مناقيش على الطواية


         وصفة : منى                 2008/11/11                 30 تعليقات
مناقيش على الطواية

·          ترق العجينة لدوائر رقيقة نوعا ما حسب حجم الطواية عندك, تمد اول رقاقة عجين على الطواية و تدهن بزيت الزيتون ثم يرش فوقها الزعتر , و يمكن أن تدهن بحشوة الفليلفة .

·          توضع الطواية على نار متوسطة إلى قوية و تترك لبضع دقائق حتى تنضج ثم تقدم المنقوشة فوراً .




عجينة العشر دقائق
زيت زيتون
زعتر





• ترق العجينة لدوائر رقيقة نوعا ما حسب حجم الطواية عندك, تمد اول رقاقة عجين على الطواية و تدهن بزيت الزيتون ثم يرش فوقها الزعتر , و يمكن أن تدهن بحشوة الفليلفة .

• توضع الطواية على نار متوسطة إلى قوية و تترك لبضع دقائق حتى تنضج ثم تقدم المنقوشة فوراً .


  • وصفات تانية ممكن تعجبك


التعليقات

  1. سلاف 11 November 2008

    يسلمو هالايدين منى 00 مافي اطيب من المناقيش انا كمان بعمل البيتزا احيانا متل المناقيش برق العجينه كتير وبحطها بمقلي يكون صفح او كبير شوي على نارهادئه وبعد مايستوي الطرف الاول بقلب العجينه عالطرف التاني وفورا بضيف معلقتين من خلطة البيتزا والجبنه وبتركهادقيقه لتتحمر العجينه من الطرف التاني وعنجد بتطلع بتجنن00 وأحيانا اذا كنت مستعجله بعمل المناقيش على الصامولي مدري شو بسموها بسورياالمهم بفتحه نصين بالطول بحط الخلطه سواء زعتر او فليفله او خلطة بيتزا فوقها الجبنه وبصفهن بالصينيه وبدخلهن الفرن شيئ يتحمروو يعني هي عالسريع اذا مو جاي عبالي لا عجينه ولا شيئ ،،،كمان بيطلعو طيبين شهتيني على مناقيش الزعتر رح قوم ساوي لأولادي عالسريع يفطروووو
    شكرا الك منى 8)

  2. قهوه مُره 11 November 2008

    جزاك الله خير…بدي إسألك الطوايه هيي المئلايه..طيب وبئدر إعمل بنفس الطريئه بالجبنه..إنصحيني أية أطيب أنواع الجبنه وشو بضيف إلها..وبالنسبه للزعتر بخلطه مع الزيت ولا أفضل كل واحد لحاله .أفيديني أفادك الله..شكرا لك عزيزتي..بالمناسبه مبروك خطبة أخوكي

  3. منى 11 November 2008

    هلا سلاف :)
    ممم , عملتي البيتزا بنفس الطريقة , يا عيني ليك
    رح جربها ما أسهلها البيتزا هيك
    الطريقة بالصمون اسمها البيتزا الفرنسية
    يلا هنا و عافية على الفطاير و على هل الفطور الطيب , لا تنسي جنبهن كاسة شاي و كمان لا تنسي تحسبي حسابي :zzz

  4. منى 11 November 2008

    هلا أختي قهوة :)
    الله يبراك بعمرك و بدنك و بصحتك

    الطواية هي المئلاية بس انا استعمل لهل الوصفة طواية غير لاصقة.
    انا ماجربتها بالجبنة بس اتوقع انها بتصير
    انا بستعمل جبنة بيضاء عادية و ممكن مزيج من جبنة بيضاء مع حلوة أو جبنة بيضاء مع موتزاريلا
    ممكن تضيفي أي شي بيعجبك للجبنة متل نعناع ناشف مع فليلفة أو نعناع أخضر أو بقدونس انت و زووءك
    الزعتر انا شفت ان أدهن الفطاير بالزيت و بعدها رشها بالزعتر أسهل بكتير و لا بيزيد عندي من خلطة الزعتر و الزيت

