ما هي الوصفات التي جربتيها من لقمة طيبة ؟


         وصفة : منى                 2009/02/02                 53 تعليقات
ما هي الوصفات التي جربتيها من لقمة طيبة ؟
  • وصفات تانية ممكن تعجبك


التعليقات

  1. eamireh 3 February 2009

    تحياتي لمنى العزيزة
    ولكل الأخوات في لقمة طيبة
    أنا البارحة جربت الكاب كيك وكان كتييييير زاكي وعجب أولادي وزوجي كتيير.
    منى أنا كتيير ممنونتك على هالموقع وجربت أشياء كتيرة منه وكلها زبطت معي وكانت كتير زاكية ومقبوله عند الجميع سواء أهل بيتي أو الناس المعزومين عندي وأنا عنجد حبيتك يامنى من غير ما أشوفك ورب أخ لك ولدته النت.

    من الوصفات التي عملته:
    1. شوربة البروكلي
    2. كرات البطاطا
    3. سمبوسة هندية
    4. كريم الثوم من غير بيض
    5. البطاطا البيورية
    6. عجينة أمي الذهبية (الله يخليلك إيها)
    7. ألذ وأسهل عجينة سمبوسك
    8. الكبة اللبنية
    9. الكبة المقلية
    10. تشيكن بوب كورن
    11. شاورما الدجاج
    12. الدجاج المعطر بالأعشاب
    13. ناغيت الدجاج
    14. تشكن مكسيكانو
    15. فيليه السمك بالخضراوات
    16. ليالي لبنان
    17. أسهل وأسرع فطيرة تفاح
    18. كرات جوز الهند
    19. كاب كيك 125
    20. قدرة قادر
    21. صفوف
    22. المامونية

    سلامي واشواقي للجميع

    إيمان

  2. منى 3 February 2009

    :eek :eek هلا أمولة

    الصراحة اتفاجأت بردك كتير , الف صحة و الف عافية على كل وصفة جربتيها و عجبتك و كتيبررر مبسوطة انك جربتي كل هل الوصفات :zzz

    القلب على القلب اختي , الك مني بوسات كتيرة و صحة و هنا مرة تانية

  3. eamireh 3 February 2009

    على قلبك يا قمر :zzz

  4. منى 3 February 2009

    8)

  5. ام محمد 3 February 2009

    اختي العزيزة منى :)
    فكرة كتير حلوةانو نكتب كل شئ جربنا
    بس انامابقدراعددهم لانوكتاركتيرواطباقي
    الرئسية والحلويات والمعجنات كلهامن عندك
    فلك مني ومن عائلتي كل الشكر والتقدير

  6. dally 3 February 2009

    السلام عليكمانا صحيح مابعلق كتير بس والله اول مابفتح الكبيوتر اول موقع بفوت عليه هو لقمة طيبة لشوف شو الجديد اليوم يعني صار بروتوكول عندي لاني عنجد كتير بحبو للموقع والله يعطيكي العافية يامنى ودايما للاحسن انشالله والوصفات اللي جربتها كلها زبطت معي ومن اول مرة ماعدا تحضير اللبن عبث ولا مرة الحمدلله زبط وشو السبب مابعرف
    الوصفغات اللي جربتها :
    1- تحضير اللبن
    2- شوربة البروكولي
    3-سلطة الباذنجان على الطريقة المصرية
    4-الذ واسهل عجينة للسمبوسك
    5-بندورة بالزيت
    6-معكرونة بصلصة البيتزا
    7-معكرونة بالباشاميل
    8-سلطة المعكرونة
    9-الكبة بالصينية
    10-فاهيتا الدجاج
    11-روستو بالخضار
    12-البطاطا البيوريه
    13-باذنجان وحمص بالزيت
    14 بايلدي
    واللي كان كتير مميز الفاهيتا والروستو كتيركتييييييييير طيبين وشكرا جزيلا مرة تانية
    داليا

  7. haya 3 February 2009

    مرحبا اخت منى الله يجزيك كل خير على هالوصفات الحلوة وتسلم ايديك يارب انا الحمدلله جربت اكثر من وصفة وكانوا كلهم ناجحين الحمدلله ومن اول مرة ومن هذه الوصفات

    1- صلصة التوفي كريم
    2- بطاطا سوبر مقرمشة وهذه طلعت رائعة
    3-الفلافل
    4- بيتزا البطاطا
    5- القرنبيط المقلي بالتتبيلة الخاصة
    6- كاتو الزيتون راااااااااائع
    7-الفريكة باللحمة
    8- الكبة اللبنية
    9- بهار الشاورما
    10- شاورما الدجاج
    11- دجاج بصوص الفريدو
    12- رولات الدجاج المحشية
    13- ستيك الدجاج بالتتبيلة المكسيكية
    14- الدجاج المحمر المعطر بالاعشاب ( بس انا عملتها بالديك الرومي بدل الدجاج وطلع رائع)
    15- شيش طاووق
    16- سوكسيه التمر
    17- اقراص بعجوة
    18- كاتو التمر الطري
    :) ;)
    كلهم كانوا طيبين كثير وزبطوا معي من اول مرة شكرا لك مرة ثانية اخت منى والله يوفقك

  8. samar2005 3 February 2009

    يعطيكي العافية منونة شو اخبارك صراحة موقعك لا يعلى عليه ما شاء الله ويا رب نجاح اكبر
    اما انا كسولة جدا ما جربت الا مهلبية الشوكولاتة وقدرة قادر وطلعوا ولا اروع وعجبوا الكل الف شكر الك وباقي لسه الكثيييير بدي اجربو ان شاء الله سلام

