الكبة المشوية


         وصفة : منى                 2007/08/29                 32 تعليقات
الكبة المشوية



مقادير الكبة :

نصف كيلو برغل ناعم
نصف كيلو لحم هبرة عجل مدقوقة للكبة
حبة بصلة كبيرة مقشرة و مقطعة أرباع
ملعقة صغيرة ملح
نصف ملعقة صغيرة قرفة مطحونة
نصف ملعقة صغيرة بهارات مشكلة


مقادير الحشوة :

نصف كيلو لحم مفروم
جوز مفروم و محمص
ربع كيلو شحم الخروف مفروم ناعماً
ملح و بهار مشكل
ملعقة كبيرة فليفلة حمراء ناعمة
نعناع يابس ( اختياري )






تحضير الحشوة :

• تقلى اللحمة المفرومة بالقليل من السمن أو الزيت ( أو تستعمل مقلاة غير لاصقة و تقلى اللحمة بدون مواد دهنية ) , تقلب اللحمة على النار و تفكك بالشوكة حتى تنضج و يجف مرقها تماماً ثم تتبل بالبهار و الملح .

• تتبل الشحمة بالفليفلة الحمراء و النعناع ثم يضاف الجوز و اللحمة يقلب الكل حتى تتجانس الحشوة .

تحضير العجينة :

• يطحن البرغل المنقوع مع البصلة و البهارات على ماكينة فرم اللحمة ثلاثة مرات .

• يوضع البرغل المطحون و الهبرة في وعاء مسطح كبير ( و يفضل وعاء فخاري إن وجد ) و يوضع صحن ماء صغير على طاولة العمل لتبليل اليدان به أثناء العجن .

• تدعك الكبة و الهبرة لمدة 10 دقائق أو أكثر و يضاف القليل من الماء إذا دعت الحاجة حتى الحصول على عجينة رطبة و طرية و متماسكة, أصبحت عجينة الكبة جاهزة .


تحضير الكبة :

• تقسم عجينة الكبة إلى كرات متوسطة الحجم .

• يؤخذ صحن مستو ويقلب على قفاه , يغطى بورق نايلون و يبلل بالماء ثم توضع عليه كرة من الكبة و يوضع فوقها كيس نايلون ثاني ثم تكبس الكبة بصحن مستو أخر حتى الحصول على قرص رقيق , و يمكن رق الكبة بين راحتي اليد و لكن الطريقة الأولى أسرع و تضمن أقراص متشابه بالشكل و متساوية بالقياس كل مرة .

• يرق قرص أخر بنفس الطريقة و توزع عليه ملعقة أو ملعقتان من الحشوة ثم يوضع أول قرص على الثاني بحذر و يلصقان معاً باليد المبلولة بالماء البارد ثم يدار القرص بلطف و حذر بين راحتي اليد حتى يستوي شكله و يصبح جاهزاً و له شكل مثل القبة , تحضر باقي الأقراص بنفس الطريقة .


• أصبحت الأقراص جاهزة , بالنسبة للشوي عندك طريقتين :


• الطريقة الأولى هي أن تشويها على الفحم , بحيث توضع شبكة فوق الفحم و ترص عليها أقراص الكبة مع تقليبها على الجهتين حتى تصبح بنية اللون و تنضج و هي الطريقة الأصلية . -


• أما الطريقة الثانية فهي أن تشويها في الفرن و مع التقليببين فترة و أخرى حتى تنضج و هي الطريقة الأسهل و لكن ستكون نكهة الشواء ناقصة .

• تقدم الكبة المشوية فوراً مع عصير الرمان , أما إذا لم يوجد تقدم مع السلطة أو الفتوش أو اللبن .



  • وصفات تانية ممكن تعجبك


التعليقات

  1. linda 30 August 2007

    صباحووووووو
    الله يسلم هل الايدين يا رب
    اكلة امي و ابي المفضلة
    بس انا ما بحبا لانو فيها دسم كتير
    يالله عم استنى الكبة المقلية بفارغ الصبر :zzz

  2. منى 30 August 2007

    صباح الورد و الفل و الياسمين الشامي :)

    هي طيبة كتير بس متل ما قلتي دسمة , يعني أنا يا دوب قطعة و التانية بكون شبعت كتير ;)

    بس طيبة و بتبيض وش في العزايم ..
    و لو تعرفي شو سألوني عنها أخوات من الخليج ..

