الباذنجان بالزيت ( مكمور )


         وصفة : منى                 2007/03/20                 10 تعليقات
الباذنجان بالزيت ( مكمور )




كيلو باذنجان مستدير
2 ملعقة كبيرة زيت زيتون
1 - 2 حبة كبيرة بصل
حبة فليفلة خضراء أو حمراء
5 حبة كبيرة بندورة ناضجة ( كيلو )
ملح و رشة بهار

زيت زيتون أو زيت ذرة للقلي
بقدونس مفروم للزينة





• يقشر الباذنجان ثم يقطع بالعرض إلى دوائر أو بالطول إلى شرائح حسب الذوق , يرش بالملح و يترك جانباً لمدة نصف ساعة ثم يغسل و يجفف و يقلى على دفعات بزيت الزيتون أو زيت الذرة حتى يشقر .

• تقشر البندورة و ترمى بذورها و عصيرها ثم تفرم ناعماً, يفرم البصل لجوانح و تفرم الفليفلة فرماً ناعماً .

• يقلى البصل بزيت الزيتون حتى يصبح شفافاَ ثم تضاف الفليفلة و تقلب قليلاً ثم تضاف البندورة و تترك الصلصة تغلي لمدة 5 دقائق .

• يضاف الباذنجان المقلي , عندما يبدأ المكمور بالغليان تخفف النار كثيراً و يغطى القدر و يترك مدة 30 دقيقة أو حتى تجف الماء , يراعى التحريك بلطف كي لا تتفتت حبات الباذنجان , يضاف الملح بأخر خمس دقائق .

• يرفع المكمور عن النار و يسكب في طبق التقديم ثم يزين بالبقدونس و يقدم فاتراً أو بارداً مع الخبز العربي و الفليلفة الخضراء الحرّة .

  • وصفات تانية ممكن تعجبك


التعليقات

  1. linda 6 July 2008

    ولي على البي
    ولي على طولي
    ولي على بعضي
    ههههههههههههه
    كم وصفة ضايفة بغيبتي
    و كلو بيتنجان
    انا كتير بحب البتنجان
    الله يعطكي العافية يا رب

  2. منى 7 July 2008

    خليلي قلبك و طولك و خليلي ياكي كلك على بعضك :grin

    هي مو وصفة جديدة , هي من أول الوصفات بالموقع بس الجديد هو الصور , لان شارية كاميرا جديدة و عم جدد كل صور الموقع ;)

    ان شاء الله تجربيها و تعجبك لان انا بموت عليها مع قرن فليلفة حراقة , يا سلاام

  3. Eman 3 August 2009

    على سيرة الصور منوشة ، معلش سؤال شخصي شوي ؟؟ شو نوع كاميرتك .؟؟ :roll كتير حلوة الصور وبتشهي ، وبتمنى كاميرتي تكون بهاد الصفاء .

  4. منى 3 August 2009

    نوعيتها كانون g9

    حبابة هل الكاميرا و كل يوم بكتشف فيها شي جديد ;)

  5. ام رضا 12 October 2009

    اول شي انا كتير مبسوطة انو طلع معي الموقع وانا بالغربة وخصوصا انو ملياااااااااااااان اكلات من المطبخ الحلبي
    :grin
    وبس بدي قول انو في اكلة كمان بنعملا بحلب قريبة من الذنجان المكمور هي مطبق الباذنجان لذيذة وتغيير شكل ما بعرف اذا موجودة على الموقع ولا لأ
    ويسلمو يا منى جد اكلاتك بيجننو

  6. منى 16 October 2009

    هلا ام رضا :)
    و انا انبسطت اكتر بهل الاخت الجديدة , ان شاء الله تجربي شي وصفة و تكون طيبة و كمان ان شاء الله تبقى معنا على طوول :zzz

    الوصفة الي قلتيها مو موجودة , ما عرفتها ممكن تشرحيلي شكلها اكتر 8)

  7. ام محمد 18 October 2014

    يسلموا دياتك على هالوصفه انا بعملها نفس الشي بس كل الخضار بشويها شوي بعدين بفرمهم وبحطهم على بعض وعلى الوجه زيتون بس لازم اجرب طريقتك واكيد راح تعجبني اي شي باتنجان بعشقه

    • منى 18 October 2014

      مممم ، بتشوي البندورة و البصل ز. بتخيلها رح تطلع روعة
      في اكلة ليبية بهي الطريقة , رح جرب طريقتك كمان
      شكرا لاغناء الوصفة :)

  8. dado 7 February 2015

    منى يااااا منى
    انت بتعرفي انو قسم أكلات زيت الزيتون هو غرامي.
    لذلك ما رح قول شي، بس رح عيد يلي قالته ليندا ؛)

    • منى 7 February 2015

      بعدزمان القمر الحلو ماااابان :)
      و انا كمان بكرر الي قالته ليندا .. بس عليك هل المرة :D

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)