  9. dado 3 February 2009

    مرحبا منى وكل الصبايا
    بدي اتشكر الاخت سمسمة على هل المبادرة الحلوة. وبتمنى على كل الاخوات إنو يشاركوا بالموضوع كـ شكر بسيط لإلك … حتى لو صرفوا شوية وقت.. بعتقد إنو الاستفادة يلي حصلنا عليها من موقعك بتستاهل وأكتر.
    أنا جربت كتير من الأكلات بالموقع ومن معظم الاقسام وكلن طيبين كتير وبياخدوا العقل وحتى الاكلات يلي ما دقتها لأنو فيها لحومات حصلت على ثناء وإعجاب شديدين من زوجي ومن الضيوف.
    كل الأكلات ظبطوا من أول مرة.. وفي كتير وصفات صرت عاملتها مرات عديدة.
    لحد هلأ صرت مجربة ما يلي:
    1- [URL=http://www.l2ma.com/content/view/66/2/]صلصة التوفي كريم[/URL]
    2- [URL=http://www.l2ma.com/content/view/403/2/]وصفة الكريب[/URL]
    3- [URL=http://www.l2ma.com/content/view/61/2/]ميلك شيك الموز[/URL]
    4- [URL=http://www.l2ma.com/content/view/170/2/]شراب التمر الهندي[/URL]
    5- [URL=http://www.l2ma.com/content/view/45/2/]شوربة البروكولي[/URL]
    6- [URL=http://www.l2ma.com/content/view/50/2/]شوربة الجزر بالكزبرة[/URL]
    7- [URL=http://www.l2ma.com/content/view/171/2/]شوربة كريم الكوسا[/URL]
    8- [URL=http://www.l2ma.com/content/view/290/2/]شوربة البصل الفرنسية[/URL]
    9- [URL=http://www.l2ma.com/content/view/509/2/]شوربة كريم اليقطين[/URL]
    10- [URL=http://www.l2ma.com/content/view/518/2/]سلطة الشوندر بالزبادي[/URL]
    11- [URL=http://www.l2ma.com/content/view/499/2/]سلطة البطاطا على الطريقة التركية[/URL]
    12- [URL=http://www.l2ma.com/content/view/323/2/]سلطة الرايتا الهندية[/URL]
    13- [URL=http://www.l2ma.com/content/view/30/2/]الحمص[/URL]
    14- [URL=http://www.l2ma.com/content/view/265/2/]أصابع التونا[/URL]
    15- [URL=http://www.l2ma.com/content/view/321/2/]طاجن البطاطا الالمانية[/URL]
    16- [URL=http://www.l2ma.com/content/view/351/2/]بيتزا البطاطا[/URL]
    17- [URL=http://www.l2ma.com/content/view/358/2/]الفلافل[/URL]
    18- [URL=http://www.l2ma.com/content/view/423/2/]ليرات الكوسا المقرمشة[/URL]
    19- [URL=http://www.l2ma.com/content/view/431/2/]كريم الثوم بدون بيض[/URL]
    20- [URL=http://www.l2ma.com/content/view/370/2/]زعتر رول[/URL]
    21- [URL=http://www.l2ma.com/content/view/375/2/]ميني صمون بعجينة العشر دقائق[/URL]
    22- [URL=http://www.l2ma.com/content/view/428/2/]كعك العيد[/URL]
    23- [URL=http://www.l2ma.com/content/view/475/2/]ضفيرة الزيتون[/URL]
    24- [URL=http://www.l2ma.com/content/view/149/2/]سندويتش البيض اللذيذ[/URL]
    25- [URL=http://www.l2ma.com/content/view/104/2/]عجة الجزر والبروكولي[/URL]
    26- [URL=http://www.l2ma.com/content/view/458/2/]كب كيك الكوسا[/URL]
    27- [URL=http://www.l2ma.com/content/view/87/2/]كرات اللبنة بزيت الزيتون[/URL]
    28- [URL=http://www.l2ma.com/content/view/147/2/]شوكي بالزيت[/URL]
    29- [URL=http://www.l2ma.com/content/view/339/2/]جزر بالزيت[/URL]
    30- [URL=http://www.l2ma.com/content/view/359/2/]بطاطا حرة[/URL]
    31- [URL=http://www.l2ma.com/content/view/417/2/]إمام بايلدي[/URL]
    32- [URL=http://www.l2ma.com/content/view/498/2/]مكدوس الفاصولياء[/URL]
    33- [URL=http://www.l2ma.com/content/view/541/2/]سلق وحمص بالزيت[/URL]
    34- [URL=http://www.l2ma.com/content/view/150/2/]يالنجي[/URL]
    35- [URL=http://www.l2ma.com/content/view/221/2/]مكدوس الفاصولياء[/URL]
    36- [URL=http://www.l2ma.com/content/view/217/2/]القطر[/URL]
    37- [URL=http://www.l2ma.com/content/view/218/2/]القشطة المطبوخة[/URL]
    38- [URL=http://www.l2ma.com/content/view/335/2/]القطايف[/URL]
    39- [URL=http://www.l2ma.com/content/view/448/2/]قراص العجوة[/URL]
    40- [URL=http://www.l2ma.com/content/view/466/2/]رز بحليب [/URL] حبيت جرب طريقتك وطلعت لذيذة كتير.
    41- [URL=http://www.l2ma.com/content/view/398/2/]مهلبية الفريز[/URL]
    42- [URL=http://www.l2ma.com/content/view/62/2/]كاتو التفاح بالصوص الذهبي[/URL]
    43- [URL=http://www.l2ma.com/content/view/500/2/]كب كيك الموز والزبادي[/URL]
    44- [URL=http://www.l2ma.com/content/view/282/2/]كاتو شوكولا لذيذ و سهل بثلاث خطوات [/URL]
    45- [URL=http://www.l2ma.com/content/view/189/2/]كاتو البرتقال المحشي بكريما البرتقال اللذيذة [/URL]
    46-
    [URL=http://www.l2ma.com/content/view/180/2/]مافن الجزر والبرتقال[/URL]
    47- [URL=http://www.l2ma.com/content/view/129/2/]كريم كراميل[/URL]
    48- [URL=http://www.l2ma.com/content/view/250/2/]حلى الكاسترد بالبسكويت[/URL]
    49- [URL=http://www.l2ma.com/content/view/415/2/]فرنش توست[/URL]
    50- [URL=http://www.l2ma.com/content/view/429/2/]كاتو راس العبد[/URL]
    51- [URL=http://www.l2ma.com/content/view/486/2/]مهلبية الشوكولا[/URL]
    52- [URL=http://www.l2ma.com/content/view/510/2/]ليالي لبنان[/URL]
    53- [URL=http://www.l2ma.com/content/view/357/2/]كرمبل التفاح و الموز [/URL]
    54- [URL=http://www.l2ma.com/content/view/427/2/]كاري البطاطا والباذنجان[/URL]
    55- [URL=http://www.l2ma.com/content/view/291/2/]فطيرة اللحمة على طريقة سيما[/URL]
    56- [URL=http://www.l2ma.com/content/view/442/2/]السلمون المشوي بالفرن[/URL]
    57- [URL=http://www.l2ma.com/content/view/158/2/]القريدس المشوي بصوص الألف جزيرة [/URL]
    58- [URL=http://www.l2ma.com/content/view/327/2/]تشكن بوب كورن[/URL]
    59- [URL=http://www.l2ma.com/content/view/391/2/]دجاج بصوص ألفريدو[/URL]
    60- [URL=http://www.l2ma.com/content/view/542/2/]دجاج ترياكي[/URL]
    61- [URL=http://www.l2ma.com/content/view/125/2/]كبة العدس[/URL]
    62- [URL=http://www.l2ma.com/content/view/326/2/]الأرز بالملفوف و الخضار المشكلة [/URL]

    :eek
    خلصوا؟

    شو رأيك؟
    بتمنى من كل الاخوات يلي مو مترددين يجربوا كل هالاطباق.. لأنو كلها طيبة وشهية ومرتبة وشرحها واضح جداً.
    وانشالله رح ضل دائما تابع موقعك وجرب وصفاتك يا أحلى منى بالعالم :)

  10. zsoukar 3 February 2009

    مرحبا ست منى . الله يسلم ايديك على هالموقع .الاكلات يلي جربتها كلها زبطت وعدتها اكتر من مره وهي:
    1-سلطه الباذنجان هلى الطريقه المصريه
    2-سلطه الشوندر
    3-كولسلو
    4سلطه الزيتون
    4-بطاطا كوينز
    5-الهامبرغر
    6-الارز المفلفل
    7-كبه نيه
    8-الكبه المقليه
    9-الدجاج المحشي الشرقي
    10-محشي الملفوف
    11-صينيه كرات اللحم بالبطاطا
    12-اليالنجي
    13-تخضير البقسماط
    14-كريم الثوم
    شكرا الك وان شاء الله رح جرب اكلات تانيه قريبا :)

  11. عبير 4 February 2009

    السلام عليكم اخت منى والله يجزاك الف خير على هالاطباق الاكثر من طيبة 0000000000
    عادة اذا شخص بيعرف وصفة مضبوطة لشي اكلة ما بيعطيها لحدا لكن انت شاركتينا بكل تجاربك وخبرتك وانا وزوجي بصراحة كتيييير ممنونين الك 0 حتى زوجي صار يقول شوفي منى كيف عاملة هالطبخة 0 انا طبعا جربت كتير من اكلاتك واذكر منها :
    كاتو الزبادي على طريقتك
    كاتو الشوكولا
    كاتو بسيط ومميز
    الكبة المقلية
    الكبة اللبنية
    اللزانيا
    الفاصولياء بالزيت
    المخلل بانواعه وطريقتك افضل طريقة للمخلل واكثر من رائعة
    وطبعا مازلت اجرب 0 اما الذين جربتهم اعتمدت طرقك بشكل نهائي يا احلى ست بيت
    تمنياتي لك وللموقع بالمزيد من الازدهار والتميز 8) 8) [B][/B]

  12. غيث 4 February 2009

    السلام عليكم هلق بقى رح تملوا من طول تعليقي لاني فرغت اكتر من ساعة من وقتي لاتزكر شو طبخت من موقع ميمو الرائع لحتى اكتبهم بامانة وصدق اسمعو بقى:
    1-تحضير اللبن في المنزل
    2-صلصة البيتزابالتتبيلة الخاصة.
    3-سلق اللحوم والدجاج بطريقة طيبة كتير.
    4-كوكتيل الصيف المنعش.
    5-ميلك شيك الموز.
    6- الليمونادة اللزيزة(عدم مؤاخزة حرف الزال لا يكتب عندي لهيك عم اكتب بالزاي اي ز).
    7-شوربة العدس الاحمر التركية.
    8- شوربة العدس بحامض على طريقة اهل حلب.
    9-شوربة البصل الفرنسية اللزيزة.
    10-شوربة كريم الفطر.
    11-شوربة العدس السورية.
    12-شوربة كريم البطاطا.
    13-شوربة البروكلي.
    14-ست كليلة.
    15-سلطة البطاطا بالبقدونس.
    16-سلطة العكرونة.
    18-متبل البطاطا.
    19-السمبوسة الهندية.
    20-حمص بيروتي.
    21-بطاطا سوبر مقرمشة.
    22-بطاطا مقلية بسعرات خفيفة.
    23-متبل كوسا.
    24-كريم التوم بدون بيض.
    25-كريم التوم.
    26-كرات البطاطا.
    27-مناقيش على الطواية.
    28-فطيرة الزيتون والجبنة البيضاء.
    29-صينية فطاير مشكلة.
    30-فوكاتشا.
    31-ميني صمون بعجينة العشر دقايق.
    32-فطائر السبانخ.
    33-خلية النحل.
    34-لحم بعجين.
    35-ساندويش السجق على الطريقة التركية.
    36-اليالنجي.
    37-كرات اللبنة بزيت الزيتون.
    38-الكارنياري.
    39-سباجيتي بصلصة البندورةوصدور الدجاج.
    40-معكرونة بصلصة البيتزا.
    41-معكرونة بالبشاميل(غراتان).
    42-لازانيا على طريقتي.
    43-مقلوبة الزهرة.
    44-مقلوبة البانجان.
    45-صرة الاوزي.
    46-ملوخية على الطريق المصرية.
    47 ملوخية على طريقة اهل حلب.
    48-الملوخية الخضراء بالدجاج.
    49-فروج بالبطاطا.
    50-دجاج مشوي بالفرن بصوص الليمون والزعتر اللاخضر.
    51-تشيكن مكسيكانو.
    52-كل انواع الكبب على طريقة منى(مقلية -صينية- مبرومة —)
    53- سلمون مشوي بالفرن.
    54-باطرش حلب.
    55-باطرش حموي.
    56-الكواج.
    57-الشيشبرك.
    58-فطيرة اللحم على طريقة سيما.
    59-اكيد كاتو راس العبد.
    60-اسهل واسرع فطيرة تفاح.
    61-بيتي فور.
    62-كاتو شوكولا لزيز وسهل بثلاث خطوات.
    63-كاتو شوكولا كولا.
    64-كاتو الشوكولا الرائع بحشوة السنكرز.
    65-كاتو التفاح بالصوص الدهبي.
    66-ايس كريم الزبادي والفواكه.
    67-رز بحليب.
    68- البقلاوة.
    69-القطايف.
    70-رز بحليب مبطن .
    71-الحبوب.
    72-القشطة المطبوخة .
    73-كنافة ام النارين.
    74- الهيطلية.
    75-المامونيةما كانت تنجح معي الا على طريقة منى الرائعة.وهيك تقريبا كتبت ما عملت من موقعكم وكمان في ترتيبات تانية عاملتها من الموقع لطبخات انا بعرفهم بس ضفت لمسات منى عليهم كالمحاشي واللبنية ووومافي داعي اكتبهم لاني ايدي صارت توجعني منيح اللي زوجي طبيب عظام منشان يتولى الامر اما الطبخات اللي كتبتهم مرقمين فكلهم على الطريقة المزكورة بالموقع وكلهم اروع من بعضهم الصراحة الله يجزي الخير لمنى ولكل المساهمات والمشتركات بالموقع من اخوات عزيزات الى المسؤولات عن تنسيق الموقع وصيانته وحفظه هدول وراء الكواليس متل ما بيقولو والسلام عليكم اكيد رح تطردوني من الموقع على قد ما حكيت بس لسع في بقلبي كتير كلام بيعبر عن شكري وامتناني لمنى لاني كل ما عملته نجحو من اول مرة وكاني مجربتهم من قبل عشرات المرات و شكرا.

