مخلل الخيار


         وصفة : منى                 2007/06/28                 22 تعليقات

آخر تصويت


آخر تعليق

مخلل الخيار


2 كيلو خيار من النوع الرفيع
5 حبة ثوم مقشر ( أو أكثر حسب الذوق )
حبة فليلفة حمراء حرّة ( اختياري )
حفنة من حبات الحمص الجاف المغسول ( من دون نقع )


مزيج التخليل :

كوب خل التفاح
نصف كوب ملح خشن بحري
6 - 7 كوب ماء
ملعقة كبيرة سكر
نصف ملعقة كبيرة فليفلة حمراء ناعمة
ربع ملعقة صغيرة كزبرة مطحونة





• تجهز حبات الخيار و ذلك بغسلها جيداً من دون أن تقطع أطرافها .

• يعبأ الخيار في مرطبان كبير بالتناوب مع حبات الثوم االفلفل الحرّ .

• يحرك مزيج التخليل حتى يذوب الملح ثم يصب فوق الخضار بحيث يغمرها و يغطى الوجه بكيس صغير نايلون لمنع ظهور أي حبة من الخيار , و إذا لم تغمر حبات الخيار تماماً بمزيج التخليل تحضر كمية اضافية منه .

• يترك المخلل لمدة اسبوع في مكان دافئ حتى ينضج ثم يحفظ في البراد .

• يحضر مخلل المقتي و الفليفلة بنفس الطريقة و يمكن المزج بين عدة أنواع في المرطبان الواحد .


  • وصفات تانية ممكن تعجبك


التعليقات

  1. سارونات 12 August 2008

    السلام عليكم و رحمة الله و بركاته
    اختي منى شو قصدك من النوع الرفيع يعني رقيق او قصدك من النوع الممتاز
    انا ما فيني احصل على الخيار الرقيق فهل فيني ساويه بالخيار العادي يعني الكبير و السميك و ما نك كاتبه اننا منقطع الخيار و شايفتو بالصورة مقطع يا ريت لو تشرحيلي و ربنا يجازيك كل خير
    ربنا يوفقك و يسهل دربك
    سلام

  2. منى 13 August 2008

    و عليكم أفضل السلام و أتم التسليم أختي :)
    قصدي من النوع الي بيكون حجمه صغير متل أصابع ايدك , فيك تعمليه بالخيار العادي بس رح يطلع بقلبه في بذر كتير , بالخيار الصغير اطيب بكتير

    انا قطعته لحتى تطلع الصورة حلوة , اكيد ما منقطعه قبل ما نخلله :)

    هي وصفة سهلة و كتير طيبة ان شاء الله بتجربيها و تعجبك

  3. ام محمد 18 October 2008

    السلام عليكم عن جد يسلمودياتك جربتو من فترة اسبوع والنتائج روعةبس طول معي خمسة ايام فقط والماء لونها انخبط وفارت ايش السبب برايك وشكرا

  4. منى 18 October 2008

    لان موضوع بمكان مو بارد ,’ بعد ما يجهز المخلل على البراد فوراًَ و إذا ما عندك محل بتضيفي للمرطبان ملعقتين كبار روح الخل للحفاظ عليه برة البراد ;)

  5. ام محمد 19 October 2008

    والله يااخت منى خجلانة منك لانني عم اعذبك بس انا كان قصدي انوفترة التخليل اخذت معي خمسة ايام وانتي كاتبه اسبوع :sigh وبالنسبة للمخلل حطيتوبالبرادوكل ماعم ناكل منه ندعيلك واليوم عملت الشاورما قبل ما يخلص المخلل وكتيرطلعت طيبة وابني قلي هي خالة منى اكلاتها طيبين مثل اكلات المطاعم :)

  6. منى 21 October 2008

    لااا و لو يا قمر مية السلامة اختي :)

    معناها اختي المرطبان بقي برة البراد و هو جاهز لهيك انخبطت ميته , انا بايام الصيف بياخد معي المخلل بالكتير 3 ايام و بيكون جاهز و بالبرودة بياخد اكتر

    هنا و عوافي على المخللات والشاورما , الله يخليك ابنك يا حق و يحفظه و يباركلك فيه :zzz

  7. zsoukar 31 January 2009

    اعذريني ياست منى من كتر اسئلتي.هون مافي عنا ملح خشن .بقى يعني اديش عيار الملح الناعم؟من فتره ساويت مخلل الملفوف وطلع مالح كتير

    ز

  8. منى 1 February 2009

    و الله اختي ما عندي فكرة على الضبط , بس العيار الي استعملتيه خففيه شوي و فيكي تدوقي قبل ما تستعملي مزيج التخليل , لازم يكون أكتر من ملح الطبخة بشوي ;)

  9. نور الأسلام 18 May 2009

    السلام عليكم كيفك منى تحياتي :) انا جربت المخلل وطلعواتمام من حيث القرمشه لكن حبات الخيار ذبلت وطولت حتى استوت مع انو عملت خمس اوست حبات انا عملتالملح على طوشت البيضه وغليت مزيج التخليل على النار شوي يمكن هدا السبب انو ذبلت حبات الخيار :? عذرا للازعاج منى طولت عليكي تحياتي الك