  5. سلاف 11 November 2008

    حسبت حسابك بمنقوشه بس انتي تاخرتي قامو اكلوها الأولاد يامنى :zzz
    والله انا ما بعرف شو اسمها البيتزا اللي بتنعمل عالصمون بس دقتها مره وعجبتني الفكره وصرت ساويها 00 بتعرفي اليوم الصبح اتذكر شو بنسمي الصامولي بسوريا وانه اسمه صمون ما بقى اتذكر أبدا والله الغربه نستني شغلات كتييييييييييير
    وشكرا على معلومة كبة الارز عراقيه مع اني اكلتها عند وحده لبنانيه وماسألتها شون جنسية هالاكله وناطره مقاديرها منك
    اناشاطره بس اكل واذا عجبتني الأكله باخدطريقتها ومابسأل من اي بلد المهم طيبه وبس 8)
    شكرا منى

  6. منى 11 November 2008

    ان شاء الله بترجعي سالمة و غانمة من الغربة , ان شاء الله تكوني مبسوطة ..

    يلا اذا كانوا الاولاد هنا و الف افية على قلبهن
    اي اكيد المهم تكون الاكلة طيبة , بس انا عكسك , بحب انكش الوصفة و اصلها و فصلها :x

    ان شاء الله بنزل الك الوصفة هل الاسبوع اذا الله راد , و عافية مرة تانية على الفطاير

  7. ام نور 12 November 2008

    سبحان الله يا منى هل مناقيش كنت اعملا لما كان فرني خربان كون مشتهية عليا فاعملا بالطواية بس حسا ما بتطلع متل ما تكون مخبوزة بالفرن 8)

  8. منى 13 November 2008

    بتطلع طيبة و الاهم سريعة :zzz

  9. بدور 14 November 2008

    يم يم يم اكتر وصفات بحبها يلي بتكون سهلة وسريعة ومضمونة ان شاء الله بما إني مبتدئة ;)

    والمناقيش يا سلام ما اطيبها بكافة انواعها :p
    الله يسلم دياتك الحلوين يا رب كتير حبيت هالوصفة 8)

  10. منى 18 November 2008

    هلا بدورة :)
    الله يسلمك حبيبتي , سهلة ان شاء الله تجربيها و تكون متل ما بتحبي ;)

  11. الدمشقية 24 December 2008

    المناقيش طيبة كتير خصوصاً أني اليوم أنا ورفقاتي بالشغل طلبنا فطاير وشو اجت فطاير 8) من كتر ما ضحكنا عليها :grin لأنه بصراحة كان لازم يكتب عليها الله وكيلك كل وحدة لقمة وكل نوع سعره أغلى من التاني :grin ومثل ما بيقول المثل شر البلية ما يضحك :grin
    والله لما بساويها بالبيت بطير عقلهن اهلي بتطلع ظريفة بس شو بدنا نساوي قال اشتهينا بالشغل واشترينها ويمكن بطلنا نشتهي شي :cry

  12. منى 24 December 2008

    و الله معك حق , على هل الغلى الي صاير كل شي عم يصغر و يرق و بعد شوي رح ينمحق :roll
    رح اسالك عن محل فطاير طيب بالشام , لان كل ما بشتهي على فطاير و نحنا مسافريين على الشام و بجيب ما بتطلع طيبة متل فطاير حلب , فبقول لحالي باين علي غريبة :grin

  13. نوارة 21 August 2009

    ميمو بس بدي اسألك انتي بتعملي العجينة (العشر دقائق) بنفس المقادير الاصلية ولا بتحطي بدل الماء زيت او حليب لانو حابة اجربها بس بدي اجربها بأطيب طريقة

  14. منى 22 August 2009

    هلا نوار :)
    انا بعملها متل المقادير تمام , احيانا بستبدل نص كاسة مي بنص كاسة لبن و احيانا بستبدل الزيت بالزبدة و سمسومة بتعملها بالحليب , المهم كيف ما عملتيها بتطلع يمم ;)

