ميني صمون بعجينة العشر دقائق


         وصفة : منى                 2008/04/02                 73 تعليقات
ميني صمون بعجينة العشر دقائق


التخميرة الأولية :

فنجان قهوة سكر
2 ملعقة كبيرة خميرة فورية
2 كوب ماء دافىء
نصف ملعقة صغيرة ملح
2 كوب طحين

باقي المقادير :

3 كوب طحين
نصف كوب زيت

للوجه :

بيضة مخفوقة
حبة بركة أو سمسم





• تخلط مقادير التخميرة الأولية مع بعض و تترك لمدة 10 دقائق .

• بعد العشر دقائق يضاف لها باقي المقادير و تعجن ثم تستخدم حسب الرغبة .

• لتحضير الميني صمون توضع العجينة في وعاء محكم الإغلاق و تترك لتختمر و يتضاعف حجمها و هي تأخذ وقت أقل من العجائن العادية .

• تقطع العجينة إلى كرات بالحجم الذي تفضليه ثم تصف في صاج و تدهن بالبيض ثم ترش عليها حبة البركة و تخبز في الفرن المحمى على 180 درجة لمدة ربع ساعة تقريباً أو حتى يحمر أسفل الصمونات .

• يحمى الفرن من الأعلى حتى يشقر الوجه ثم تخرج من الفرن و تترك حتى تبرد ثم تحشى حسب الرغبة .



  • وصفات تانية ممكن تعجبك


التعليقات

  1. omtasneem 2 April 2008

    السلام عليكم ورحمة الله وبركاته. فعلا عزيزتي منى كتير سمعت عنا انا كمان بس بصراحة ماتجرأت اساويها إن شاء الله تعالى بماانك عملتيها شجعتيني اني اعملا وبخبرك شو بصير تحياتي لك

  2. Eman 2 April 2008

    صراحة أنا كنت أشوف هالعجينة والمدح اللي لاقته ،لكن مااتجرأت جربها ،لأني ما لقيتك حاطتيها على موقعك، وهلأ صار ممن جربها وأنا مطمنة ،حابة أعمل معجنات بس خايفة أفشل،والوصفات هون كتيرة ماشاء الله ،
    لكن شو بتنصحيني أجرب كتجربة أولى إلي؟

  3. منى 2 April 2008

    هلا أمولة حبيبتي :)
    بالاول أسفة كتيررر على هل العذاب الي عم تتعذبيه للرد :roll

    هلا بنصحك تجربي هل العجينة لان بالفعل كتيررر سهلة و مستاهلة تجربيها ;)

    من يوم الجمعة لهلأ صرت محضرتها أكتر من مرة و مفتوحة نفسي على المعجناات الله يستر من أسهم الميزان :grin

  4. منى 2 April 2008

    و عليكم أفضل السيلام و أتم التسليم أختي العزيزة أم تسنيم :)
    جربيها أختي و أكيدة رح تحبيها ;)

  5. أم عباده 2 April 2008

    بالفعل متل ما قلتي ما في أروع منها جربتها من كم شهر واكتشفت قديش هيه مميزة وأحلى ما فيها سرعة التنفيذ يعني لما زوجي بيجي على باله شي اكله باخر الليل بتكون هي العحينه اجت بوقتا بتتفنني فيها بكل سهوله انا مسميتها عجينه حل الازمات الطارئه ;)

  6. أم عباده 2 April 2008

    منى بعتلك من كم يوم اكله رولات دجاج وصلت ولا في مشكله؟

  7. منى 3 April 2008

    هلا أم عبادة :) بالفعل ما بينشبع منها , الله يجزاها الخير فيافي نجد و الاخت أم عزيزان يا حق :)

    وصفتك وصلت أختي و إن شاء الله رح ضيفها بعد وصفة كيكة الفستق ;)

