مربى التين


         وصفة : منى                 2008/08/04                 27 تعليقات
مربى التين

·          تنتقى حبات التين الصغيرة و الغير ناضجة و المغلقة فتحتها مثل الصورة , هناك نوع خاص للمربى يكون بذره ناعماً و لكن أنا أفضل تحضيره بالتين العادي المتوفر لدي .

·          تغسل حبات التين بلطف , و إحدى السيدات أخبرتني بأنها لا تغسل الحبات بل تمسحهم بقطعة قماش مبللة .

·          يحضر القطر : يوضع الماء و السكر في قدر كبير على النار و يترك ليغلي لخمس دقائق ثم تضاف حبات التين بحيث تكون طبقة واحدة و تترك لتغلي لمدة ربع ساعة تقريباً أو حتى يتجانس لون حبات التين و تصبح شفافة نوعاً ما أو ما تقول عنه الستات الكبارية  , ختموا التينات .

·          يرفع التين على وعاء مسطح كبير بحيث تكون الحبات بجانب بعضها البعض و يترك لليوم التالي , الحبة على يمين الصورة هي لواحدة من التينات التي لم تكن قاسية تماماً , بعد الغلي مع القطر تشققت الحبة و أصبحت غير صالحة للتقديم , مع أن طعمها لا يزال لذيذاً .

·          في اليوم التالي يغلى القطر مرة ثانية مع المستكة المدقوقة و توزع فيه حبات التين و تترك حتى تنضج و يصبح لونها كالصورة .

·          بعد أن يبرد المربى , يعبأ في مرطبانات و يوضع في الفريز حتى وقت الحاجة , يصفى من القطر و يوضع في أطباق صغيرة و يزين بالجوز أو الفستق الحلبي الطازج الذي يتوافق وقته مع وقت تحضير مربى التين .

 

 




2 كيلو تين
كيلو سكر ( ما يقارب 4 كوب )
3 كوب ماء
4 – 5 مستكة





• تنتقى حبات التين الصغيرة و الغير ناضجة و المغلقة فتحتها مثل الصورة , هناك نوع خاص للمربى يكون بذره ناعماً و لكن أنا أفضل تحضيره بالتين العادي المتوفر لدي .
• تغسل حبات التين بلطف , و إحدى السيدات أخبرتني بأنها لا تغسل الحبات بل تمسحهم بقطعة قماش مبللة .

• يحضر القطر : يوضع الماء و السكر في قدر كبير على النار و يترك ليغلي لخمس دقائق ثم تضاف حبات التين بحيث تكون طبقة واحدة و تترك لتغلي لمدة ربع ساعة تقريباً أو حتى يتجانس لون حبات التين و تصبح شفافة نوعاً ما أو ما تقول عنه الستات الكبارية , ختموا التينات .

• يرفع التين على وعاء مسطح كبير بحيث تكون الحبات بجانب بعضها البعض و يترك لليوم التالي , الحبة على يمين الصورة هي لواحدة من التينات التي لم تكن قاسية تماماً , بعد الغلي مع القطر تشققت الحبة و أصبحت غير صالحة للتقديم , مع أن طعمها لا يزال لذيذاً .
• في اليوم التالي يغلى القطر مرة ثانية مع المستكة المدقوقة و توزع فيه حبات التين و تترك حتى تنضج و يصبح لونها كالصورة .

• بعد أن يبرد المربى , يعبأ في مرطبانات و يوضع في الفريز حتى وقت الحاجة , يصفى من القطر و يوضع في أطباق صغيرة و يزين بالجوز أو الفستق الحلبي الطازج الذي يتوافق وقته مع وقت تحضير مربى التين .





  • وصفات تانية ممكن تعجبك


التعليقات

  1. Iman 4 August 2008

    همممممم شكلا كأنا تفاحه مسلوقه بالقطر و عليها فستق حلبي بالاول فكرتا كيكه الباباز و عليها فستق بس لما دققت النظر اعتقد انها تفاحه مثل الكومبوت مع القطر و على العموم فعلا ما شاء الله يا منى يا مبدعه الالوان و الاضاءه مش معقولين ياللا خلينا نشوف شو باقي الاخوات راح يقولوا

  2. Eman 4 August 2008

    أنا أعتقد مربى التين..

  3. ياسمين الأبيض 4 August 2008

    موني هيك صعبة !!

