الفوريه نوار ( كاتو الغابة السوداء )


         وصفة : سها قمند                 2009/08/25                 14 تعليقات
الفوريه نوار ( كاتو الغابة السوداء )

·         يفضل تحضير الكاتو في اليوم السابق و تبريده لتسهل عليك عملية التقطيع.

·         يدهن بالزبدة قالب كاتو غير مرتفع من الوسط قطره 30 سم و عمقه 8 سم ثم يغطى بطبقة من الطحين مع نثر الفائض منه.

·         يحمى الفرن على درجة حرارة 175 مئوية و يوضع الرف في منتصف الفرن .

·         في وعاء كبير ننخل الطحين مع البيكنغ باودر و بيكربونات الصودا ثم نضيف السكر و الكاكاو و الملح و نحرك بواسطة مضرب البيض لتمتزج المكونات الجافة  ثم نضيف البيض و الحليب و الزيت و الفانيليا و بشرة الليمون و نخفق جميع المكونات حتى تتجانس مع بعضها البعض .

·         نسكب المزيج في الصينية المجهزة و نخبزه لمدة ساعة أو أكثر ( حتى يخرج السيخ نظيفاً ) , إن خبز الكاتو  في صواني غير مرتفعة من الوسط يحتاج فترة أطول .

·         عندما ينضج الكاتو أخرجيه من الفرن و اتركيه قليلاً حتى تهدأ حرارته ثم اقلبيه على شبك و اتركيه يبرد تماماً ثم غطيه و ضعيه في البراد لليوم التالي .

طريقة التزيين :

·         اخفقي الكريما مع الحليب البارد و اتركيها في البراد لحين الحاجة .

·         في اليوم التالي ضعي الكاتو على طبق التقديم , سنقوم بتقسيم الكاتو إلى ثلاث طبقات , بواسطة سكين منشار قومي بعمل شق على محيط الكاتو في الثلث الأول بعمق 2 سم كما في الصورة و كرري العملية في الثلث الثاني .

·         ادخلي خيط من النايلون في الشق ثم أمسكي طرفي الخيط بكلتا يديك بشكل متعاكس و شدي الخيط حتى ينقسم الكاتو كما في الصورة , أرفعي الطبقة بحذر و ضعيها جانباً و كرري العملية مع الطبقة الثانية .

·         ضعي قصاصات ورقية تحت الكاتو حتى لا يتسخ الطبق أثناء التزيين.مدي ربع كمية الكريما على أول طبقة ثم ضعي نصف كمية الكرز مع القليل من الشيرة و وزعيه بشكل متساوي ثم ضعي فوقها الطبقة الثانية و كرري العملية

·         سيبقى لديك نصف كمية الكريما , ادهني منها على سطح الكاتو و الجوانب بواسطة ملوق ( سباتيولا ) مع ترك القليل منها للتزيين .

·         جهزي كيس الحلواني و اختاري فورم على زوقك أنا استخدمت فورم رقم (854) و املئي الكريما بالكيس و اعملي أشكال على المحيط و بالمنتصف .

·         ابشري الشوكولا بمبشرة الجبنة و زيني أطراف الكاتو ثم زيني السطح بالكرز ثم ارفعي القصاصات الورقية .

ملاحظات :

1.         إذا لم يتوفر الكرز لتزيين سطح الكاتو يمكن أن يزين بمربى الوشنا أو مبشور الشوكولا أو الغناش
2.         يفضل تبريد الكاتو بشكل جيد بعد تزينه حتى تبرد الكريما و تتماسك الطبقات مع بعضها .  




للكاتو

3¼ كوب طحين كاتو
2¾ كوب سكر
1 كوب كاكاو غامقة بدون سكر
2¼ ملعقة صغيرة بيكنغ باودر
1½ ملعقة صغيرة بيكربونات الصوديوم
5 بيضة بحرارة الغرفة
1½ كوب حليب
¾ كوب زيت نباتي
1 ملعقة صغيرة فانيليا
بشرة ليمونة أو برتقالة

للتزيين

2 علبة كريما شانتيه
1 كوب حليب بارد
كوب مربى كرز الوشنا ( تقاس الكمية بحبات الكرز مع القليل من الشيرة )
نصف كيلو كرز منزوع النوى أو حسب الحاجة
شوكولا فورماسيه أو شوكولا مبشورة




• يفضل تحضير الكاتو في اليوم السابق و تبريده لتسهل عليك عملية التقطيع.

• يدهن بالزبدة قالب كاتو غير مرتفع من الوسط قطره 30 سم و عمقه 8 سم ثم يغطى بطبقة من الطحين مع نثر الفائض منه.

• يحمى الفرن على درجة حرارة 175 مئوية و يوضع الرف في منتصف الفرن .

• في وعاء كبير ننخل الطحين مع البيكنغ باودر و بيكربونات الصودا ثم نضيف السكر و الكاكاو و الملح و نحرك بواسطة مضرب البيض لتمتزج المكونات الجافة ثم نضيف البيض و الحليب و الزيت و الفانيليا و بشرة الليمون و نخفق جميع المكونات حتى تتجانس مع بعضها البعض .