  8. omtasneem 3 April 2008

    السلام عليكم ورحمة الله وبركاته. صحيح عزيزتي منى كنت بدي اسالك هل الصمون بيصير للهمبرغر ولا لأمشكورة ويسلم دياتك

  9. منى 3 April 2008

    هو غير صمن الهمبرغر , بس أكيد ممكن تستعمليه للهمبرغر ;)

  10. Eman 7 April 2008

    الله يجزيك الخير حبيبتي منى ،ضبطت الموقع وصار كله تمام 8)

  11. منى 8 April 2008

    الحمد لله رب العالمين و الشكر للمهندس المختص , نور الموقع فيك من جديد ;)

  12. omtasneem 8 April 2008

    السلام عليكم ورحمة الله وبركاته. شو هالعجينة وهل الصمونات بصراحة حسيت حالي بحلب تسلم دياتك عزيزتي منى عجينة منفنفة وسهلة مشكورة :)

  13. منى 9 April 2008

    الشكر ليك ام تسنيم لان عم تجربي من الوصفات و تخبريني

    يا رب صحة و هنا يا رب ;)

  14. Eman 23 April 2008

    أختي منى حابة أجرب هالعجينة ،لكن يا ترى الخميرة الفورية غير البكنج باودر؟؟ يعني ما بصير أستخدمه بدالها؟ :?
    ومن وين هي بتلتقى ،عمري ما شفتها بالمحلات! :x
    سؤال تاني،شو البديل الأنسب للحليب البودرة ،يعني بصير نستبدله بحليب طبيعي؟

  15. منى 23 April 2008

    أكيد الخميرة الفورية غير , هي الخميرة الحبيبات و كل شي منهم اله استخدامات مختلفة ;)

    اذا انت بسوريا , ممكن تطلبي من اي سوبر ماركت خميرة تركية و هو رح يعطيكي اياها ..

    الحليب البودرة ما فيك تستبدليه بالحليب العادي , كمان كل شي و اله شي يا عسل ;) بس لما الوصفة مثلا بتقول استخدمي 3 ملعقة كبيرة حليب بودرة مع كوب ماء ففيك عندا تستبدليها بكوب حليب

  16. سارونات 19 August 2008

    السلام عليكم و رحمة الله و بركاته
    عجينة العشر دقائق المشهورة
    انا كمان شفتا اديش مشهورة بالنت و الكل بيحكي عنا و فرحان بنتيجتها و ما بقى غير يحكو عنا بالبرلمان :grin فقلت يمكن جربا فشفت المقادير لما شفت ان فيها 5 كوب طحين نسيت كل المقادير اللي قريتاو قلتلا مع لسلامة و عيناي مغرورقتان بالدموع ليش لاني قلت شو راح ساوي بهالكمية لكبيرة من العجين و رجعت شفتا هون بالموقع فقريتها و لما شفت 5 كوب صرت هيك :sigh
    و ها انا اليوم التقي بها مرة اخرى و قلت خليني انسى انو كمية الطحين كبيرة و قريتها مرة تلو الاخرى و بعدين صرت هيك :grin شو هاد ما فيها لا حليب سائل و لا حليب بودرة يا فرحتي :cry و هالمرة نزلت دموع الفرح و قريتا مرتين و 3 و 4 تحتى اتاكد انو ما فيها حليب بودرة
    و هلأ عم فكر جربابدي اسالك سؤالين كنت عم فكر فيهن من اول مرة شفت فيها العجينة علني اجد عندك الجواب الشافي اول شي هل ممكن اقسم المقادير للنصف وتضبط والله هيك راح طير من الفرحة و بجربا باقرب وقت و كمان هل ممكن عمل العجينة و بعدين الاحتفاظ بنصفها في البراد او الثلاجة ليوم غد او لايام :cry — سبحان الله جيت تحط هالايقونة :? فطلعت هي :cry — من كتر ما حكيت عن البكي :grin
    :eek يا ويلي شفتي ردي شو طويل مشان الله ما تواخزيني
    بالتوفيق
    سلام

  17. منى 20 August 2008

    هلا أختي :)

    و انا صرت هيك لما قريت ردك :grin , سلامتك من الدموع مو مستاهلة ..

