مكدوس الباذنجان


         وصفة : منى                 2007/09/12                 25 تعليقات

آخر تصويت


آخر تعليق

مكدوس الباذنجان



5 كيلو باذنجان تاتفي
3 - 4 ملعقة كبيرة ملح خشن صخري
زيت زيتون حسب الحاجة


الحشوة :

نصف كيلو فليلفة حمراء ( 3 حبة كبيرة جداًً )
رشة صغيرة من الملح الصخري
2 كوب جوز مفروم
4 فص ثوم





• يختار الباذنجان بحيث تكون حباته صغيره و من النوع المدعبل و ذو اللون الفاتح الباذنجاني و ليس الأسود ثم ينزع الجزء الأخضر من كل حبة و يغسل و يوضع على مصفاة .
• يسلق الباذنجان على دفعات , تملئ طنجرة كبيرة بالماء حتى منتصفها و توضع مع حبات الباذنجان على نار مرتفعة و تترك حتى تغلي , تغطى بغطاء أصغر من القدر كي لا تطفو الباذنجانات و تسلق لمدة 10 – 15 دقيقة أو حتى تطرى الحبات عند الضغط عليها بالإبهام و السبابة , لا يسلق الباذنجان زيادة كي يحافظ على تماسكه و شكله .
• بعد أن يطرى الباذنجان يرفع على مصفاة و يترك حتى يبرد قليلاً ثم تؤخذ كل حبة باذنجان و يفتح شق بالطول في منتصفها باستخدام الإبهام مع الانتباه كي لا تشق الحبة ثم يملئ الشق بنصف أو ربع ملعقة صغيرة من الملح حسب حجم الحبة , يستخدم الملح للتخلص من الماء الزائد في الباذنجان و للحفاظ عليه من العفن .
• ترتب حبات الباذنجان المحشية بالملح على مصفاة بحيث يكون الشق للأسفل على شكل طبقات ثم تغطى بطبق مسطح أصغر من المصفاة و يوضع عليها ثقل كبير كي يساعد الباذنجان بالتخلص من كل ماءه و يترك لمدة 12 ساعة في مكان بارد أو حتى يجف من الماء تماماً ( أنا أضعه في الشرفة ) .

• في اليوم التالي يرفع الثقل , ستكون حبات الباذنجان أصبحت رقيقة و جافة و ستلاحظين الكثير من الماء في الوعاء تحت المصفاة .

• تحضر الحشوة : تنتقى حبات الفليلفة بحيث يكون نصفها حلو و نصفها حرّ ثم تغسل الفليلفة و تفرم مكعبات صغيرة جداً و ترش بالقليل من الملح و تترك في البراد لمدة ساعتين أو حتى تنزل كل مائها ثم تنشر في الشمس لمدة ساعتين تقريباً .

• يفرم الجوز ثم يخلط مع الفليلفة و الثوم المهروس و نصف ملعقة كبيرة ملح , أصبحت الحشوة جاهزة .
• تحشى حبات الباذنجان بحشوة الفليلفة المجهزة ثم تصف في المصفاة بحيث يكون الشق للأسفل و تكرر عملية تثقيله بالثقل و يترك المكدوس لمدة 6 – 8 ساعات تقريباً .

• أصبح المكدوس جاهزاً , يصف في مرطبان زجاجي و يغمر بزيت الزيتون بحيث لا يبقى أي جزء و لو صغير غير مغطى بالزيت و يترك لمدة أسبوع حتى يستوي و يصبح جاهزاً للتقديم .

طريقة تفريز المكدوس :

• كي لا يهدر زيت الزيتون بكميات كبيرة يمكن حفظ المكدوس في الفريز , بعد كبس المكدوس للمرة الثانية تقسم حبات الباذنجان على أكياس صغيرة و تغلق الأكياس بإحكام ثم توضع بالفريز حتى وقت الحاجة , و عند اللزوم يخرج كيس المكدوس و يوضع في مصفاة حتى يفك عنه الثلج تماماً ثم يرتب في مرطبان صغير و يغمر بزيت الزيتون و يترك لمدة أسبوع تقريباً حتى يصبح جاهزاً للتقديم .


