أفكار لحشوات السمبوسك و الكبة المقلية


         وصفة : منى                 2011/07/17                 24 تعليقات
أفكار لحشوات السمبوسك و الكبة المقلية

قرب رمضان كل سنة و الكل بالف خير و صحة و الله يبلغنا ياه و يجعلنا من عتقائه , امين

هل الموضوع هو لحتى نتشارك بافكار جديدة لحشوات السمبوسك و الكبة المقلية , ما شاء الله ستات البيوت صايرات مبدعات و في افكار بتاخد العقل ..

يا ترى شو حشوتك المفضلة و المبتكرة ؟

التعليقات

  1. ناديا 17 July 2011

    السلام عليكم ست منى
    هيدي أول مشاركة إلي بموقعك الرائع…
    إن شاء الله كل عام إنت و عيلتك بألف خير
    جربت كذا وصفة و الحمد لله كانو كتير ناجحين و طيبين من بيناتهن كاتو قدرة قادر
    بدي أتشكرك على مجهودك ,على كل التفاصيل و الصور….
    على حبك للمطبخ و إفادة الغير….

    بالنسبة لحشوة سنبوسك الجبنة…فأنا بخلط نوعين أو ثلاثة… مثلا موزاريللا و عكاوي و جبنة طرية مالحة و بضيف شوية من حبة البركةو نعناع يابس….إن شاء الله هالمرة على رمضان بدي أعمل سنبوسك بالجبنة السائلة….بدون أي إضافات
    كتييييييير طيب …بس مشكلته إنو ما بيصير يتفرز…
    سنبوسك اللحم بضيف عليه بصل أو فطر أو جزر مبشور حسب ما يتوفر
    سنبوسك الدجاج بعمله مع البصل الأخضر و الفليفلة الخضراء…
    بإنتظار أفكارك و وصفاتك يا ست منى و لك مني أطيب تحية

  2. laraye 17 July 2011

    ما بتعرفي اديش انا مبسوطة انك رجعتي من غيبتك عالموقع.
    اشتقنالك كتير يا منى :)
    انشالله رمضان مبارك عالجميع و انشالله يكون فيو رحمة ومغفرة وعتق من النار للكل.
    انا يا منى هي اول سنة بقرر اعمل سنبوسك مشان هيك رح اجرب منكن ;)
    و انشالله نشوف وصفات جديدة ومميزة والله يجزيك كل خير وتلاقيه بأهلك و عيلتك يا رب

  3. Pro rawan 17 July 2011

    مرحبا مدام منى
    اشتقنالك :)

    انا الاكلات التقليدية احبها زي ماهيا يعني السمبوسك مااغير في حشوتها الاصلية D:
    خاصة اللحم لكن الي بالجبنة كل مرة شكل
    بالنسبة لسمبوسة اللحمة احبها لحمة مفرومة مع بصل ولمن تبدا تشرب مويتها احط فلفل اسود وكمون
    وقبل مااطفي النار احط شبت (مو كتير) وجزرة مبشورة وبيض مسلوق مفروم. . هادي الحشوة اعشقها خاصة في سمبوسة البف.
    علا فكرة الي حتفرز السمبوسة ماينفع تحط بيض مسلوق لانو حيسود

    اما الجبنة احب تشيدر مع عكاوي ورشة بسيطة جدا زعتر اخضر ناشف

  4. غيث 18 July 2011

    رمضان مبارك عالجميع والله يا ميموجربت كتير حشوات من رفقاتي هون بس برجع للحشوة اللي بيعملوها اهلي بحلب سمبوسك اللحمة لحمة ناعمة مع بصلة وبقدونس وبحب معه حب رمان حامض اذا متوفر بيككون رائع اما الجبنة فبحبها بالعكاوي متبلة بالنعناع اليابس وحبة بركة وفليفلةحمرةناعمة وزعتر اخضر

