الكاتو الأخضر بالمكون السري العجيب


         وصفة : منى                 2007/06/13                 70 تعليقات
الكاتو الأخضر بالمكون السري العجيب



3 بيض
كوب و نصف سكر
فانيليا
2 كوب طحين مخصص للحلويات
2 ملعقة صغيرة بيكنغ بودر
نصف كوب زيت
ثلث كوب حليب
سبانخ منظف و مقطع

للتزيين :
علبة كريما دريم ويب
حليب بارد






• يحضر السبانخ : ينظف السبانخ جيدا ثم يقطع لقطع كبيرة , يوضع قدر فيه ماء على النار و بعد أن يغلي يضاف السبانخ و يسلق لمدة خمس دقائق, ثم يرفع من القدر و يوضع في مصفاة حتى يصفى جيدا من الماء , الوصفة تحتاج لكوب من السبانخ المسلوقة .

• يخفق البيض حتى يصبح هشاً و يفتح لونه ثم يضاف السكر و الفانيليا و يخفق الكل حتى يذوب السكر بالكامل و يتكون لدينا الشريط عندما نرفع الخفاقة .

• يوضع كوب السبانخ المسلوقة مع الحليب و الزيت في خفاقة الكوكتيل و يهرس الكل حتى تتجانس المواد و نحصل على مزيج أخضر جميل , ينخل الطحين مع البيكنغ بودر , تدهن صينية فرن مستطيلة أو مربعة بالزبدة و يحمى الفرن على حرارة 180 درجة مئوية .

• يضاف مزيج السبانخ للبيض ثم يقلب بلطف إما بملعقة خشبية أو بمضرب سلك , يضاف الطحين و يقلب المزيج بنفس الإتجاه بلطف حتى يتجانس ثم يصبي في الصينية المدهونة .

• يخبز القالب في فرن على حرارة 180 درجة مدة 45- 60 دقيقة حتى ينضج و بعد أن يبرد القالب يقلب و تقطع أطرافه ثم يوضع في طبق التقديم.

- التزيين :

• تخفق الكريما مع الحليب البارد حتى تشتد و تسمك ثم يدهن بها الكاتو .

• تطحن الأطراف التي قصت من الكاتو حتى يتشكل لدينا بودرة خضراء جميلة , ترش هذه البودرة على الكاتو ثم يوضع بالبراد حتى وقت التقديم , و بالهنا و الصحة .
  • وصفات تانية ممكن تعجبك


التعليقات

  1. linda 14 June 2007

    هي اول مرة بسمع بهل الكاتو
    و مستغربة صراحة
    بس صار عندي فضول اعرف الطعمة
    ان شالله بجربوا و بعطيكي رأيي

    تسلم ايديك

  2. منى 15 June 2007

    مسا الخير ليندا :)
    حبيبتي جربيه و على ضمانتي ان شاء الله , لان هل الوصفة صار جربوها كتير كتير ناس و كلهم بيقولوا بيجنن و ما في اطيب منه ;)

  3. منى 6 July 2007

    مية اهلا و سهلا فيك سناء:)

    هذا من زوءك و لطفك أختي ;)

    انت ابقي متابعتيني إذا الله راد و رح نزل وصفات متنوعة …
    و فيهم أكيد وصفات حلوة و جديدة للرز

  4. Sanaa 6 July 2007

    عجبني هالموقع وعجبني كمان كاتوالسبانخ انا بحب وصفات الارز كتير واتمنى لك التوفيق

    سناء

  5. ام نور 31 December 2007

    مسا الخير اخت منى
    انا متل الاخت ليندا استغربت لا هالنوع من الكاتو بس حابة اعرف انو غير اللون الاخضر لا السبانغ ما في نكهة سبانغ بالكاتو ابدا :upset

  6. منى 1 January 2008

    هلا ام نور :)

    ان نور و الله لو جربتيه رح تدعيلي كتيرر

    و نصيحة جربيه و على مسؤوليتي ان شاء الله , ما بتتخيلي شو طري و طيب هل الكاتو و السبانخ رح يعطيه بس لون

    أختي فيك تشوفي قديه جربوه ناس [URL=http://www.lakii.com/cookportal/index.php?doWhat=showcook&cookid=1749]على هل الرابط [/URL]

  7. DDOUHA 31 January 2008

    شكلو بيجننن بس حابة اعرف كم مقدار السبانخ ؟؟

    وممنونة :p

  8. DDOUHA 31 January 2008

    سوري هلئ لمن رجعت شفت الوصفة شفت انو مقدار كاسة سوري

    وصار كتبت اكتر من مرة بس ما كنت بعرف انو في رقابة فكنت افتكر اني ما صار لازم عيد منيح ما طولت الحالة معي بعتذر ههههههههههههه :grin