  13. سارونات 4 February 2009

    السلام عليكم و رحمة الله و بركاته
    فكرة كتير حلوة من سمسمة جازاها الله خيرا انا الحمد لله الوصفات اللي جربتها نجحت من اول مرة و في كتير وصفات جربتها اكتر من مرة و كل مرة النتيجة مية بالمية و بترفع الراس راح اكتب تعليق بسيط قدام كل وصفة و بتمنى تجربوهم لان عن جد بيرفعو الراس و بيبيضو الوجه
    بسم الله نبدأ

    [URL=http://www.l2ma.com/content/view/536/2/]تحضير مكعبات المرق[/URL] طريقة منيحة كتير عملية و طيبة

    [URL=http://www.l2ma.com/content/view/449/2/]أفضل طريقة لحفظ الذرة[/URL] كمان طريقة سهلة

    [URL=http://www.l2ma.com/content/view/204/2/]الطحينة[/URL] كان حلمي ساويها بالبيت و تحقق هالحلم

    [URL=http://www.l2ma.com/content/view/128/2/]صلصة البيتزا بالطريقة الايطالية الاصلية[/URL] كتير طيبة و عملية كل ما بدك منها بتطلعيهاو تستعمليها بالوصفات المذكورة

    [URL=http://www.l2ma.com/content/view/127/2/]سلق اللحوم و الدجاج بطريقة أطيب[/URL] عن جد هالطريقة اطيب

    [URL=http://www.l2ma.com/content/view/518/2/]سلطة الشوندر بالزبادي[/URL] كتير طيبة و لونها بيجنن

    [URL=http://www.l2ma.com/content/view/499/2/]سلطة البطاطا بالزبادي[/URL] طيبة

    [URL=http://www.l2ma.com/content/view/388/2/]سلطة المعكرونة[/URL] كتييييير طيبة و خفيفة كمان

    [URL=http://www.l2ma.com/content/view/362/2/]سلطة الجزر بالكزبرة[/URL] طيبة

    [URL=http://www.l2ma.com/content/view/323/2/]سلطة الرايتا الهندية[/URL] طيبة

    [URL=http://www.l2ma.com/content/view/309/2/]سلطة القرنبيط و البطاطا بلبن[/URL] طيبة

    [URL=http://www.l2ma.com/content/view/230/2/]سلطة الرز بالخضرة[/URL] كتير طيبة و سهلة

    [URL=http://www.l2ma.com/content/view/134/2/]سلطة المعكرونة نص بنص بنص[/URL] كتيييييير طيبة و سهلة كمان

    [URL=http://www.l2ma.com/content/view/544/2/]غراتان القرنبيط الفرنسي[/URL] كتير طيب و خفيف

    [URL=http://www.l2ma.com/content/view/480/2/]متبل البطاطا[/URL] أطيب متبل ممكن تاكليه و تحضيره سهل

    [URL=http://www.l2ma.com/content/view/431/2/]كريم الثوم بدون بيض[/URL] طيب و خفيف

    [URL=http://www.l2ma.com/content/view/351/2/]بيتزا البطاطا[/URL] ما بتنوصف كتير طيبة و بترفع الراس

    [URL=http://www.l2ma.com/content/view/33/2/]تزاتزيكي[/URL] اطيب سلطة لبن

    [URL=http://www.l2ma.com/content/view/30/2/]الحمص[/URL] كتير طيب

    [URL=http://www.l2ma.com/content/view/28/2/]متبل الباذنجان[/URL] طيب

    [URL=http://www.l2ma.com/content/view/432/2/]عجة البطاطا[/URL] خفييييفة و طيبة كتير و بتذوب في الفم

    كب كيك الكوسا طيبين

    [URL=http://www.l2ma.com/content/view/150/2/]ورق العنب بزيت[/URL] كان حلمي ساوي ورق عنب و ساويتو و طريقته سهلة و النتيجة كتير طيبة

    [URL=http://www.l2ma.com/content/view/294/2/]معكرونة بصلصة البيتزا[/URL] كتييييير طيبة و سهلة و سريعة خصوصا لما تكوني تعبانة او ما في عندك وقت

    [URL=http://www.l2ma.com/content/view/241/2/]معكرونة بالبيشاميل[/URL] كتييييييير طيبة و ممكن تتحضر قبل بيوم و تتحط بالثلاجة و بتنامي مطمنة لان صار عندك غذا بكرا

    [URL=http://www.l2ma.com/content/view/154/2/]معكرونة بصوص الفليفلة و الفطر[/URL] كتير طيبة

    [URL=http://www.l2ma.com/content/view/123/2/]معكرونة البيتزا[/URL] فكرة بتجنن و كتير طيبة

    [URL=http://www.l2ma.com/content/view/74/2/]لازانيا على طريقة منى[/URL] عملية و سهلة و ممكن تحضريها و تحطيها بالبراد و بكرا تطالعيها و تدخليها الفرن و صار غداكي جاهز

    [URL=http://www.l2ma.com/content/view/18/2/]سلق المعكرونة[/URL] منيح تكون عندك هيك معلومة تحتى تسهل عليكي السلق خصوصا كاول مرة

    [URL=http://www.l2ma.com/content/view/373/2/]أرز بكبدة الدجاج و الخضار[/URL] اطيب رز ممكن تاكليه

    [URL=http://www.l2ma.com/content/view/205/2/]مقلوبة الباذنجان[/URL] طيبة و تحضيرها مو صعب و النتيجة طيبة و حلوة

    [URL=http://www.l2ma.com/content/view/101/2/]الأرز المفلفل بالشعيرية[/URL] طيب

    [URL=http://www.l2ma.com/content/view/481/2/]لقمة تشكن[/URL] طيبة

    [URL=http://www.l2ma.com/content/view/502/2/]مسقعة الكوسا[/URL] كتييير طيبة لازم تجربوها

    [URL=http://www.l2ma.com/content/view/264/2/]روستو بالخضار[/URL] كتير طيبة و سهلة كمان بتحضريه لعزيمتك او عيلتك قبل بيوم و بتكوني مرتاحة و بتستعملي اواني مطبخ قليلة يعني خلصنا من الجلي :grin ساويه و ما راح تندمي عنجد بيرفع الراس

    [URL=http://www.l2ma.com/content/view/169/2/]قوارب الكوسا غراتان[/URL] طيبة

    [URL=http://www.l2ma.com/content/view/67/2/]موساكا[/URL] تتربع على عرش اطباق الغراتان و حشوتها اطيب حشوة

    [URL=http://www.l2ma.com/content/view/51/2/]بهجة السلطان[/URL] طيبة

    و الان ننتقل الى الحلويات و الكاتو

    [URL=null]null[/URL][URL=http://www.l2ma.com/content/view/486/2/]مهلبية الشوكولا[/URL] كتييييير طيبة و الكبار و الصغار راح يفرحو فيها و سهلة التحضير

