متبل البطاطا


         وصفة : منى                 2008/09/12                 25 تعليقات
متبل البطاطا

·          تقشر البطاطا و تقطع و تغمر بالماء البارد و الملح و تترك حتى تغلي ثم تهدى النار و تترك لمدة 10 – 15 دقيقة أو حتى تطرى و تنضج .

·          تهرس البطاطا و هي لا تزال ساخنة حتى تصبح ناعمة ثم تتبل بالطحينة و عصير الليمون و الثوم و الملح و الكمون و يضاف القليل من الماء البارد حتى يصبح المتبل بسماكة الحمص .

·          يضاف البقدونس للمتبل ثم يذاق للتأكد من حمضه و يعدل الحمض و الطحينة حسب الرغبة ثم يوضع في طبق التقديم و يزين بزيت الزيتون و الكمون و الفليلفة الحمراء و يمكن أن يزيين ببضع أوراق نعناع طازج في حال توافره . 

 



2 حبة بطاطا متوسطة
فص ثوم مهروس
3 ملعقة كبيرة ليمون
2 - 3 ملعقة كبيرة طحينة ( هردة )
ماء حسب الحاجة
نصف ملعقة صغيرة كمون
ملح
3 - 4 ملعقة كبيرة بقدونس

للتزيين :

زيت زيتون
كمون و فليلفة حمراء ناعمة




• تقشر البطاطا و تقطع و تغمر بالماء البارد و الملح و تترك حتى تغلي ثم تهدى النار و تترك لمدة 10 – 15 دقيقة أو حتى تطرى و تنضج .

• تهرس البطاطا و هي لا تزال ساخنة حتى تصبح ناعمة ثم تتبل بالطحينة و عصير الليمون و الثوم و الملح و الكمون و يضاف القليل من الماء البارد حتى يصبح المتبل بسماكة الحمص .

• يضاف البقدونس للمتبل ثم يذاق للتأكد من حمضه و يعدل الحمض و الطحينة حسب الرغبة ثم يوضع في طبق التقديم و يزين بزيت الزيتون و الكمون و الفليلفة الحمراء و يمكن أن يزيين ببضع أوراق نعناع طازج في حال توافره .




  • وصفات تانية ممكن تعجبك


التعليقات

  1. أم ساطور 13 September 2008

    يسلم ايدك شو هالاكلات الطيبة انا عجبتني كتير انا عازمة اليوم اختي وزوجها عالافطار ورح جرب اكلتك هي اكيد رح تعجبون لانه احنا بالمانيامستفقدين هالاكلات الطيبة وجزاك الله كل خير ;)

  2. muna.g.7 13 September 2008

    يا حظ ام زوجك فيكي كنه معدله وفنانه اختي منى هذا مر طبق اكل هذي لوحه فنيه تسلمي

  3. منى 13 September 2008

    هلا منونة :)
    هادا بس من زووءك و أصلك الطيب يا جميل , اتفضلي حبيبتي باسم الله ;)

  4. منى 13 September 2008

    مية هلا فيك اختي أم ساطور عوافي و هنا مقدما و باذن الله بترجعوا سالميين و غانمين , يا ريت تخبريني كيف طلعت معك ;)

  5. سارونات 13 September 2008

    السلام عليكم و رحمة الله و بركاته
    ما شاء الله تبارك الله عن جد اختي منى كل يوم عم تفاجئينال باشياء مميزة صحتين و هنا على قلوبكم و الله يخليكم لبعض انت و حماتك
    ان شاء الله راح جربها
    بالتوفيق
    سلام

  6. ام نور 13 September 2008

    فعلا شكل الصحن لا يقاوم شكلو بيفتح النفس رح جربو انشالله
    لما شفت الوصفة اتذكرت اكلة اسما كبة البطاطا فيا برغل وبطاطا وشو كمان ما عندي فكرة لان كانت ستي تعملا وكنت حبا كتير وهلىء اتذكرت اسما ما بعرف اذا عندك فكرة عنا

  7. منى 13 September 2008

    هلا سارونات :)
    الله يخليك يا حق و ان شاء الله الك متل هل الدعوات الحلوة و أكتر , جربيها لان سهللة و طيبة

  8. منى 13 September 2008

    هلا أم نور :)
    ان شاء الله تجربيه و يعجبك , و هي الوصفة الي قلتيها بعرفها و هي من الوصفات اللبنانية القديمة , رح نزل طريقتها ان شاء الله قبل ما يخلص رمضان ;)

  9. غيث 13 September 2008

    الله يسلم هالايدين يا حق كمان انا كنت عاملة هالطبق في العزايم اللي عملتها من يومين لذيذ ومقبل ومتل طريقتك تقريبا بس ما حطيت معه بقدونس وبالمرة القادمة اجربه ان شاء الله بالبقدونس وبالنسبة للفريكة يا ريت اكون حدك واسكب لك او ادعوك اتمنى يالله ربنا كريم نعود للوطن وللحلوات بالوطن ستات البيوت الاصيلات امثالك يا منى وبنشوف بعض وكله بيمشي تمام اذا راد الله بدي خبرك اكلنا من خلية النحل ويا عيني على دياتك شو مبدعة شكرا لك بس البريوش لسع ما عملته لانني كنت مشغولة بالعزايم وعجقتهم وميت نوع وميت شكل والحمد تمت بخير وسلامة وعلى فكرة كل اللي عملته فيها اخذت افكاره من موقعك اللذيذ ولو كنت اعرف بعض الطبخات سابقا كنت ادخل الموقع وشوف لمساتك الفنية واضيفها والحمد لله الله يبيض وجهك نجحنا بكل شي حتى الشوربات الكل بدهم الطرق بالطبخ قلت لهم اسالو منى ههه فعلا تمزينا برمضان والك الفضل بعد شكر الله نشكرك واشكر ام عبادة اللي دلتني عالموقع الله يجزيكم الخير كلكم

