانت عندي تازة حتى تعشيت منها من شوي وهاد انا ما بتعشي بالعادة بس من كتر ما طلعت طيبة ما شبعت منها من وقت الغدا وبكرا كمان غدانا منها يا ستي الله يجعل هالوصفات الحلوة بميزان حسناتك وصدقة جارية بحياتك لأن هي بالفعل بمثابة الصدقة على كل مين بيستفيد من وصفاتك بدون انتظار مقابل من حدا :)

  69. منى 24 June 2010

    هلا سمسومة :)
    اي شو هل الرد الحلو , عم تحكي شعر و القصيدة انت كتبتيها, و هل الاكلة بيلبقلها هيك حكي :zzz

    الف الف صحة و هنا و عافية على البك و الب الضيوف و الحمد لله انها بيضت وجهك ادامهم

    ان شاء الله الك متل الدعوات الغالية و اكتر بكتير

    صحتين مرة تانية ;)

  70. منى 24 June 2010

    هلا فروحة :)

    انت ا الافكار الي بتتاكل و الله , كيف ما خطرتلي و انا روح قلبي هل الحكي :roll

    ان شاء الله المرة التانية بجربها على طريقتك و انا ماكدة انها رح تطلع اطيب

    الله يخليلي ياكي على هل الدعوة الحلوة و الغالية و الكريمة منك , كل الشكر الك يا حلو ;)

  71. semo 28 June 2010

    منوشة حبيبتي اليوم بعمل هالأكلة للمرة التالتة وكل مرة بتكون أطيب وأطيب
    وقلت لازم احسب السعرات الحرارية وياليتني ما حسبتها :eek والله طلعت عيوني من مكانها
    بس لازم نتقبل الواقع وكل واحد يعرف شو عم ياكل بس شو بدك بالحكي كتييييييير طيبة أنا وزنت البطاطا تقريبا طلعت كيلو بطاطا وعلى هالأساس حسبتها بس طبعا من دون الجبنة
    والرد الجاية رح فصل:p

  72. منى 29 June 2010

    :cry

    انا بعرف انها هيك بس بالارقام الدقيقة الواحد بيحط ايده على البه , هلا رح اضرب سمعة هل الوصفة مع هل الكالوري :grin

    بس متل ما قلتي , هي هيك و اله البه ضعيف لا يقرب

    شطرا كتير الك سمسومة , عم تغني الموقع بهل الاضافات , خليلي عينك

  73. massa 1 November 2010

    جربتها كتير طيبة اولادي كلهم حبوها وقالولي دايما جربي اكلات من عند طنت منى واسمك صار معروف عنا بالبيت جزاك الله خيرا على هالموقع

  74. منى 2 November 2010

    الف صحة و هنا على الوبهم الحلوة الصغيرة :)

    نورتي اختي

  75. إسراء 12 January 2011

    السلام عليكم ورحمة الله وبركاته كتيرررررر طيبة غير شكل بجد يسلمن على هالوصفة وانا طول ما عم حضرا ماكنت خايفة بس لما سكبت الصوص فوقهاوصار لونها ابيض خفت انو ماتطلع طيبة او مخبوصة بس لما حطيتا بالفرن الصوص تشرب بالمكونات وعطا طعمة كتير لذيذة أعجبت الجماهير كتير وطلبوا مني اني عدلن الطبخة بأقرب وقت …….

  76. نجمة 19 January 2011

    السلام عليكم شكلا كتيير طيبة الله يعطيك العافية ان شاالله بجربها وبخبرك بالنتائج

  77. nisreen1979 6 April 2011

    عملتها امبارح وطلعت بتجنن :p يسلمو يا منى

  78. nisreen1979 6 April 2011

    أختي منى كيف استطيع المشركة بوصفاتي في الموقع

  79. 7ayah 28 May 2011

    عندي كمان سؤال هون
    فيني استبدل القشطة بالـــدبل كريم :?
    و لا ما بيمشي الحال غير بالقشطة :?
    و سؤال آآآآخر
    إذا بيمشي الحال استبدل القشطة بالكريم راح تتغير شي كمية الحليب :? :? :?