    هلا اول مرة جربتها جربت نصف الكمية لان ما بعرف النتيجة , يعني ممكن اكيد تعملي النصف , اما عن الاحتفاظ بالعجينة بالبراد او الفريزر فمما بنصحك , لان العجينة ما رح تطلع متل التازة ..

    جربيها و رح تدعي لفيافي لان بتاخد العقل ;)

  18. سارونات 20 August 2008

    السلام عليكم و رحمة الله و بركاته
    تسلميلي يا اختي منى و ان شاء الله الضحكة دايما منورة وشك يا رب يا احلى اخت بالدنيا يا اللي مفرحتني عطول لو شو ما قلتلك ما بعطيكي حقك
    جازاك الله خيرا و جازى فيافي و ام عزيزان كل خير
    ان شاء الله ستتم التجربة بنصف الكمية :grin تزكرت دعاية جونسون لشامبو الاطفال لا دموع بعد اليوم :grin
    بالتوفيق
    سلام

  19. منى 20 August 2008

    و لو :) مية هلا أختي و ان شاء الله بتجربيها و تعجبك , بسسسسسسسسسسس لا تنسي تخبريني شو بيصير معك

  20. سارونات 22 August 2008

    السلام عليكم و رحمة الله و بركاته
    تسلميلي اختي منى
    بالنسبة للتخميرة الاولية يعني بس نخلطهم مع بعض ما منجمعهم مع بعض و نكون عجينة متماسكة
    بالتوفيق
    سلام

  21. منى 23 August 2008

    بتخلطيهم مع بعض بالملعقة و هو رح يكون سائل سميك نوعا ما

  22. سارونات 23 August 2008

    السلام عليكم و رحمة الله و بركاته
    جازاك الله خيرا اختي منى و ان شاء الله ستتم التجربة
    بالتوفيق
    سلام

  23. نهى 26 September 2008

    سامعة سيرة لبن بودرة رغم انى مش لاقياها فى المقادير.:upset
    ياترى في حاجة غلط؟؟

  24. منى 26 September 2008

    لا نهى ما في غلط بالمقادير , امولة كانت عم تسال عن حليب البودر بس سؤالها ما اله علاقة بالوصفة ;)

  25. نهى 26 September 2008

    فهمت.. معلش لخبطة بسيطة

  26. dado 13 October 2008

    عنجدعجينة سهلة كتير وطيبة أكتر ومنقذة أكتر بكتير 8)
    كمان أنا كنت مترددة إني جربها من زمان.. بس لما شفت إنك حطيتيها بموقعك قلت عاأكيد مضمونة. :)
    حابة أكد على جوابك للأخت سارونات إنو بتطلع العجينة ناجحة بنصف الكمية.. لأنو أنا كمان حسيتها كتيرة على عائلتي الكبيرة
    “شخصين :zzz “.. فجربتها بنصف المقادير.. وندمت لأني ما عملت كل المقادير ع كتر ما طلعت طيبة :cry

  27. منى 14 October 2008

    هنا و مية الف صحة و عافية , بتعرفيدالو هلا صرت ما بقى جرب شي الا بهل العجينة عكتر مو سهلة مقاديرها و متوفرة دايما و نتيجتها ممتازة ;) و الكمية الي بعملها دايما 10 كاسات و ما شاء الله مية الف هنا على قلب الاولاد بتخلص على الغدا و بيزيد شي بسيط للنقنقة قبل العشا :grin

  28. الدمشقية 6 November 2008

    شهيتوني جرب العجينة :x
    وبعد ما قريبت المقادير بعتت مسج لأختي تجيب الطحين والخميرة معها وهي راجعة للبيت :zzz
    ولما أرجع من الوظيفة اليوم إن شاء الله بجربها
    وإن شاء الله إذا جربتها بقلك النتيجة :grin 8)

