منزلة القرنبيط


         وصفة : منى                 2009/01/07                 15 تعليقات
منزلة القرنبيط

·          تقطع حبة القرنبيط لزهرات ثم تقلى بالزيت حتى تشقر , ترفع على ورق ماص للتخلص من الزيت الزائد .

·          تذوب السمنة على النار ثم يقلب فيها الثوم قليلاً , تضاف اللحمة و تقلب حتى تنضج و يجف مرقها ثم تتبل بالملح و البهار و الكمون .

·          تضاف حيات القرنبيط المقلية و تغمر بالمرق و تضاف الكزبرة الخضراء في حال استعمالها .

·          تترك المنزلة على النار لمدة ربع ساعة أو أقل حتى تطرى حبات القرنبيط مع مراعاة أن لا يترك لوقت إضافي كي تبقى الحبات محافظة على شكلها الجميل .

·          تقدم مع رز مفلفل بالشعيرية و عصير الليمون أو سلطة حامضة و المزيد من الكمون لمن يرغب .

وصفات تانية ممكن تعجبك :

مقلوبة الفرنبيط

غراتان القرنبيط على الطريقة الفرنسية

قرنبيط بالطحينة

قرنبيط بالتتبيلة الخاصة

مخلل الخضار المشكلة

 




رأس قرنبيط متوسط الحجم ( زهرة )
ملعقة كبيرة سمنة
ربع كيلو لحمة مفرومة ناعم
3 – 4 فص ثوم مهروس
ملح و بهار مشكل
رشة كمون
2 - 3 كوب مرق





• تقطع حبة القرنبيط لزهرات ثم تقلى بالزيت حتى تشقر , ترفع على ورق ماص للتخلص من الزيت الزائد .

• تذوب السمنة على النار ثم يقلب فيها الثوم قليلاً , تضاف اللحمة و تقلب حتى تنضج و يجف مرقها ثم تتبل بالملح و البهار و الكمون .

• تضاف حيات القرنبيط المقلية و تغمر بالمرق و تضاف الكزبرة الخضراء في حال استعمالها .

• تترك المنزلة على النار لمدة ربع ساعة أو أقل حتى تطرى حبات القرنبيط مع مراعاة أن لا يترك لوقت إضافي كي تبقى الحبات محافظة على شكلها الجميل .

• تقدم مع رز مفلفل بالشعيرية و عصير الليمون أو سلطة حامضة و المزيد من الكمون لمن يرغب .

وصفات تانية ممكن تعجبك :

مقلوبة الفرنبيط

غراتان القرنبيط على الطريقة الفرنسية

قرنبيط بالطحينة

قرنبيط بالتتبيلة الخاصة

مخلل الخضار المشكلة






  • وصفات تانية ممكن تعجبك


التعليقات

  1. سلاف 8 January 2009

    صباح الورد لاغلى منى
    يسلم ايديكي يارب لما شفت الصوره فرحت كتير لأن هيه الاكلة المفضله عندي بالزهره 00 ماما الله يخليلي ياها كانت عطول تعملها وتعلمتها منها00 وانبسطت كتير انه متل طريقتك :zzz
    والله الواحد عم يحتار شو بدو يعمل عالغدا كل يوم ذكرتيني بهالاكله
    منى بكره عندي عزيمه وبدي اعمل الكبه المشويه عطريقتك ان شاء الله بتنجح معي
    بكره يبقى بخبرك بالنتيجه ان شاء الله :roll
    جربت من كم يوم كاتو شوكلاكولا وطلع يمييييييي بجنن طعم ولون وصوره 8)

  2. منى 8 January 2009

    هلا سلاف :)
    صباح الفل و الياسمين و الورد الجوري , مم و الله معك حق هي أكلة طيبة كتير بهل الشتوية
    منيح الي ذكرتك فيها , هنا و عوافي لما رح تعمليها

    الله يسر عليك العزيمة و يهونها و تطلع ناجحة كلها , عم استنى شو بيصير معك على الكبة

    و الف هنا على الشوكولا كولا , ريتو عافية و صحة يا رب :)

  3. ميساء 8 January 2009

    يسلمو ايديكي هي من أطيب الأكلات عندي وفعلا بالشام ما منطبخ هالأكلة بلا كزبرة ابدا بس أنا بحط التوم والكزبرة باخر خمس دقائق وعلى البارد يعني بدون تقلاية وبتطلع النكهة طيبة كتير وشكرا لك غاليتي ويخليلنا هالموقع وصاحبتو يلي عم تقدم المطبخ السوري للعالم بطريقة حلوة

  4. غيث 8 January 2009

    مسا الخيرات على الحلوات كيفك ميمو الله يسلم دياتك يا حق والله ماما بتعملها متل طريقتك تمام بس بدون كزبرة خضرة وكتير بحبها من تحت دياتها شكرا الك انك عبتذكرينا بهالاكلات اللذيذة

  5. منى 8 January 2009

    هلا ميوسة :)
    كمان فكرة طيبة الي قلتي عليها و رح تطلع فريش , انا بحن كتير نكهة التوم و الكزبرة , يعني ماشين مع بعض تمام متل زوجين حلويين :grin