سر الطبخة :

• أهم سر في تحضير المكدوس هو تثقيله بشكل جيد كي يتخلص تماماً من الماء و إلا فانه سيفسد و يتعفن .

• لا تستخدم كمية كبيرة من الثوم كي لا تطغى على نكهة الباذنجان و الفليلفة و الجوز .

• يمكن استبدال الفليلفة بدس الفليلفة و لكن الطعم سيكون أطيب بكثير باستخدام الفلفيلة الحمراء الطازجة


  • وصفات تانية ممكن تعجبك


التعليقات

  1. بدور 17 September 2007

    الله يسلم هالايدين الحلوين يا رب والله وصفك مافي أوضح منو خصوصي إنو مع الصور الله يباركلك بوئتك وعملك يا رب ;)

    فعلا المكدوس طيب كتير عالسحور نحنا لسا ما عملناه هالسنة عمنستنى ينزل الباتنجان الناعم :roll

  2. منى 17 September 2007

    أنا لحقت لي شوي مشان رمضان , الواحد بيحتار شو بده يحط للسحور :)

    الله يسلمك بدور , و لا يحرمني من هل الدعوات الحلوة :)

  3. Eman 14 February 2008

    جاي على بالي أعمل مكدوس. :p

    أنت ذكرت أنه لازم يون لون الباذنجان فاتح ، أنا شفته كله نفس اللون ، بعدين ما بعرف إذا موسم الباذنجان هون متل بلادنا، بخاف يطلع مر متل ماقلتي وتخرب الطبخة :upset

    شغلة تانية ، عيلتي بس شخصين ،برأيك شو الكمية المناسبة إلها؟ وبما أنه رح أعمله تجربة أولى إلي مابدي يطلع كتير ،وبقية المكونات شلون رح أقللها، لا تواخذيني مو شاطرة كتير وبدي أتعلم بالمسطرة والقلم(يعني بدي تعبك معي) :roll

    بس بعرف بتعزيني بسعر أختك الصغيرة ورح تتحمليني :zzz ،هههه مصدقة حالي كتير ،مو؟

  4. منى 16 February 2008

    هلا أمولة , اي سدقي حالك و اطلبي و ادللي , ايه انا كم أخت ديجيتال عندي ;)

    أمولة إذا هادا البانجان الي طالع بالصورة مو متوفر فنصيحة لا تجربي :roll ما رح يطلع متل المكدوس و بعدها حرام تعبك :sigh

    الكمية فوق بتعطيك تقريباً ثلاث مراطبين من القياس الوسط , إذا قسمتيها بالنص كتير منيحة لعيلتك كتجربة أولى :)

  5. قهوه مُره 12 September 2008

    كيفك منى…أنا صرلي زمان مشتركه بالموقع بس ماعم بعرف كيف إتواصل معكم..المهم أكلاتك يلي جربتها بتجنن..بس بدي إسألك أنا لما عملت المكدوس ماتصفى من المي مظبوط شو ممكن يؤثر على المكدوس هدا الشي…هل ممكن يتلف..أفيديني أفادك الله…

  6. منى 12 September 2008

    هلا أختي :) نورتي و نور الموقع و عوافي على كل شي جربتيه

    هلا إذا ما نشف من المي رح يفسد لان هل المي البقيانة فيه رح تخليه يهلط أو يعفن ..

