محشي البصل


         وصفة : منى                 2008/08/25                 23 تعليقات
محشي البصل

·          يقشر البصل ثم يقسم بشكل جزئي كما ظاهر بالصورة , يسلق بعدها بالماء المغلي  لمدة عشر دقائق حتى يصبح طرياً و يمكن تفكيك طبقاته , يمكن أن يأخذ وقت أقل أو أكثر حتى يطرى حسب نوعية البصل و لكن يجب مراعاة أن لا يطرى كثيراً , بعد تفكيك البصل يحتفظ بالقطع الصغيرة الموجودة بقلب كل حبة بصل .

·          تحضر طنجرة صغيرة و يغطى قاعها بالعظام و قطع البصل الزائدة من تفكيك البصلات .

·          يغسل الأرز و يصفى ثم يخلط مع باقي مقادير الحشوة و القليل من الماء .

·          توضع واحدة من طبقات البصل المفكك على طاولة العمل ثم توضع ملعقة صغيرة أو أقل من الحشوة على طرف الطبقة .

·          تلف طبقة البصل لتشكيل إصبع صغير .

·          ترتب قطع البصل المحشية في الطنجرة المجهزة بحيث يكون الجزء المفتوح من البصل إلى الأسفل حتى لا تخرج الحشوة أثناء الطبخ .

·          يغمر البصل بعصير البندورة و دبس الرمان و النعناع و الملح و البهار ثم يغطى بطبق مقلوب و ثقل كي يبقى محافظاً على شكله أثناء الطبخ .

·          توضع الطنجرة على نار متوسطة و تترك حتى تغلي , تهدى بعدها النار جداً و يترك البصل المحشي حتى ينضج لمدة  ساعة  و نصف أو حتى ينضج الرز .

·          يقدم المحشي ساخناً مع الفجل و النعناع و يمكن أن يقدم مع اللبن كما يقدمه الأتراك .

فكرة مفيدة :

إذا لم يتوفر دبس الرمان يمكن تحميض الوصفة بالسماق , يغلى نصف كوب من السماق في الماء لمدة خمس دقائق ثم يترك حتى يبرد , يصفى مرق السماق و يستعمل لطبخ  المحشي .   




6 – 7 حبة كبيرة بصل و إذا متوفر البصل الأحمر بيكون أفضل
بعض عظام خاروف

الحشوة :

كوب رز مصري
ربع كيلو لحمة غنم مفرومة مدهنة
ملعقة صغيرة بهار مشكل أو أقل
1 ملعقة كبيرة رب البندورة
ملعقة صغيرة دبس فليلفة ( اختياري )
رشة قرفة
رشة فليلفة حمراء ناعمة


الصلصة :

2 فص ثوم مهروس
ملعقة صغيرة نعناع
4 ملعقة كبيرة دبس رمان أو حسب الرغبة و إن لم يتوفر يستخدم السماق
عصير بندورة طازج أو ملعقة كبيرة رب بندورة مذوب بالماء
ملح و بهار





• يقشر البصل ثم يقسم بشكل جزئي كما ظاهر بالصورة , يسلق بعدها بالماء المغلي لمدة عشر دقائق حتى يصبح طرياً و يمكن تفكيك طبقاته , يمكن أن يأخذ وقت أقل أو أكثر حتى يطرى حسب نوعية البصل و لكن يجب مراعاة أن لا يطرى كثيراً , بعد تفكيك البصل يحتفظ بالقطع الصغيرة الموجودة بقلب كل حبة بصل .


• تحضر طنجرة صغيرة و يغطى قاعها بالعظام و قطع البصل الزائدة من تفكيك البصلات .

• يغسل الأرز و يصفى ثم يخلط مع باقي مقادير الحشوة و القليل من الماء .

• توضع واحدة من طبقات البصل المفكك على طاولة العمل ثم توضع ملعقة صغيرة أو أقل من الحشوة على طرف الطبقة .


• تلف طبقة البصل لتشكيل إصبع صغير .


• ترتب قطع البصل المحشية في الطنجرة المجهزة بحيث يكون الجزء المفتوح من البصل إلى الأسفل حتى لا تخرج الحشوة أثناء الطبخ .


• يغمر البصل بعصير البندورة و دبس الرمان و النعناع و الملح و البهار ثم يغطى بطبق مقلوب و ثقل كي يبقى محافظاً على شكله أثناء الطبخ .

• توضع الطنجرة على نار متوسطة و تترك حتى تغلي , تهدى بعدها النار جداً و يترك البصل المحشي حتى ينضج لمدة ساعة و نصف أو حتى ينضج الرز .

• يقدم المحشي ساخناً مع الفجل و النعناع و يمكن أن يقدم مع اللبن كما يقدمه الأتراك .