  5. مسك الايمان1 18 July 2011

    كل عام وانتي والجميع بالف خير ويسلمو ايديك انت والجميع على عجينة السمبوسك لما جربتها كتير انبسطت عليها وقلتلك بالتعليق[B]الله يطعميك ثمرات الجنة يا رب [/B] الحشوة الي بستعملها مع البطاطا جبنة وكزبره، ومع الجبنة بقدونس ، مع اللحمة بهار وكزبره وفليفلة مبروشه وصنوبر مقلي وبالهنا والشفا يار ب للجميع وشكر خاص الك يا منى تحديداً بصراحه انا كل يوم الصبح بشرب معك فنجان القهوة على رواقه يعني انت صرتي صحبيتي وجارتي

  6. مسك الايمان1 18 July 2011

    كل عام وانتي والجميع بالف خير ويسلمو ايديك انت والجميع على عجينة السمبوسك لما جربتها كتير انبسطت عليها وقلتلك بالتعليق[B]الله يطعميك ثمرات الجنة يا رب [/B] الحشوة الي بستعملها مع البطاطا جبنة وكزبره، ومع الجبنة بقدونس ، مع اللحمة بهار وكزبره وفليفلة مبروشه وصنوبر مقلي وبالهنا والشفا يار ب للجميع وشكر خاص الك يا منى تحديداً بصراحه انا كل يوم الصبح بشرب معك فنجان القهوة على رواقه يعني انت صرتي صحبيتي وجارتي

  7. karamela 18 July 2011

    السلام عليكم
    اشتقتلكن كتير واشتقت لطلة الاخت منى فوق ما بتتصوروا
    بالنسبة للحشوات خبركن شو اطيب حشوة وخصوصا بعجينة البف باستري
    حشوة فطيرة اللحمة على طريقة سيما ;)
    انا بعدماساويت الفطيرة زاد عندي حشوة وساويت فيها فطاير وطلعوا بجننوا :eek
    منى الي عندك موضوع رح يفيد كتير منا قبل رمضان وبرجع بقول قبل رمضان وهو شو بتنصحونا باكلات من لقمة طيبة او من غيره فينا نجهزن تجهيز مسبق ونحطهن بالفريزر او اكلات نعملن بعد الفطور وتاني يوم يبقالن خطوات بسيطة
    وشكرا للكل

  8. لمورة الامورة 19 July 2011

    شكرا منوشة انا كتييير مبسوطة لاننا مع بعض
    بالنسبة لحشوة السمبوسك فانا عندي طريقة هي ..
    مرتديلا مع شوية فليفة خضرا وبتتقلا مع جبنة بتطلع طيبة واذا بتحبو تضيفولها شي تاني واحيانا بساوي جبنة ومرتديلا مع بعض لحالون بدون فليفلة بتطلهع طيبة اما الوصفة التانية الي بعملها غريبة شوي بس طيبة للي بيحبو الزيتون
    وهي زيتون اخضر وبتحطيلو شوية فليفة حمرا وشوية كون ونتوفة صغيرة كتير دبس رمان نتووووفة صغيرة وبس
    واكتر شي بحب الجبنة انا..
    وممكن احيانا ساوي جبنة مقلية واحشيها
    وشكرا كتتتير لهالموضووع الحلو منوشة

    وعندي سؤال ماحدا عم يجاوبني عليه كيف بقدر افتح مشان اكتب مووضووع مشان الله اولولي ؟؟؟

    وتحياااتي للحلوين بس ..
    لولووو 8) 8) 8)

  9. gsm 21 July 2011

    سلام عليكم منونة بصراحة بالصدفة إمبارح كنت عم اعمل سمبوسك وافرزه لرمضان بصراحة ما جربت غير الحشوة التقليدية يللي متعودين عليها من وقت ما كنت عند اهلي اللحمة مع بهاراتها وشوية بصل وبقدونس والجبنة مع نعناع يابس وفليفلة حمرة وهل المرة اضفت عليه رشة زعتر اخضر يابس بس الفرق الوحيد يللي عملته هو إستعملت جبنة تركية بتشبه جبنة الفيتا لأنو ما عندي جبنة حلبية للأسف خلصت من عندي بس انا مرة شفت وصفة لمنال العالم عم تحشي السمبوسك تمر مع القرفة والهيل وبالأخير بعد ما قلتن غطستن بقطر خفيف ورشة فوتن شوية قرفة حسيتها ظريفة يعني كنوع حلو بس بصراحة ما جربتها إيه وكمان شغلة انا صرت كذا مرة عم اعمل السمبوسك الهندي يللي موجود بالموقع مع الحشوة تبعه كتيير طيبة يعني كنوع سمبوسك نباتي وتغير شكل وشو كمان بالنسبة للكبة المقلية كمان عملت أولت إمبارح كبة وفرزتها بس انا بحشيها لحمة مع بهاراتها وبصلة صغيرة وشوية جوز ما بعرف بحس هل الحشوة طيبة كتيير ما غامرت وجربت حشوات مختلفة بس إذا في شي ظريف ليش لأ الواحد بجرب ممكن يطلع طيب كتيير