    [URL=http://www.l2ma.com/content/view/250/2/]حلى الكاسترد بالبسكويت[/URL] مو معقول شو طيب و سهل و بيرفع الراس

    [URL=http://www.l2ma.com/content/view/554/2/]كاب كيك شوكولا[/URL] كتييير طيبين بالنسبة لي اطيب كاب كيك شوكولا

    [URL=http://www.l2ma.com/content/view/553/2/]كاب كيك 125[/URL] كتير طيبين و خفيفين كمان بالنسبة لي اطيب كاب كيك فانيلا

    [URL=http://www.l2ma.com/content/view/194/2/]كاتو الكوسا بالبهارات[/URL] طيب

    [URL=http://www.l2ma.com/content/view/173/2/]كاتو شوكولا كولا[/URL] اول وصفة جربتها من الموقع و كتير طيبة بس لهلأ الصوص ما ضبط معي ما بعرف ليش و فيكي كمان تقدميها سادة من غير صوص و بيطلع كتير طيب و نافش

    [URL=http://www.l2ma.com/content/view/92/2/]كاتو لوز و جوز و موز[/URL] جربتو بس بموز و من غير جوز و لوز و طلع طيب

    [URL=http://www.l2ma.com/content/view/68/2/]كاتو التمر بدون بيض[/URL] كتير طيب و خفييييف راح تضلي رايحة جاية عليه تحتى تخلصيه و ما راح يظل لبكرا

    [URL=http://www.l2ma.com/content/view/393/2/]ايس كريم الفواكه و الزبادي[/URL]
    جربته بالموز و طلع طيب

    ان شاء الله انتم كمان تجربوهم و ينجحو معكم من اول مرة متلي و تصيرهالوصفات معتمدة عندكم متل ما صارت عندي

    ربنا يوفقكم و ينحج وصفاتكم و يخليلنا اختي منى اللي بدعيلها ربنا يجازيها الجنة
    سلام

  14. سلاف 4 February 2009

    منى انا مدري شو بدي عد لعد جربت اغلب وصفاتك ومتل ماقالو الاخوات والله كلها بتجنن ومافي شيئ فشل معي نجاح وتوب من اول مره :)
    اول شيئ العصيرات جربتهن كلهن
    2- المحاشي بجميع انواعهاماعدا البصل عالطريق 3- الكبه المقليه،، وبالصينيه،، ولبنيه،، والسماقيه،، ومشويه ،،ومبرومه،، وكبه بزيت الزيتون ،،وكبه بالسيخ ،، وكبة الرز
    4- فطيرة السلق والطحينه ،، فطيرة الجبنه والزيتون ،،وخبز المشاوي ،، مناقيش فليفله،، فطاير سبانخ‘‘ وطبعا لاننسى كعك العيد
    5- السندويتشات وهدول شيئ بيفلج من كتير مو طيبين وبجننو: فاهيتا،، دجاج مسخن‘‘ توشكا ‘‘ ستيك فلاديلفيا،، الهمبرجر ،، وسندويتش الكودو،، والبطاطا
    6_ المعكرونات : معكرونه غراتان ،،لازانيا ،، معكرونة بصلصة اللبن والثوم ،،معكرونه بكرات الدجاج،، معكرونه باللحمه
    7_ المربيات : مربى السفرجل ،، مربى الفريز ،، وسلطة الفواكه‘‘ ومربى القرع اجلت المشروع حاليا الى وقت لاحق :zzz
    والله اذا بدي عد رح اكتب كل وصفات الموقع تقريبا المقبلات تقريبا اكتر من نصها جربتها والكاتو جربت عدة انواع بس كان المميز المميز كاتو التفاح بالصوص الذهبي وكلهن نجحو بقى شو بدي عد لعد واطباق الارز واللحوم الاغلبيه جربته ويمييييييي
    والله كل شيئ من مطبخك يامنى غيـــــــــــــــر
    هلا اذا بدي اكتب بالترتيب وحط رابط كل اكله معناها مابخلص لبكره
    منشان هيك رصيتهن جنب بعض معجوقه بحالي انا (( على سيرة المعجوقه جربتها كمان بتجنن ))

    الله يسلم ايدكي على كل شيئ قدمتيه النا ويجزيكي ربي كل الخير عنجد ساعدتينا كتير بغربتنا بالذات نحن المغتربات اغلبنا تزوجنا بعدنا عن اهلنا وماكنا نفوت المطبخ الانادرا كنتي مرجع وسند النافي جميع طبخاتنا :zzz
    اذا اجاني بنوته مابخاف عليها مستقبلا خلص الموقوع موجود وبكون كتابك كمان ان شاء الله صار بالاسواق بقى وين ما اجى نصيبها الله معاها
    :)
    ثانكس حكيت كتير شكرا لكل اللي تحمل غلاظتي
    سلام

  15. سارونات 4 February 2009

    نسيت [URL=http://www.l2ma.com/content/view/193/2]سلطة الكولسلو[/URL] طيبة كتييير و خفيفة

  16. منى 4 February 2009

    السلام عليكم و رحمة الله و بركاته :
    الصراحة اردود الي قراتها ما كنت متوقعتها و لا عندي كلمات رد على كل أخت بأختها , حاسة حالي خلصوا كل الكلمات الي عندي

    ألف ألف ألف شكر لكل من ردت و كتبت و جربت و لكل الكلام الرائع , ما بعرف ما عم يطلع معي و لا كلمة :sigh

    الف صحة و هنا و لو اعرف ان رح أقرا هيك ردود بتبل القلب كان لازم تخطرلي هل الفكرة من زمااااان ;)

    ردودكم هي و تشجيعكم هم الي بتخليني أبحث عن وصفات جديدة و جربها و تكون مميزة لحتى نزلها و كمان هل الثقة هي الي بتخليني ما نزل وصفة تقليدية الا ما اسأل عنها الصغير و الكبير و اكتبلكم كل النصائح الي أخدتها

    برجع بقول ألف شكر لكل أخت ردت و لكل أخت كتبت و لكل مين جرب وصفة من الموقع:)

    دالو ليكون اللبن الي عم تستعمليه لبن مبستر أو لبن مغشوش ؟؟ لان عن جد الوصفة و لا اسهل و لااازم تنجح معك , اذا بتحبي ممكن تجربيها مرة كمان بحليب المجفف لحتى نشوف من وين المشكلة :)

  17. omtasneem 4 February 2009

    السلام عليكم ورحمة الله وبركاته. شو كأني وصلت متاخرة يلا ان تصل متاخر خيرامن الاتصل ابدا ياخواتي جربت كتير اكلات بتعرفوا وحدة بالغربة مابيتسلى غير بالطبخ والنفخ والحمد لله رب العالمين كل الوصفات نجحوا معي واليكم التالي بسم الله .
    1ـفيليه السمك بالخضراوات
    2ـأسهل وأسرع فطيرة تفاح
    3ـقدرة قادر
    4-الذ واسهل عجينة للسمبوسك
    5ـالكبة بالصينية/غداي امبارح/
    6شوربة العدس بحامض على طريقة اهل حلب.
    7-ميني صمون بعجينة العشر دقايق.
    8خلية النحل.
    9الكارنياريك.
    10مقلوبة الزهرة.
    11فروج بالبطاطا.
    12باطرش حلب.
    13كاتو راس العبد.
    14كاتو شوكولا كولا.
    15كاتو الشوكولا الرائع بحشوة السنكرز/وهادا بصراحة ادمنت عليه انا وجوزي وبنتي/
    16رز بحليب.
    17القطايف.
    18 صلصة التوفي كريم
    19رولات الدجاج المحشية
    20- جزر بالزيت
    21- كاتو البرتقال المحشي بكريما البرتقال اللذيذة
    22حلى الكاسترد بالبسكويت
    23شوربه الطماطم الألمانيه
    24الكروسان الهش
    25أقراص عجة البقدونس
    26كوسا مشوي على الطريقة التركية
    27معكرونة باللحمة
    28رز و فطر
    29الكبسة السعودية السريعة
    30محشي بطاطا جواهر
    31لسعة النحله
    32حلى الكرز بالفستق ( الكلافوتي )
    33كاتو الشوكولا بحشوة الأناناس و الكراميل
    34كاتو لوز و جوز و موز
    35كاتو الموزاييك
    36البسبوسة بالزبادي /بصراحة حسيتها مانجحت معي وكاني السميد مانفش/
    وسامحيني عزيزتي منى اذا نسيت شي اكلة وحبيت حط رابط لكل اكلة بس ماعرفت وحاليا بدي جرب خبز بيدا التركي وإن شاء الله تعالى رح خبرك بالنتيجة مشكورة على جهودك