• نسكب المزيج في الصينية المجهزة و نخبزه لمدة ساعة أو أكثر ( حتى يخرج السيخ نظيفاً ) , إن خبز الكاتو في صواني غير مرتفعة من الوسط يحتاج فترة أطول .

• عندما ينضج الكاتو أخرجيه من الفرن و اتركيه قليلاً حتى تهدأ حرارته ثم اقلبيه على شبك و اتركيه يبرد تماماً ثم غطيه و ضعيه في البراد لليوم التالي .


طريقة التزيين :

• اخفقي الكريما مع الحليب البارد و اتركيها في البراد لحين الحاجة .

• في اليوم التالي ضعي الكاتو على طبق التقديم , سنقوم بتقسيم الكاتو إلى ثلاث طبقات , بواسطة سكين منشار قومي بعمل شق على محيط الكاتو في الثلث الأول بعمق 2 سم كما في الصورة و كرري العملية في الثلث الثاني .




• ادخلي خيط من النايلون في الشق ثم أمسكي طرفي الخيط بكلتا يديك بشكل متعاكس و شدي الخيط حتى ينقسم الكاتو كما في الصورة , أرفعي الطبقة بحذر و ضعيها جانباً و كرري العملية مع الطبقة الثانية .




• ضعي قصاصات ورقية تحت الكاتو حتى لا يتسخ الطبق أثناء التزيين.مدي ربع كمية الكريما على أول طبقة ثم ضعي نصف كمية الكرز مع القليل من الشيرة و وزعيه بشكل متساوي ثم ضعي فوقها الطبقة الثانية و كرري العملية




• سيبقى لديك نصف كمية الكريما , ادهني منها على سطح الكاتو و الجوانب بواسطة ملوق ( سباتيولا ) مع ترك القليل منها للتزيين .

• جهزي كيس الحلواني و اختاري فورم على زوقك أنا استخدمت فورم رقم (854) و املئي الكريما بالكيس و اعملي أشكال على المحيط و بالمنتصف .

• ابشري الشوكولا بمبشرة الجبنة و زيني أطراف الكاتو ثم زيني السطح بالكرز ثم ارفعي القصاصات الورقية .

ملاحظات :

1. إذا لم يتوفر الكرز لتزيين سطح الكاتو يمكن أن يزين بمربى الوشنا أو مبشور الشوكولا أو الغناش
2. يفضل تبريد الكاتو بشكل جيد بعد تزينه حتى تبرد الكريما و تتماسك الطبقات مع بعضها .
  • وصفات تانية ممكن تعجبك


التعليقات

  1. منى 25 August 2009

    بتعرفي ام السوس , على قولة واحدة لذيذة بالموقع , اشتهيت اسبح بهل القالب , ادخل بأوله و اطلع من الطرف التاني و انا عم غمس بكل هل الأطايب , شوكولا و كريما و كرز و شي بياخد العقل , عندي احساس انك عاملة بزمناتك دورة حلويات لان شي بيشهي و شغل احتراف و مع ذلك و بنفس الوقت مو صعب و و قصة الطبق الواحد مو قليلة لان بتلاقي الواحدة فينا بس ما خلصت قالب الكيك , طلع عندها شغل عن ساعتين

    الله يعطيكي الف الف عافية سهى , و الف شكر الك لكل وصفاتك المميزة .

    و شو كمان , اه يا ريت لو تكتبي كل فترة و فترة وصفة من عندك و تشاركينا فيها :zzz

  2. Iman 26 August 2009

    سهى اول ما تزوجت كنا نطلب هالكيكيه من محل مختص فيها و كانت تذوب بالفم ذوبان. كيكتك بتشبهها كتير. اسمالله شكلا كتير حلو و بيبيض الوش. مش بس راح تعجب الضيو بتعجب الملك كمان. اختيار جيد للمسابقه. ياللا بقا طلعي اللي عندك كله و ما تستني مسابقات لانو كلو محرز. :zzz

  3. رنا 28 August 2009

    ياعيني عن جد بيشهي خصوصي مع كرز الوشنة الحامض والكيك …….يالطيييييييييف شي رائع
    حتى شكله يعني اسمه غابة سوداء بس بيبض الوش غييييير شكل
    ياريت كانت الكرزات متوفرة عندي كنت جربته هلأ :sigh مضطرة استنى للسنة الجاية بس الوصفة دغري للحفظ
    شكرا لانك وضحتيلي طريقة قسم الكيكة بالخيط بس في شغلة مافحمتها هلأ انتي بتقصيه من الطرفين بالسكين بعدين بتكملي بالخيط ؟

  4. souha 28 August 2009

    هلا منونة
    يا ستي إذا بدك تسبحي خديني معك نسبح سوا بهالقالب الله لايحرمنا من نعيمو و يرزقنا الجنة أجمعين وعلى سيرة دورة الحلويات لأ أنا مو عاملة أي دورة بس بتابع برامج طبخ كتييير و بنتبه على التكنيك يلي عم يستخدمو الشيفات و طول السهرة على فتافيت عاملتلون حظر تجول على التلفزيون :grin حتى أخوي يلي بحب الأخبار و قناة الجزيرة استسلم
    و أنا كمان بدي أتشكرك على المسابقة ما شاء الله كل الأكلات بهالمسابقة ظريفة يعني أطايب و أطايف
    سلام :)