    تكرم عيونك ليندا , ان شاء الله اليوم بنزلها أو السبت إذا الله راد :)
    غالي و الطلب رخيص

  3. ام نور 30 August 2007

    اوالله كتير طيبة وانا اكلت كتير انواع كبة بس اطيب من الكبة الحلبية ما لاقيت جربتا مرة نفس الطريقة بس بدون شحمة لان زوجي معو كوليسترول بس ما طلعت طيبة

  4. منى 30 August 2007

    ايه أكيد رح تطلع ناشفة من دون الشحمة :roll

    فيك تخففي من الشحمة شوي , بس مع ذلك بتبقى تقيلة

    الله يخليك أختي ام نور و يا مية أهلا و سهلا فيك :)

  5. رانيا الشرباتي 6 September 2007

    شكرا اكلة لذيذة جدا

    انا بحب هذه الاكلة كتير

    كل ما اسافر الشام بطلبها

  6. منى 6 September 2007

    مية أهلا و سهلا فيك رانيا أخت جديدة و عزيزة :)

    هلا صار فيك تعمليها لحالك ;) , بس بدها شغل ..

    نورتي

  7. بدور 8 September 2007

    الله يسلم ايديكي كتير بحب هالاكلة
    أطيب أنواع الكبب عندي بس مشكلتا بتأذي الصحة :roll

  8. منى 10 September 2007

    و أنا كمان .

    لهيك ما فيني اكل منها إلا قطعة أو قطعتين بالكتير..

    هلا بدورة :)

  9. Iman 17 August 2008

    اهلين منى يعطيها العافيه امك . وصفه حلوه كتير. يعني بفهم منك منى انكم بتشووها و بتحطوها بالفريزر لرمضان?? يعني ما بيتغير طعما?? اذا هيك كتير منيح و بتسهل علينا. شكرا

  10. منى 18 August 2008

    هلا أمونة:)

    أنا ما بحضرها إلا تازة , بس امي بتشويها و بتحطها بالفريزر , هيك بتحب تكون مستعدة للضيوف دايما ;)

    بعد ما تبرد بتعبيها بكيس و لما حابة تستعملها بتفردها على منشفة نظيفة لحتى يفك عنها الثلج و بعدها بتشويها في الفرن مع شوية سمنة :)

  11. muna.g.7 6 September 2008

    واو يامنى على هالكبه الرائعه شفتها في باب الحارة لاكن صورتك ووصفك اكيد احلى بمراحل بس ما اعرف ليش خايفه اجربها احسها صعبه وما راح تنجح معاي

  12. منى 6 September 2008

    له يا منونة , بتنجح و نص ان شاء الله , انت بس اتبعي الخطوات بالتفصيل و بتشوفيها و لا أطيب , هي بدها شغل بس ممكن تعملي بالاول كمية صغيرة كتجربة :)

    يلا اكشخي ادام زوجك و جربيها و اي سؤال تاني انا تحت الخدمة و الامر

  13. حنان 20 May 2009

    السلام عليكم بتعرفي يا اخت منى اني بعرفك من موقع لك وتعلمت الكبة المشويةوالكبةالمبرومة كتير لذيذة وتسلم ايداك

  14. منى 20 May 2009

    هلا حنونة :)
    اتشرفت اختي بهل المعرفة الحلوة و ريتو الف الف هنا و عافية على الكبة , سلم دياتك لو ما انت ست بيت شطورة ما كانوا زبطوا معك :)