  18. سمسمة 4 February 2009

    والله شي بيفرح القلب يا منى شوفي أديش بنحب آكلاتك ان شاء الله بيعيشوا ايديكي
    بالنسبة لي أنا جربت :
    1-تحضير مكعبات المرق
    2-طريقةحفظ الذرة
    3- وصفة الكريب
    4- بهارات مشكلة لذيذة
    5-سلق اللحوم أو الدجاج بطريقة طيبة كتير
    6-تحضير الحليب المركز المحلى في المنزل
    7-شراب البرتقال
    8-سلطة الكبسة
    9-التبولة
    10- سلق و حمص يزيت
    11- مكدوس الفاصولياء
    12- قرنبيط بالطحينة
    13-الرز بالدجاج
    14- دجاج ترياكي
    15-دجاج كريم بريمافيرا
    16-كب كبك 125
    17-كاتو السبانخ
    18-كاتو البرتقال
    19-كيك الشوفان
    20-كاتو الكوسا
    21-كاتو رأس العبد
    22-مربى السفرجل
    23-مربى قشور البرتقال المغمس بالشوكولا ( أورانجيتيه )
    ألف شكر لكل يلي قدمتي حبيبة قلبي منى وان شاء الله كله في ميزان حسناتك

  19. ام دانية 4 February 2009

    السلام عليكم جميعا وسلام خاص للست منى :grin بصراحة من لما شفت الموقع وانا صرت مداومة عليه الحلو بالموقع انو وصفاتك دقيقة تمام يمكن مشان هيك عم تنجح معنا من اول مرة والحلو فيو كمان انك بتجاوبي على كل الاسئلة الي بنطرحها عليكي وهاد كرم اخلاق منك :zzz انا جربت مجموعة من الاكلات والحمدلله كلها نجحت وصرت كل ما كون محتارة شوبدي اطبخ :upset ادخل على الموقع ونقي اكلة ومن بعد ما تعرفت على هل الموقع الحمدلله ما عدت محتارة نهائيا :grin وياستي جربت اللقم والقطايف والكبة المبرومة وكباب مفاجئات والقشطة وترياكي والشيشبرك وصلطة الشوندر والرز بحليب مع البالوظة والقطر وباطرش حلب ممممممممم كل طيبين يسلم هل الديات يارب

  20. لارا مينا 4 February 2009

    مساء الخير …بالنسبة لي أنا من المتصفحات للنت من أكثر من 10 سنوات ولكل المواقع سواء ثقافة _ دين _ ترفيه _ مرأة – مجتمع وأكيد طبخ ومفضلتي كانت مليانة بكثير مواقع طبخ مابتنعد ومن خلال تصفحي لها قرات في إحدى الوصفات عصير الحصرم طبعا ماعرفته فبحثت في محرك البحث الشهير جوجل عن معنى عصير الحصرم ومن ضمن نتائج البحث طلعلي وصفة من ضمن موقع لقمة طيبة كنتي مستخدمة فيها عصير الحصرم فتحت على الصفحة وبعد ماخلصت ماحسيت بنفسي إلا وانا أفتح صفحة ورا الثانية من موقعك ومن تلك الليلة لحد اليوم وأنا متابعة للموقع وحذفت كل المواقع الي عندي في المفضلة لأنها في الأساس ماكانت تعجبني كتصميم أو مضمون لأن بتحسي كل وحدة بتضيف مكونات على مزاجها وانا مأأحب إلا الوصفات الأصلية ومن أصحابها الحقيقين وخصوصا الوصفات العربية وأيضا إذا كان عندك استفسار ماكان أحد يساعدك ولا يرد عليكي بعكس موقعنا الحبيب وللأمانة في جميع المنتديات كنت مجرد زائرة فقط وهاذي أول مرة أشترك في موقع طبخ وأتواصل معاه بهذا الشكل , وبس …. الوصفات المجربة هي :
    دبس الفليفلة وكانت أول مرة أسمع فيه وأول مرة أعمله وعمل عندنا في البيت ضجة كبيرة مازالت قائمة حتى الآن , وصفة أقل مايقال عنها بأنها كنز ثمين كان غائب عنا.
    المايونيز _عصير البرتقال بخلاط الكوكتيل -شراب قمر الدين – شراب التمر الهندي -شوربة العدس السورية -سلطة الباذنجان على الطريقة المصرية -سلطة البقلة باللبن -التبولة -بذر اليقطين المحمص – يقطين مقلي بالتتبيلة – بطاطا مقلية خفيفة السعرات الحرارية -مخلل اللفت -متبل الكوسا-محشي البصل -اليبرق – الشاكرية – محشي كوسا باللبن- محشي الملفوف – كاب كيك الموز والزبادي – كاتو اللبن الزبادي على طريقتي – كاتو شزكولا لذيذ وسهل ب 3 خطوات _ مربى المشمش – رز بحليب – كنافة أم النارين وكانت حلوة كثير بس ماطلع لونها مثل الصورة الحلوة إلي عندك – زردة -حامض مرقد -مخلل الخيار – مخلل الخضار المشكلة – فطيرة الزيتون والجبنة البيضاء – البريوش روعة روعة روعة _ لحم بعجين – ألذ وأسهل عجينة للسمبوسك بس عجنتها بالماء فقط بدون حليب رائعة جدا – جزر بالزيت _قرنبيط بالطحينة – يقطين باللحمة والخضار . وللأمانة كلها كانت مزبوطة وأول مرة أجرب هالكم من الأصناف من موقع واحد فقط .
    وعندي سؤال صغير ماالفرق بين المربى والمرملاد؟ وألف شكر .

  21. ام كريم 4 February 2009

    مرحبا للجميع بلاخص للمبدعة منى وكل يلي ساهم بهلموقع لان عنجد موقع ممتع متل ماقالت الاخت دالي انو صار شي من الروتينيات انو اول ما افتح الكمبيوتر افتح علموقع وخاصة وقت بيجي وقت الطبخة ببقى محتارة شو بدي ساوي بفتح الموقع وببلش قلب وبلاقي اناتقريبا مجربة كتير من الاكلات مرح عد لان ما بينعد وكلن بفضل الله وصفات الاخت منى زبطو من اول مرة بدون مجاملة بس المحمرة طلعت مرة غامقة بس الطعمة طيبة بس اكيد لان انا كترت دبس رمان اكتر من الوصفة كترت حكي بس انا بلنسبة الي انا بلغربة الموقع بدل وصفات امي :grin يعطيكي العافية والصحة ودايما بلتوفيق والنجاح للموقع وللجميع :roll

  22. ميساء 6 February 2009

    مساء الخير…. الحقيقة بعد كل هالكلام الحلو اللي قالوه الأخوات في الموقع ما بعرف شو بدي قول بس أنا اعتقد أن سر وصفاتك بالإضافة لكونك طباخة ماهرة هو كبر قلبك وصدقك وإخلاصك في تقديم المعلومة ولكوني من سوريا فإن أغلب الوصفات المحلية اللي قدمتيها كانت معروفة بالنسبة الي وخصوصا أن زوجي بالأصل من مدينة ادلب وتعلمت من حماتي كل الأكلات الحلبية لأن المطبخ واحد تقريبا وجربت من الموقع كتير أنواع طبخ وحلويات وكانت تنجح معي من أول مرة وكانت أكثر من رائعة ولما عملت السفرجلية الكل قال لي رح تسبقينا عالمطبخ الحلبي . غاليتي منى شكرا كتير لجهودك الجبارة وصدقيني موقعك صار من أشهر مواقع الطبخ المحترمة :roll

  23. أم الهدى 7 February 2009

    ياعيب الشوم علي شكلي آخر الواصلين،يعني الصراحة الواحد شوبدو يحكي موقع ولا أحلىوأكلات ولا أطيب وصاحبتو فنانة وصادقة ومبدعة في الإختيار وشرح الخطوات بوضوح والرد السريع
    رح اذكر الأكلات يلي عطاها زوجي شهادة الاعتماد مع مرتبة الشرف بما انو صاحب ذوق صعب والصراحة الأكلات يلي اخدو هل مرتبة نسبتهم 98 بالمية لأانو بس تنتين ماحبهموالاطباق هنن
    صلصة التوفي – حليب محلى مكثف – وصفة الكريب – عصير البطيخ الأحمر – ليمونادة الفريز – عدس بحامضاللبناني – شوربة العدس السورية – سلطة المعكرونة نص بنص – سلطة الدجاج المشوي – ليرات الكوسا – الحمص – إيتش – عجينة العشر دقائق الرائعة – فطيرة الزيتون الشهية – متبل البطاطا – فطاير السجق اللذيذة – شاورما الدجاج – الهمبرغر الخيلة – سلق مقلى – معكرونة بصوص الفطر والفليفلة – كانبلوني الأنيقوالمميز – معكرونةبكرات الدجاج الشهية – اللوبياالحب بصوص الكاري – الأرز بالملفوف والخضار – دجاج بريمافيرا – تشكن بوب كورن – أصابع الدجاج الدجاج بتتبيلة مكسيكية مميزة ولذيذة – ناغيت الدجاج الصيني – كفتة اليقطين – كاري البطاطا والباذنجان – القرنبيط بصوصالفليفلة واللحمة – بيف سنروغونوف الدافي اللذيذ – مهلبية الشوكولا الرائعة – كرات جوز الهند اللذيذة جدا جدا – طبقات الكيك والجيلو والكريما – الكاسترد بالبسكوت – كاتو التمر الغير شكل ةالشهي بكل المقاييس – كاتو الليمون الخفيف – مربى الفريز الرائع – مهلبية الفريز – آيس كريم الزبادي والفواكه التحفة
    ويلي ما ظبطو معي معكرونة ألابستو ما بعرف ليش إما لأنو طعمها غريب عليناأو أنا خبصت فيها :eek والتاني دجاج سويت وأندرسور طيب بس طعمتو بعيدة عن ذوقنا العربي ( هيك قال زوجي) 8)
    وكل الاطباق نجحت من أول مرة والف شكر إلك والله يجزيك كل خير :)