    إذا ما في مجال تنشفييه منيح من المي , أنصحك تحفظيه بالفريزو تطالعي شوي على حسب حاجة العيلة عندك و تاكلوه أول بأول , بركي ان شاء الله بيمشي الحال :roll

  7. ام ناصر 12 September 2008

    اخت منى شكرا عالوصفة قد جربتها كذا مرة وطلعت تمام لكن اخر مرة عملتها طلعت مالحة مو عارفة السبب كيف ممكن اتخلص من الملح الزيادة

  8. منى 13 September 2008

    هلا ام ناصر , مشكلة الملح الزيادة أو الحرّ الزيادة ما الهم حل :roll
    الحل الوحيد لحتى تستفيدي من المكدوس انك تقدميه بشكل سلطة تفرمي معه بندورة و تتبليه بزيت المكدوس و كمون و فليلفة حمراء ناعمة و تقدمييه , مرّة أنا هيك صار معي و المكدوس كله طلع مالح , بس مع هل السلطة خلصت كل مونة المكدوس و صارت من سلطات أولادي المفضلة على العشاء 8)

  9. Arlette 2 July 2009

    Marhaba Mona,
    Finally I was able to use your program and sign, sorry for my late visit, I want to ask you about freezing the eggplant? does it retain its shape and texture after taking it out of the freezer. :)

  10. منى 8 July 2009

    Hi Arlette :)
    you r welcome dear , I`m sorry 4 the problems .
    For this recipe the eggplant wont be affected after freezing :)

  11. آرام 16 October 2009

    مرحبا أخت منى
    فعلاً المكدوس من ألذ أطباق الفطور إن لم يكن ألذها على الإطلاق .. بعرف طريقته من زمان وهي نفس طريقتك تماماً بس ما تجرأت سابقاً أعمله وكنت محروم منه سنين طويلة .. البارحة انتهيت من تحضيره وحطيته بالمرطبان وبعد أسبوع بخبرك النتيجة .. عملت 2 كيلو بس لأنها أول مرة بس ما بتكفي وأكيد رح أعمل كمية أكبر بأقرب وقت .. للأسف ما لحقت جهز الفليفلة الحمرا فاستخدمت دبس فليفلة .. المرة الجاية إن شاء الله رح أستخدم الفليفلة الطازجة :)

  12. منى 16 October 2009

    هلا ارام :)
    سبحان الله انا كمان حشيت مكدوساتي من يوميين .
    ان شاء الله يطلعوا طيبين و على زووءك و تمام و كتير ناس بتعمل متلك , ان تحشي المكدوس بالدبس و كله طيب .

    ان شاء الله هنا و صحة مقدما و عم استنى رايك بعد التذوق .

  13. آرام 22 October 2009

    مرحبا أخت منى
    أفطرت من المكدوس اليوم الصبح .. كنت متفائل كتير بس للأسف النتيجة كانت مخيبة للآمال :sigh
    الطعمة طيبة ومو ناقصه غير شوية ملح .. المشكلة أن المكدوس كان قاسي .. قطعته بالسكين مع أن المفروض أنه ينهمس بالخبزة .. الظاهر أني ما سلقتهم كفاية مع أني على حد علمي عملت متل مو مذكور بالوصفة تماماً :roll
    يا ترى ممكن المكدوس يطرى شوي مع الوقت ولا خلص رح يضل هيك :?
    بكل الأحوال .. حيتاكل يعني حيتاكل :x
    المصيبة أني تسرعت وعملت كمية مكدوس تانية من يومين وبنفس الطريقة وخايف تطلع النتيجة نفسها :upset
    وإذا كانت المشكلة في السلق فالمخلل كمان رح يطلع قاسي لأني سلقته بنفس الطريقة :cry

  14. منى 22 October 2009

    :roll كله رح يطلع نفس النتيجة ما دامك سلقتهن بنفس الطريقة , هو ادق خطوة في تحضير المكدوس و كمان المخلل سلقه , لان اذا كان قليل رح يطلع قاسي و اذا جرت عليه رح ينهمس , بقى متل ما اتوقعت كله رح يكون متل بعضه و ما رح يطرى :sigh

    و الله ما بعرف شو بدي قلك , يلا عوضك على الله و ان شاء الله اذا غير مرة اتشجعت و جربتهن يطلعوا منااح

  15. آرام 4 November 2009

    مرحبا أخت منى
    حبيت أخبرك أن الوجبة التانية من المكدوس طلعت أفضل بكتير من أول وجبة .. يبدو أني سلقت تاني وجبة بشكل أفضل أو ربما نوع الباذنجان مختلف .. عملت وجبة ثالثة وطلعت جيدة جداً .. بس يمكن سلقتها شوي زغيرة زيادة :)
    بكل الأحوال هيك وصفات ما بيأس منها ومصر على تكرارها حتى تزبط متل ما بدي لأني ما بستغني عنها.