  29. الدمشقية 6 November 2008

    أنا على فكرة بعرف ام عزيزان وأكلاتها الطيبة بس بمنتدى مملكة المرأة وما شاء الله عنها أكلاتها طيبة كتير :zzz

  30. منى 6 November 2008

    مية هلا اختي :)
    جربيها و ان شاء الله ما بتندمي ابداً , عم استنى النتيجة ..
    أكيد الاخت ام عزيزان معروفة باكلاتها و نفسها الطيب بس انا بشوفها بمنتدى لك :zzz

  31. قهوه مُره 13 November 2008

    صباح الخير ..كيف حالكم …يعطيكي العافيه …بستعمل العجينه ضغري بعد مابضيفلها باقي المقادير من غير ماخمرها…شكرا لك

  32. منى 13 November 2008

    هلا بالوصفة الاصلية تستعملها فوراً ..
    أنا و لا مرة ما اتجرأت ان استعملها بهل الطريقة لهيك بتركها تتخمر شي ساعة ;)

  33. نهى 15 November 2008

    وأخيرا وبفضل الله تعالى نهى الفاشلة فى المعجنات عملت فطاير مظبوطة.. أحمدك يارب :zzz
    فعلا سهلة جدا ونتيجتها جميلة..
    تسلم ايدي الكل..
    بس حسيت طعمها زى الفينو(الصمون) بالظبط..
    ياترى لو استبدلت الماء باللبن او الزيت بالزبدة تكون النتيجة ايه؟؟ :?

  34. منى 15 November 2008

    رح تطلع طيبة كتير و قريبة على التوست :)
    سعيدة جداً انها ظبطت معاك و ان شاء الله عقبال ما تبدي تأبدعي بالمعجنات كمان و كمان ;)

  35. منامينو 16 November 2008

    إي والله يسلمو على هالعجينة الحلوة كتير. مزبوط يا منى أنا شفتها قبل هيك بمطبخ لكِ، وشفتها كمان ببرنامج مطبخ منال العالم. أما هاي المرة الثالثة ثابتة زي ما بيقولو. يعني صار لازم أجربها لإنه الكل عميمدح فيها. كان سؤالي عن تخمير العجينة بعد ما نضيف لها القسم الثاني من الطحين، بس لقيت الأخت قهوه مُره سائلة نفس السؤال وقريت جوابك على السؤال. يسلمو يا حلو عالإفادة. بجربها ان شاء الله بأول فرصة ;)

  36. منى 17 November 2008

    جربيهاو باذن الله رح تعتمديها , الصراحة انا ما بقى استعمل غيرها

    الله يعطيها الف الف عافية صاحبة الوصفة و يجعله كلع في ميزان حسناتها

  37. عيون ريم 2 March 2009

    تسلم اديكي حبيبتي منى ان شاء الله راح اجربها بس عندي سؤال انتي حكيتي ابتعملي 10 كاسات بالمقابل بدوبلي المقادير كلها؟؟؟؟ وطبعا منقدر نحشيها اي حشوه ونعمل منها صمون حجم عادي طولت عليكي ياعسل انا قرات كتير عنهاوراح اجربها قريبا جدا انا حابه اكبر المقدار لانه اولادي وزوجي بحبو المعجنااااااات كتير كتير خاصه اذا كانت طيبه على وصفك تسلميلي ;) 8)

  38. منى 3 March 2009

    هلا ريومة :)
    اكيد ندوبل كل المقادير و نحشيها شو بيخطر على بالك ;)

    ان شاء الله تجربيها و تكوني منها ممنونة :)

