محشي الملفوف


         وصفة : منى                 2007/07/16                 17 تعليقات
محشي الملفوف

·          توضع طنجرة كبيرة على نار متوسطة و يملى نصفها بالماء و تترك حتى تغلي .

·          في هذه الأثناء تحضر الملفوفة , تنزع الأوراق الخارجية لحبة الملفوف ثم توضع كل الملفوفة في الماء المغلي .

·          بعد خمس دقائق ستطرى ورقات الملفوف الخارجية و أصبح من الممكن نزع أول ورقة , يقطع العرق بالسكينة .

 ·          ثم تسحب الورقة و توضع على مصفاة و تكرر العملية مع كل الورق حتى تنتهي كامل الملفوفة , لا يرمى ماء سلق الورق .

·          تحضر الحشوة بمزج الرز و اللحمة و معجون البندورة  و دبس الفليلفة و تتبل بالبهارات , يضاف الماء حتى الحصول على حشوة طرية , يستخدم الرز من دون نقع و اللحمة من دون طبخ .

·          يقطع عرق الورقة بالسكينة مثل الصورة , أي أن كل ورقة كاملة ستصبح ورقتان جاهزتان للف و تترك العروق جانباً .

·          توضع الورقة على الطاولة بحيث يكون طرف الورقة الناعم ملامس للطاولة أما الطرف الأخشن هو الطرف الذي ستوضع عليه الحشوة .

·          توضع الحشوة على الورقة ثم تلف عليها الأطراف .

·          ثم تلف كل الورقة على الحشوة مثل الصورة .

·          يغطي قاع طنجرة كبيرة بعظام الخاروف و عروق الملفوف .

·          تصف حبات الملفوف المحشية بانتظام بشكل دائريي ثم يغمر المحشي بماء سلق الورق و تضاف معجون البندورة و الثوم و النعناع و الملح و عصير الرمان .

·          يغطى الملفوف بطبق مسطح كبير ثم يوضع عليه ثقل ,كي يحتفظ الملفوف بشكله بعد النضج .

·          يوضع المحشي على نار متوسطة حتى يغلي ثم تخفف النار و يترك حتى ينضج , يحتاج من ساعة إلى ساعة و نصف تقريباَ .

·          بعد التأكد من نضوج المحشي يصفى من المرق و يصف في طبق التقديم و يقدم ساخنا مع المرق اللذيذ .

تنويعات و إضافات :

·          يمكن حشي بضع حبات فليلفة و بندورة بنفس الحشوة و صفها فوق الملفوف لزيادة غنى الوصفة .

·          يمكن استبدال عصير الرمان بعصير ثلاث ليمونات أو عصير الحصرم أو ببضع ملاعق من دبس الرمان و لكن مع عصير الرمان سيكون الطعم و اللون غير .

 





ملفوفة كبيرة الحجم

الحشوة :

3 كوب كبير رز مصري
نصف كيلو لحمة غنم مفرومة مدهنة
ملعقة صغيرة و نصف بهار مشكل
نصف ملعقة صغيرة قرفة
ملح
3 ملعقة كبيرة معجون البندورة
ملعقة كبيرة دبس فليلفة ( اختياري )
ثلث كوب ماء أو أكثر لتطرية الحشوة

للصلصة :

عظام خروف 2 ملعقة كبيرة معجون البندورة مذوبة بالقليل من الماء
4 – 5 فص ثوم مدقوق
ملعقة كبيرة نعناع يابس
ثلاث أرباع كوب عصير الرمان ( أكثر أو أقل حسب الذوق )





• توضع طنجرة كبيرة على نار متوسطة و يملى نصفها بالماء و تترك حتى تغلي .

• في هذه الأثناء تحضر الملفوفة , تنزع الأوراق الخارجية لحبة الملفوف ثم توضع كل الملفوفة في الماء المغلي .

• بعد خمس دقائق ستطرى ورقات الملفوف الخارجية و أصبح من الممكن نزع أول ورقة , يقطع العرق بالسكينة .

• ثم تسحب الورقة و توضع على مصفاة و تكرر العملية مع كل الورق حتى تنتهي كامل الملفوفة , لا يرمى ماء سلق الورق .