  10. منى 14 September 2008

    هلا غيوثة :) هنا و عوافي يا حق و الله هل المعازيم اتهنوا بالفور من تحت ديات , هل المتبل فيك تحطي اله بقدونس أولأ بس أنا أظفته لحتى يعطي لون تغيير , و الفريكة وصلت ععلى بريد القلوب و المحبة ربي يديم المعروف , أميين ان شاء الله بترجعوا سالميين و غانميين , بس مو تقطعينا بس ما رجعت متل م عبادة , سلميلي عليها ;)

    ما دام خلية النحل عجبت رح يعجبك البريوش أكيد لان نفس العجينة , ان شاء الله عوافي يا رب و رمضان كريم و مبارك على الكل , انا اليوم العزيمة عندي على السحووور , ادعيلي :zzz

  11. سارونات 12 December 2008

    السلام عليكم و رحمة الله و بركاته
    ساويته امبارحه و طلع كتير طيب :zzz
    جازاك الله خيرا اختي منى و ربنا يوفقك و يسهل دربك
    سلام

  12. نور الأسلام 7 February 2009

    :grin

  13. منى 7 February 2009

    ;)

  14. نور الأسلام 15 February 2009

    مرحبا اختي منى الله يسلم اديك على كل الاطباق اناعملت متبل البطاطا وطلع طيب كتير بس ما طلع لونه ابيض متل الصوره :roll

  15. منى 15 February 2009

    مية هلا نور :)
    ما دامها الطعمة طيبة فاللون مو كتير مشكلة , بيجوز انا طلع افتح لان استعملت عصير ليمون أكتر منك :zzz

    هنا و الف عافية على المتبل و على كل شي تاني جربتيه و نورتي

  16. ام احمد الغالي 9 August 2009

    منى جوعتيني كتير لما شفت هالطبق
    ماما كانت تعمللنا اياه بس كانت تحط لبن وكنت كتييييييييييييييييييييير حبو :roll يسلم دياتك
    انا كنت اعملو وقت كنت حامل لانو متل ما كنت قول لزوجي طبخه ما فيا لحمه ومالها ريحه :grin

  17. منى 10 August 2009

    هلا ام احمد , خسى الجوع و الله يا باتل :zzz
    عجبتي فكرة اللبن بيطلع كمان يممي , و انا مزينته بهل الطريقة بالمعلقة الكبيرة اول الشي مسدت الوج , و بعدها ميلت المعلقة و صرت اعمل متل حزوز على الوج :zzz يمم كان طيب هل الصحن بزمناته

  18. ليان 2009 5 January 2010

    يسلموا ايديكي وعنيكي يا منى على هالمتبل اللي بجنن اليوم عملتوا كتيييير زاكي حتى زوجي اللي ما بحبوا اكل منو عنجد تسلم ايديكي والله يخليلنا اياكي طريقتك روووووعة

  19. منى 6 January 2010

    الف هنا ليان يا رب , هدا متبل بيشهي و سهل , كتير انبسطت انه عجب العيلة , ريتو الف عافية على البكن :zzz

  20. محبةالمصطفى ملك 13 May 2010

    تسلم ايدك أنا كمان بعمل هالطبق بس بغير اسم:بطاطا بيوريه أو بطاطا مهروسة…
    بس فكرة حلوة نسميه متبل البطاطا على وزن متبل الباذنجان..بس أنا ما بحط بقدونس بس رح جرب أحطه المرة الجاية لأنه مفيد و لونه حلو

  21. محبةالمصطفى ملك 13 May 2010

    منوووش نسيت أسألك شلون عاملة زينة الصحن بهالطريقة؟
    يعني انا بزين المتبل و الحمص بس ما بعرف كيف رح يصير هالشعاع…اممم بالمعلقة عاملة حدود و أنفاق :? :grin ؟؟؟؟؟؟؟؟؟؟؟؟؟

  22. محبةالمصطفى ملك 13 May 2010

    هههههههههههههههههههههههههههاي زينت بنفس الطريقة هلأ 8) طلعت سهلة بس بدها زوووووووء :roll
    شفتي شلون طلعت تلميذة شطوووووورة :p

  23. أم المنذر 16 December 2010

    يا سلام على هالاكلة الخفيفة والطيبةوان شاء الله بكرة رح جربهالانو صايمين أنا بعمل شبيهة فيا بسلق البطاطا وبعدين بقشرا وبفرما مكعبات وبفرملا جناح بصلة صغير وبحطلا توابل ملح ونعنع وكمون وفليفلةحمرا ناعمة وملعقة كبيرةعصير ليمون وبالآخرشوية زيت زيتون واديه بتطلع طيبة يسلموايديكي منى

  24. شفاء 15 September 2011

    كتيييييييير لزيز
    يسلمو ايديكي

  25. منى 15 September 2011

    هلا ملك :)
    لا البطاطا بيورييه غير شي تمام , بطريقة التحضير و المقادير ;)
    الزينة مسدت الوج و بعدها عملت انفاق بالسكينة و الي ساعدني انو المتبل مو سايل كتير و ممكن انحته :zzz

    صحتين و الف عافية , احلى تلميذة يا مزوءة

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)