    نورتينا اختي

  39. نهى 17 March 2009

    فعلا الوصفة دى يوم عن يوم بحبها اكتر واكتر وباستخدمها كل اما افكر في تغيير في الاكل
    وكمان جربتها باللبن الروب والزبدة بدل الماء والزيت ومش قادرة احكى لك اد ايه طلعت روعة وطرية جدا حتى لو نسيتيها برة لتانى يوم مش ممكن تنشف
    تسلم ايدكي والاخت فيافي

  40. نهى 17 March 2009

    كمان مش قادرة اقولك انى عرفتها لامى وجيرانى وكلهم حبوها كتير اوى

  41. منى 17 March 2009

    الف عافية و الف هنا , بالفعل هي عجينة كنز , كل مرة بتطلع اطيب مرة

    هنا و عافية على قلبك و قلب امك و كل جيرانك الحلويين :)

  42. haya 21 May 2009

    مرحبا يا منى تسلم ايدك على هالوصفة الراااائعة قد ما قول لك رائعة ما بتعطيها حقها من جد تسلم ايد اللي عملتها اليوم كنت قاعدة ومو عارفة شو بدي اطبخ لعائلتي فبالصدفة فتحت على هالوصفة وقلت لجربها وفعلا عملتها وما تتخيلي شو انبسطنا كثير بأكلها بالفعل طرية ولذيذة جدا وشكرا الك يا منى لأنك نزلتي هيك وصفة

  43. gsm 29 May 2009

    السلام عليكم إخت منى بالأول بحب أشكرك كتيير على هل الموقع الأكثر من رائع
    انا ما صرلي متعرفة على الموقع اكتر من أسبوعين بس ما شاء الله كتيير إستفدت منه وحضرت كتيير وصفات لذيذةو وحلوةوالاهم إنو الجمهور عندي عجبن كتيير المهم بس كان عندي سؤال واحد بالنسبة للعجينة بصراحة أنا جربتها والحمد لله نجحت كتيير وصارت كتيير طيبة بس لاقيت صعوبة شوي بتشكيلهايعني انا كنت حابة أعمل مناقيش بزعتر وأشكلها لأقراص صغيرة بس كتيير عذبتني يمكن كانت العجينة مريقة شوي ما بعرف بس انا عمل نصف المقدار لأنوالمقدار الكامل كتيير كبير علينابقى يا ترى هيك لازم تكون قوام العجينة ولا في غلط شي انا عملته وما عرفت مع إنو تقيدت بكل التعليمات ويعطيك ألف عافية

  44. منى 30 May 2009

    هلا هيا :)
    هنا و الف الف عافية و صحة يا قمر على قلبك و قلب العيلة و انا متلك هل العجينة معتمدتها , الله يعطيها الف عافية فيافي نجد و يخلي كل هل الدعوات بميزان حسناتها :)

  45. منى 30 May 2009

    هلا اختي gsm :)
    نورتينا و شرفتينا اختي , مية اهلا و سهلا فيك .
    المشكلة الي صارت معك سببها نوعية الطحين , ممكن تزيدي ملعقة او ملعقتين و تعجني و تشوفي لحتى تاخدالعجينة كفايتها , أما الاحسن انك تضيفي كميبة المي بالتدريج لحتى تشوفي ان عجينتك صارت منيحة و مو محتاجة لمي أكتر .

    انا كتير بيصير معي هيك و خصوصا لما اجرب نوعية جديدة من الطحين .

    ان شاء الله اكون فدتك و اي سؤال تاني انا تحت امرك

  46. gsm 30 May 2009

    يسلموا ايديك اخت منى بالفعل انا زدت شي معلقتين طحين متل ما حكيتي وشو طلعت طيبة وسهلة التشكيل يعطيك الف عافية :)

  47. نور الأسلام 21 July 2009

    السلام عليكم كيفك اختي منى :) مبارحه واخيرا جربت هي العجينه وطلعت روعه اناكتير شفتها على النت في عجينه بساويها عالطولوبتطلع معي تمام لكن قلت خليني جرب هالعجينه بما انو جربتيها والحمدلله طلعت كتير حلوه لكن انا بحس انو العجين بشكل عام لما ينعجن ويبقى لتاني يوم بتطلع احسن او شو رايك :?