فكرة مفيدة :

إذا لم يتوفر دبس الرمان يمكن تحميض الوصفة بالسماق , يغلى نصف كوب من السماق في الماء لمدة خمس دقائق ثم يترك حتى يبرد , يصفى مرق السماق و يستعمل لطبخ المحشي .
  • وصفات تانية ممكن تعجبك


التعليقات

  1. dandon 25 August 2008

    صورة كتير مشهية بس من وين ما فكرت احزرها ما عم اعرف :roll عجزت

  2. ام نور 25 August 2008

    ممكن بصل محشي لان في ناس بيحشوا بس كيف الله اعلم

  3. رنا 25 August 2008

    ولي شو هاد

    شكله بصل …بقا يا يلنجي البصل يااما مغربية :upset

  4. أم الليث 25 August 2008

    شكلها محشي البصل

    :roll

  5. أم الليث 25 August 2008

    أنا من حلب

    وحبيت كتير موقعك لأنه كل يلي فيه أكلات طيبة كتير
    مشكورة على هذا الموقع الجميل :)

  6. ميساء 25 August 2008

    السلام عليكم سيدة منى
    اعتقد أن الوصفة هي محشي البصل
    انشا الله كون حزرت

  7. Iman 25 August 2008

    ما شاء الله عليكي يا منى شو هالبصلات المسمسمين و حلوين هدول? بس يا ترى محشيين بالبرغل?? و الا بالرز?? عم بنتظر الوصفه بفارغ الصبر. سلم هالايدين. :)

  8. ياسمين الابيض 25 August 2008

    شكلها محشي ملفوف بس غريب شوي , بس الي اكيدة منه انو مو شي حلو :grin

  9. omtasneem 25 August 2008

    السلام عليكم ورحمة الله وبركاته. ياسلام اكلتي المفضلة إن شاء الله حزرت محشي لخنى تسلم دياتك حبيبتي منى

  10. muna.g.7 25 August 2008

    بصل محشى من ايد الفنانة منى غير شكل

  11. basema 25 August 2008

    This receipe is called DOLMA, ( Its a famouse recipe for Iraqi people) I agree with you Muna, Dolma tests sooo deliciouse if you know exactly what spicies to add and do not forget to add dill too.

    :zzz

  12. basema 25 August 2008

    This is Dolama, Its a common recipe for Iraqi people

  13. رندوش 26 August 2008

    يميميميمم يا منى
    شو هالمحشي الشهي
    طبعا بصل ممممممم
    بس من تحت دياتك بيشهي

  14. نهى ربيع 26 August 2008

    السلام عليكم
    الوصفه هى محشى البصل

  15. لارا مينا 26 August 2008

    مساء الورد للجميع..أنا ماراح أقول يمكن يكون بل متأكدة 100%إنه بصل محشي لأن شفت طريقته مرة بtv ولأني دايما مابلاقي البصل المناسب بالحجم حتى إعمله صرت أضيف أي بصل بدون حشوة مع ورق العنب أو الملفوف وكان طعم البصل جنان فكيف راح يكون إذا كان مثل ماعملتيه بالصورة …فعلا الله يعطيكي ألف عافيةعن جد موقع مختلف ومتميز بفضل شخص مختلف ومتميز .

  16. فرح 27 August 2008

    محشي بصل لم افكر في حياتي يوما بالبصل كمحشي بس ان متاكدة انه سيكون لذيذ متل كل اكلات الموقع

  17. بدور 27 August 2008

    بصل محشي :eek
    هي اول مرة بسمع فيه بس مبينتو طيب و بيستاهل التجريب 8)

    شو هاللعبة الحلوة؟ لعبة الحزورة شتهيت اشارك فيها
    يالله نشالله الحزورة الجاي بكون اول المشتركين
    ميمو كل ايمت بتنزلي حزورة جديدة؟ :roll

    صرلي زمان مو داخلة عالموقع صار فيو تحديثات كتيرة و صور جديدة وحلوة كتير
    الله يباركلك بوئتك و عملك و يوفئك يا رب ;)

  18. basema 28 August 2008

    This looks deliciouse, I thougt that it is Dolmah … Thank you again for the great recipes you
    e adding daily.

  19. منى 29 August 2008

    Hala Basema :) , u r most welcome . I wish u try one and like it ..

  20. ام طلحة 24 November 2008

    شكرا كتير على هل الاكلات و مالي عرفانة من وين بدي ابدا :zzz

  21. منى 24 November 2008

    هلا ام طلحة :)
    من وين ما بديتي طيب ان شاء الله ;) بس لا تنسي تخريني اذا عجبوك

  22. ام طلحة 1 December 2008

    سلام عليكم
    اليوم اخيرا عملت المحشي بالبصل و كانت النتائج روعة و الحمدلله بس كنت مستغربة شوي لاني طول معي اكتير عالنار حوالي ساعتين و نصف
    انا بقول يمكن من نوعية البصل كان من البصل الاحمر الكبير :) على كل الف شكر لك

  23. منى 2 December 2008

    هلا ام طلحة :)
    الف هنا و عافية و بالفعل هو ممكن ياخد سوي اكتر حسب نوع البصل , بس الصراحة ساعتين و نص كتير :roll
    المهم انه عجبك و ريتو الف الف صحة و هنا و عافية :zzz

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)