• تحضر الحشوة بمزج الرز و اللحمة و معجون البندورة و دبس الفليلفة و تتبل بالبهارات , يضاف الماء حتى الحصول على حشوة طرية , يستخدم الرز من دون نقع و اللحمة من دون طبخ .

• يقطع عرق الورقة بالسكينة مثل الصورة , أي أن كل ورقة كاملة ستصبح ورقتان جاهزتان للف و تترك العروق جانباً .

• توضع الورقة على الطاولة بحيث يكون طرف الورقة الناعم ملامس للطاولة أما الطرف الأخشن هو الطرف الذي ستوضع عليه الحشوة .

• توضع الحشوة على الورقة ثم تلف عليها الأطراف .

• ثم تلف كل الورقة على الحشوة مثل الصورة .

• يغطي قاع طنجرة كبيرة بعظام الخاروف و عروق الملفوف .

• تصف حبات الملفوف المحشية بانتظام بشكل دائريي ثم يغمر المحشي بماء سلق الورق و تضاف معجون البندورة و الثوم و النعناع و الملح و عصير الرمان .

• يغطى الملفوف بطبق مسطح كبير ثم يوضع عليه ثقل ,كي يحتفظ الملفوف بشكله بعد النضج .

• يوضع المحشي على نار متوسطة حتى يغلي ثم تخفف النار و يترك حتى ينضج , يحتاج من ساعة إلى ساعة و نصف تقريباَ .

• بعد التأكد من نضوج المحشي يصفى من المرق و يصف في طبق التقديم و يقدم ساخنا مع المرق اللذيذ .


تنويعات و إضافات :

• يمكن حشي بضع حبات فليلفة و بندورة بنفس الحشوة و صفها فوق الملفوف لزيادة غنى الوصفة .

• يمكن استبدال عصير الرمان بعصير ثلاث ليمونات أو عصير الحصرم أو ببضع ملاعق من دبس الرمان و لكن مع عصير الرمان سيكون الطعم و اللون غير .


  • وصفات تانية ممكن تعجبك


التعليقات

  1. arwen 28 October 2007

    انا بدي اعمله بدبس الرمان..
    سمعت انو الشوام بعملوه بالتمر الهندي..
    بس انا بدي التزم بطريقتك اضمن
    ويسلم هالايدين

  2. منى 29 October 2007

    هلا فيك أختي :)
    أول مرة بسمع ان ممكن يتحضر بالتمر الهندي , و الي بيعيش بيسمع كتير و بيتعلم كتير ;)
    بيخطرلي ممكن يكون كمان طيب بالتمر هندي

    الله يسلمك يا عسل , ان شاء الله عوافي مقدماً

    ابقي خبريني و بيصير معك ;)

  3. arwen 31 October 2007

    مرحبا منى كيفك.؟
    حبابه بس بدي اسالك اذا لفيت الملفوف قبل بيوم وحطيته بالبراد وتاني يوم طبخته بصرله شي لانو مابلحق كله يوم العزيمه لانها غداء :cry :upset

  4. منى 31 October 2007

    ولي على قلبي :roll

    أختي ابدا ما بيصير له شي ..

    أصلا انا دايما بحضره قبل بيوم و بحطه بالبراد لليوم التاني ;)

    نزلت لك وصفة السفرجلية باللحمة و فيك تشوفيها على الصفحة الرئيسية

  5. arwen 1 November 2007

    مرحبا منى
    حبيبتي انا سلقت الملفوف وعم جهز الحشوة
    بس سؤالي الخشوة مابدها سمنه ولا الطبخة مااحطلها سمنة ابدا؟

  6. منى 1 November 2007

    لا ما بدها إذا كانت اللحمة مدهنة ..

    أما إذا كانت لحمتك عادية فممكن تضيفي اما سمنة أو زيت مازولا حسب رغبتك أو من التنين ..
    بس باللحمة المدهنة أطيب الشي ;)

  7. منى 6 September 2009

    هنا و الف الف عافية و صحة شفاء , انا كمان بحبه كتيرررر , بيجنن

    هلا رح حمل الصورة لوحدها لشوفها , الف صحة يا رب و انا كتيررر مبسوطة باانك عم تجربي و عم يعجبك :zzz

  8. شفاء 6 September 2009

    يسلمو يامنى شكله بشهيانا عندي محسي الملفوف مستحيل يضل منه لتاني يوم بس انا بعمل حشوته بدون دبس بندورة وبضيف بقدونس وبصل اخضر اذا متوفر

