مقلوبة القرنبيط باللحمة


         وصفة : منى                 2008/12/25                 28 تعليقات
مقلوبة القرنبيط باللحمة

مقلوبة القرنبيط من اطيب وصفات الشتي عندي , مع مخلل اللفت أو كاسة لبن عيران او سلطة حامضة , مممم يم يم . و هي الوصفة كانت كتير صعبة علي باول فوتتي ع المطبخ , تطلع معي شي طيب طعمتو متل المقلوبة , بس تطلع مقلوبة بس قالبة وجها , هيك قايمة و قاعدة لوقت ما صرت حضرها بغير طريقة , صرت أحط أول الشي الرز المبهر و المتبل بطنجرة كبيرة , و بحط فوقه قطع اللحمة و القرنبيط و بصب فوقهن المرقة المغلية شوي شوي و بعدها أطبخها و كاني عبطبخ رز عادي . بطفي النار و بخليها ربع ساعة ليتفلفل الرز و بعدها بجيب وعاء عميق دائري و برتب فيه اللحمة و القرنبيط و فوقهن الرز , بكبس بطبق مستدير و بخليهن كم دقيقة و بعدها بقلبهن , و هيك صارت مقلوبتي حمو بس طيبة و حلوة كمان . بقى انتي فيكي تحضريها بهي الطريقة أو تحضريها متل مو مذكور تحت بالوصفة , يعني بالطريقة الي بيعملوها امهاتنا :)
المقلوبة أصولها بالرز المصري , بس بعد كتير تجارب طلع معي انو افضل نتيجة مناخدها اذا طبخنا نوعين رز مع بعضهن , انا بحب طعمة الرز المصري و فلفلة الرز البسمتي , وقت نستخدم نوعين مناخد طعمة و شكل و أكيد في فيكي تستعملوا نوع واحد
بالصحة و الهنا

-المقادير:

1 كوب أرز مصري
1 كوب رز بسمتي
1 حبة زهرة متوسط الحجم
كيلو لحم غنم مقطع مكعبات كبيرة
ملح
بضع حبات هيل و فلفل أسود صحيح
حبة كبية بصل
2 ورق غار
عود كبير قرفة
نصف ملعقة صغيرة قرفة
نصف ملعقة صغيرة بهار مشكل
نصف ملعقة صغيرة فليفلة حمراء ناعمة
لوز أو صنوبر محمص
2 ملعقة كبيرة سمنة
3 كوب مرق
- طريقة التحضير :

• يغسل اللحم يوضع في قدر متوسط و يغمر بالماء و بعد أن يغلي ترفع الرغوة عن سطح المرق ثم يضاف البصل و ورق الغار و بقية البهارات الصحيحة ثم يترك حتى ينضج و يمكن استعمال طنجرة الضغط لتقليل الوقت .

• يغسل نوعا الأرز و ينقعان معاً بالماء البارد و الملح لمدة نصف ساعة .

• يقطع رأس القرنبيط لزهرات صغيرة ثم تقلى بالزيت الغميق حتى تشقر . ترفع على ورق ماص .

• ترفع قطع اللحم . يصفى المرق ثم يتبل بالفليلفة الحمراء الناعمة و البهار المشكل و القرفة و يمكن إضافة رشة صغيرة من الكمون حسب الرغبة .

• في قدر متوسط تصف قطع القرنبيط أولا ثم اللحمة ثم الرز المنقوع .

• يصب المرق المغلي بلطف و حذر كي لا تختلط المقادير ببعضها البعض ثم توضع السمنة على الوجه.

• يترك القدر على نار متوسطة حتى يغلي ثم يغطى القدر و يترك لمدة 30 دقيقة أو حتى يمتص الرز كل الماء و تنضج حباته .

• يترك الرز و هو مغطى ليرتاح لمدة 10 دقائق ثم يكبس بلطف بطبق بنفس حجم الطنجرة و يترك لمدة 5 دقائق بعدها يقلب في طبق التقديم و يزين بالمكسرات المحمصة , و يمكن اتباع الطريقة التي ذكرتها في المقدمة و خصوصاً للمبتدئات .