  9. منى 1 February 2008

    و لا يهمك ضحى :grin

    ان شاء الله تجربيه و تشوفي قديه طيب ;) بس لا تنسي تعزميني

  10. ام نور 1 February 2008

    ماشالله عليكي يا ضحى شو دمك خفيف عسل :grin
    انا هالقالب اقتنعت في ورح جربو انشالله بهل يومين ورح خبرك كيف انشالله.
    حابي اسالك منى اذا عندك مقادير معينة لا خلية النحل بالذات او ايا عجينة بتنجح فيا :? وحابة كمان اخود رايك ابني الله يخليلك اولادك عندو حفلة بالمدرسة بعد اسبوعين وطالبين من كل ام تقدم ضيافة فانا حابة قدم شي مميز وطيب بنفس الوقت وما يوسخ ايدي الاولاد
    والفرنسين ما اشطرون بالكريب عانواعو والكروسان
    فاكيد الاكترية رح يعملون
    وكمان الضيافة لا المعلمات يعني لازم اعمل شي مميز شو بتنصحيني

  11. منى 2 February 2008

    و الله العظيم أختي ام نور قريت ردك على السريع و فهمت منه ان في حفلة لابنك و كنت رح انصحك تعملي له خلية نحل , و بعد ما قريته على مهم شفت انك عم تسالي عن الطريقة :grin ..

    أنا محضرة طريقة لخلية نحل , بس شو بتجنن بعجينة البريوش اليبحط معه يانسون و محلب و مستكة لهيك رح يكون مميز شوي عن البريوش الفرنسي العادي و بحشيه بالكيري مع قطر العسل … كتيرر طيب , كنت ناوية نزل وصفة العجينة اليوم بس انشغلت شوي ..
    اذا بتحبي فيك تحضريه لرفقات ابنك أو تحضري هل الكاتو بس بقوالب الكب كيك ..

    لو كنت مكانك كنت رح حضر الخلية :roll , لان متل وصفة البريوش الي بيعرفوها بس بلمسة عربية خاصة فينا لان أنا بضيف للعجينة يانسون و محلب و مستكة :)

  12. ام نور 2 February 2008

    ولا يهمك يا اخت منى عادي الله يعطيكي العافية انا بانتظار تنزلي الوصفة وهاك بعملا ليش لاء وفكرة كمان كاتو الكب كيك مع اني ولا مرة مجربتو دائما بفضل اعمل قالب بحس اسرع ;)

  13. منى 3 February 2008

    صح الكاتو أسرع , بس ليش الكب كيك بيموتوا عليه الاولاد ما بعرف :grin

  14. ام نور 13 February 2008

    شو طلع هالكاتو طيب يا منى ما بتسدقي مع انو بسيط كتير كتير وما بدو شغل ومن اسهل ما يكون حسيتو بيشبه الكاتو الاسنفنجي بس لونو اخضر وما في ايا طعمة لا السبانغ ولا نكهة ولا شي يعني الما بيعرف مكوناتو بيفكر صبغة وحطيتلو كريم شانتيي وقطعت الجوانب وطحنتون وزينت القطع فيون كتير ضيافة مميزة عنجد الله يبارك فيكي

  15. منى 14 February 2008

    مممممم , بتعرفي صرلك يوميين قايلتيلي انك رح تجربي هل الكاتو و ما سمعت منك , قلت معناها الله يستر ما عجبها 8)

    صحتين و هنا يا رب , هل النوع مفضل عندي , بحسه كتير تغيير و فيه فكرة جديدة عن بقية انوااع الكاتو ;)

  16. WAFAA 6 April 2008

    الكاتو هاد صرت عاملته مرتين مرة لاهلي ومرة لدار عمي والاثنين اعجبهم وكثير استغربوا انه من السبانخ بس الكل انبسط فيه ولسه انا متحتفظة بصورته على الموبايل تبعي :grin :p

  17. منى 6 April 2008

    مممم صحتين و هنا و عوافي وفا:)

    كتير انبسطت انه عجبك و اهم الشي انه بيض وجهك و إذا فيك كمان تبعتي الصور بكون ممنوتك ;)

  18. WAFAA 10 April 2008

    عزيزتي منى
    امبارح كمان عملت الكاتو ، وضفت عليه من بعد إذنك بعد مااستوى خليته يبرد
    ثم عملت قطر (نصف كوب سكر وربع كوب ماء ورشة ليمون) قطر خفيف يعنى ورشيته وهو سخن على الكيك البارد ثم رشيت جوز هند على الوش وطلعت زاكية كثيييير

    شو رأيك ؟؟ ( ماتخافي احنا تلاميذك )

  19. منى 10 April 2008

    :grin أكيد طيب ما دامه من تحت دياتك ..