    أتوقع أجاص أو شي فواكي محفوظة بالسكر ؟

  4. غيث 5 August 2008

    دخيل عينك منى والله عجزتيني وانا افكر ما عبقدر اجمع بين اللون (خوخ احمر ولا عنب احمر ولا—) وبين القوام متل المهلبية بشي نوع من الفواكه او شي جيليه فواكه مرتب من دياتك ولا ليكون شي فواكه مجففة متل ما ذكروا الاخوات والله العظيم دوختيني هلق بتكوني عم تقرأي تعليقي وبتضحكي وانا بقى ملهوفة يجي الخميس منشان اعرف مع اني اكره يوم الخميس لسبب ذكرتلك ياه سابقا وهو التعزيل اللي امامنا بس امري لله بس اعرف شو قصة طبقك اللي حيرني وانا اسفة على الاطالة وتسلم دياتك سلفا لانه شي بيشهي وبيفتح النفس

  5. سارونات 5 August 2008

    السلام عليكم و رحمة الله و بركاته
    كتير عجبتني الفكرة عم اتحرقص تأعرف شو هي و ان شاء الله تكون اللي ببالي انا حاستها يا تفاح يا اجاص مكرمل يعني مع سكر و يمكن قرفة و على النار و هيك شي بس حاسه انه اجاص :zzz
    و الطبق اللي حطتيه فيه بيجنن و عاطي برستيج للوصفة :grin

  6. Eman 6 August 2008

    الظاهر أجى وقت الفستق وعم تشهينا عليه بالصور ،مو حرام عليك نحن هون محرومين الطيبات وتحطيلنا هيك مغريات :cry ..عم ننتظر الإعلان عن الطبق الساحر.. ;)

  7. ام نور 6 August 2008

    انا بظن مربى التفاح او كمبوت التفاح :? والله اعلم بس المتاكدة منو هو انو وصفة حلويات والصحن كتير حلو :) بيفتح النفس

  8. سارونات 6 August 2008

    السلام عليكم و رحمة الله و بركاته
    اجا يوم الخميس و ناطرين نعرف شو هي الوصفة على احر من الجمر
    جازاك الله كل خير و ان شاء الله تكون اللي ببالي و بدي اسالك عن طريقة تحضير مربى الاجاص و هل منخلي الاجاص متل ما هو او منسلقه بالاول
    سلام

  9. ام نور 7 August 2008

    يعيش مربى التين :) يعني ما خطرلي ابدا يكون مربى التين لان الصورة ابدا ما اوحتلي يمكن لان كتير قريبة فطالعة بتشبه التفاح :sigh يالله بانتظار الحزورة التانية

  10. رنا 7 August 2008

    تين …….والله حسيت انه شي بيشبه التين بس ماتجرأت جاوب مع انه هون مافي نجاح ورسوب بس ماكان عندي وقت لحط الرد ..
    التين ….من الذ الفواكه بقا كيف اذا صار مربى …للاسف بالامارات مابيجي التين ابدا يمكن هو الفاكهة الوحيدة يلي مابتتواجد …يمكن لصعوبة حفظه بالشوب ..
    الله يسلم هالديات يامنى خانم ضيافة غير شكل …مابعرف بحس بكل وصفة بتحضريها بطلايقتك وتقديمك الضيف بيحس عندك انه ملك والله انك ست بيت ممتازة ;)

  11. غيث 7 August 2008

    الله يسلم هلايدين يا حق يا ستي ولا خطر ببالي انو مربى التين لاني انا ما بساويه ابدا بالبيت والجاهز بنجيبه غير هالشكل ابدا يعني بتكون حبيباته واضحة وبتقول انه مربى التين ولونه بيكون مايل للبني تقريبا هيك الجاهز والقطع مهموسة لذلك لم يخطر لي ابدا انه مربى التين شوفي بقى يلي بيحضره بالبيت بيكون عنده فكرة عنه عموما شكرا كتير على تعليمي طريقته لانه بالفعل شي شغل ضيافة مرتب الله يجزيك الخير يا رب وبدنا كتير فوازير وخاصة جاي رمضان والفوازير بتكتر على الفضائيات بقى نحن بدنا نشاطات على النت على رمضان على القليلة الواحد ما بيعصي ربه بهالشهر الفضيل وبيتسلى كمان و بيستفيد وشكرا لك

