وردة الجيلي


         وصفة : منى                 2008/09/18                 21 تعليقات
وردة الجيلي

·          يحضر الجيلي حسب الارشادات الموجودة على العلبة و لكن تقلل كمية الماء المستعملة من كوبان إلى كوب و نصف .

·          يوضع الجيليه في صواني مسطحة كل نوع على حدة و يترك في البراد لليوم التالي حتى يجمد بشكل كامل .

·          يقطع الجيلي إلى مكعبات باستخدام سكينة ثم يرتب في طبق مسطح كما ظاهر بالصورة أو حسب الرغبة و يحفظ في البراد حتى وقت التقديم .

 




علبة جيلي بنكهة الكرز أو الفريز
علبة جيلي بنكهة الكيوي ( و ليس الليمون )
علبة جيلي بنكهة الدراق أو البرتقال
علبة جيلي بنكهة الأناناس أو الموز
4 ملعقة كبيرة سكر





• يحضر الجيلي حسب الارشادات الموجودة على العلبة و لكن تقلل كمية الماء المستعملة من كوبان إلى كوب و نصف .

• يوضع الجيليه في صواني مسطحة كل نوع على حدة و يترك في البراد لليوم التالي حتى يجمد بشكل كامل .

• يقطع الجيلي إلى مكعبات باستخدام سكينة ثم يرتب في طبق مسطح كما ظاهر بالصورة أو حسب الرغبة و يحفظ في البراد حتى وقت التقديم .
  • وصفات تانية ممكن تعجبك


التعليقات

  1. تورتاية بالكريز 18 September 2008

    والله ياقمر من اول مافتحت الموقع وقعت عين
    على وردة الجيلي شفت الالوان والله حسيت بالسعادة
    لانها مشرقة ومنورة الصفحة ماشاء الله ولاحول ولاقوة الا بالله شكلها روعة والاشكال والالوان فعلا تاثر كتير عهلى نفس الانسان
    طريقة حلوة ومبتكرة للتقديم يسلموا ايدين سكرة حلب حبيبة الكل

  2. نور 18 September 2008

    روعة أختي منى هذه الفكرة .. تسلم يداتك يارب :)

  3. أم ساطور 18 September 2008

    تسلم ايدك يا اخت منى طبق شهي والوان مفرحة عن جد بتستاهلي عليه 100 من 10 . حبيبتي لاتنسينا باللقم ويعطيكي الف عافية

  4. ام دانية 18 September 2008

    افكارك كلا حلوة والطبق بشهي ولانك شهيتيني انا ساويت صحن فواكهة بالجيله ممممممممممممممم :zzzلانو ما عندي غير جيليه الكرز والفريز والجيليه مو كتير متوفر هون مشان هيك ضفتلو فواكه وعملت معو كريمة وحبيت خبرك الشيشبرك طلع طيب وزوجي كتير حبوووووووو :grin

  5. منى 18 September 2008

    هلا حبيبتي ام ياسمين , هادا بس من زووءك ردك دايما غالي على قلبي و كلامك أحلى من العسل الصافي بمية مرة ..
    لو جربتيه تشوفي شو سهل و مميز ;) و ان شاء الله مبسوطة على طول حبيبتي

  6. منى 18 September 2008

    هلا نور :)
    الله يسلمك و يخليك نورتي أختي

  7. منى 18 September 2008

    هلا أم ساطور :) تكرم عيونك أختي رح نزل الوصفة بأقرب وقت إذا الله راد , مية هلا

  8. فطوم باك 18 September 2008

    يعطيك العافية

    الصراحه شكله رووووعه

    وطريقه مبتكرة

    تسلمين ;) ;)

  9. منى 18 September 2008

    هلا ام دانية :) هنا على قلبك على الشيشبرك و على الجيلي , ما شاء الله الشيشبرك مو سهل و هو نجح معك من أول مرة ;)

  10. منى 18 September 2008

    هلا فطوم :) كلك زووء أختي مية هلا ان شاء الله تجربيه و يعجبك ;)