    و هي كمان التزيين كل واحدة فينا لازم تحط لمستها المميزة , ممم

    صحة و هنا يا رب ;)

  20. سارونات 3 August 2008

    السلام عليكم و رحمة الله و بركاته
    هالوصفة من اول ما شفتها جزبت انتباهي كتير مميزة ما شاء الله و فكرة التزيين بتجنن ما كانت راح تخطرعبالي ابدا و السبانخ هيدا بعتبرو انجاز و ابداع
    انا كتبت الوصفة من فترة بس ما كانت السبانخ متوفرة عندي بس هلأ بقدر اعملا قبل او بعدكيك السنكرز اللي جنني و تعبتك معي منشانو :cry
    بالنسبة لهالكيكة كل شي تمام تقريبالان كالعادة عندي اسئلة مزعجة بالنسبة للسبانخ منشيل السيقان صح لان بالصورة بموقع لك كان بينت معي سيقان السبانخ — صرت عم حلل الصور — :grin
    عم اتخيل كيف شكلا ككل يعني هاي اللي بالصورة هلأ عملتيها بنفس القالب اللي بصورة منتدى لك لان ازا هيك فما عندي قالب عميق يعني راح انطر تحتى اشتري واحد :cry
    اخر شي انا كتير بخاف من الكريما تخلي الكاتو تقيل عالمعدة في عندك وصفة لكريما بالبيت تكون خفيفة او القشطة اللي قلتي عنها بالموقع بقدر حطا و تطلع خفيفة و كيف حطا بضيفلها شي او لا
    و الله يجازيك كل خير و يوفقك و يسهل دربك
    سلام من اختك سارونات

  21. سارونات 17 August 2008

    السلام عليكم و رحمة الله و بركاته
    وينك اختي منى ناطرتك مشان الله لا تواخزيني بعرف عم تعبك معي — قوليلي تعبك راحة :grin –
    بالتوفيق
    سلام

  22. منى 17 August 2008

    هلا أختي :)
    عجبتني هي عم حلل الصور :grin السبانخ منشيل عيدانه و منسلقه , و هل القالب غير قالب لك , هدا قالب مستطيل و هداك قالب مثقوب من النصف , انت فيك تنقى القالب المتوفر عندك ;)

    أختي فيك تقدمي الكيك من دون كريما او تدهني كريما شانتيه بطبقة خفيفة , ما منقدر نعمل هل الكريما في البيت ;)

    تعبك راحة و شوكولا و ملبن و شو بدك , المهم انك تجربي شي وصفة و تظبط معاك , هي هي فرحتي

    أي سؤال تاني انا بالخدمة

  23. سارونات 20 August 2008

    السلام عليك مو رحمة الله وبركاته
    جازاك الله خيرا اختي منى تسلميلي و ان شاء الله راح جربا و تضبط وافرح و تفرحي معي
    بدي اعرف شو قياس القالب او حجمه و الله يخليلي ياكي و ينولك اللي في بالك
    بالتوفيق
    سلام

  24. سارونات 20 August 2008

    و شو رايك ازا حطيت فوقو ميرانغ بدل الكريما و هيك بيطلع اخف لان انا بدي اللون الابيض تحتى يبين اديش الاخضر حلو ازا ينفع فهل برجعو مع الميرانغ للفرن شوي او قبل ما ينضج تمام طالعو من الفرن و حطل الميرانغ و رجعو لدقائق
    بدي اعرف ازا الطعمة راح تضبط بما انك دقتيه فهل راح تطلع طعمتو حلوة بالميرانغ او لا
    بالتوفيق
    سلام

  25. سارونات 20 October 2008

    السلام عليكم و رحمة الله و بركاته
    جبت سلق و عبالي ساوي هالكاتو شو قلتي باسئلتي اختي منى
    ناطرتك
    ربنا يوفقك وي سهل دربك
    سلام

  26. منى 21 October 2008

    و الله اختي مو متزكرة أي قالب مستطيل استعملت على الظبط , بس مع القالب المثقوب من النصف استخدمت القالب الي قطره 24 سم , الميرانغ اذا حابة تجربيه فلازم تحطيه من الاول بس ما رح يطلع متل الكريما , نصيحة جربي هلا الكريما و بعدها اتفنني في القالب على كيفك , اختي شو خطر الك تجربيه بالسلق ؟ ممكن يصير ان شاء الله اذا جربتيه تخبريني شو بيصير معك :zzz