    الشكر الك لردك و كلامك الحلو و هادا بس من زووءك يا عسل

  6. منى 8 January 2009

    هلا غيوثة :)
    انا الحمد لله منيحة ,. ربي يسلمك و يحفظك و يخليك , اذا بتحبي الكزبرة فيك تجربيها معها لان بتطلع لسا اطيب :zzz

  7. ام نور 9 January 2009

    سلمون يا منى الصراحة هالاكلة اكلتا مرة عند حبيبة قلبي ندا شو عجبتني فعلا كتير طيبة وتغير شكل

  8. سلاف 10 January 2009

    كيفك منى :zzz
    امبارح ساويت الكبه المشويه على طريقتك وطلعت بتجنن كتير عجبتهن لضيوفي بس انا حسيتها ناشفه شوي يمكن شحمتها قليله 000 سألوني سؤال وماعرفت جاوب قلتلهن لئسئل منى حتى لاافتيكم بما لا ادري 8)
    منى الكبه المشويه اذا زادت هبرتها كتير عن البرغل بتطلع ناشفه ولا بتطلع اطرى بالشوي؟؟؟؟؟؟؟
    المقليه اكيد بتطرى لان صايره معي اول ماعملت كبه مقليه من اربع سنوات بس المشويه عالفحم حصرا شووو؟؟؟
    وكمان سؤال انا خليت كم قرص بالفريزه هلا اذا بدي اشويهن بالفرن بشويهن عادي ولا لازم حط سمنه ؟؟؟؟ والكبه اذا مو مشويه لسه أديه بتضاين بالفريزر؟؟؟
    والله يامنمن الله يخليلي ياكي بيضيتلي وجهي من قلبي ومن جواته شـــــــــــــكرا مليون :)

  9. منى 14 January 2009

    هلا سلوفة :)

    اسفة للتاخر بالجواب , اليوم أخر يوم امتحانات عند اولادي يعني اليوم افراج و هلا كنت فايتة نام بس اتزكرت سؤالك قلت لجاوب احسن ما اتاخر عليك أكتر من هيك :zzz

    الكبة بتكون ناشفة من قلة الشحمة و الهبرة ما الها علاقة بالعكس كل ما كانت كميتها مناسبة مع البرغل رح تطلع أطيب بعد الشوي , يعني المشكلة بالشحمة ;)

    الي شاتيهم بالفريزر كان الاحسن تشويهم قبل و بعدها تسخنيهم عادي بالفرن , هلا أتوقع ان بدها بس شوية سمنة , بس انا مو مجربة :roll

    الشكر الك و لتجربتك وصفاتي و ثقتي في :)

  10. أم الهدى 14 January 2009

    حبيبتي منى أنا كتبت بهالصفحة تعليق وفيه وصفة بس الظاهر كأنو ما طلع

  11. الدمشقية 22 January 2009

    منزلة بزهرة طيبة كتير بس نحن ماما بضيف عليها شوية رب بندورة لتغيير اللون فقط
    والكمون كل واحد بيحط بصحنه وطبعاً متلك ما بنحط كزبرة بقلب الطبخة بس للتزيين على وش الصحن ممكن شوية كزبرة
    يمممممممممم ومع الحمض شي بشهي بجد :grin
    وممكن اعطيك وصفة ثانية للقرنبيط
    القرنبيط بتقليه بالزيت مع ثوم وكزبرة شي بشهي طبعاً بس بتكوني مقطعة القرنبيط قطع صغار نوعاً ما
    واما أوراق القرنبيط بنقشرها وبنقطعها وكمان بنطبخها بالزيت وبنحط معها ثوم وكزبرة

    تسلم ايديكي يا امهر طباخة

  12. منى 22 January 2009

    هلا ام الهدى :)
    طلع و حفظت الوصفة , الله يعطيكي الف الف عافية عليها , شكلها بيشهي ;)

  13. منى 22 January 2009

    ممم , دمدومة انت لما بتحطي انا بحس حالي لازملي جولة على البراد … جعت انا :grin

    سبحان الله هل الوصفة محضرتها و كنت ناوية نزلها , بس هلا اتاجلت لبعد المنيو التركي , ما في اطيب و لا اسهل منها.

    بكرة أو عده رح تكون وصفتك على الصفحة الرئيسية مصورة و معلقة فوق , ابقي زوريها ان شاء الله :zzz

  14. farah 8 December 2009

    يا ستي يعطيكي ألف عافية ما قصرتي يعني معلمة بالمطبخ السوري بشكل شامل
    ومتل ما ذكرت الأخت ميساء مزبوط ما بنقلي لا الثوم ولا الكزبرا وبنحطهم آخر الشي فقط غلوة
    والله احترت رجعتي شهيتيني هالأكلة شو أعمل هلأ المقلوبة ولا هي :zzz
    والله شكلي رح اقلي الزهرة مع حبتين بطاطا وخليها مقالي لوحدها مع رشة كمون وعصرة حامض ويا سلاااام :grin

  15. منى 9 December 2009

    اسهل شي :grin

    يلا نوعي الشتا لسا باوله و كل شوي حضري وصفة , ممم و انا كمان اشتهيت و الله :zzz

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)