مربى قشور البرتقال المغمس بالشوكولا ( أورانجيتيه )


         وصفة : منى                 2007/07/13                 39 تعليقات
مربى قشور البرتقال المغمس بالشوكولا ( أورانجيتيه )

  ·          يقطع طرفا حبة البرتقال ثم يحزز قشر البرتقال إلى أربع أرباع و يقشر كل ربع و يبعد عن قلب البرتقالة , ثم تقطع الأرباع إلى عيدان بالحجم الظاهر بالصورة .

·          ينقع قشر البرتقال بالماء البارد لمدة 24 ساعة مع تغيير الماء أربع أو خمس مرات للتخلص من المرارة الموجودة في قشور البرتقال , بعد مضي الوقت تذاق إحدى القطع للتأكد من التخلص من المرارة و إلا فتترك القشور لوقت أطول حتى تصبح جاهزة مع تغيير الماء . تغمر القشور بالماء البارد و تغلي لبضع دقائق , يرمى الماء و تغمر القشور بالماء البارد مجددا و تسلق لمدة دقيقة اخرى . تكرر العملية بضع مرات للتاكد من التخلص من المرار .

·          يوضع السكر و الماء على النار و يترك المزيج حتى يغلي ثم تضاف قطع البرتقال و تترك حتى تغلي ثم تهدى النار و تترك لمدة 15 – 25 دقيقة تقريباً حتى تمتص القشور كل القطر و تصبح ناضجة .

·          ترفع القشور و توضع على مشبك سلك حتى تبرد و يتم التخلص من القطر الزائد .

·          تجهز صينية كبيرة و تغطى بورق الزبدة , تذوب الشوكولا على حمام مائي ثم يغمس فيها المربى المحضر بسرعة  و يصف على الصينية و يترك حتى يبرد .

·          تحفظ القطع المجهزة في وعاء محكم الإغلاق حتى وقت التقديم .
 
 




5 حبة كبيرة برتقال
كوب ماء
كوب سكر
500 غ شوكولا غامقة من نوعية فاخرة


• يقطع طرفا حبة البرتقال ثم يحزز قشر البرتقال إلى أربع أرباع و يقشر كل ربع و يبعد عن قلب البرتقالة , ثم تقطع الأرباع إلى عيدان بالحجم الظاهر بالصورة .

• ينقع قشر البرتقال بالماء البارد لمدة 24 ساعة مع تغيير الماء أربع أو خمس مرات للتخلص من المرارة الموجودة في قشور البرتقال , بعد مضي الوقت تذاق إحدى القطع للتأكد من التخلص من المرارة و إلا فتترك القشور لوقت أطول حتى تصبح جاهزة مع تغيير الماء . تغمر القشور بالماء البارد و تغلي لبضع دقائق , يرمى الماء و تغمر القشور بالماء البارد مجددا و تسلق لمدة دقيقة اخرى . تكرر العملية بضع مرات للتاكد من التخلص من المرار .

• يوضع السكر و الماء على النار و يترك المزيج حتى يغلي ثم تضاف قطع البرتقال و تترك حتى تغلي ثم تهدى النار و تترك لمدة 15 - 25 دقيقة تقريباً حتى تمتص القشور كل القطر و تصبح ناضجة .

• ترفع القشور و توضع على مشبك سلك حتى تبرد و يتم التخلص من القطر الزائد .

• تجهز صينية كبيرة و تغطى بورق الزبدة , تذوب الشوكولا على حمام مائي ثم يغمس فيها المربى المحضر بسرعة و يصف على الصينية و يترك حتى يبرد .

• تحفظ القطع المجهزة في وعاء محكم الإغلاق حتى وقت التقديم .