  27. سارونات 21 October 2008

    السلام عليكم و رحمة الله و بركاته
    يخليلي ياكي اختي منى
    ذكرتيني الله يذكرك في الشهادة
    كان بدي اسالئك شو هو الفرق بين السبانخ و السلق انا كنت مفكرتهم اسمين لنفس الشي بس لما شفت وصفة السلق المحشي عرفت انهن مو نفس الشي يا رتي لو تقوليلي شو الفرق بينهم بعتقد باللون و بالحجم مو هيك يعني السبانخ اخضر فاتح و ورق مو كتير كبير اما السلق فلونه اخضر داكن و حجم الاوراق كبير صحيح هالشي او لا
    بالتوفيق
    سلام

  28. منى 22 October 2008

    ما عدا الفرق بالطعم الفرق الاساسي بالحجم , السلق كبير كتير اما السبانخ فبنفس حجم ورق الجرجير تقريباً و في اختلاف بشكل الورقة , كمان عض السلق بيكون كبير أما عض السبانخ ناعم , قصدي بالعض عرق الورقة .. اللون نفسه في السلق و السبانخ ;)

  29. سارونات 22 October 2008

    السلام عليكم و رحمة الله و بركاته
    شكرا كتير على التوضيح انا راح استعمل السبانخ ان شاء الله لان اللي اشتريتها استعملتها بس قريبا ان شاء الله بجرب الكيكة
    جازاك الله خيرا على المساعدة
    سلام

  30. منى 22 October 2008

    و لو مية اهلا و سهلا , بانتظار التطبيق ;)

  31. منامينو 8 November 2008

    يسلمو إيديكي. فعلا، أنا من زمان بحب مواضيعك في منتدى لكِ. على فكرة أنا بعرف كيكة السبانخ هاي من تركيا. في منهن بيعملوها مثل ما قلتي، وفي منهن بيزينوها بالفستق الحلبي المطحون بدال فتافيت الكيك. وبرضه لونه أخضر. ويقطعوها من النص وبيحشوها بالكريم شانتي الأبيض مثل العادة. بس عن جد طيبة كتير وما حدا قدر يحزر إنها بالسبانخ.. يسلمو كتير على كل وصفاتك الحلوة

  32. منى 9 November 2008

    مية هلا منامينو :)
    الله يسلمك اختي نور الموقع باخت غالية ..

    متل ما قلتي ممكن تتزين اما بفتافيت الكيك او الفستق , و فكرة جديدة منك ان تقسها بالنص و نحشيها .
    مية اهلا و سهلا فيك اختي

  33. رنا 17 November 2008

    الله يسلم ايديكي عالوصفة وانا من يومين جربتها لانه اجا السبانخ التازة وبصراحة كل العيلة طار عقلهن عليه بالاول فكوه فستق وقالوا شو حاطة كيلو :grin بس بعدين تطمنو لماعرفوا انه مو فستق وانه سر الوصفة السبانخ الشطور اللي مو ممكن يخطر ع بال حدا ;) بس في شغلة انه كل العيلة حبته الا انا مو كتير :sigh مابعرف بظن اني غلطت وكترت السبانخ لانه حسيت طعمتها ظاهرة هلأ انا اسستعملت كوب سبانخ بس بعد السلق يعني معصور ووقت منعصره بيصير بينكبس بالكوب يهني انا حسيت انه انضغط السبانخ قام كتر لانه كمان لونه طلع معي اغمق من الصورة المهم القالب طار كله وياريت تقوليلي انه ياترى انا كترت كمية السبانخ؟
    وهي الصور
    [img]http://file11.9q9q.net/local/thumbnail/56248159/600×600.jpg[/img]

    [img]http://file11.9q9q.net/local/thumbnail/46141542/600×600.jpg[/img]

  34. منى 17 November 2008

    مية هنا و الف الف عافية على قلبك :)
    كتير صورتهم بتشهي , و لونهم حلو كتير , يمكن انت حسيت بالطعمة اما لان انت حاطة السبانخ بايدك بالكيك فحالة نفسية , لان انا هيك صار معي اول مرة :grin و السبب التاني انك بالفعل مكترة كميته لان السبانخ ما بده عصر بين الايدين انت اتركيه يصفى لوحده من ميته و بعدها قيسي الكوب رح يكون السبانخ طري و فيه شوي من المي ..