  10. gsm 21 July 2011

    صحيح نسيت ارمضن عليكن يا صبايا كل عام وإنتو بألف خير وينعاد عليكم بالخير واليمن والبركات وإن شاء الله تنصلح حال الأمة الإسلامة وحال بلادنا يارب والله للأسف ما في بهجة هل الرمضان بسبب الحال يللي ببلادنا الله يفرج بس يا رب
    :cry

  11. ام موسى 24 July 2011

    السلام عليكم جميعا
    من اهم حشوات السمبوسة اللحم والجبن بشكل عام

  12. Jassy 24 July 2011

    السلام عليكم ورحمة الله وبركاته

    السمبوسك من أككككككتر الاكلات المفضلات عندي (من أصل شي 20-30 وحدة :grin ) بس ما كنت اعملها كتير لأن ما كانت تزبط معي العجينة، للسنة الماضية لما عرفت عجينة منى للسمبوسك وبالضبط عرمضان الماضي عملت 4 أضعاف المقادير وفرزتون وضلوا عنا فترة طويييييييييييييييييييلة لسه بعد رمضان ههههههه لأن انا وجوزي وبس وما بيجي حدن لعنا. (هسع تقولون شو بخيلة :p )
    المهم .. وحدة من الحشوات ، كانت حشوة فطاير روسية، ماما دايما كانت تعملها من صغري، وانا بحبها بالسمبوسك كمان: بصل أخضر مقطع ومقلي بعدين بينضافلو بيض مسلوق مقطع، أنا كمان عملتها بالكرات طلعت بتجنن. في كمان حشوتين فطاير روسية بس لسه ما جربتون، ملفوف مقطع قطع طولانية مقلي وبعدين بينضفلو البيض، والحشوة التانية جزر مبشور مقلي بعدين مضافلو بيض.
    لما كنت صغيرة وكنا نجتمع عطاولة راس السنة :) هالفطاير التلاتة الفولكلورية كانت متواجدة عطول، وما اذكر مرة احتفلنا براس السنة إلا وكانت ضرورية وماما تضل يومين تشتغل فيون.
    كالعادة فتحتلكون قصص :grin .

    رمضان كريم :)
    الله يجعلنا من عتقائه فيه
    (صحي هي بتنكتب: عتقاءه ولا عتقائه؟)

    والسلام عليكم ورحمة الله :)

  13. Jassy 24 July 2011

    عفوا إيه تذكرت كمان حشوة السمسم :) .. بيندق السمسم بالمدقة (ولا شو اسمها؟) وبينحطلو رشة قرفة وسكر :) ماما كانت تعملها بس مو حشوة روسية :grin على ما اذكر تعلمتها من حماتها بحماه. طيبة كمان

    والسلام عليكم ورحمة الله

  14. ام كرم 24 July 2011

    انا كتيييرمبسوطة انه رمضان هاد راح اعمل اشياء كتييير طيبه وجديدة والفضل الك يا منى ولكل الخوات الرائعين بالنسبة للسمبوسك انا بحبها كتيير بجبنة الكيري او الشيدر مع الموتزوريلا او الجبنة العكوي مع بقدونس وفليفلة خضرا وبنتي تالة كتييير بتحبها بلحمة وبقدونس و صنوبر

    :p

  15. الدمشقية 27 July 2011

    السلام عليكم ورحمة الله وبركاته
    والله اشتقتلكم جميع بس مدري كيف بضيع الوقت
    عزيزتي أنا أحياناً بحشي السمبوسك خضرايعني بزاليا وجزر وبصلة وبطاطا وفاصولية
    بقطع البصلة ناعمة والجزر والفاصولية والبطاطا وبقليهم بالزيت طبعاً وبتحطي البهارات يلي بتحبيها مع الملح أكيد وبتحشي السمبوسك منها
    وألف صحة وهنا