  12. Eman 7 August 2008

    كتير بتشهي الوصفة ،يا ريت أقدر دوق لقمة من هالصحن الروعة،شو بدنا نعمل هذه ضريبة الغربة :cry
    والله عجبتني اللعبة ،كتير حبيتها :zzz
    إي لعبينا منى الله يخليك :grin
    صحي شو جائزتي؟؟ :roll

  13. رندوش 8 August 2008

    مممممم يا منى شو هالعذاب هاد
    تسلمي وان شاء الله
    يطبق قريبا تسلمي يا رب

  14. منى 8 August 2008

    هلا ياسمين :) نورتي حبيبتي الف شكر ليك على المشاركة

  15. منى 9 August 2008

    هلا أمونة حبيبتي :) سعيدة ان عجبتك الصورة و متل ما شفتي توقعاتك مو بمحلها , بس قريبة ;)

    الف شكر ليك على المشاركة نورتي :)

  16. منى 9 August 2008

    هلا أمولة :) طبعا انت الي حزرت الوصفة الصح و ما دامها عجبتكم الفكرة رح فكر بوصفات تانية اتعقدكم :grin

    جائزتك على قد ما بقدر وصفة كنت طلبتيها مني من زمان و امبارحة اشتريتها خصوصا الك للحتى اطبخها و نزلها ;) شو منيحة و إلا حابة غير جائزة

  17. منى 10 August 2008

    هلا غيوثة :)
    خليلي عينك غيوثة عن جد ضحكت بس لما قريت ” هلق بتكوني عم تقرأي تعليقي وبتضحكي ” :grin

    اكيدة اذا جربيته رح يعجبك لان سهل و كتيرررررر طيب

    يبلا محضرة الكن وصفة تانية شدوا الهمة ;)

  18. بدور 28 August 2008

    يمممممممممممممممممممممي

    هاد أطيب نوع مربى في الوجود..
    لأ و في الفريز كمان بنفس المرتبة :p

    يا سلام عليكي..
    شو هالتفنن وهالألوان البتفتح النفس هي؟
    الله يعطيكي ألف عافية يااااارب :zzz

  19. منى 29 August 2008

    هلا سارونات :) شكرا ليك على المشاركة , كلك زووء حبيبتي رح نزل الك وصفة مربى الاجاص ان شاء الله بالتفصيل ;)

  20. منى 29 August 2008

    هلا حبيبة قلبي ام نور :) ان شاء الله شي مرة رح دوقك هل المربى من تحت دياتي بس لما تعمليلي زيارة , هلا يا قمر

  21. منى 29 August 2008

    هلا رنونة :)
    كان لازم تشاركي و يلا تبقى بس نزلتي لسوريا بتدوقي اطيب مربى تين , خليلي عينك رنونة خجلتيني , مية هلا أختي

  22. منى 29 August 2008

    هلا رندوشة حبيبتي لا عذااب و لا شي :) هادا طيبات و ان شاء الله تجربيه و يعجبك ;)

  23. سارونات 12 June 2009

    السلام عليكم و رحمة الله و بركاته

    اختي منى عبالي جرب مربى التين و ما عندي مستكة فهل بينفع من غيرها او لا

    كمان بدي اعرف ليش هو بالصورة طالع كتله واحدة يعني هو هيك طالع او انت عملتيه هيك لان بدي ياه متل اللي بينباع يعني سائل شوي و اذا كان فيه قطع تكون كتير صغيرة متل مربى البرتقال مثلا

    بانتظار اجابتك

    كمان صار وقت التين فهل في عندي شي وصفات فيها تين :?
    بالتوفيق
    سلام

  24. غدير 19 August 2014

    الله يعطيكي ألف عافية ويسلمو دياتك .. هلأ عملت المرحلة الأولى وبدي أسألك إذا تركنا التينات برا البراد لتاني يوم ما بيخرب التين من الشوب؟؟

    • منى 27 August 2014

      لا المفروض ما يخرب لان السكر بيحفظه
      ع كل اذا كان عندك شك حطيه بالبراد احسن

  25. غدير 19 August 2014

    وسؤال تاني إذا سمحتي .. التينة بكون إلها عودة صغيرة خفت تكون هية اللي بتحافظ ع تماسك التينة بعد الغلي فما شلتها .. عجب بتأثر عالطعمة ؟

    • منى 27 August 2014

      لا طبعا ما رح نشيلها لحتى يبقى شكل المربى حلو

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)