  24. نوارة 9 February 2009

    انا جربت هالاكلات وتقريبا كلن نجحو معي الله يسلم دياتك يا ميمو انتي والاخوات اللي عم يشاركو واعذريني على كسلي بس بتعرفي وقتي شلو

    1 البندورة المحشية بسلطة المايونيز
    2 غراتان القرنبيط الفرنسي
    3 الكروستيني mushroom crostini
    4 عجبة الجزر و البروكولي
    5 حلى المارس
    6 كرمبل التفاح و الموز
    7تارت الجلاكسي بثلاث طبقات
    8 مكعبات الجيلي الملونة
    9 حلى وردات الجوري
    10 مافن الجزر و البرتقال
    11 كاتو التمر الطري
    12 ايتش
    13 بطاطا محشية لحمة وجبنة كيري (هلق ما لقيتها)

  25. ميسونو 10 February 2009

    لم تعودي آخر الواصلين يا أم الهدى .. لأني وصلت بعدك.
    وبصراحة لم أنوي الكتابة سابقاً مكتفية بالقراءة والمتابعة الصامتة متل عوايدي .. بس يا أختي تعليقات الأخوات وتقديرهن للموقع من عدة زوايا وعلى مختلف المستويات دفعني للشعور بالبخل والأنانية إن بقيت على صمتي.

    هناك العديد من الوصفات يا منى يا ست الستات لم أجربها لأني أعرفها مسبقاً.

    وهناك العديد جداً جداً من الوصفات التي لم أجربها لاعتبارات وظروف عديدة.

    لكن..
    هناك وصفات تميزت بالأسرار والتنكيشات التي تجعل أي طبق على أصول أصوله. مثل:
    التبولة .. ننقع البرغل بعصير الليمون.
    الكبة المقلية .. نضيف لها السميد.
    الفلافل .. نخلط حمص وفول.
    (وهنا أود شكرك على التنبيه لدرجة حرارة النار عند قلي الفلافل والكبة).
    حراق إصبعو .. حلوة فكرة الكشتبان ومهضومة.
    محشي الملفوف .. شكراً على طريقة سلق وتقطيع الملفوفة.
    دجاج محشي شرقي .. عجبتني فكرة حشو المنطقة الرقيقة بين الفخذين.
    فطائر السبانخ .. شكراً على طريقة عصر السبانخ لتحضير الحشوة.
    شوربة البصل .. شكراً للتنبيه على استعمال مرق اللحم.

    هناك أيضاً وصفات جربتهاعلى طريقتك بس للأسف ما نالت التشجيع للتكرار. مثل:
    كريم الثوم بدون بيض.
    كرات جوز الهند.
    كبة العدس.
    كريم كراميل بالشوكولا والقرفة.
    رز بحليب.
    سجق رول .. طول عمري مو صحبة مع البف باستري وللأسف لم يتغير الموقف مع السجق رول.

    أما الوصفات التي نالت استحسان الجماهير الجائعة فأذكر منها:
    لازانيا على طريقة منى.
    فطيرة التفاح.
    روستو بالخضار.
    ألذ وأسهل عجينة سمبوسك .. وقد جربتها بالحليب وبالماء مثل الأخت لارامينا.. بس لسه عم أستنى عجينة قابلة للخبز بدل القلي.
    رز بالفطر.
    تشاينيز بيف.
    شاورما الدجاج.
    الكبسة.
    شراب قمر الدين .. أحبه مهما أشرب منه ومهما قالوا الناس عنه.

    شكراً منى ..
    يعطيك العافية ..
    وبالتوفيق الدائم يا رب.

  26. dally 11 February 2009

    مساء الخير للجميع والله يامنى الله يعطيكي العافية دائما يارب وبالنسبة للبن اول شي استعملت حليب مبستر مرة قليل الدسم ومرة كامل الدسم بس نفس النتيجة وبما انك قلت انو العطل من الحليب بقا ريحتيني وانشالله رح جرب بحليب البودرة بس انت قصدك اللبن المبستر ولا الحليب وعندي سؤال لو سمحتي جبت الخل البلسمك من فترة طويلة ولهلأ ماعم اعرف لشو بدي استعملو يعني هو متل الخل العادي ولا الو استعمالات خاصة ياريت تفيدني ومرة تانية الف شكرالك ياموني

  27. الدمشقية 12 February 2009

    والله جربت كتيير من الوصفات وطلعو بياخدو العقل ربي يخلينا منى وتحطلنا وصفات أكتر وأكتر :grin
    الكروسان الهش http://www.l2ma.com/content/view/254/2/
    فطاير بعجينة العشر دقائق http://www.l2ma.com/content/view/375/2/وطار عقل الكل فيها وكل يومين وبيدخلو علي اعملهون عجينة متلها
    سلطة الشوندر بالزبادي http://www.l2ma.com/content/view/518/2/
    حلى وردات جوري http://www.l2ma.com/content/view/160/2/
    كاتو راس العبد http://www.l2ma.com/content/view/429/2/
    كب كيك الموز بالزبادي http://www.l2ma.com/content/view/500/2/
    صفوف http://www.l2ma.com/content/view/208/2/
    والله في اكلات كتير لسه إن شاء الله بضيفها المرة الجاية لأني هلق اضطريت إني سكر الانترنت

  28. هيلين 25 February 2009

    ماشاء الله روعة الواحد بيتسفيد رح شارككن بكره بعون الله

  29. Eman 27 February 2009

    السلام عليكم ..حابة أشارك بتجرابي الناجحة والفاشلة سوا .. :upset
    هنن كتار ما رح حطهم كلهم .. بس أكتر شي جربته كان طبخ والحلو ما جربت غير:
    كاتو كريم كراميل انخبص اول مرة وتاني مرة نجح
    وكاتو الاناناس والكراميل كان نص نص
    وكاتو السبانخ نجح كان حلو شكله وطعمه تقليدي
    وكاتو موزاييك ما نجح :sigh

    أما الطبخات فما أذكر فشل معي غير عجينة العشر دقائق ..
    بس نجح شي كتير وأكتر شي كان مميز :
    الفريكة الله يجزيها الخير منى الغالية للطريقة
    الكانيلوني
    الشاورما
    السمبوسك
    الطنبورة
    فطيرة السبانخ
    الكبب بأنواعها
    المحاشي واليبرق
    فخدات الدجاج
    وشي كتير عملته ونجح من كترهن ما عم أذكرهم . وكفى بالمرأ نبلا أن تعد معايبه .. يعني الناجح كان أكتر وما أذكر غير كم وصفة فقط فشلوا ..
    بس لهلأ ما كتير جربت كتير حلو وفطاير بدي أتشجع أكتر لما شوف غيري جرب وضبط معه .. بقى خلونا نشوف شو عملتوا كمان ؟

  30. رنا 12 March 2009

    شو هالفكرة الروووعة
    انا من يوم ماقرأت لينك الموقع بزهرة الخليج وانا معجبة وبشدة بهالموقع الرائع …بصراحة تزامن هالشي مع بداية زواجي وانا مابعرف شي عن الطبخ والمطابخ ومنى حلت هالمشكلة وخلت زوجي يثق فيني كتيييييييير
    هلأ شو جربت من الموقع شغلات كتيرة
    اول شي اللازانيا وهي وصفة بتاخد العقل وبشهادة الشهود
    فخذات الدجاج الاكثر من رائعة
    الشاورما اللذيذة كتير كتير ويلي استغنيت فيها عن شاورما السوق المجمدة
    بوب كورن الدجاج
    هامبرغر اللحم والدجاج
    برغر الا سوسو الرائع جدا جدا
    الكروسااان اللذيذ ساويته مرتين ومتكاسلة اعيده شنوو بده شغل كتير
    البريوش الرائع
    التوست بس مانجح معي وعجن مدري ليش وقتها
    ممممممم يمكن خلصت وصفات المالح
    وصفات الحلو
    رز بحليب
    مهلبية الشوكولا
    مهلبية الفراولة
    تارت الجوز
    تشيز كيك
    كاتو التمر
    كاتو السبانخ
    كاتو الموز
    كب كيك الموز …عملته كذا مرة بس للاسف بس اول مرة نجح معي وبالمرتين اللي بعدهن عججن
    فريزييه
    قدرة قادر
    شوووو كمان يمكن نسيت شي
    بس الف شكر الك على الاهتمام فينا وبالموووقع والله يوفقك يارب ;)