  48. منى 21 July 2009

    هلا نور :)
    بالول هنا و صحة و الف عافية يا رب على الفطاير الي عملتيهم .
    و الله حسب , هلا بالشتوية بياخد التخمير وقت طويل لهيك ممكن نحضر العجينة من قبل بيوم اما بالنسبة للصيفية فنو , اذا عملنا العجين قبل بيوم رح يصير العهجين كله خميرة , و ريحته شي بيشبه اللبن , فانت ادرى بمطبخك و المنطقة الي ساكنة فيها ;)

  49. مزهرة 22 December 2009

    :cry ,والله لو كتبت من هون للصبح ماحدا رح يرد :cry على كل الله يعطيكم العافيه عللى هالموقع :?

  50. violet 18 April 2010

    هلأ اذا مابدي اعمل صمونة بدي اعمل فطائر عادية بجبنة مثلا بتصير ؟؟؟؟؟
    انو امدها بالشوبك واحشيها

  51. منى 19 April 2010

    طبعا بيصير و هي العجينة من عجائني المفضلة لكل انواع الفطاير ;)

  52. منى 19 April 2010

    الله يسامحك يا اختي :roll ليش بتقولي ما حدا بيرد عليك , بتعرفي احيانا اكون مشغولة شوي و ما افوت للنت دوما لهيك اتاخر في الرد :)

  53. violet 19 April 2010

    طيب اذا بدي اعمل فيها فطائر لازم اتركها تختمر
    وأديش لازم يكون سمكها لما بدي ارقها
    وبدها دهن بالبيض
    واذا حبيت اضيف للعجينة فانيل او مية زهر شوية لتعطي طعمة ممكن ؟؟؟
    ويسلمو كتير عمنعذبك بالاسئلة
    اخيرا شو أطيب حشوة او الحشوات الطيبة اللي ممكن احشي فيهم الفطيرة غير الجبنة

  54. منى 20 April 2010

    انا ااقل الخميرة و اتركها تتخمر متل العادة , و اذا حابة تعملي فيها بيتزا او غيره السماكة بتكون حوالي نص سم او اكتر شوي
    اذا حابة تحشيها شوكولا ممكن تضيفي رشة صغيرة فانيليا للعجينة , ممكن تطلع طيبة
    اكتر انواع الحشوات الي احبها هو مزيج من الجبنة البيضا و القشقوان مع زعتر بري , بعدها حشوة دبس فليلفة و زعتر اخضر و رشة كمون و زيت زيتون و سمسم او حبة بركة , و كمان ممكن زعتر و دبس رمان و زيت زيتون , حسب عيلتك و الي بيحبوه ;)

  55. mwesal88 3 July 2010

    :cry حبيبتي منى هي اول مرة بشترك ب لقمة طيبة شكرا كتيييييييييير على هالموقع الرائع بتعرفي جربت العجينة مرة كتير نجحت معي وتاني مرة جربتها ابدا ما نجحت معي ليش ما بعرف مع انه طبقت كل شي كتبتي العجينة نفشت كل شي بس عجنت من الوسط ممكن تساعديني كيف لازم تكون النار هادية ولا عالية لانه فرني عادي وشكرا طولت عليكي

  56. mwesal88 24 July 2010

    كيفك منى مارديتي علي لانو انا حابة اعمل فطاير بس عم انتظر ردك وشكرا :roll

  57. منى 25 July 2010

    مية اهلا و سهلا فيك اختي :)
    اسفة للتاخير بالرد , كنت مسافرة ;)

    نور الموقع و فيك و ان شاء الله تجربي كمان غير وصفات و تظبط معك

    الفرن لازم يكون على حرارة 180 على الرف الوسط و عينك لازم تبقى عليه لان الفطاير بيجهزوا بسرعة , بس ما اشقروا من تحت , اشعلي الفرن من فوق لحتى يحمروا