  15. omyosef 11 April 2010

    انا روح قلبي هل الاكلات تسلم ايديكى وايادى امك والله يخليلك ياها ويجعلكم دايمين

  16. ريم برهان 25 April 2010

    ياخيتو انا حلبية وعاملة ريجيم اش اعمل مشتهية آخدهلق الكبة واقطع الدايت يسلمو ايديكي ومشتهية اذوقك من الكبة اللي بعملها وانا بعملهاطريقة ثانية على شكل اصغر وبقليها بالزيت متل المقلية وادعولي كتييير طيبة :grin :grin :grin :zzz [I]null[/I]وماما كمان كتيير حبتها

  17. أم لطفي 16 June 2010

    كيفك يا ست منى انا من المعجبين بموقعك وطريقتك بتقديم الاكلات كتير مرتبه ومهضومه وحتى المعلومات اللي بتحكيها كتير مفيده ومسليه تسلم ايديكي على هالاكلات اللذيذه وبالنسبه للكبه اولادي كتير بحبوها وانا بعملها متلك وكتير بتطلع طيبه …..

  18. منى 16 June 2010

    هلا ام يوسف :)
    الله يسلمك و يحفظك على هل الدعوات الحلوة و الغالية , شكرا كتير :zzz

  19. منى 16 June 2010

    هلا ريم :)

    ابعتيلي كم قرص بالايميل :grin

    ممم , اتوقع بتطلع طيبة و كمان اسهل من الشوي بس كل واحدة طعمة

    سلم ايد على الفكرة ;)

  20. منى 16 June 2010

    هلا ام لطفي :) كلك زووء اختي , مية هلا فيك بالموقع شرفتي و نورتي

    الظاهر انك حلبية :zzz

  21. حماه 1 June 2011

    :) يسلمو استاذة منى والله اني من سنة بدور على طريقة الكبة المشوية الاصلية للاسف ما لقيت :sigh
    بس وقت دخلت على موقعك الرائع شفت كل الاكلات السورية اللي بحلم اعرفا بالطريقة الصح
    يسلمو ايديكي والله لا يحرمنا من اكلاتك الطيبة دائما ;)

  22. حماه 1 June 2011

    ممكن استاذة منى تبعتيلي ايميلك لاني عنجد كتير مبسوطة لاني عرفت ناس بيفهمو بالطبخ مو متل اللي حواليي ما بيعرفو يطبخو متل العالم والناس انا على فكرة متزوجة وعايشة بالسعودية لهيك بلاقي صعوبة بمعرفة جميع الاكلات ويمكن انتي بتعرفي لذة الاكلات الحموية وتشرفنا بمعرفتك رجاء لا تردي طلبي

  23. حماه 2 June 2011

    السلام عليكم

    سلمت الايادي

  24. amani.dd 22 October 2011

    كيفك مدام منى بس ممكن اعرف قديش ممكن تعمل كمية وممكن لكم شخص

  25. منى 22 October 2011

    :roll
    ما بعرف كم قرص , بس ممكن تكفي من 6 الى 8 اشخاص :)

  26. منى 22 October 2011

    هلا حماه :)
    الله يسلمك حبيبتي , منور الموقع بطلتك الحلوة و الغالية و كلامك من زووءك و لطفك

    بعتلك على الفيس بوك , ان شاء الله بيوصل وبتشرف اختي :zzz

  27. syrian girl 21 January 2012

    ممممممممم بمووووت بالكبة :cry :cry

  28. منى 23 January 2012

    و انا كمان :grin

  29. Amosh 26 April 2014

    مدام متى ممكن اعمل الكبة وفرزها قبل الشوي واذا ممكن تتفرز شلون طريقة الشوي على الفحم ليذوب الثلج تماماً ولا فورا ع الشوي ؟؟؟

    • منى 26 April 2014

      هلا حبيبتي :)
      لا يفضل تشويها و بعدها تفرزيها لان ع الشوي بعد التفريز رح تفرط اكيد وقت تكون نية

  30. ناديم اوس 14 November 2014

    الوصفة رائعة وانا كتيرررررر جوعانة ههههههههههههه بس انا ماراح احط جوز لانو ماحد بحبو

    • منى 15 November 2014

      يعلييييي :D

      فيك طبعا ما تحطيله جوز ع حسب مزاج العيلة

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)