وصفة الكريب


         وصفة : منى                 2008/06/10                 36 تعليقات
وصفة الكريب



2 بيض من الحجم الكبير
نصف كوب طحين
ثلاث أرباع كوب حليب
رشة فانيليا ( للوصفات الحلوة )
رشة سكر أو ملح ( حسب نوع الوصفة المحضرة )
4 ملعقة كبيرة زبدة سائلة أو زيت
زيت أو زبدة سائلة لدهن المقلاة





• يخفق البيض باستخدام مضرب سلك في وعاء متوسط , يضاف نصف الطحين و يقلب حتى يتجانس المزيج .

• يضاف باقي الطحين و يقلب حتى الحصول على مزيج ناعم .

• يضاف الحليب مع الزبدة او الزيت بالتدريج مع التقليب بعد كل اضافة ثم يضرب مزيج الكريب بالخلاط العامودي للحصول على مزيج ناعم تماماً أو يمرر على مصفاة ناعمة .

• يغطى مزيج الكريب و يترك لمدة نصف ساعة على الأقل حتى يرتاح و يمكن أن يحضر قبل عدة ساعات من وقت الاستعمال و يغطى و يوضع في البراد حتى الحاجة .

• تدهن مقلاة متوسطة ( بقطر 18 سم ) و توضع على نار متوسطة ثم تدهن بالزيت أو الزبدة باستخدام محرمة أو قطنة .

• عندما تسخن المقلاة تسكب حوالبي ملعقتان أو ثلاث ملاعق كبيرة من مزيج الكريب على المقلاة و تفرد بسرعة على كل المقلاة , إذا شعرت أن المزيج سميك نوعاً ما يمكن اضافة القليل من الحليب .

• يترك لبضع دقائق حتى يتحول سطح الكريب من الشكل الرطب و اللامع إلى الجاف نوعاً ما و تبدأ حوافه بالتلون .

• يقلب الكريب على الطرف الثاني و يترك حتى يتلون ثم يرفع على طبق مسطح .

• تكرر نفس العملية حتى الحصول على ما يقارب 8 – 10 حبة كريب و يستخدم الكريب فوراً أو يمكن أن يوضع في كيس بلاستيكي محكم الإغلاق في البراد و الاحتفاظ به لمدة يوم قبل استخدامه .

أفكار و تنويعات :

• يمكن استبدال نصف الحليب بالمياه الغازية للحصول على نكهة جديدة و لذيذة .

• احدى صديقاتي الاسبانيات أخبرتني بأنهم يعدون وصفة الكريب باستخدام مرق اللحم و يستخدمونها في وصفة مالحة مشهورة جداً عندهم , فكرة لذيذة .
  • وصفات تانية ممكن تعجبك


التعليقات

  1. eamireh 11 June 2008

    تحياتي منى

    كل الشكر إلك يا عمري على الموقع المميز وأنا بسميه الموقع المنقذ للنساء إلي ما بيعرفو يطبخو

    يا حبيبتي بدي أعرف شو الكريب هل هو مقبلات أو وجبة رئيسية مع ماذا يقدم

    مشكورة
    إيمي

  2. منى 11 June 2008

    هلا فيك أخي مهند في الموقع , مية اهلا و سهلا

    رح نزل مقادير الصوص بكرة إذا الله راد و ان شاء الله بتجرب شي و بيعجبك

  3. منى 11 June 2008

    هلا ايمي :) مية هلا فيك و الف شكر على الكلام الحلو ..

    الكريب بتاع كله , بتحشي لحمة و بتحطي فوقه صوص صار عندك وجبة رئيسية , بتحشيه بجبنة و بتقطهيه صار مقبلات , بتدهنيه بمربى أو شوكولا صار وجبة حلو , المهم انا نزلت الوصفة الاساسية و رح نزل بقى وصفات استخداماته ان شاء الله :)

    مية هلا ايمي نورتي

  4. Muhannad 11 June 2008

    يعطيكي ألف عافية أخت منى على الوصفة

    مبين إنه طيبه كتير :)

    تسلم الايادي يارب

    والموقع كتير أعجبني صراحة وجوه مريح , وأخدت منه كذا وصفه

    أنا مشترك جديد بالموقع , ممكن طلب شي لو سمحتي

    بدي أعرف مقادير الشوكولاه السوداء لو سمحتي

    دورت في الموقع وما لقيت شي عن الشوكولاه :cry

    ومشكوره كتير , بيوتي ( مهند )