    وللصلصلة بحط دبس رمان بس من غير توم ونعناع

    صورته وحطيتلك الصورة ان شاء الله تطلع

    لاني كتير شغلات عمبصورها مشان اورجيك اياها وما عمتتحمل معي

    يسلمو كتير واكيد هلا عرمضان رح ترافقينا كتير

  9. منى 6 September 2009

    شفا ما بعرف الصورة حجمها كبير كتير و مو راضية تطلع , كنت كتير حابة شوفها , يا ترى شو المشكلة ؟

  10. أم نوران 15 October 2009

    يم يم يسلمولنا هالايادي اختي منى كتيير بحب هالاكلة وكنت بشنهي عليها كتيرو باول حبلي :) و الشرح كتييير و اضح و سهل يسلمووو

  11. منى 16 October 2009

    هلا ام برهان :)
    و الله و انا بمت عليها , هلا سانة سناناتي بما ان الشتا قرب .
    ان شاء الله تجربيها و تطلع على زووءك و الله يقومك بالسلامة انت و البي بي ;)

  12. Jassy 1 September 2010

    السلام عليكم ورحمة الله وبركاته

    ممممممم شو طيييييبة :) يسلمووو
    عملتها أولتا امبارح، بس بما أن الموع باشا كان مأضرب، ما كنت متذكرة شو كانت طريقة اللف، فماما قالتلي أن ما بتنلف من الأطراف متل ورق العنب، يعني بس لف متل الورقة العادية لأدام. وفعلا ما وقعت ولا رزاية براتها.
    يعني مدري شلون حسيت الورق هيك شوي قاسي مو متل العنب (طبعاهي أوي مية بعمل محشي ميفوف يحالي).
    واستخدمت للمرق عصير ليمون ودبس رمان متل ما حكيتي .. طلع ما أطيبو.

    وعروق الملفوف يلي تحت طلعوا يا عيني شو طيبين … شو طلع لذيذ وخفيف ونضيف وأكلة بحالها خصوصي انه طري بس ضل بيقرط أتورة.

    يسلمو كتير ست منى :)

  13. Jassy 1 September 2010

    (تكملة للرد السابق)

    إيه … وبآخر لحظة وانا عم حط هالمقادير … جوزري قلي : بس اعمليه بمرق أبيض. قلتلو نعم ؟ :x شو بيعرفني شلون بينعمل المرق الأبيض؟

    أمت بس ما حطيت دبس البندورة لا للحشوة ولا للمرق :grin … مشي الحال

  14. منى 5 September 2010

    كلامك موبوط و ل ستات حلب بتلف المحشي من دون الاطراف بس انا ما بسترجي 8)

    يمكن الورق كان بده سلق شوي كمان لحتى يصير اطرى و يساعدك اكتر ؟

    هي اول مرة اعرف انه الملفوف بيصير ينعمل بمرق ابيض , بس ليش لا الواحد بيجرب و بيشوف , ان شاء الله رح جربه لهل المرق باول الشتوية ;)

    هنا و الف عافية , انا هادا المحشي مفضل عندي , يممممممم

  15. lmcamal 12 December 2010

    يسلمو إيديكي جربتها اليوم مع اضافة بقدونس وبندورة خضره واستبدال عصير الرمان بعصير ليمون ودبس رمان كما أقترحتي
    بدي أول إنو هي أول مرة أعمل ها الطبخة ومشيت على شرحك بالحرف وطلع الطبق بيشهي والمرقة بتجنن عن جد شابو للايليك وأنا كتير محظوظة إني لإيت ها السايت
    حابة أسأليك إذا ممكن تعطيني طريقة عمل كعكة الكنافة
    شكرا ويعطيكي ألف عافية

  16. انديان افانتيل 2 March 2013

    يسلمو دياتك يامنى عملت متل الطريقة تبعتك هلا ء عالنار الطبخة اول مرة بعمل المرق احمر إن شاءالله يطلع لذيذ اكتر ع طريقتك وجزاك الله خير

    • Mona 2 March 2013

      عوافي و الف صحة و هنا يا رب , اليوم كمان غدانا ملفوف , ان شاء الله بيعجبك , عم استنى رايك

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)