التعليقات

  1. غيث 29 December 2008

    السلام عليكم كيفك منى والاخوات وكل عام والجميع بخير بمناسبة السنة الهجرية وكل الاعياد التي مرت ولم يتسنى لي تعييد الموقع واسرة الموقع بسبب ظروف السفر والانشغال الشديد فيه وقد اشتقت لمنى وطبخاتها المنفنفة كتير الله يعطيك العافية وشو هالمقلوبة اللي منظرها بيجنن بقى كيف الطعمة ممموانا اموت بكل انواع المقلوبة الله يسلم هالديات يا حق انا بعملها بنفس طريقتك اللي بالمقدمة لانني لازلت بيخرب معي التطبيق دوما بس الطعمة ممتازة على كل رح جرب طريقتك لما جيب قرنبيط وبخبرك النتائج وشكرا لك

  2. سارونات 30 December 2008

    السلام عليكم و رحمة الله و بركاته
    جازاك الله خيرا اختي منى و اخيرا مقلوبة القرنبيط انا قريت الوصفة بسرعة بس بعدين ان شاء الله راح اقراها منيح و اكتبها
    اختي منى بالرد الجاي راح ابعثلك وصفة غراتان قرنبيط كتير بسيطة بس طيبة )) هيك قالو :grin )) و ان شاء الله تجربوها و تعجبكم يا رب
    بالتوفيق
    سلام

  3. منى 31 December 2008

    هلا غيوثة :)
    بعد زمان , الحمد لله على السلامة و انا اشتقت الك كتير و دايما على البال و الله :)
    ان شاء الله الكل كان تمام و الاخبار كلها حلوة

    ان شاء الله تجربيها و تحبيها , نور الموقع بوجودك مرة تانية غيوثة حبيبتي

  4. منى 31 December 2008

    هلا سارونااات :)
    لااا هيك تطور خطير بالاحداث :grin , مو مسدقة وصفة منك و كمان شكلها بيشهي
    الله يسلمك و يخليك و بانتظالر وصفات تانية منك :)

  5. سمسمة 31 December 2008

    الله يسلم ايديك منى أنا مالي مجربة المقلوبة بالزهرة بس بسمع عنها أنها لذيذة ان شاء الله بجربها عن قريب

  6. muna.g.7 1 January 2009

    عاشت الايادي اختي منى امس عملتها وطلعت روعه وخاصة انا اموت بطبخات القرنبيط يعطيكي الف عافية

  7. منى 2 January 2009

    هلا سمسومة :)
    ان شاء الله تجربيها و تحبيها ,. سهلة و طيببببة ;)

  8. منى 2 January 2009

    هلا منونة :)
    ريتو مية الف صحة و عافية و هنا بكل لقمة
    الله يعافي قلبك و بدنك , كتير انبسطت انك جربتيها و انها عجبتك ;)

  9. سارونات 2 January 2009

    السلام عليكم و رحمة الله و بركاته
    يخليلي ياكي اختي منى :grin نحنا عم نتعلم منك
    انا ما حبيت حط الوصفة غير بعد ما جربتها اكتر من مرة و ان شاء الله تجربو الوصفة و تعجبكم بعتلك كمان وصفة غراتان بطاطاخفيف ان شاء الله وصلت بالسلامة :zzz
    بالتوفيق
    سلام

  10. ام كريم 5 January 2009

    مرحبا حبيت من الصبح قوم اطبخ المقلوبة انا دايما بساويا بلبذنجان بس عجبتني الزهرة لان جوزي بحبا بس مقلية الله يستر اليوم لنشوف رديت فعلو من منظر وجهو ادعو يحبا لان جوزي حلبي والحلبية زويقا بلاكل

  11. منى 5 January 2009

    هلا ام كريم :)
    اكيد ان شاء الله بيحبها , هادا متل جوزي , زوقه صعب كتير و بيعرف لو مغيرة نوع البهار و الله :grin