  15. الدمشقية 7 October 2009

    ربي يخليلي منى وأفكارها يا رب
    بالفعل عملتها وطلعت بتاخد العقل
    وبنا اختي وخصوصاً (منى) حبتها وطار عقلهم كلهم فيها صغار وكبار

  16. منى 7 October 2009

    هنا و الف الف علة البك و الب القطط الصغيرة و كل الكبار يا رب بكل لقمة :)

    كل سنة و انت و كل عيلتك بخير و سلاامي لمنى :grin

  17. الدمشقية 21 October 2009

    ربي يسلمك ويخليكي
    بتعرفي يوم الجمعة الماضية قالتلي مشان الله علميها هالطريقة لماما مشان تساويلنا ياها بالبيت
    ربي يخليلي ياكي اختي منى ويكرمك ويعطيكي من عطاه يا رب وانتي وجميع الأخوات بهالموقع ;)

  18. منى 23 October 2009

    ابوس عيونك دمدومة على هل الدعوة الحلوة , ان شاء الله الك متلها و اغلى يا حق و الله يخليلك العيلة كلهم بخير ;)

  19. رغد غسان علاء الدين 17 February 2011

    مممممممممممم بموت عالمناقيش والفطاير وهالقصص بحسها بتجمع صفتين..الحداثة والتجديد وبنفس الوقت ما هيي شي شغل نقنقة..لا شي بيشبّع مية بالمية..يعطيك العافية ميمو..وكمان رح جربها انشالله

  20. رغد غسان علاء الدين 17 February 2011

    عزيزتي منى..يعني منحط شوية زيت بأرض الطواية؟؟ ولا الزيت عالجينة بعد ما انحطت بالطواية ورح نحط الزعتر؟

  21. منى 17 February 2011

    لا رغودة انا ما بدهنها , بس هي ضروري تكون تيفال و العجينة رقيقة شوي و النار متوسطة الى قوية ;)

  22. رغد غسان علاء الدين 18 February 2011

    أوك..عــُلــِم يا جميــل ;)

  23. رهف 24 March 2011

    مسا الخير أختي منى :

    شكرا كتير الك بصراحة امبارحة أنقذتيني ماكنت محضرة شي للعشا وقبل مايوصل زوجي عالبيت بربع ساعة كنت فاتحة الموقع وصدفة شفت هالطريقة السهلة والسريعة والطيبة فما ترددت أبدا اني ساويها,كتير طيبة وخصوصا اني محرومة من الفطاير بهولندا تسلم ايديكي

  24. منى 24 March 2011

    صحتين و عوافي رهوفة على البك و البه :)
    صار الك فترة غاطة , ان شاء الله خير :zzz

  25. رهف 26 March 2011

    أنا عبحاول ديما اني أكون موجودة بس عندي 3 أولاد صغار وأخدين كل وقتي
    بس ردودك الرائعة بتخليني ديما أفتح الموقع وأقرأ كلماتك يلي بتخلي الواحد عنجد متفائل

  26. لوليتا 20 June 2011

    السلام عليكم ، يعطيكي العافية اخت منى على الوصفات الرائعة، من زمان بتابعكم بس هلق حبيت انضم لكم، و من اولها عندي سؤال ، كيف منرق العجينة، و هل هي رخوة؟؟؟
    ارجو افادتي لاني رايحة اجربها هلق.

  27. منى 21 June 2011

    مية هلا فيك رهف :) منورة الله يخليلك القطط و تشوفيهن باعلى المراتب يا رب ;)

  28. منى 21 June 2011

    و عليكم السلام و رحمة الله و بركاته , منورة اختي لوليتا :)
    العجينة بتكون مو رخوة , لينة بس متماسكة و ن=ترق بسماكة ااقل من نصف سم ;)

  29. لوليتا 26 June 2011

    ما شاء الله ، جربتها و طلعت بتعقد، تسلم ايدك منى،اليوم اجاني ضيوف فجأة و عملتها و طلعت واو.

  30. منى 26 June 2011

    صحة يا رب :)
    منورة حبيبتي

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)