  5. eamireh 11 June 2008

    تسلميلي يا قمر على الرد السريع والله يوفقك ويفتحها بوجهك ويجيبلك كل خير :zzz

  6. linda 11 June 2008

    يا ستي انتي رهيبة
    انا هي الاكلة بالزات دائما بتطلع مزنخة معي
    و بس اكلها عند حدا بتكون كتير طيبة

    رح جرب طريقتك و ان شالله تعجب زوجي لانو بيحا كتير

  7. ام نور 13 June 2008

    ماشالله عنك يا منى الله يحميكي يا رب :) طريقة ممتازة :p
    نفس طريقتي بس انا بزيد ماء ورد مع الفانيليا بيقتل الزنخة وبيعطي نكهة شهية اكيد مع الكريب الحلو :p

  8. منى 14 June 2008

    هلا ايمي :)

    هي نزلت وصفة الكانيلوني و منستعمل فيها الكريب , و الله يخليك و يسلمك على الدعوات الحلوة

  9. منى 14 June 2008

    هلا لنوشة حبيبتي :)
    ان شاء الله تجربيها و تبيض وجهك و لا تنسي تخبريني شو بيصير معك ;)

  10. souha 11 October 2008

    شو هالصورة الحلوة منظرها خيلة بس حبابة تقوليلي كيف بدها تطلع معي متل الصورة و زينها بالشكولا
    كل ما بفتح الموقع بحكيلها لأمي عن أكلاتك الطيبة فسألتني منى منين؟ قلتلها من حلب قالت طيب ليش ما بتزورنا قلتلها : أنا فعلا مشتهية إتعرف عليهاياريت بتصير فرصة و منتلاقا

  11. منى 13 October 2008

    هلا سهى :) مية هلا اختي و انا الي الشرف ان اتعرف بأخت متلك ;)

    الصورة لازمها صوص الشوكولا و رح نزل وصفته هل الاسبوع اذا الله راد , بعمل 3 انواع من الصوص بغطي الكريب بصوص الشوكولا الي على حليب و بعدها بعلبة الكتشاب بعمل خطوط بصوص الشوكولا الابيض و صوص الشوكولا السوداء و بالسكينة أو بعود بمرر لحتى يطلبع معي متل الشبكة ;)

  12. omomar 21 October 2008

    يعطيكي العافية علي هذا الموقع الذي يعجز الكلام أن يوصفة بس ماأقول إلا الله يجزيك الخير والصحة والعافية

  13. منى 21 October 2008

    مية اهلا و سهلا اختي ام عمر :) حلت علينا البركة و النور اختي , دعواتك من القلب وصلت للقلب ليك ان شاء الله متلها و أحلى اختي , مية هلا و سهلا

  14. عيون ريم 20 February 2009

    تسلم اديكي بس اعطيني افكار للحشو او طريقة للتقديم :?

  15. منى 21 February 2009

    هلا ريم :)

    تكرم عيونك اختي رح نزل وصفات مختلفة لحشوات الكريب ;)

  16. سارونات 23 February 2009

    السلام عليكم و رحمة الله و بركاته

    ان شاء الله راح جربها مشان ساوي فيها كانيلوني

    انا امي الله يحفظها لي بتساويه بس بمقادير مختلفة شوي و بيطلع كتير طيب و خفيييف
    بس انا راح اتبع طريقتك من الالف الى الياء و ان شاء الله ببقى خبرك بالنتيجة

    بالتوفيق
    سلام

  17. منى 23 February 2009

    يلا عم استنى :)
    و ان شاء الله بيطلع طيب و على زووءك اختي

  18. zsoukar 7 March 2009

    مرحبا ياست منى. ان شاء الله تكوني بخير. سؤالي :الكريب هو بان كيك؟

  19. منى 8 March 2009

    هلا اختي :)
    الحمد لله انا بالف خير من الله , ربي يديم نعمه و يعرفنا اياها بدوامها و يألهمنا الشكر عليها .

    اختي البان كيك هو غير الكيك و باذن الله ببقى بنزل وصفة البان كيك قريب ;)

  20. بشرى 4 April 2009

    يسلم إيدكي ربي .. جربت كتير وصفات للكريب وما زبطتت معي ,كل مرة يشقق ويطلع مخربط ويتفتت .. بس هي تمام التمام ..
    يخليلي ياكي يارب :)

  21. منى 5 April 2009

    هنا و الف الف عافية بشرى :)
    لو تعرفي شو بنبسط لمن واحدة من الاخوات الغاليات تجرب وصفوة و تعجبها .