    بكل الاحوال التطبيق ممتاز و عشرة على عشرة و كمان الله يحميلك هل الاجاصات عيني عليهم :grin

  35. رنا 18 November 2008

    ايووووووووووووووووه ايووووه ياستي انا عصرته وطالعت روحة …….اخ مني الا مااخبصها …بس بالفعل قالولي طيب خلص رح جربه تاني مرة بلا عصر
    شوي تانية رح اجي على سوريا كمان شهر وزورك واعطيكي اجاصات متلهن ;)

  36. منى 18 November 2008

    بتنور سوريا و عم استنى اجاصاتي :grin ديري بالك عليهم لتكسريلي ياهن

    يلا عم استنى التجربة التانية و ان اء الله يكونوا على زووءك

  37. muna.g.7 24 November 2008

    يا سلام على هالون الاخضر الجميل وانا متاكده من الطعم لان الحلو ما يجيب الا حلو والا ايش يا حلو انشاء الله اعملها لاحفادي في الزيارة الجاية لانهم ما ياكلون الخضار

  38. منى 24 November 2008

    هلا منونة :)
    هادا بس من زووءك يا عسل , ما اعرف عندك احفاد
    الله يخليهم و يديمكم فوقهم و تشوفهم متل ما بتحبوا و اكتر .

    و اذا ساويته تبقى خبريني
    :zzz

  39. نادين 25 November 2008

    السلام عليكم
    كيفك منى
    شو اخبارك واله الشكل لذيذ بس الصراحة ما فيني استوعب السبانخ….رنوش قالتلي جرب بس والله خفت هههههههه

    ياستي من يومين كان عندي عزيمة و عملت الرز بالكادو و الجزر و طلع خيلللللللللللللللللة و تحفة فنية و لقمة نشكن غرااااااااااام .و عملت شوربة الربيع الفرنسية و صار الكل بحكي فرنسي ..والكل طار عقلون و قلتلون الفضل لموقع لقمة طيبة و بعتت اللينك للكل
    وزوجي انبسط طتير وقلي الله يبض و جهك على هالاكلات الطيبة …بس ماقدرت صور شي ..لان بتعرفي عجقة العزايم :x
    للاسف ماقدرت صور شي
    وعملت اكلة اصولها تركية و هي الاساس فيها الفطر و نكهنها لذيذة ومميزة جدا
    و رنوش اصرت انو شارك و اني شارك فيها و اكيد هالشي بيشرفني
    انتظري مني الطريقة و الصور الاسبوع القادم و ان شاء الله تعجبك و تعجب الكل

  40. ام محمد 25 November 2008

    ياسلام يامنى عن جد صايرة عم تحيرينااش نطبخ لنطبخ كله طيب ولذيذ بس انا شوي زعلانة لانو ما قلتيلي اش رايك بالترياكي :? ليكون ماعجبك :cry

  41. رنا 25 November 2008

    اهلا وسهلا بنادين خانم واخيرررررررا شرفتيني برد
    على فكرة منى نادين صديقتي من اياااام زمان .هلأ رح تفكريني ختيارة بس لا مو هيك نحنا صرلنا رفقات من صف العاشر تقريبا بس شو صحبة للعضم
    وه×لأ نادين متزوجة ومقيمة ببريطانيا وبصراحة اول ماتزوجت ماكانت تعرف تقلي بيضة (يعني انا على اساس احسن :x )المهم احكي معها عالنت وتسألني عالطبخ وبدووون تردد ابعتلها لينك الوصفة من لقمة طيبة حتى صار مرجعها الاول بالطبخ وسبقتني بأشواط وصارت تعمل عزايم وولائم يعني الطالب سبق الاستاذ ;)
    المهم بعد ماحكتلي عالوصفات اللي عم تجربها قلتلها تشترك وتحط صور وصفاتها وتطبيقها لذلك اقتنعت على مايبدو واشتركت بقا بدي منك ترحييب حااااااار جدا احر من الفليفلة الحمرا لعيون نادين خانم حتى تزيد الهمة والنشاط
    ;)

  42. منى 25 November 2008

    هلا بندوشة و رنوشة :) ما شاء الله عليكم هيك و انتو عم تحكوا حسيت حالي بعرفكن من شي الف سنة و الله :)
    مية اهلا و سهلا نادين ور الموقع أختي و الف الف هنا و عافية على كل الوصفات الي جربتيها و عجبتك و عحبت زوجك و ضيوفك
    شو ضحكت على ان الكل صار يحكي فرنسي :grin
    لا تحكيلي على العزايم و عجقتها , انا بعزيمة رمضان كنت محضرة حالي كتير و ناوية صور كل شي بس طبعاً وووين , مستحيل الواحد باخر دقيقة يبقى فيه راس للتصوير يا دوب يلحق يجهز طاولته و يكون كل شي سخن :roll

    لا تستغربي كيك السبانخ و الله هي اكتر وصفة يمكن اتجربت الي و عن جد تحفة , فيني اعتبرها واحدة من أهم الوصفات في الموقع لان طيبة و سهلة و مميزة