  10. منى 19 May 2009

    أكيد السبب هو المي المغلية , لو حابة تغلي المي فلازم تخليها تبرد على الخر قبل ما تستعمليها :zzz

    خليلي عينك نور لا بقى تقولي ازعاج , انا دايما تحت الامر و بالخدمة ان شاء الله

  11. سموره 2 July 2009

    ازيك اخت منى
    كيفك عامله ايه
    انا جربت هذه الطريقه
    وماشاء الله طلعت حلوه اوى
    انا على فكره فيا عيب انى اجرب الحاجه ومش باكل منها
    بس بصراحه من وقت ما عملت وصفات من عندك وانا باكل منها
    وتسلمى ياعسل على هذه الوصفات

  12. منى 8 July 2009

    هلا سمور :)
    يا رب الف صحة و هنا , المخلل هادا من انواعي المفضلة تلاقيني قاعدة اوقات باكل فيه لوحدة واتمزمز كيف الواحدة بتتمزمز بفنجان القهوة :grin

    الشكر الك لكلامك الحلو و لردك الحلو و ربي يديم المحبة و المعروف دوما ;)

  13. ميس الريم 21 April 2010

    كيفك منى الله يسلم ايديك على هالمخللات
    أنا بموت بالمخلل و حابه اعملو بس أنا بالامارات و ما لقيت ملح صخري جربت و عملتو بالملح اللي مضاف الو يود بس ما نجح معي يمكن لأني ما ضفتلو خل وهي طريقة ماما الله يخليلي ياها بتعملو بدون خل وبملح صخري وبيطلع بجنن
    فشو رأيك؟

  14. منى 22 April 2010

    الخل لازم للحفظ و للنكهة , هو رح يزبط بالملح الموجود عندك اذا اضفتي الخل بس ما رح يطلع بيجنن , بس اكيدة اطيب من الجاهز :zzz

  15. محبةالمصطفى ملك 17 May 2010

    امم يا منى شهيتيني عالمخلل هلأ رح أقوم آكل منه أنا بعمله بنفس المواد بس بدون عيار و بيطلع طيب كتييييييير بس سؤالي أنا بكبس خيار و قتي و عقابية و خس و قرنبيط و فاصوليا و فليفلة و جزر بس ملفوف ما جربته و شهيتيني عليه ..شلون بيطلع طيب؟؟ و اذا بدي أكبس منه كل ورقة لوحدها و لا شلون؟

  16. منى 23 May 2010

    بفرمه خشن و بحطه معهن , و ممكن تقطعي لقطع كبيرة , كيف ما بتحبي ;)

  17. haya 7 January 2011

    السلام عليكم
    اخت منى بدي اسألك بالنسبة لمخلل الخيار انت كاتبة انو نستعمل ثوم طيب شو فائدة الثوم مع المخلل هل هو بس للطعم وفيني استغني عنه ولا لأ ؟؟ وشكرا لك

  18. منى 7 January 2011

    اي بس للطعم و هوبيخلي نكهة المخلل اطيب , بس فيك تستغني عنه اذا ما بتحبيه :roll

  19. جوهرة بيتي 6 February 2012

    مسالخير عليكم انا عضوة جديدة معاكم الموقع عجبنييييييي بزاااااااااف يعطيك الصحة ختي منى
    ماعليش تتحمليني عندي شوية اسئلة صغيريييييين
    1-اذا انا استعملت نص كيلو خيار هل نحافظ دايما على نفس مقادير مزيج التخليل ونستعمل منها قد ما نحتاج حتى يتعمر البرطمان؟؟؟
    2-هل نقدر نستعمل برطمان بلاسيكي في بلاصة البرطمان الزجاجي يعني نستعمل اي برطمان المهم يقفل بشكل مليح؟؟؟

    ياربي نلقى جواب باسرع وقت حابة نجربو
    ويسلمك حنونة على المجهود الرائع

    • منى 4 June 2013

      مية هلا حبيبتي نورتي يا قمر الموقع و شرفتيه :)
      مو مهم الكمية , المهم مزيج التخليل يغمر كل الخيار , ان شاء الله ربع كيلو أو 10 كيلو , المهم نسسبة الخل و الملح للمي
      السؤال التاني بيصير تستخدمي مرطبان بلاستيك , بس للصحة مو منيح تحطي الحمض في البلاستيك و تتركيه لفترة طويلة

      مية هلا حبيبتي وايا سؤال من عيوني

  20. دانية 24 June 2013

    واااااااااو
    عفكرة كنت مفكرة الموقع واقف من زمان
    بس كنت دائما متتبعة للوصفات وماخطرلي إنتبه للتاريخ!!!!

    بس ماشالله عليكي يا منى شيف عالأصوول هههه

    بس كنت حابي اسأل ليش منسمع أوقات غنو بتنغلى المي للمخلل وبالذات الخيار؟!!!!

  21. سمر 31 August 2013

    مرحبا ست منى

    ما شاء الله وصفاتك رائعة وناجحة

    حبيت اسألك لشو حبات الحمص

تقييم الوصفة
عاديةقد أحضرهاجيدةممتازةأكثر من رائعة (9 votes, average: 4.22 out of 5)