  • وصفات تانية ممكن تعجبك


التعليقات

  1. قطة 23 September 2007

    أنا لازم أجربها أنا بحب الشوكولاه مع الفواكهه

  2. منى 23 September 2007

    هلا قطة :)

    لا تنسي إذا جربتيها تدوقيني منها ;)

    رح تعجبك كتير ان شاء الله

  3. ام نور 1 November 2007

    على فكرة اخت منى مرة جارتي الفرنسية قالتلي انو لما بتجيب البرتقال بتاكل القلب والقشر ما بتكبو بتقطعو رفيع وبتغطسو بالشوكولا وقالتلي انو كل الفرنسين الي ساكنين بالقرى الكبار بالسن هاك بيعملو لان هيدا اكل ولازم نحافظ علي فانا استغربت وقلتلا اسا القشر بدنا ناكلو اوف شي كتير وقلت بنفسي شو فاضين البال :grin فبصدفة انا وعم اتصفح قسم الحلويات شفت الوصفة ذاتها متل ما حكتلي جارتي 8) انا كنت مفكرة من بخلا جارتي ما بتكب القشر فطلعت وصفة مشهورة وظلمت المراة :upset حكيت كتير مهاك :)

  4. منى 1 November 2007

    هلا اختي ام نور :)

    بالعكس معلومات استفدت منها ..

    نحنا هون عم يحضروا هل الوصفة و بيبيعوها بمحلات الشوكولا بأسعار كبيرة مع ان طريقتها كتير سهلة ;)

    حبيت اسألك شو معنى الاورانجيتيه :roll

  5. ام نور 28 November 2007

    http://www.linternaute.com/femmes/cuisine/magazine/pratique/orangettes/1.shtml# اخت منى هيدي الوصفة اسما بفرنسا orangettes جارتي اكدتلي وشفتا على هالرابط في الاعلى ممكن تشوفي واذا بتحبي اي معلومة انا بالخدمة

  6. منى 29 November 2007

    يعطيك الف عافية ام نور :)
    غلبتك معي ..

    حلو كتير الموقع هاد , عم اتصفحه هلأ ,
    بركي بشوف شي وصفة و جربها

  7. بدور 28 December 2007

    ما شاء الله عليكي يا منى شئد صرلي بالموقع لهلأ في كتير شغلات لسا مو شايفتا ومميزة كتير

    الله يئويكي ويسلم هالايدين يا رب :)

  8. منى 29 December 2007

    هلا بدور :)

    كلك زووء أختي و الله يسلمك و لا يحرمني من هل الدعوات الحلوة ;)

  9. ام نور 31 December 2007

    على فكرة جارتي عملت اورانجيت وبعتتلي ياي شو طيب ما بيخطر لا البال انو من قشور البرتقال ابدا نكهة البرتقال لذيذة وبتدوب بالتم :p وممكن يتغمس بشوكولا ابيض حسب الرغبة

  10. منى 6 January 2008

    مممممممم

    صحتين و هنا حبيبتي ام نور :)

    ما دامه من تحت ديات جارتك الفرنسية معناها شي غير شكل :zzz

    أول مرة بعرف ان ممكن يتغمس بالشوكولا البيضاء

    كمان فكرة حلوة للضيافة ;)

  11. souha 21 January 2009

    السلام عليكم :)
    كيفك منونة امبارحة بلشت بهالوصفة بس بكمية صغيرة للتجربة و إنشاء الله إذا نجحت بساويها ع كمية أكبر
    سبحان الله بعد ما حطيت البرتقال تيحلى كنت عم استنى برنامج على قناة فتافيت للشيف جاك توريس و هو فرنسي الأصل فعمل نفس هالمربى بس هو غلى القشور ثلاث مرات لأنو هالعملية بتخلي القشر يطالع الحمض يلي فيه و هيك ما بدو تحلية و في المرة الرابعة حطلهن السكر و الماء وعم يذكر إنو أمه كانت تغليهم عدة ساعات
    أنا سلقت القشر قبل التحلية على طلب إمي لأنو قالتلي إنو ما بيحلو بدون سلق قلت لحالي ما منها خسارة العملية كلو بينفد على بعضو و اليوم حطيتهم بالقطر و غليتهم شي ساعة و صار أجزاء منهم شفافة بقى بدي اسألك للازم إرجع أغليهم لحتى يختمو منيح و لا بيمشي الحال هيك و غطسهم بالشوكولا :?
    الله يعينك ع قراءة التعليق كتبتلك جريدة ;)
    سلام :zzz

