متبل اليقطين بالطحينة


         وصفة : سها قمند                 2008/11/27                 19 تعليقات
متبل اليقطين بالطحينة

1 كيلو يقطين أصفر
نصف كوب عصير ليمون
4 فصوص ثوم
نصف ملعقة طعام ملح أو أقل
نصف كوب طحينة
بقدونس للتزيين





• يقشر اليقطين و ينظف قلبه من البذور و يقطع قطعا صغيرة .

• يسلق على النار مدة 40 دقيقة أو حتى يستوي .

• يصفى اليقطين جيدا و يترك يبرد ثم يضغط عليه باليد لتصفى مائه.

• يهرس بطاحونة الخضار و تضاف إليه الطحينة و يحرك جيدا .

• يدق الثوم مع الملح و يضاف إليهما عصير الحامض و تخلط المواد جيدا .

• يضاف الخليط إلى اليقطين و يحرك .

• يوضع في طبق و يزين بالبقدونس و الفليفلة الحمراء و الكمون .
  • وصفات تانية ممكن تعجبك


التعليقات

  1. منامينو 29 November 2008

    هلا souha :)

    يسلمو إيديكي على هالمتبل الغير شكل. وصفة حلوة وفكرة جديدة عن جد.

    بس شو رأيكو بدل ما نسلق اليقطين، نشويه؟؟ عشان يظل محتفظ بفوائده. خصوصا إنه اليقطين إله فوايد كتيرة حرام تروح بالماء عالفاضي. شو رأيكو؟ :? ممكن؟؟ :roll

  2. منى 29 November 2008

    سلم دياك سهى , هل المتبل و طريقة تزينك اله رح يخليني انزل في الصحن و ما ااقوم من ادامه لحت قشطه :grin

    سلم دياتك و على التجربة القريبة باذن الله ;)

  3. souha 29 November 2008

    هلا منامينو :)
    تسلمي حبيبتي هادا بس من زوءك و من بعض ما عندكم هلأ بيخطرلي فينا نشوي خاصة إنو اليقطين لما بتسلقي بيشرب ماء كتير و لازم تعصري كتير منيح حتى ما تزيد كمية الماء في الوصفة و إنشاء الله صحة و هنا على قلب الكل ;)

  4. souha 29 November 2008

    هلا منونة :zzz
    يا ستي حق معك لأنو لما عملت هل المتبل خلص بنفس اليوم على إيدين أخوي طبعا صحة و هنا و الأحلى من هيك لما كنت عم أكتب و صفة الكاتو باليقطين يمزح معي و يقلي حاج تكذبي ع الناس و تاني يوم سألني وين الكاتو خلص ؟! أنا ما دقتو :grin

  5. منى 30 November 2008

    :grin كان أخوكي بيشبه ناس بعرفهن كتير

    هنا و عوافي على قلب الكل و هي على راس الوصفات الي رح جربها اذا الله راد ;)

  6. الدمشقية 30 November 2008

    بالفعل طيب :) يمكن لأني بحب اليقطين وهذا المبتبل بنعمله كتير
    سلم ايديكي يا حلوة
    [URL=http://www.bibo4pc.com/][IMG]http://farm4.static.flickr.com/3094/2459562690_010cfbcc91_o.gif[/IMG][/URL]

  7. souha 30 November 2008

    هلا أختي الدمشقية :)
    أنا كمان بتشكرك كتير على الكلمات الحلوة و الألوان الجذابة و خاصة الوردات أنا كتير بحب الورد ;) و انت شفتي الوصفة حلوة لأنو عيونك حلوة

  8. سلاف 1 December 2008

    يسلموووو سهى فكره حلوه وبعد تجربتي لمتبل البطاطا والكوسا اكتشفت انه كل المتبلات رح تكون طيبه شو ماكان نوع الخضار وباليقطين شيئ بشهي رح جربه ان شاء الله شكله بيفتح النفس يسلم ايديكي يارب :)

  9. souha 1 December 2008

    هلا سلاف :) الله يسلمك حبيبتي أنا كمان بشوف كل المتبلات طيبة يمكن لأنو فيهن ثوم و طحينة هالمكونات بتعطي طعمة طيبة كتير ياريت تجربي و تقوليلي رأيك بعد التجربة و إنشاء الله صحة و هنا ;)

