محشي العجور


         وصفة : منى                 2008/08/09                 10 تعليقات

آخر تصويت


آخر تعليق

محشي العجور

·          يغسل العجور ثم يحفر بشكل عادي , توضع عظام الخاروف في قاع طنجرة .

·          تغسل الفريكة و تقلب مع اللحمة و البهار و الملح و السمنة و القليل من الماء , أصبحت الحشوة جاهزة .

·          تحشى حبات العجور بالفريكة و يترك مقدار نصف عقدة إصبع لأن حبات الفريكة ستمتص المرق و تنفش ثم ترتب الحبات المحشية في الطنجرة المجهزة .

·          تغمر الحبات بالماء و يضاف الملح و البهار و الثوم المهروس ثم يوضع ثقل على المحشي .

·          يوضع القدر على نار متوسطة و يترك حتى يغلي ثم تهدى النار و يترك لمدة ساعة و ربع إلى ساعة و نصف أو حتى ينضج .

·          يقدم المحشي ساخناً مع اللبن المثوم و الفجل .

 





2 كيلو عجور
كوب و نصف فريكة
ثلث كيلو لحمة غنم مفرومة مدهنة قليلاً
ملعقة صغيرة بهار مشكل
ملعقة صغيرة سمنة بلدية أو عادية
القليل من الماء

للمرق :

عظام خروف
3 – 4 فص ثوم
بهار و ملح





• يغسل العجور ثم يحفر بشكل عادي , توضع عظام الخاروف في قاع طنجرة .

• تغسل الفريكة و تقلب مع اللحمة و البهار و الملح و السمنة و القليل من الماء , أصبحت الحشوة جاهزة .

• تحشى حبات العجور بالفريكة و يترك مقدار نصف عقدة إصبع لأن حبات الفريكة ستمتص المرق و تنفش ثم ترتب الحبات المحشية في الطنجرة المجهزة .

• تغمر الحبات بالماء و يضاف الملح و البهار و الثوم المهروس ثم يوضع ثقل على المحشي .

• يوضع القدر على نار متوسطة و يترك حتى يغلي ثم تهدى النار و يترك لمدة ساعة و ربع إلى ساعة و نصف أو حتى ينضج .

• يقدم المحشي ساخناً مع اللبن المثوم و الفجل .
  • وصفات تانية ممكن تعجبك


التعليقات

  1. غيث 9 August 2008

    اول شي الله يرحم الوالد ويسكنه فسيح جناته ويخليلك الوالدة والغوالي يا رب ويخليك لناعزيزتي منى والبركة فيك تاني شي ااااه على اكلة عجور واقول الاه لانني هنا ما شفت العجور بشكل من الاشكال دورت عليه كل الرياض ما شفته وانا كتير بحبه لذلك اول طبخة بتعملها ماما لي لما برجع اجازة هي العجور والله وحماتي كمان بتعمله لنا مرة قد ما بحبه وما في منه هنا ستي مال وخيرات حلب الطازة غير شكل بس عزائي الوحيد هو انه الماما بتيبس لي شوية وبجيبها معي وبطبخا شو اعمل احسن من بلا شي اسمه عجور يعني والحمد لله على كل نعمه ويسلم ايديك شي بيفتح النفس اه يكون هالطبق اللي بالصورة امامي كنت اكلته كله شكرا لك مرة تانية وعلى فكرة طريقتك بطبخه متل طريقة ماما جزاك الله خيرا سؤال اخير لو كنت انا فايزة بالحزورة كنت بعثتي لي طبق لعندي شايفة مالي طماعة ابدا اسفة على الاطالة

  2. Eman 9 August 2008

    يسلمو حبيبتي ميمي على الأكلة الطيبة ، أحلى جائزة بحصل عليها بحياتي ،إن شاء الله كم شهر وبكون بحلب وبجرب العجور..تسلملي هالأنامل الحلوة
    :)
    الله يرحم لك الوالد ويسكنه فسيح جناته ،ويجعلك ذخر له .