  31. azza 10 April 2009

    مرحبا بالكل
    الحقيقة أنو عرفت الموقع من أسبوع بس فورا نال اعجابي حسيت انو هالوصفات متل وصفات امي واختي واهلي وجذبني ببساطته ووضوحه وتنويع أكلاته فيعطيكم الف عافية على هالشغل الحلو
    وامس كان عندي عزيمة عشاء وجربت منه الاكلات التالية وكانت روعة وعطيت الكل الويب سايت
    1-بيف ستروغونوف
    2- حراء اصبعه
    3- البندورة المحشية بسلطة المايونيز
    4-الكبة الصينية
    5-لازانياعلى طريقة منى روعةنالت اعجاب الجميع
    6- كيكة الشوفان بس خففت كمية السكر شوي
    7- حلى طبقات الكيك والكريما والجلو
    ويسلمو ايديك يا ست منى وكل من شارك بهالوصفات الطيبة

  32. بدور 10 June 2009

    كتير فكرتو حلوة هالموضوع وبتشجعنا كتير نجرب اكلات اكتر و اكتر خاصة بعد رد الاخوات وهالنشاط الموجود ما شاء الله..
    انا رح اجمع الوصفات اللي جربتون مع التعليق ان شاء الله ولو انون مو كتار, اكتشفت اني مالي شطورة متل باقي الاخوات بس بصراحة بعد هالردود يلي ئريتها تحمست كتير ونشالله يطول هالحماس :grin

    الله يجزيكي كل خير ميمو الغالية ولا يضيعلك تعب ابدا يارب ويهنيكي بكل امور حياتك يارب.

    رح اذكر تجاربي قريبا 8)

  33. semo 19 June 2009

    ماشاء الل الاخوات جربو كل شي

    والله الك الحق يامنى ترفعي راسك وتشوفي حالك بهيك موقع مميز وهيك عضوات نشيطات

    الله يجزيكي عن كل لقمة اكلناها مع عيلنا الف حسنة

    وانا شكلي كسولة
    والله هو مو كسل بس انا عيلتي صغيرة وشغلات الحلويات

    وبعض الاكلات بحس عالجمعة احلى يالله ان شا الله بكرة بيجيني ولاد وبطبخلن كل الاكلات

    بس انا وجوزي لما بنكون لحالنا عالسفرة ما بتصدقي قديش ممل الروتين مافي شي جديد وخصوصا انا

    اجتماعيو وبحب الناس ومحبوسة بالبيت وجوزي طول الوقت بالشغل

    يعني روتين قاتل وخصوصا ان شغل جوزي انتقل من مكان لمكان هون بالسعودية فبعدت عن كل صاحباتي وجاراتي

    صحي الموضوع للاكلات المجربة مو للندب خخخخخخخخ

    المهم جربت الموساكا كانت بتجنن
    شوربة العرس التركية مااستهوتنا كتير بس اكلناها
    كيكة بسيطة
    سلطة الجرجير الملونة
    كوسا مطبق
    فاهيتا
    المايونيز
    صوص الشوكولاته
    وما انو ماعندي ماكين كبة فعطيت المقادير والطريقة لبنت حماي وجربنا الكبة المقلية طلعت بتججنن
    والجايات اكتر ان شا الله

  34. wedadswed 1 July 2009

    مسى الفل والياسمين لكل العضوات :أخيرا خلصنا إختبارات على خير والحمد لله بس ضل عنا النتائج الله يستر يوم تبيض وجوه وتسود وجوه ,المهم اشتقتلكن كيفكن كلكن هالصفحة مأجلتها لحتى خلصت المدارس لأنها طويلة شوي ,الوصفات اللي جربتها من لقمة طيبة:اللحمة بالصينية والكبة اللبنية والمقلوبة بالبانجان والسلق بزيت وأومليت البطاطا والرز بحليب والحبوب والمامونية والكبة المقلية والصينية وعجينة السمبوسك والفطاير بسلق ورولات اللحمة ورول الزعتر وعصير اليمونادة وفرك الكنافة والدقة الحلبية وصلصة البيتزا المميزة واليبرق والشيشبرك وكاتو الموز وشاورما الدجاج ومخلل الخيار والفليفلة وفطاير بعجينة العشر دقائق وكعك العيد المالح وكرابيج والمعمول بالفستق الحلبي و سلطة الشوندر والإيتش ومحشي الملفوف وما بعرف إذا نسيت شي بس ها الأكل اللي جربته كله نجح وفي كتير أكلات من اللي جربتها أنا بعملها منزمان بس في بعض التعديلات والأسرار اللي أخذتها من لقمة طيبة وطلعت أطيب واعتمدتها على طول مشكورة كتير يا منى على المجهود الجبار إنت وكل الأخوات والجنود المجهولين اللي ساعدوك.

  35. dado 5 July 2009

    مرحبا منوش..
    يمكن صرت مجربة شي خمسطعشر طبق جدد من بعد آخر رد هون.. بس كون فاضية شوي ورايقة بحطهن مع الروابط.
    بس في شي غريب .. بردك علي هون حاطة ملاحظة عن تحضير اللبن مع إنو أنا ما ذكرت الوصفة.. بس بتعرفي إنو كنت ناوية إكتبلك اني جربتها 3 مرات وما ظبطت بعدين شفت الإضافة المتعلقة باستعمال الحليب المبستر.. بس غيرت رأيي وقلت حط الأكلات يلي ظبطت بس.. قمتي رديتي بدون ما إسألك ;)

  36. منى 8 July 2009

    شفتي دالو , انا قلبي دليلي :zzz

  37. سمسمة 28 September 2009

    مرحبا صبايا
    جربت برمضان آكلات جديدة وكانت كلها رائعة
    1-لقمة تشيكن
    2-فطيرة الدجاج
    3-خضار مشكلة
    4-أنكنار غراتان
    5-تشيكن مكسيكانو
    6-سترغونوف
    7-ضفيرة الزيتون
    8-معكرونة آلا بيستو
    9-أفخاذ الدجاج
    10-صينية التوست
    11- وطبعا ايتش السلطة الأرمنية
    بالنسبة لأفخاذ الدجاج شوي بدها شغل وتشكيلها كان صعب
    والباقي كتير طيبين مع أني بخاف جرب آكلات جديدة برمضان بس المقادير كانت موزونة تمام ان شاء الله بيعيشوا ايديك ياست الكل

  38. منى 28 September 2009

    الف صحة و هنا سمسومة , يمكن فخدات الدجاج عزبوكي لان البطاطا ما نشفتيها منيح من مية السلق , المفروض انهم يتشكلوا معك بكل سهولة ;)

  39. ليان 2009 4 January 2010

    الله عليكي يا منى الله يعطيكي العافية على هالوصفات والموضوع كتير حلو اما عضوه جديدة معكم وجربت بس كرات جوز الهند وطلع طعمهم متل الجاهز وعجبوا الكل عنجد انا بحبك كتير حاسة اني بعرفك من زمان وجربتلك كمان اللازانيا بس كنت ماخدة الوصفة من موقع لك الله يديم عليكي الصحة ويخليلك اهل بيتك عنجد الموقع كتير حلو وكتير عم بستفيد منو

  40. منى 4 January 2010

    شرفتينا ليان , مية اهلا و سهلا في و الف الف صحة و هنا على الوصفات الي جربتيها :)
    ربي يدم المعروف و المحبة دوما :zzz

  41. sahreeg 9 February 2010

    يسلمو ايديكي بما انو انا جديدة بالموقع فتجاربي لسة قليلة وانشاء الله في زيادة لأنو وقت بدك تعملي شي من الموقع بتعملي وانت واثقه انو بدو ينجح
    انا جربت :كاتو الموز بالمايكرويف,عجينة العشر دقائق,كعك العيد,كاسترد بالبسكوت,شوربة الفطر اللذيذة, :upset :? وكلهن نجحوا الحمد لله بس الكاسترد ماحبيت الطحين فيه فاستبدلته بالنشابس فعلا موقع روعة

  42. إسراء 13 November 2010

    1-الكبسة السورية
    2-المجدرة
    3-فروج على بطاطا
    4-بوب كورن دجاج للكاتبة نور
    5-ارز بشعيرية
    6-سندويش البيض بالزيتون
    7-كاتو السفن اب بالليمون طيب كتيرررررررر
    8-تيراميسو البسكويت
    9-كاتو الشوكولا بالزبادي
    10-حلوى الكاسترد بالبسكويت
    11-كاتو المنغا بالبهارت
    12-عجينة القطنة فظييييييييييييعة
    13-عجينة العشر دقايق عملت فيها ميني صمون
    14-لحم بعجين
    15-عجينة السمبوسك
    16-مخلل الخضار المشكلة كتيرررررررر ظريف
    17- الفتوش
    18-كيكة الموز بالمكرويف
    19-شرائح الخبز بالجبنة والمايونيز
    20-كرات الدجاج المقرمشة
    21- سوسكيه بقالب الكاتو
    22-متبل البطاطا