  16. roroo51 29 July 2011

    السلام عليكم

    كيف الحلوين ؟؟ :)

    حبيبتي منى حابة اسئلك عن حشوة اللحمة كيف اجمدها

    يعني أقدر اقلي اللحمة مع البصل و الفليلفة و .. الخ

    و بعدين اجمدها ؟ و لما بدي استخدمها لازم اطالعها قبل بفترة ؟ و لا كيف ؟ :x

  17. طباخ مبتدىء 30 July 2011

    السلام عليكم !
    رمضان كريم عليكم جميعا و بالأخص ادارة لموقع اللي بفضل جهودهم صار فيني اعمل الاكلات اللي بحبها بالبيت من دون ما اضطر اروح على مطعم و ادفع المبلغ الفلاني و كتير أحيان مو متل نظافة و نكهة الأكل بالبيت
    خاصة انا برا سوريا و ساكن مع رفيقي اللي مو شاطر غير يعمل كبسة ! أو رز و فروج يعني هي نفسها بس بتغير الأسماء و هيك
    انشالله قررت أعمل وصفة كل يومين أو تلاتة من الموقع لحتى خلي موائد رمضان عامرة و السلام

  18. ام عون 30 July 2011

    السلام عليكم ورحمة الله وبركاته. رمضان كريم على جميع الامه الاسلاميه.كيفك منى ؟طبعا السنه هاي رمضان عندي ضيفه صغيره عمرها شهر بنتي جود :الله يحفظها ويحفظ اولادكن جميعا
    وطبعابالنسبه لحشوة السمبوسك بحبها بالحمه المفرومه والصنوبر والحشوه التانيه بحبها بالبازيلا والجزر مع البهارات الكاري ;) وكل سنه ورمضان ينعاد على الاخوات في الموقع بالخير والسعاده

  19. dado 4 August 2011

    بعد اذنك منوش.. الجواب للاخت لمورة الامورة
    بخصوص كتابة موضوع جديد او فتح صفحة جديدة، لازم تبعتي الموضوع لمنى على (اتصل بنا) وهيي بتنزل الموضوع باسمك.

  20. لمورة الامورة 4 August 2011

    شكرا كتييييير دادووو بس باتصل بنا مافيها غيييير رقم كيف رح ابعتووو الي بيعرف ياريت يقلي وشكرا للكل
    تحياتي الكن

    • منى 26 December 2013

      لا فيها مكان لارسال رسالة , جربي و بانتظار رسالتك

  21. huda81 5 August 2011

    موضوع كتير حلو… في حشوه للسمبوسك كتير زاكيه بس ما جربت أفرزنها… بتجيبي باذنجان و بتقطعي مكعبات و بتملحي حتى تصفي ميتو…بعدين بتقلي بصلة+بندورة+فلفل أخضر+البذنجان و بتحطيلهم ملح وفلفل أسود وشطه+دبس فليفله…أنا بحب البذنجان كتير خصوصا إزا كان مقلي وإنشاء الله تعجبك هاي الوصفه …

    عزيزتي عندي سؤال بعيد عن السمبوسك، بلاحظ انو بالمحاشي الحشوي بتطلع معي ناشفه وكتير ماسكه يعني اللحمه والرز شادين على بعض مش عرفي ليش :upset وياريت ألقي عندك الجواب ;)

  22. souha 9 August 2011

    السلام عليكم
    كيفك منى حبيت قلك كل عام و انت بخير و لكل الصبايا و ينعاد انشاء الله على الكل بالخير و البركة :)

  23. أيه 10 August 2011

    مرحبا يا حلوات انا صرلي اكتر من سنتين ونص بعرف الموقع بس هدا اول تعليق لالي, السمبوسك بحشيه اما لحمة وبقدونس, هي الطريقة الحلبية الاصلية
    او جبنة او تمر مطحون, وسمبوسك التمر كتييير طيب ماما كانت تعملنا ياه
    اما سمبوسك الخصراوات ما جربتوا ما كبسني قلبي عليه كتير

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)