  3. منى 10 August 2008

    هنا غيوثة , أنا اتوقعت ان ما يكون معروف كتير هل النوع من الخضرة , و بتعرفي هي شغلة التجفيف ما خطرتلي ابدا :)

    الله يخليلك أمك و كل حبايبك و ترجعي لسوريا سالمة و غانمة ان شاء الله ..

    لو كنت ربحانة , كنت رح نزلك وصفة السينامون .. ما انا مو نسيانة , بس عم استناك تربحي :grin

    يلا شدي الهمة ;)

  4. منى 10 August 2008

    هلا أمولة حبيبتي :)

    ان شاء الله تكون الوصفة عجبتك و ان شاء الله تجربيها و تكون على زووءك

  5. رنا 10 August 2008

    شي كتير ظريف يامنى خانم
    بالنسبة للعجور بظن انه بس بينطبخ بحلب لانه بالشام مابيعرفوه وبيتمسخروا عليه وخالتي بتسميه بعجور :grin في بعض الاشخاص مابيحبوا تدخل عليهن وصفات من غير بلاد يعني الهن اعتبارات اقليمية عالطبخ ومنهن بيت حماي بيعتبروا انه كل الطبخ ماعدا الطبخ الحلبي تخبيص …مابعرف ليش هيك القدما :zzz بالنسبة لعجورك فهو روووووعة وانا لماكنت بحلب اكلته شي عشر مرات ;)

  6. منى 10 August 2008

    هلا رنونة :)
    حتى بحلب في كتير ناس ما بتحبه , بس هو يممي اذا انطبخ مضبوط ;)

    في كتير ناس هيك , بيعتبروا الطبخ الهم و بس و بقية الناس ما بتعرف تاكل , بعرف كتير ناس هيك :roll و مو ضروري يكونوا من القدما , اساليني انا :grin

    هنا و عوافي على العجور , مو من قليل سمونا بيت المحاشي و الكبب

  7. لارا مينا 25 August 2008

    مساء الخير للصديقة الغالية منى اشتقت لكم كثير كثيرإن شاء الله تكونين إنتي وعيلتك بألف خير.البارح لسه واصلة من السفروقضيت كل إجازتي بين مكة ومدينة جدة وأول ما وصلت كنت رايحة مباشرة لأفتح الجهاز مع إني كنت كتير تعبانة بس سبقتني أختي وأخذته قبلي بس الحمد لله اليوم فتحت على الموقع وعلى كل الأفسام وشفت كل المواضيع يلي فاتتني وتشكري على كل المواضيع والمجهود إلي أكيد منه سهل . والله يرحم الوالد رحمة واسعة ويوسع له قبره وينوره يارب- وتسلم يدك على هلأكلة إلي أول مرة بشوفها وبسمع فيها والظاهر أني ماراح أذوقهاأبدا إلا إذا ربي كتبلي سفرة على سوريالأن ماعندنا شئ اسمه عجور ولكي خاص تحياتي .

  8. منى 25 August 2008

    بعد زمان لارا :) و انا اشتقت الك كتير و افتقد طلتك الحلوة , ما شاء الله تبارك الله الله يهنيك بزيارة مكة , المرة التانية رح وصيك تدعيلي ;)

    الله يسلمك حبيبتي و يرحم أحبابك كلهم و يجمعنا معهم بالجنة يا رب ..

    ان شاء الله بس ما ترجعي بتجربيها و بتكون على زووءك

    نورتي لارا و الف الحمد لله على السلامة

  9. منامينو 9 November 2008

    الله يسعدك يا منى قديشك طيّوبة.. أنا صار لي فترة شايفة هاي النبتة ومش عارفة كيف بتنطبخ… وأخيرا الحمد لله عرفت.. تسلميلي يا رب

  10. منى 9 November 2008

    هلا منامينو :)
    ان شاء الله تجربيها , طيبة و غير عن بقية المحاشي
    نور الموقع بردوك أختي ;)

تقييم الوصفة
عاديةقد أحضرهاجيدةممتازةأكثر من رائعة (1 votes, average: 1.00 out of 5)