  12. منى 22 January 2009

    أتوقع لازم تغليه لحتى يختم , بس بتعرفي سهى هلا ما بقى يطلع المربى معك مقرمش :roll بس بيطلع طيب
    متل ما قالت ماماتك , في كتير ناس بتحب تسلق البرتقال أو النانرج أو غيره قبل تحلايته , انا بحليه قبل و كله بينفد على بعضه بس هي شغلة ستايل بالطبخ :)

    سبحان الله كممان انا شفت هل الحلقة بس مو هلا من زماان أول ما طلعت على فتافيت

    يلا عم استنى رايك و ان شاء الله يعجبك

  13. souha 22 January 2009

    هلا منونة :)
    يا فرحة ما تمت طلعت من البيت و قلتلها لأمي تغلي المربى لحتى يختم قام نسيتهم و نشغلت مع أخوي كان مرضان قام احترقو رجعت لاقيتهم بلون الموبيليا :upset
    انشاء الله برد بجربهم وقت تاني
    سلام

  14. منى 23 January 2009

    و لا يهمك ام السوس :roll خيرها بغيرها
    ان شاء الله تجربيهم و يعجبوك

  15. souha 30 January 2009

    السلام عليكم
    كيفك منونة :) أخيرا رجعت عملت الوصفة و نجحت بس أنا ساويتهم بقشر الغريفون و طلعو طيبين إلهن مزة ظريفة بس غطستهن بشوكولا غامقة و حلوة لأنو ما عندي شوكولا شقرا و هي صورتهم
    [url=http://www.0zz0.com/realpic.php?s=8&pic=2009/01/30/21/191038225.jpg][img]http://www8.0zz0.com/thumbs/2009/01/30/21/191038225.jpg[/img][/url]
    سلام

  16. منى 31 January 2009

    الف هنا و الف عافية ام السوس على الغريفونيته ;) فكرة كمان ليش لا الواحد بيتعلم و بيجربها على طريقتك

  17. محبةالمصطفى ملك 18 May 2010

    منى بدي أسألك شو هو نوع الشوكولاتة اللي بتستعمليه؟؟؟ ووقت بتدوبيها ما بتضيفيلها شي؟؟؟
    و آخر سؤال وقت غمس القشور نمسكهم بايدنا يعني و لا بطريقة تانية؟؟؟
    لأني عندي برتقال و عبفكر أعملها هلأ

  18. منى 18 May 2010

    الشوكولا الي استعملها شوكولا لي و من دون اضافة

    ممكن نمسكهن ايدناو ممكن بشوكة , الطريقة الي بتريحك

  19. محبةالمصطفى ملك 18 May 2010

    اممممممممممم والله بتعرفي طعمة تمك ;)
    رح أجربها قريبا جدا و أردلك خبر

  20. منى 19 May 2010

    هلا اكتشفتي :grin

    عم استنى ردك

  21. محبةالمصطفى ملك 21 May 2010

    :grin

  22. محبةالمصطفى ملك 21 May 2010

    منى بدي أسألك معلش اذا حطينا القشور فترة النقع بالبراد؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

  23. منى 22 May 2010

    اكيد , هلا في في برادي شوية قشور منقوعة عم تستنى فرج ربها :grin

  24. محبةالمصطفى ملك 22 May 2010

    هههههههههههههههههههههههههههههههه :grin

  25. منى 23 May 2010

    :)

  26. محبةالمصطفى ملك 24 May 2010

    منى أنا حطيت بس نص كاسة مي و نص سكر لأن القشور بس لبرتقالو وحدة يعني تجربة صغيرة و حطيتهم عالنار بس بعد ثلث ساعة جيت لاقيت القطر صاير سكر على وجه القشور و بديان يحترق ممكن أعرف و ين الغلط؟؟؟؟

  27. منى 24 May 2010

    الغلط ان الكمية قليلة فلازم تقللي الوقت و تكون الطنجرة كتير صغيرة ;)

  28. محبةالمصطفى ملك 24 May 2010

    طيب أنا حطيت أصغر طنجرة
    بس النار متوسطة :?