    نور الموقع فيك يا عسل و بانتظارالوصفة الي حكيتي عنها

    رنوشة يا هيك الرفقة يا بلا أصلا رفقة ايام المدرسة غير , الله يخليكم لبعض و يديم المحبة و الالفة دايما:)
    ممممم هيك اكيد صار لازم تشارك تبعت ندوشة الصور لحتى كمان باقي البنات تتشجع و تجرب من الوصفات الي جربتهم

    على فكرة طريقة حكيكن انتو التنتين بتشبه بعض و لو ما قلتولي رفقة كنترح فكر خوات :zzz

  43. منى 25 November 2008

    مية هلا ام محمد :)
    لا تزعلي مشان الله بس و الله في عندي كتيررر وصفات عم نزلهم حسب ما وصلوني ;)
    الترياكي شكلها كتير طيب , متل ما قلت الك من قبل , الف شكر الك عليها و على النشرالقريب باذن الله

    لا تنسي تخبريني اذا جربتي شي وصفة و عجبتك

  44. ام محمد 26 November 2008

    اسعد الله اوقاتك اخت منى اليوم فتحت ع الموقع الساعة السابعة صباحالحتى ماتروح علي ولا وصفة
    وكمان آخذ مقادير الكاتو فشفت وصفةالبغاشةالتركيةصحيح ما بعرفها بس بحب الاكل التركي ;) دخلت المطبخ وعملت الكاتو وعجينة البغاشةوحشيتهابالجبنة والبقدونس وبصلة صغيرة يعني عن جدشئ اكثر من رائع :zzz عن جدخلتيني انوع في اكلاتي بعد ماكنت احتار :roll الله يعطيكي الصحة والسعادةوبدي اقولك انو وصفاتك كلهابجربهاوبدون تردد :)

  45. رنا 26 November 2008

    الله يسلمك ونحنا مو بس رفقات كمان اخوات واكتر لانه بهالزمن وقت الواحد بيلاقي شخص وفي لازم يمسك فيه بايديه وسنانه (ولحقي يانادين على عضوضة) :grin
    ياستي كلك ذوق بكلامك الحلو ;) وانا لمابحكي معك بحس حالي بعرفك ومين بيعرف يمكن نطلع منعرف بعض ;)

  46. نادين 26 November 2008

    السلام عليكم
    والله ما بعرف من وين بدي ابدا بس اولا انا بوعدك باقرب وقت تكون الوصفة جاهزة …وفعلا انا ما كنت اعرف اعمل ولا شي وهلق الحمد لله بفضلك صرت تمام التمام
    بصراحة وقت كانت عندي العزيمة ….دمعت عيوني قلت لحالي ..البنات بيقولو من ماما بس للاسف انا ماما بعيدة عني
    ع كل ان شاء الله قريبا انا كمان نازلة و بتمنى انا ورنوش نقدر نشوفك(بس كيف ننقدر نتصل فيكي )
    رنوشتي …والله اشتقتلك و جد متل ما قلتي رفقة المدرسة غير والواحد ما بيلاقي متلها بنوب لانو بيكونو متل الاخوة و اعز …اخ بلا نفتح قصص الضحك و المزح بالمدرسة هلق
    و البكي عالتليفونات ههههههههههههه
    بالتوفيق للجميع

    ندوووشة

  47. منى 26 November 2008

    مية هلا ام محمد :)
    الف الف هنا و عافية على البغاشة و الكاتو و مطرح ما يسري يمري ..

    هادا بس من زووءك أختي , كتير انبسطت ان عم تستفيدي و هنا على كل الوصفات الي جربتيها او الي ناوية تجربيها

  48. منى 26 November 2008

    هلا رنوشة و ندوشة :)
    هلا قليل الواحد يلاقي صاحب صاحب لوجه الله , لهيك معك حق تنزلي فيها عضوضة لندوشة :grin

    هلا شككتيني , منعرف بعض و الا نو ؟ لان في الموقع صار شفت كتير من أصحابي في المدرسة يلي كنت مو شايفتهم من عهد الانكليز ;)

    ندوشة بانتظار الوصفة منك و لا تزعلي و لا شي انا كمان متل اختك و هي ان شاء الله فترة و بترجعي انت و رنوشة ..