  5. souha 28 August 2009

    هلا إيمان :)
    تسلمي حبيبتي كلماتك مشجهة و هادا من بعض ما عندكم يا قمر ;)

  6. souha 28 August 2009

    هلا رنونة :)
    حبيبتي ما في داعي تستني للسنة الجاية إذا عندك مربى الوشنا فيك تحطي على النار مع شوية مي و شوية كورن فلور و تضلي تحركي ليسمك المزيج شي شوي و تتركي يبرد و تزيني في وجه الكاتو بالنسبة لقص الكاتو أنا بغرز السكسنة بالكاتو شي 2 سم و بمشي السكينة داير مندار الكاتو و بعدها بغلق بالخيط و هالعملية مشان الخيط يثبت منيح لأنو بدون ما تعملي هيك رح يزحط معك الخيط ما بتطلع الطبقات سوية منيح
    سلام ;)

  7. Mays 2 February 2010

    يسلم إيديكي يا سهى
    شكل القلب بيجنن و كتير بيشجع للتجربة خاصة مع طريقة One mix cake يعني ما في أسهل من هيك
    عندي سؤالين من بعد إذنك :
    قديش بدهن المكونات خفق ؟ يعني كم دقيقة؟؟؟ :?
    أنا ما عندي حاليا مربى كرز وشنى لإنو قضينا عليه من زمان و طبعا بالأمارات هالكرز منشوفه بس بالأحلام :cry بقى ممكن إستعمل الكرز المعلب تبع الpie filling و لا ما بيمشي الحال؟؟؟

  8. souha 2 February 2010

    هلا ميس :)
    المكونات ما بيحتاجو خفق كتير بس لحتى تتجانس المكونات مع بعضها و بالنسبة للكرز المعلب ممكن تستعملي بعد ما تشيلي البذرة و طبعا بدون الشراب يلي محفوظ فيه الكرز بس هادا يعتبر خروج عن الوصفة الألمانية الأصلية :roll بس شو بدنا نساوي لا جود إلا بالموجود ;) و صحة و هنا مقدما

  9. souha 2 February 2010

    سوري ميس أنا ما انتبهت أنو قصدك الكرز تبع pie filling إذا كانت الشيرة كثيفة و إذا لأ فيكي تسمكيها على النار مع شوية نشاء
    سلام

  10. منى 26 May 2010

    ميوس لازم تضغطي على الصورة بالزر اليسار بيقوم بيطلع الك خصائص الصورة هي المفروض انك تحطيها كعنوان .

    رح زبطها انا هل المرة

  11. souha 4 June 2010

    هلا ميوس :)
    إنشاء الله ريتو صحة و هنا كتيييير فرحت أنو عجبك و ألف مبروك على فوز فريق برشلونة مع أنو أنا من الناس يلي ما بتعرف بكرة القدم شي غير شكل الطابة :zzz و بما أنو عم تقولي الزينة غير شكل حمستيني شوف الصورة :eek عم إستنه الصورة لتزبط ;)

  12. Mays 4 June 2010

    كيفكن يا صبايا :p
    عنجد ما بعرف كيف بدي اتشكرك يا سها على هالكاتو الرائع و كلمة رائع قليلة بحقه.
    أنا جربته يوم الخميس الماضي و طلع و لا أطيب كاتو فوريه نوار من أفخم محل ، طري و بيدوب بالتم دوبان و ما كان أبدا بدو تسقاية بشي متل ما قلتي بالضبط.
    أنا استعملت للحشو الكرز الأسود تبع الباي فيلينغ مع ملعقتين عصير ليمونة حتى تعطيه شوية حموضة و كان كتير منسجم مه نكهة الشوكولا و الكريم فريش.
    طبعا كانت المناسبة فوز فريق برشلونة ببطولة الدوري لهيك الزينة ما كانت زينة تقليدية ;)
    راح أجرب حط الصورة و إن شاء الله تطلع :grin
    [img]http://sphotos.ak.fbcdn.net/hphotos-ak-ash1/hs330.ash1/28647_394098802010_700637010_4273121_2602372_n.jpg[/img]

  13. منى 4 June 2010

    بعد زمان سهى :)
    هي عدلت الصورة لتشوفيها , وووواو

  14. lolli 15 February 2011

    يسلمو ايديكي يا سهى كتير طلع طيب و فاخر
    و هي الصورة اكبر دليل
    طبعا لعدم توافر الكرز بدلتو بالتوت و الفواكه الحمرا
    [img]null[/img][IMG]http://www.alhnuf.com/attachment.php?attachmentid=69279&d=1297817397[/IMG]

    و هي من زاوية اخرى

    [IMG]http://www.alhnuf.com/attachment.php?attachmentid=69280&d=1297817397[/IMG]

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)