    و كيف بعرف انو استواا؟؟
    يعني انا ما طولوا غير تلت ساعة فصاروا ماكنين كتيييير

    و آخر سؤال بعد النضج رح يكونوا مقرمشين و لا متل قطع مربى المشمش طريين؟؟؟؟

    عبنتظر الرد حتى أرجع أعيدها :zzz

  29. منى 25 May 2010

    بتعرفيهن استوا لما بيصير لونهم شفاف

    بعد النضج رح يكونوا بين بين , لا مقرمشين و لا طرايا على الاخير

  30. محبةالمصطفى ملك 25 May 2010

    ;)

  31. محبةالمصطفى ملك 12 June 2010

    منووش ما صاروا شو أساوي :cry
    هلأ بدي أسأل كم سؤال و بدك تطولي بالك علي 8)

    أولا وين بينباع من الأوراجيتيه و بنفس الشكل و لا لأ؟؟؟؟؟
    و كمان سألتك هالسؤال من قبل بس بدي جواب مفصل أكتر المربي اللي بقلب الشوكولاتة بيكون قاسي و لا لين؟؟؟

    أنا أول ما شفت الوصفة عجبتني كتييييييييير و قلت أكيد رح اجربها و رح اعتمدها عندي من وصفات الضيافة المميزة بس ما عبتنجح :upset

    اسمعي يا ستي انا حطيت قشور برتقالة و حدة بركوة (مشان الكمية القليلة) و حطيت ثلاث أرباع كوب ماء و ثلاث أرباع سكر و اتبعت الطريقة بعد45 د ابتدوا يصير أجزاء منهن شفافة (بس أجزاء) و وقت صار ساعة كاملة الن على نااااار واطية جدا طفيت و تركتهن يصفو المهم انوا بعد ما بردوا ما بتشوفيهن شفافات كلون بس أجزاء و وقت بتاكليهن قاسيين كتييييييييييييييير واااااااء بتعرفي بدي تجي عن طريق النت و تجيبيلي معك شوي بدوقن و بعدها بتعملي الطريقة قدامي ههههههههههههههههههههههههههههههههههههههه

    دوختك ما :sigh

  32. منى 12 June 2010

    ما عندي فكرة اذا متوفريين بحلب , الي بعرفهم شغل فرنسا و بنفس الشكل ;)

    المربى الي بقلب الشوكولا بيكون تماما متل مربى النا

  33. محبةالمصطفى ملك 12 June 2010

    متل أي مربى؟؟؟
    كني مشاركتك طارت عالطريق ههههههه
    طيب ممكن تساعديني لوقت ما تزبط معي ؟؟؟؟

  34. محبةالمصطفى ملك 13 August 2010

    :cry

  35. مسك الايمان1 12 July 2011

    يسلموا ايديك مبارح نقعت القشر انشاء الله يزبطو معي وراح اخبركم شو بصيير معي

  36. منى 12 July 2011

    ان شاء الله بيزبطوا و بيعجبوك :)

  37. منى 17 July 2011

    هلا ملك :)
    قصدي متل مربى النانرج ;)
    تكرم عينك , ايا سؤال من عيوني

  38. نور من قبرص 16 January 2014

    مرحبا صورة هالوصفة وعدة وصفات ماعم تطلع صورون عندي شوالسبب ياترى

    • منى 24 January 2014

      اغلب الصور راحوا وقت تجديد الموقع , و انا عبحاول ارجع ضيفهن كلهن , بس بتاخد وقت كتير

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)