    عوافي يا حق و مية هلا فيك اختي

  22. rmroom 20 October 2009

    عفوا بس ايمتا بدي حط الفانيليا

  23. منى 20 October 2009

    اذا كانت الوصفة حلوة فممكن تضيفي الفانيليا مع البيض ;)

  24. laimuna 16 May 2010

    ياااااااااويلي شو بحب الكريب يم يمممممممممم
    جبتي على بالي من منظر الصورة وانشالله بدي جربه يسلمو ايديكي يااحلى منى .

  25. laimuna 16 May 2010

    رح عذبك بس يا ريت تشرحيلي طريقة التزيين اللي عاملتيها وشكرا جزييييييلا

  26. رغد غسان علاء الدين 30 January 2011

    عزيزتي منى..

    لو سمحتي بدي تعلميني كيف فينا نعمل شكل الشوكولا بهالطريقة؟؟

  27. larooo 24 February 2011

    كيفك منوش .. طبعا اكيد وصفة فخمة جدا ومجربتها من قبل
    بس هالمرة بدي حطها بالبراد لتاني يوم ..بصير ما
    وبدي فيني سخنها ياترى بالميكرويف شوي قبل التقيدم ؟؟ الله يعطيكي العافية يارب ;)

  28. nabila 2 May 2011

    يسلمو ايديكي على هالوصفة الطيبة وانا بعملها بطريقة تانية وهي:
    بيضة واحدة
    كاسة طحين
    كاسة حليب
    رشة ملح
    فانيليا … وطريقة التحضير متل طريقتك تمام…
    والشوكولا بدوبها بزيت مازولا والافضل تكون شوكولا نوتيلا
    ياريت اشوف ردك ست منى :)

  29. lulu 24 May 2011

    اخت منى يسلم دياتك على هالوصفات اللي بتشهي.. ساويت طريقة الكريب وهلأ بالبراد عم انتظره بس اللي صار معي انو المزيج قبل الزبدة والحليب كان متماسك وظريف بس لما ضفت بالتدريج الحليب والزبدة صار كتير مريق ياترى هوة هيك لازم يكون ولا متماسك شوي ؟؟؟ واذا لازم يكون متماسك شوأعمل هلأ ؟؟ بتمنى تردي على سؤالي بأسرع وقت ومرسي كتيييير :)

  30. lulu 24 May 2011

    يسلم ايديكي يامنى على هالكريب الخطير ..عنجد طلع بيجنن وكتييير طيب وفرحت انو زبط معي واخيرا ..الله يجريكي الخير :zzz :zzz على هالموقع الرااائع يمكن مابيمرق يوم الا وبفتح عليه وبتعرف على وصفات جديدة ومميزة فيه ..يعطيكي الف عافية

  31. amoula 8 April 2012

    الله يجزيكي الخير يا رب عن جد وصفة بتجنننن , كل ما بلاقي حالة مشتهية على أكلة حلو ومافي معي غير نص ساعة بعملها , وبختصر مرحلة انو اتركها ترتاح نص ساعة :grin عم تطلع ولا شغل المحلات ;) , عم احشيها كريم باتسير و موز :eek أو بعمل شوكولا بيتوتية ,وكللو معها طيب حتى الجبنة الكيري ما وفرتها جربتها معها :grin , ومن هلأ عبخطط بس رب العالمين قسملي وشفت أهلي رح اعملهن اياها :)
    الله يجزيكي كل خير مرة تانية وشكراً على الوصفة اللي بتجنن

    عفكرة المالح منها عبيعملوله حشوة فروح وبصلة وفليفلة وفطر وبيغطسوه بالبقسماط والبيض وقلي وبيطلع شغلة ;) أكيد بتعرفيه عبيسموه كريب بانيه

  32. شكلس 20 May 2012

    وليييييييييييي يا ست منى الصورة شكلا بيعقدددد زكرتني بكريب كنت اكلو بمطعم بالشام وكان بيجنن انا اكيد اكيد اكيد رحجربا هي الوصفة بس بديمنك لو سمحتي ترجعي تعيدي كيف عملتي الشوكولا هيك مموجة لانو ما فهمت كيف :zzz معلش بدي عزبك معي بس بدي جربا بأسرع وقت ممكن

  33. شيرين عبدالله 14 December 2015

    يسلم هالايدين يارب ويعطيك الف صحه وعافيه منمن

    • منى 31 December 2015

      الله يعافي قلبك ياعسل

  34. Tooma 25 June 2016

    ماشاء الله..
    تسلم يدك .. وان شاء الله نجربها..

    • منى 1 July 2016

      ان شا الله
      شرفتي

تقييم الوصفة
عاديةقد أحضرهاجيدةممتازةأكثر من رائعة (3 votes, average: 1.00 out of 5)