    زكرتيني بقصص البكي على التلفوون , كان البنات كلهن نفي السيستم :zzz

    سلام حبيبتي

  49. souha 21 February 2009

    السلام عليكم كيفك منونة
    أنا جربت الوصفة طلعت ظريفة كتيير الله يعطيك العافية قبل ما إتعرف ع الموقع سمعت من قريبة إلي بشي إسمو كاتو السبانخ و نقلتني االمقادير بس ما جربت مقاديرها ورحت ساويت كاتو سبانخ على مقادير كاتو تاني كنت أعملو و كمان طلع ظريف و ما حدا حس بطعمة للسبانخ بس هلق رح إعتمد مقاديرك بتعرفي منى عم حس إنو أي كاتو تاني يوم بعد ما تحطي بالبراد بكون أطيب بكتير من التازه
    تسلم دياتك سلام ;)

  50. منى 22 February 2009

    هلا ام السوس :)
    هنا و عافية على هل الكاتو بكل لقمة و لكل واحد من العيلة

    في كاتو بيطلع اطيب لتاني يوم متل كالتويات البهارات , بس في كاتويات بحبها و هي لسا تازة و مفترة بتكون طرية كتير و نممي :zzz

  51. شفاء 28 May 2009

    الله يجزيك الخير عالموقع اولا وعالوصفات الرائعة تانيا

    وانا طبعا صرت عاملتلك دعاية قلت لحالي متل ما انا بستفيد خلي كل رفقاتي يستفيدو وينبسطوا

    انا هاد الكاتو جربتو من شي شهرين من موقع لك ولما طبعت الوصفة كان مكتوب انه من اعدادك

    وقلت لحالي اكيد منى حلبية علىاعتبار اني انا كمان حلبية(بس مو عايشة بسوريا)

    المهم لما لقيت موقعك بالصدفة طلعت انتي منى صاحبة الكاتو العجيب

    طبعا انا صرت مجربته شي اربع مرات

    وكان رائع في كل مرة
    وبناتي صاروا مكيفات لانن بيعرفوا السر
    كل ما اجانا ضيوف وسويته
    بيستلموا بناتي الحديث وبتبدأ الحزيرة شو سبب خضار الكاتو :?

    وبيتسابقوا مين رح تكشف السر العجيب للضيوف
    وغالبا انا بسبقهن وبكشف السر :grin

  52. منى 31 May 2009

    هلا شفا :)
    مية اهلا و سهلا فيك و بكل حبايبك , نورتينا اختي و شرفتي و ريتو الف الف عافية على الكيك بكل مرة عملتيه و رح تعمليه و بكل فرفوطة ;)

    بوسيلي الحلوات واحدة واحدة و ربي يخليلك ياهم و تشوفيهم عروسات منورات متل البدر او احلى شوي ;)

  53. زين 18 June 2009

    جربته وطلع بيجنن تسلم ايديك على هل وصفات الطيبة عن جد لقمة طيبة :zzz

  54. منى 18 June 2009

    الف الف صحة و هنا على قلبك :)
    لو تعرفي شو انبسطت لان جربتيه و ظبط معك و ريتو الف عافية

  55. DOUHA 30 October 2009

    عم اكتب الرد وصجني معي طلع طيب كتير

    وبصراحة سهل كتير بس اول لقمة متل ما حكيتي منى الناحية النفسية بيتعلب دورا اول لقمة بس ههههههههه

    شكرا
    جربوه

  56. منى 30 October 2009

    هنا و الف عافية ضحى الحلوة الشطورة , ابوسك هنا يا رب :zzz

  57. Lost spoon 15 December 2010

    Mona, I tried the cake a nonth ago and was not so sure of the results, my guests loved it and it was a nice surprise to know what make it green, bu tto me it was missing something, it was just a plain cake…SOOOOOOOOOOOOOOO, I added nutmeg, cloves and little cinnamon and let me tell you Mona: it was the most amzaing taste, I took it to a ladies gathering (most of them are pefect cooks) and they lined up to ask for the recipe. Next time I am adding some walnuts and maybe some apples (this way it is 2 servings of fruit and vegetables). Thanks Mona for all the effort you put here.

  58. منى 16 December 2010

    فكرة بتجنن رولا , يم يم يم :)

    رح جربها مرة تانية ان شاء الله , و لو اني مو معك , هل الكيكة لوحدها مميزة و فيها شي طيب و بينحب بنكهتها ;)

    عجبتني فكرة الفواكة , مميزة و اكيد بتطلع طيبة , رح استنى نتيجة تجاربك

    عوافي حبيبتي

  59. Lost spoon 21 December 2010

    Mona,
    The cake byiteslf was great,dont get me wrong….but maybe because the only cake my family loves is the chocolate and coffee cake. The spices gave it a little kick :zzz
    Now I am getting carried away and planning to make this cake and top it with red velvet cake to help a friend for her Christmas dinner…(red and green)this time (if I dont lose my spoon again) I will take a picture and show you..so far, I did your Etch, ras el 3abed and working on the pickels…did you figure out that I love your site yet?? thanks and sorry for the long note