  10. ام نور 1 December 2008

    سلم هالديات اخت سهى كتير فكرة حلوة وتزين الصحن ملفت لا النظر وعجبتني فكرة منامينو بالشوي اذا بينشوا يا ريت تقوليلنا كيف لان بيكون مفيد اكتر الله يبارك فيكي

  11. souha 2 December 2008

    السلام عليكم :) تسلمي أختي أم نور كلك زوء بتمنى إنك تجربي هالطبق و كمان كفتة اليقطين و إنشاء بيعجبك
    بصراحة أنا ما جربت أشوي اليقطين بس انتبهت إنو الأخت لارامينا باعته أكلة قطع اليقطين المشوية و كاتبة إنو بتحطيها بصينية مدهونة زبدة و بتحطيها بالفرن لحتى تستوي و بتهرسيها فيكي تفوتي ع الوصفة و تشوفيها كمان وصفة باينتها طيبة كتير الله يعطيها العافية ;)

  12. haya 3 December 2008

    هلا اخت سهى او اذا بتحبي بناديك سوسو كان لي رفيقة قريبة كثير منى وبحبها كثير اسمها سهى مثل اسمك :)
    تسلم ايديك على هالوصفة انا بحبها وبعملها كمان كانت الوالدة تعملها لنا وانا تعلمتها منها شكرا الك

  13. souha 4 December 2008

    هلا أخت هيا :) كيفك
    أكيد بحب تناديني سوسو ع فكرة العيلة كله و القرايبين بينادوني سوسو إلا أمي صارت تناديني سها يمكن شافتني كبرت شوي و عبت مركزي :grin
    و إنت كمان إسمك حلو أنا بحب الأسماء إلي من 3 أحرف
    ياستي صخة و هنا و الله يخليلك و الدتك و أنا كمان بتشكرك ع الكلمات الحلوة كلك زوء ;)

  14. سارونات 5 December 2008

    السلام عليكم و رحمة الله و بركاته
    وصفة كتير حلوة و الصورة عم تحكي و الالوان بتجنن و اضافة شرائح الليمون كتير مميزة
    بدي اسأل هل لازم يقطين اصفر يعني انا شفتو بينباع برتقالي فهل ينفع او لا
    بالتوفيق
    سلام

  15. souha 6 December 2008

    هلا أخت سارونات :)
    بتعرفي إنو و لامرة حكينا مع بعض لكن بدي إلك (إني أحبك في الله )كل ما بكون عم أتصفح وصفات من الموقع و بشوف تعليق إليك بقرا و بحس تعليقاتك ظريفة كتير و بقول لحالي قبل ما إسأل منى بشوف أسإلتك ;)
    يا ستي نحنا بسورية ما عنا إلا نوع واحد لليقطين هو اليقطين الأصفر و بيكون إما عدي أو سقي و الإتنين بيزبطو أما القرع البرتقالي ما عنا منو أنا ما بعرف بأي دولة إنت عايشة لكن حسب ما فهمت من الأخت أم نور إنو في نوع بيسموه قرع عسلي و هدا النوع بيدوب بسرعة يعني ما بيزبط معنا فحاولي تجيبي أي نوع يقطين يكون ما بيدوب في السلق إنشاء الله أكون حسنت فيدك
    سلام :zzz

  16. سارونات 9 December 2008

    السلام عليكم و رحمة الله و بركاته
    الله يخليل ياكي اختي سهالو بتعرفي قديش فرحني ردك في فترة كنت زعلانة فيها بس بعد ما قريت اللي كتبتيه انت و كمان اختي لارا مينا بعد ما كانت الدمعة عالخد انمسحت و صارت الابتسامة فيها شبرين من كتر الفرحة:grin
    و انا كمان احبكم في الله و الله يخليلي ياكم و ما يحرمني منكم ابدا
    بالتوفيق
    سلام

  17. kuwaiti_girl 15 December 2008

    تسلم ايدك هالطبق عجبني كثير
    وجابه اجربه ان شاء الله
    وصوت لك ونسيت اصوت لطبقي ههههه
    بس تستاهلين

  18. ام عمر 20 February 2009

    تسلم ايدك بس مافي صور؟؟؟؟

  19. منى 21 February 2009

    ضهرت الصورة عندك اختي أو ارجع حملها ؟

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)