  12. ام كريم 5 January 2009

    هلا فيكي اختي منى :) جربت المقلوبة وطلعت زابطة وانقلبة ولا رزة هرت عجنب اكل جوزي قلتلو طيبة قال طيبة بس شكل يعني مو عطول :grin بس المهم طيبة واكل بدون زور الحمدالله يعطيكي العافية اختي الغالية على هلاكلة انا حبيتا

  13. منى 6 January 2009

    الف هنا على قلبك و قلب ابو كريم , كتير انبسطت انك جربتيها و عجبتك :)

  14. سارونات 23 January 2009

    السلام عليكم و رحمة الله و بركاته
    اختي منى فيني اسأل ليش بهالمقلوبة شقف اللحمة بيكونو كبار يعني بس تغيير او في سبب معين :?
    بالتوفيق
    سلام

  15. منى 23 January 2009

    لا يا اختي بكل أنواع المقلوبة الاطيب انك تستعملي لحمة مقطعة قطع كبيرة ;)

  16. DOUHA 1 November 2009

    اليوم رح اعملا شكرا ;)

  17. DOUHA 2 November 2009

    عملتا انا اول يوم باكول زهرة بحياتي

    جد طيبة يسلموا منى

  18. منى 2 November 2009

    هنا يا احلى ضحى , و عافية يا رب على قلبك بكل لقمة :zzz

  19. farah 7 December 2009

    والله من زمان على بالي هالأكلة تخيلي أكلتها من وقت كنت مخطوبة بالاردن وطعمتها تحت سناني تسلم دياتك يا عسل :)
    انشاء الله بدي جربي اسمي جايبة زهرا بس اكيد جبهة الاولاد بدهم يعترضوا لأنهم بيحبوا منزلة الزهرا يا ترى بتعرفوها هي كتيييييير طيبة اذا مو موجودة بالموقع ممكن اضيفها بس كيف حبيبتي منى :?
    دليني عالطرقة والله عندي كم وصفة بتوقع يعجبوكم

  20. منى 8 December 2009

    هلا فروحة :)
    يا رب تجربيها و تطلع متل الي دقتيها و اطيب , شو بدنا نعمل كل الاولاد متل بعضهن و بينقوا على كتير اكلات :roll

    المنزلة موجودة بالموقع , ممكن تطلعي على الوصفة و تشوفي اذا في عليها ملاحظات و الا تمام , ايا وصفة حابة تشاركي فيها ممكن تبعتيها كرد و ان ان شاء الله رح انشرها باسمك ;)

  21. farah 8 December 2009

    ميرسي حبيبتي عالنصيحة واكيد رح شوف الوصفة واعطيكي رأي ونزل وصفة الكيك تبع المايكروويف

  22. منى 9 December 2009

    عم استنى ان شاء الله

  23. هبة 1 February 2014

    جربتها اليوم وطلعت كتير طيبة بس الرز ما استوى كله منيح ..بس النتيجة كمبتدئة طلعت أحسن بكتير من يلي توقعته ..يسلم ايديك

    • منى 1 February 2014

      عواقي و الف هنا و صحة

      ممم معناها كانت كمية المي قليلة بالنسبة للرز , ان شا الله المرة التانية بيطلع تماااام و ع زوءك

      نورتي

      • rania 13 February 2014

        ya3nee eza estakhdamt rez basmatee adesh lazem 7et kameyet el may

        • منى 16 April 2014

          المفروض كل كاسة رز بسمتي بتاخد كاسة و نص مي :)

  24. سارة 29 February 2016

    الله يعطيك العافية
    اليوم طبختها من وصفتك
    بالعادة المقلوبات كلها مابيزبطو معي بس هالمرة ظبطت معي وطلعت طيبة
    شكراً كتير

    • منى 2 March 2016

      مليون عافية سارة شكرا كتيررر :)

تقييم الوصفة
عاديةقد أحضرهاجيدةممتازةأكثر من رائعة (3 votes, average: 4.67 out of 5)