    وعن جد هالموقع روعة عم استفيد منو كتير والك الفضل ست منى الله يحميكي ويحرسك وينولك اللي ببالك يارب ويعطيكن العافية

    :)

  43. منى 14 November 2010

    شكرا اسراء على الدعوات الحلوة و الف الف صحة و هنا و عافية على البك يا حق بكل شي جربتيه :zzz

  44. مياسة 21 January 2011

    السلام عليكم
    انا صرت مجربة كتير و صفات من هالموقع الغني يللي بحبو كتير و بحب صاحبته اكتر
    و اغلب يللي جربتو كان وصفات حلو و كلو كان طيب
    من الحلو جربت
    كاسترد بالبسكوت
    حلى المولتو
    حلى الكيت كات
    كرات التويكس
    راس العبد
    مهلبية الشوكولا
    كرات الشوكولا
    من المعجنات
    عجينة القطنة
    عجينة العشر دقائق
    الذ و اسهل عجينة للسمبوسك
    من الكاتو
    كاتو الموز
    كاتو التمر بدون بيض
    كاتو قدرة قادر
    كاتو فكتوريا الاسفنجي
    ———————
    جربت بطاطا كوينز كتير طيبة بتجنن
    جربت الفاهيتا روعة و ناوية بهاليومين جرب شاورما الدجاج
    طبقت البهار المشكل طلع شغلة و ناوي طبق بهارات الشاورما
    و عملت صلصة البيتزا بالتتبيلة الخاصة
    —————————————
    بس في كم سؤال حابة اسالك ياهون عزيزتي منى و بتمنى تجاوبوني عليهن
    اول سؤال جربت كاتو السفن بالليمون و كاتو شوكولا كولا كطعمة كانوا
    طيبين بس لما اجيت طالعن من القالب فرطوا و صاروا شقف فشو المشكلة
    يا ترى
    كمان حربت بسكوت اليدي فنجرز بس طلع طري متل الكيك فبشو غلطت
    و اخر سؤال تقلت عليكي معليش تحمليني
    اذا بدي اعمل كاتو في بمقاديره زبدة فاذا بدلت الزبدة بسمنة بنكهة الزبدة
    فشو بأثر
    شكرا الك و سلام

  45. ALEA 30 January 2011

    يعطيكِ ألف عافية ست منى على كل شي عم تقدميه

    جربت هالوصفات وكلهن بيجنننننو ;) ولسا في كتير وصفات رح جربهن بأقرب وقت أن شـــاء الله

    الأيتش
    كوسا بالزيت
    فاصوليا بالزيت
    معكرونة بالبيشاميل
    كريم الثوم بدون بيض
    شوربة العدس على الطريقة التركية
    متبل الكوسا
    الازانيا على طريقتك
    معكرونة باللبن وصوص الثوم
    قرنبيط باللحمة والفليفلة
    دجاج مشوي
    كاتو راس العبد
    كاتو التمر بدون بيض
    مهلبية الفريز
    كاتو السبانخ
    كاتو الكوسا بالبهارات
    كاتو المنغا بالبهارات
    كاتو الليمون والسفن أب
    تشيز كيك بالفريز
    كاتو الشوكو كولا
    مربى القرعة
    مربى الفريز
    مربى التين

    عنجــــــــد شــــــــــكراًً :)

  46. أمــ نــــدى 19 April 2011

    السلام عليكم

    ما شاء الله موضوع جميل ومفيد جدا
    والله يعطيكم الصحه والعافيه جميعا ويبارك فيكم

    انا جربت أكتر من شئ وكلهم بيجننوا
    جربت :

    سمبوسه منى اللذيذه
    كبة اللحم المقليه
    بقلاوة منى , ولا الجاهز واحسن كمان

    القطايف لام عباده
    جاتو رأس العبد الرائع للاخت غيث
    باتون ساليه للاخت لارا مينا
    كنافة الجبن للاخت ايمان
    وكلهم كلهم اروع من بعض بجد واعتمدت كتير منهم وصفاتي المفضله .

    ده اللى جه على بالي دلوقتي بس ان شاء الله ارجع تاني

  47. ريم ز 14 May 2011

    احقيقة الموقع بيجنن واكتر شي حبيتو اني صرت الاقي كل شي بدي ياه بسرعة وبموقع واحد وصرت لما يسألني جوزي عن شي طبخة اذا بعرف اعملها ولا لا اجاوب بسرعة وبدون تردد طبعا بعرف لاني متأكدة اني لما افتح صفحة الموقع رح الاقيها على اصولها وبالتفصيل
    اما عن الوصفات اللي جربتون فهنن كتار رح احاول اتذكر
    اشاورما – كريم التوم بدون بيض -مكسيكانوا -عجينة العشردقاءق -البقلاوة-كاتو كلاس-يالنجي-محمرة-كاتو التفاح-بابا غنوج-ادنة كباب-لقمة تشكن……………
    وكلن طلعوا بيجننوا والكل حبوهن
    وبالاخر ما بعرف اش بدي قول
    شكرررررررررررا

  48. om nabeel 18 June 2011

    السلام عليكم
    الحقيقة بقلبي حكي كتير
    محبة وحب وشكر وتقدير لهل الموقع الرائع
    اختي منى جزاك الله كل خير ورزقك الفردوس الاعلى بلا حساب
    انا عملت اكلات من الموقع كتير بس مو حافظتن كلن
    منن كبة نية بالجوز / كيكية البسبوسة / كبة مقلية /مهلبية الرز بالقشطة / كيكة اليرتقال بحشوة كريمة البرتقال / مخلل الخيار ومع الفليفلة /
    كاسترد بالبسكويت رائع /
    يسلمو ايديك منى وكل من ساهم بالموقع
    وجزاكن الله عنا خير الجزاء

  49. مسك الايمان1 18 July 2011

    السلام عليكم
    انا جديدة على الموقع ومش من هواية التسجيل في المواقع لكن من كتر ما عجبني الموقع سجلت فيه حسيت في الصدق والامانة في نقل المعلومة جربت السمبوسك والكنافة ( مش معقولة يا منى شو طيبة ) حاولت اضيف تعليقي تحت الكنافه بس للاسف ما عرفت كيف بدي اشكرك ;) ويا ريت يكون في منتدى لجميع العضوات لنحكي سوى والشكر للجميع

  50. zina 19 July 2011

    عنجد شكرا كتير على هل موقع والله يجزيكي الخير و يعطيكي على اد نيتك انا صرت مجربة :
    1-صلصة التوفي كريم .( بتجنن )
    2-سلطة كولسلو( كتير طيبة )
    3-السلطة اليونانية ( بتجنن )
    4-المحمرة( طيبة كتير )
    5-ركفورد باستا ( فظيعة )
    6-فطيرة الشاورما ( كتير طيبة)
    7-مكعبات طبقات التشيز كيك ( ما كتير زبط معي)
    8-كاتو راس العبد( بجنن )
    9-فريزية ( طيب )
    10-حلى المولتو ( طيب كتير )
    11-تارت الجالكسي ( بيفلج) :zzz
    12-تارت التمر( فظيع )
    13-كريم كراميل بالشوكولا والقرفة ( ما كتير حبيتو )
    14-حلى الكستر بالبسكويت ( كتيرررررررررر طيب )
    15-ميني تارت الجوز ( فظيع )
    16-كب كيك قوس قزح ( كتير طيب بس ما بعرف ليش خفس من النص )
    17-كاتو الشوكولا بحشوة الاناناس و الكاراميل ( طيب )
    18-كاتو التمر الطري ( كتير طيب )
    19-كاتو شوكولا لذيذ بثلاث خطوات ( ما زبط معي ) :cry
    20-كريما البرتقال ( فظيعة )
    21-كاتوالتفاح بالصوص الذهبي ( طيب )
    شكرا كتيرررررررررررررررررر ;)

  51. lalosh 11 November 2011

    الي معكم تقريبا شهر او أكتر شوي زغيرة ..جربت الكيكة الخضرا والدجاج المكسيكي وكرات الدجاج المقرمشة والدجاج مع الباذنجان على الطريقة التركية ومن المشروبات جربت الكابتشينو والقهوة التركية مع الحليب …

    اللي في بالي هلا لقمة تشكن والسلطة الفرنسية وعصير البركان ^_^

    يسلمو كتير مدام منى انت بتاخدي العقل عنجد

  52. hanady 19 February 2013

    هذه اول زيارة لي في موقعكم العامر. احب تعرضو لنا مذيد من طريقة عمل التورتات والخبائز. وشكرا
    تسلمي كتير اختي

    • Mona 19 February 2013

      مية هلا فيك , ان شاء الله في كتير اشيا طيبة و جديدة على الطريق

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)