    و شكراً سلفاً

    7ayah Dayyen

  80. karamela 26 June 2011

    السلام عليكم اختي منى
    اشتقتلكن كتير
    بس انتي كمان يامدام منى في شي شاغلك عن لقمة طيبة بتمنى يكون خير
    انا لاني عاهدت نفسي اني اتشكرك عن كل اكلة جربتها وطلعت طيبة فبتشكرك على هالاكلة الظريفة اللي جربتها اليوم
    بتمنى اطمنيني عنك

  81. lalosh 23 November 2011

    جربتها اليوم لهالوصفة كانت طيبة كتير بس مو معقول شو دسمة :x
    بس أهم شي انها زاكية
    يسلمو دياتك مدام منى :) ;)

  82. منى 23 November 2011

    انا قلت في المقدمة انها دسمة و بتنفع بالشي :zzz

    صحة و الف الف هنا علا و ريتو مطرح ما سرى مرى

  83. منى 23 November 2011

    ااااااخ يا كرميلا , بيعين الله , الله يهدي الاوضاع و يرجع البال مرتاح متل قبل

    صحتين و هنا على اللقمة الي حبيتيها و تسال عليك العافية و الخير دوما يا رب :)

  84. لينا74 5 May 2012

    مرحبا منى كيفك حابه اسالك لوسمحتي بالنسبه للقشطه هون ماعنا قشطه نستله عنا بس كريم فريش في فرنسا لذالك شو اعمل اضيف كريم فريش ولا اطبخ علي النار حليب مع شويه طحين شو رايك؟ بعدين بالنسبه للجبن الكريمي ماعرفت شو يعني استخدم جبنه كيري ولا لافجكيري ارجو الافاده بعدين في شغله تانيه حطيتي في العزيمه اكله اسمها روزاليتا بس مو حاطه المقادير ممكن تحطيلنا ياهن لو سمحتي وشكرا

  85. منى 5 May 2012

    فيك تدوبي معلقة صغيرة نشا بتلات ارباع كوب كريم فريش , و إذا كان متوفر عندكم شي اسمه heavy cream فممكن تستخدميه عوض عن النسلة

    الجبنة ممكن تستخدمي الكيري الافاش كيري او ايا جبنة طرية متوفرة عندك
    تكرم عيونك , ان شاء الله ما باخرها اكتر من هيك :)

  86. رانو 17 July 2013

    كيفك منى …الله يعطيكي الف عافية …كتير حابة اجرب هالاكلة الذيذة بالعيد على عزيمة ..بس قبل بدي اجربا اليوم ان شاء الله …بس سؤال بتصير مع الرز ولا هيه حصرا بتتاكل غمس

    • منى 17 July 2013

      اهلين رانو , ما جربتها مع الرز , هلا كانو هي ببتاكل بالشوكة او مع الخبز , اكتر من انو تتقدم مع رز , بس جربي و شوفي زوء عيلتك

  87. رانو 17 July 2013

    شكرا كتير منى على ردك السريع …امممممم هﻷ انا رح اجربا بالرز اليوم وبخبرك …وطبعا رح اجربا بالخبز ..بس انا قلة الرز اريح بالعزايم …بجربا وبخبرك بالنتيجة

    • منى 17 July 2013

      رح استنى رايك , ان شا الله تكون يممي

  88. رانو 18 July 2013

    منمن جربتا بالرز طلعت مقبولة بس يمكن لازم يكون الا مرقة او صلصة سائلة نوعا ما مشان تزبط …اما بالخبز فطلعت يمممممممي …انا طار عقلي عليها ورح اعملا ان شاء الله بأول عزيمة …عنجد يسلمو ايديكي ….معلش ناديلك منمن ماهيك حاسة انه بعرفك من زمان

    • منى 27 July 2013

      اي يمكن هيك , مو قلتلك هي اطيب بالخبز او بالشوكة .
      ان شا الله الف الف هنا و عافية ع قلبك رانو , و اندهيلي الي بيريحك , مو نحنا خوات

تقييم الوصفة
عاديةقد أحضرهاجيدةممتازةأكثر من رائعة (2 votes, average: 4.00 out of 5)