  60. منى 21 December 2010

    ابدا رولا ما فهمتك غلط :roll بالعكس فهمتك تمام يا جميل

    صحتين و الف عافية يا رب على كل شي جربتيه او ناوية تجربيه و كمان رح استنى صورة الكيك , متشوقة شوفها صراحة

    اخر الشي الله لا يضيعلنا معلقة بالمطبخ :grin

  61. رغد غسان علاء الدين 29 January 2011

    ممممممممم الصناحة الصناحة((يعني الصراحة الصراحة بس بلغة طرفة بمسلسل دنيا))ههههه
    عنجد ميمو..بصراحة ما اقتنعت..بنتي يعني عيوني صارو بأرض راسي..إش جاب السبانخ طعمه مالح لأصناف الحلويات؟؟

    يعني اوك ثقتي عمياء بطريقة طبخك..بس انو سبانخ؟؟؟وكاتو؟؟؟ مممم بيخرطلي إذا اتهورت وجربتو ما رح أقول لحدا إنو فيو سبانخ بخاف يفكروني عبمح أو صرلي شي
    من يومين مرت أخوي عملت كاتو لونه أخضر طيب ولونه روعة..بس اللون الأخضر إجا من الملونات..وإجمالا ما بحب الاعتماد عالملونات..

  62. منى 29 January 2011

    رغود جربي و ما بتندمي

    لك بنتي اصلا هادا موضته قديمة , يعني معقول لهلا ما رحت لزيارة و شفتي كاتو اخضر و قالتلك الي عاملته انه بالفستق :eek

    هادا هو و الي بيخافو يعترفوا بيحطوا فيه فستقة مطحونة لحتى ما يكذبوا لما بيقولوا انه بالفستق :grin

  63. رغد غسان علاء الدين 29 January 2011

    ههههههههههههههه خيت رح أجرب..يبقا إذ1 انهزمت من البيت خفت من ردود الفعل..بوشي لعندك..اصطفلي :)

  64. إسراء 20 February 2011

    السلام عليكم ورحمة الله وبركاته
    كيفكن جميعا
    يا جماعة اللي خايفة من تجريب هاد الكيك انا جربتو الاسبوع الماضي وطلع فلجة وعمل ضجة كبيرة بالعيلة كاتو بسبانخ وزينتو بالكريما البيضا وشكله حلو كتير للضيوف ببيض الوش ……. واصلا السبانخ لوحده مجرد حشيش هههههه قصدي ما اله طعمة اذا ماحطيناله توابل مابصرلو طعمة بقا كان دور السانخ بس للون اما الطعمة فكانت كيكة نظامية 100%
    وعجبتني شغلة الفستقاية المطحونة هههههههه قولتك ست منى منحط فستقاية مشان مصداقية كلامنا هههههه
    انا صورت كيكتي بس بعدها بالموبايل عن قري رح نزل الصورة ع الفيس بوك esraa karahkash

    لاتترددوا تجريبه لانو بجد بجننننننننننننننن
    سلامي الك ست منى
    باي

  65. lalosh 11 November 2011

    مداااااااااااااااام منى .. شكراااااااا كتييييير عالوصفة طلعت بتجنن وطعمة السبانخ ما بينت معنا أبدا أبدا .. كنت كتير خايفة لما عملته بس القالب خلص وما ضل منه ولا قطعة .. عنجد انتي بتعقدي حبيبتي :*

  66. marmour 13 November 2011

    انا هلق عم استنى الكاتو يطلع من الفرن ادعولي يطلع طيب لانه جوزي كتير تمسخر ع الفكرة :(

  67. منى 1 December 2011

    ما في داعي اصلا تقوليلي بنتي ;)

    شو صار معك ؟

  68. TAMTOOM 17 February 2013

    مبروك الموقع الجديد بس ليش كل شي ماعم يشتغل؟ حتى الاقسام ما لقيتهم والبحث مااشتغل معي بدي شوف هالوصفة كنت لهيك رحت ع جوجل وكتبتا لقدرت ادخل! الله يسلم ايديكي يا منى والموقع حلو كتير شكلو بس ضروري يشتغل مزبوط او رجعي القديم مؤقتا

    • Mona 17 February 2013

      هلا حبيبتي , الله يبارك بعمرك , ان شاء الله خلال كم يوم رح يكتمل التصميم الجديد , طولي بالك و ان شاء الله رح تكوني مبسوطة

    • Mona 24 February 2013

      هلا حبيبة قلبي , معك حق هلا الموقع فايت ببعضه , كم يوم و بيترتب و بيعجبكم ان شاء الله , مية هلا فيك

تقييم الوصفة
عاديةقد أحضرهاجيدةممتازةأكثر من رائعة (4 votes, average: 3.00 out of 5)