    اتوقع ان المشكلة سببها ان نارك كانت عالية زيادة ;)

    ايا سؤال تاني من عيوني

  58. mwesal88 26 July 2010

    شكرا كتير الك يااخت منى عذبتك معي
    الله يجزاك الخير والحمدعلى السلامة

  59. محبةالمصطفى ملك 14 August 2010

    منوش أنا هلا عبجربها و عملت التخميرة الاولية بس كيف بدي أعرف انها منيحة يعني ما رح تتضاعف الخميرة الاولية؟؟؟؟؟؟؟؟؟؟؟؟؟؟

  60. محبةالمصطفى ملك 14 August 2010

    :?

  61. em adam 13 September 2010

    انا اليوم جربتها بس لما عجنتها لزقت “مسكت ” في ايدي
    بعدين عملت في مناقيش زعتر في الفرن بس طلعت العجينة ناشفة مش عارفة شو السبب بس اتمنى انك تردي علي لانو اول مرة من سنتين بتزبط معي عجينة وانا فرحانة كتير حتى اني اول مرة بشترك في موقع حتر ارد عليك فشكرا جزيلا بس اتمنى تخبربني شو المشكلة اللي صارت معي
    وكمان مرة شكراااااااا جزيلا

  62. em adam 14 September 2010

    اولا شكرا جزيلا على هالوصفة السريعة وانا اول ما قرأتها قمت عملتها لانو الي سنتين بحاول اعمل عجينة و ما بتزبط معي بس لما عجنتها كانت تلزق بايدي هيك عادي ولا في شي غلط انا عملتو و لما خبزتها في الفرن طلعت العجينة ناشفة بتمنى انك تردي علي و تحكيلي شو السبب لاني اول مرة بشترك في موقع حتى ارد على موضوعك
    وشكرا

  63. منى 16 September 2010

    هلا ملك :)
    لا ما رح تنتفخ بس رح يصير عليها رغوة و فيها فقاعات ;)

  64. منى 16 September 2010

    هلا ام ادم :)
    ممكن تقللي كمية المي المرة التانية لان بتختلف كمية السوائل حسب نوعية الطحين ;)
    العجينة ناشفة معناها ان الحرارة كانت واطية أو انك خليتي الفطاير لوقت اطول في الفرن

    مية اهلا و سهلا فيك , انا مبسوطة كتير انك شاركتي معنا و ايا سؤال او خدمة تانية من عيوني
    شرفتينا اختي ;)

  65. em adam 16 September 2010

    يا هلا فيكي :)
    انا ال :) ي سنتين متزوجة وانا اصلا ما عمري دخلت المطبخ في حياتي و تزوجت و سافرت على مصر :sigh و صرت لحالي :cry وجربت اكتر من مرة اعمل عجي :cry نة و كلها بائت بالفشل و بعدين احبطت و ما رجعت حاولت اعملها مرة تانية حتى لقيت موقعك و قرأت هاي العجينة و انبسطت كتير على انها 3-4 زبطت معي و جربت عجينة السمبوسك وزبطت معي وطلعت ولا اطيب من هيك وصرت كل يوم الصبح افتح الموقع و اوخد افكار لطبخة اليوم
    شكر كتير على هدا الموقع اللي رائع بكل ما فيه :)

  66. نيسو 1 October 2010

    مرحبا أختي منى …
    بدي اعمل حفلة التخرج ومعبوطة شو لازم أعمل في كم أكلة نقيتون بس ماعم بعرف لكم شخص بتكفي شلون بدي اعرف :?
    وبدي اعمل بيتزا بس شو رأيك اعملها بعجينة العشر دقايق ولاالعادية
    انا مشتيه جرب عجينة العشر دقايق بس شو لازم أعمل بعدا شأد لازم أتركها للتخمر وفي شي تاني لازم أعمله؟
    ساعديني شلون بحسن أتواصل معك :sigh
    وشكرا كتيرررر الك ;)