  11. أم علي 18 September 2008

    يسلمو ايديك ست منى الطبق جيليه شكلو بشهي وطريقتوسهلة وانت كلك زووء وانا باكد على طلب اختي ام ياسين لاني كمان بحب اللقم
    وانا بانتظار كل شي منك جديد
    8)

  12. ام نور 18 September 2008

    فعلا كتير حلو ومرتب هالطبق الله يخليكي يا قمر
    اشتهيت جربو بس مع الاسف غير متوفر عنا هالانواع في بس غير حلال :upset

  13. منى 18 September 2008

    هلا أم علي :) ان شتاء الله اختي , بانتظار زوجي يفضى و يجيب الي مستلزمات الوصفة لان هلا كتير مشغول , ان شاء الله تجربي الجيلي و يعجبك

  14. muna.g.7 18 September 2008

    ياسلام اختي منى الالوان كانها نجفةكل الناس تعمل جيلي بس هالترتيب والذوق ما تعملواكيد الطعم مرطب ومنعش

  15. منى 19 September 2008

    مية هلا منونة , ان شاء الله تعمليها و تعجب عيلتك يا جميل ;)

  16. سارونات 16 April 2010

    السلام عليكم و رحمة الله و بركاته

    منوش انا ما عندي جلي بس عندي جيلاتين بقى هل ممكن ضيف مركز الفراولة مثلا للجيلاتين فيصير جلي او ما بينفع

    و هل في شي طريقة تحتى اعمل من الجلي جيلاتين بطعم الفواكه

    سلام

  17. سارونات 23 May 2010

    السلام عليكم و رحمة الله و بركاته

    انا ناطرة اجابتك مننوش لان عبالي ساوي الفريزيه قريبا ان شاء الله بس ما عندي جلي فريز فهل الفكرة اللي قلتلك عليها بتنفع او لا

    سلام

  18. منى 23 May 2010

    ما بعرف سارونات , بخاف تغيري شي بالوصفة تقوم ما تزبط معك

    عندي سؤال الك :)

    ليه دوما بتبحثس عن بدائل عوض ما تطبقي الوصفة متل ما هي :roll

  19. سارونات 24 May 2010

    السلام عليكم و رحمة الله و بركاته

    هلا منوووش

    انا ببحث عن البدائل لسببين
    الأول هو لما تكون المادة مو متوفرة عندي و انا كتير حابة جرب الوصفة

    و الثاني لما تكون الوصفة عم تحتوي على قشدة و انا بخاف استعملها لانها ثقيلة فبحاول جربها من غيرها

    بالتوفيق

    سلام

    ناطرة جوابك فيما يتعلق بالبسبوسة

  20. منى 24 May 2010

    نصيحة سارونات , دايما البديل ممكن يطلع طيب بس مش متل الاصلي :)

    ما عندي كتير وصفات للبسبوسة , هي واحدة بس و ممكن ضيف عليها جوز الهند او غيره ;)

  21. ام ساره وسالي 6 April 2012

    مساء الخير، بداية لك أعظم تحية على هذا الموقع المفيد… صدقاً ما جرّبت شي من أكلاتك إلا وكل الناس بتسأل عن السر، وعيلتي كتير مبسوطة بهالأكلات.. بالمناسبة اليوم تحديداً عملت الصبح ((مامونيّة)) على طريقتك، وزوجي للمرة الثالثة على التوالي منذ بدأت بإعدادها يكرر مقولة ((هَيْ أطيب مامونية بدوقها بحياتي).. شكراً لكل وصفاتك اللي جربتها واللي لسا ما إجا دورها.. بس بخصوص وصفة ((وردة الجيلي)) ذكرتي في المقادير 4 ملاعق سكّر، لكن ما شفتهم خلال طريقة التحضير، يمكن لازم نضيفهم لخليط الجيلي والماء ؟؟؟ وشكراً لك مجدداً لما تعطيه من وقت وجهد وعسى أن يجزيك الله خيراً بعدد اللقم التي يتناولها الناس من وصفاتك…

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)