  16. karmen 20 December 2009

    مرحبا منى كيف حالك شكرا لك على كل الوصفات والنصائح بدي اسالك عن المكدوس بعد مانضعه في المرطبان مع الزيت ونقفله بفور الزيت برجع بفتحه متى استطيع ان اغلقه تماما ومايفور الزيت وينكب وتسلم ايديكي على كل شىء

  17. منى 21 December 2009

    هلا ارام :)
    انا كتير اسفة للمشاكل الي صارت معك و متل ما قلت , في وصفات التجربة هي اكبر معلم الها و هي واحدة منهم لان اد ما حدا شرح و حكى مو ممكن تعرف درجة البانجان المطلوبة للسوا الا بالتجربة :roll

    بكل الاحوال الحمد لله ان التجربة الاخيرة كانت منيحة و الف هنا و صحة يا رب

  18. منى 21 December 2009

    هلا كارمن :)
    احيانا ممكن يفور الزيت و لحتى تحلي المشكلة ممكن تحطي تحته طبق لحتى ما ينزع الدنيا :roll

    ممكن ترجعي تسكريه بعد يوم او يومين , حسب حجم مرطبانك و انا عني ما بفتحه حتى لو فار ;)

    الله يسلمك و يحفظك اختي

  19. rasha26 2 August 2010

    هاي كيفك منى لو سمحتي عندي سؤال أنا عملت مجدوس أول مرة بس في مشكله طلع مالح كتير
    عندك إقتراح إلي ممكن ازابطه أو أعمل إشي
    أرجو إنك تساعديني
    شكرا :cry :cry :cry :cry :cry :cry :cry :eek :eek :eek :eek :eek :eek :eek :eek :eek

  20. منى 3 August 2010

    لا بعد ما طلع مالح ما عاد يزبط , ممكن تعملي منه سلطة مع بندورة و بقدونس و تحضريها من دون ملح ابدا بتطلع طيبة كتير ;)

  21. م نور 18 September 2010

    كيفك حبيبتي
    ان شاء الله تكوني بخير
    والله يجزيك كل خير والله قد ما دعينالك ما منوفيك عقد ما فكيتيلنا ازماتنا بلطبخ بالزات بالغربة والاهل بعاد انو نسالن
    كان بدي اسالك حبيبي عن نوع البيتنجان
    انا جبت صغير مدعبل بس لونو غامق بينفع ولا بيكون مر؟؟
    بيني وبينك بس المهم ما يطلع مر لان شو ما كان رح اكلو خخخخخخ

  22. م نور 18 September 2010

    بتصير الفليفلة تكوني رومي؟؟

  23. هشام 22 July 2011

    مرحباَ…. هل من الممكن طهي البذنجان بواسطة البخار Steaming بدل السلق بحيث نقلل كمية المياه التي نود التخلص منها لاحقاَ منعاَ للعفن؟ شكراَ

  24. منى 22 July 2011

    و الله يا اخي ما اتوقع بيصر , بس فكرة انو واحد يجرب على كمية قليلة ليشوف شو النتيجة
    هلا فيك

  25. منى 22 July 2011

    هلا نور :)
    من زووءك حبيبتي , ان شاء الله الف الف صحة و مية هنا يا رب

    جربي دوقيه اذا كان طعمه ما فيه مرار ان شاء الله بيمشي حالهو الفليفلة بتقدري تستخدمي النوعية الي متوفرة عندك , بس لو كانت ريقية بيكون اطيب ;)

تقييم الوصفة
عاديةقد أحضرهاجيدةممتازةأكثر من رائعة (2 votes, average: 3.00 out of 5)