  67. منى 2 October 2010

    هلا نيسو :)
    الف مبروك التخرج , ان شاء الله عقبال كل شي حو تاني ببالك

    يا ترى شو الوصفات انا بقدر ساعدك ان شاء الله لحتى نقدر لكم شخص بيقدي

    فيكي تحضري الصلصة من قبل يوين تلاتة و تتركيها بالفريزر و العجينة فيك تعمليها صبحية العزيمة و بدها حوالي 4 ساعات لتتخمر على جونا الحالي بسورياو كمان اذا كانت حرارة مطبخك عالية فممكن تاخد ااقل

    مية هلا فيك اختي و ايا مساعدة من عيوني 8)

  68. ام ريم الحلوه 9 March 2011

    توني جربت العجينه و صج تهبل و سهله و ترفه وايد
    الساعه 12 بالليل بلشت فيها و توني مخلصه الحين الساعه 2 الفجر
    مادري ليش مو يايني النومبس عثب الشغل بنام احلى نومه
    مشكوره على نقل الوصفه الحلوه مثلك

  69. amoula 12 March 2011

    :cry :cry :cry
    اول مرة جربتها كانت النتيجة مذهلللللللة وضلت نافشة وطيبة لبعد 3 ايام , بس هلأ لسا خلصتها وكنت عاملتها للبيتزا وصار عندي اكتئاب فظيه لانو كنت عاملة صلصات بيتزا بتجنن بس العجييييينة ما استوت :sigh من الاطراف تستوي بس لما اطالعها مو مستوية من النص ومعجنة كتير
    انا فرني على الكهرباء كله هيك الافران عنا بالامارات وكل شي بطبخه فيه بيكون متله متل الفرن العادي
    اللي قاهرني انو انا عاملتها من قبل ونجحت وعملت كل الخطوات وهلأ ما ظبطت , اول الشي زلاعنة لانو ما ظبطت وتاني الشي زعلانة لانو هالعجينة كنت مأمنة فيها كتير ولهأ ما بعرف اذا رح استرجي ارجع اعملها
    :cry :cry :cry
    يسلم ايدييييييكي بكل الاحوال انا متأكدة انو العذر مني بس مشتهية اكتشف شو هوه
    الحمد لله زوجي حباب وما بيقلي شي ورح ياكلها :zzz

  70. ssweetangela 27 March 2011

    الله يسلم ايديكي يا ست منى عجينة ناعمة وطرية وبتاخد العقل عملت منها بتزا ومناقيش زعتر وصينية فليفلة حمرة والطعمة غير شكل …الله يجزيكي كل خير يارب :)

  71. الدمشقية 14 August 2011

    ياستي كل ما بساويها بدعيلك والكل بتعجبه فطاير أو بيتزا أو غيرها
    وبتعرفي صرت معلمتها لكتيييييييييييير من يلي بعرفهم وبجربوها وبتعجبهم

    تسلم ايدك يا أحلى منى

  72. amoula 16 December 2011

    يسلم ايديكي على العجينة الرائعة ما خطل يولا رمة بحياتي انو وصل لمرحلة اعلم امي المعجنات ههه
    عملت فيها كروسان جبنة وطلع بيجنن وبيضتيلي وجهي قدام زوجي الله يجزيكي كل خير ياارب
    [img]http://www7.0zz0.com/2011/12/16/11/400871500.jpg[/img]

    http://www7.0zz0.com/2011/12/16/11/400871500.jpg

  73. amoula 16 January 2012

    أنا آسفة كتير مدام منى كتير طلعت الصورة كبيرة , ما بتنحذف من عندي ياريت لو بتنحذف من عندك وبترك بس اللينك , حرام انتزعت الصفحة من صورتي
    :cry :cry :upset :upset :upset :upset :upset :upset :upset :upset :eek :sigh

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)