الكبسة


         وصفة : semo                 2010/03/21                 9 تعليقات
الكبسة

هي الكبسة حصلت عليها بعد عدة تجارب بعضها يفشل و بعضها ينجح بس مو النجاح الباهر المطلوب ، كان حلمي أحصل على كبسة متل الي بشتريها من السوق بس شغل ايدي و ضليت حاول و جرب حتى اعتمدتطريقة كبسة بيطلع فيها الرز أبيض و بعض حباته صفرا , و النكهة كتير طيبة و من دون استخدام كمية كبيرة من بهارات الكبسة لانها بشكل عام مو طيبة و من دون استخدام مرق الدجاج او اللحمة لانو ما بحب طعمتهن ابدا بالرز و رح يغيرو طعمته ، المهم طبقي الوصفة بحذافيرها لتحصلي على كبسة 10 بالمية






7-8 ملعقة كبيرة زيت
3 كاسات ارز بسمتي (الافضل أبو كاس)
4 كاسات ونصف كاسة ماء
1و2/1 بصلة متوسطة بصل مفروم ناعم
4/1 ملعقة صغيرة من كل نوع من البهارات التالية(يانسون حب ،شمرا حب، هال حب،كزبرة حب،فلفل أسودحب)
حبة لومي واحدة
3-4 حبات قرنفل
عود كبير قرفة
جزرة صغيرة مبشورة
حبة زنجبيل صغيرة مبشورة بحجم الابهام أو أقل حسب الرغبة
حبةفليفلة خضراصغيرة (اختياري)
كمية قليلة جدا من صفار الزعفران أقل من ربع ملعقة مذوب ب3-4 ملاعق ماء
او يمكن استبدالة بالزعفران المنقوع ولكن بستخدم الماء فقط بالبخ دون الزعفران
1و2/1 ملعقة صغيرة ملح الاجينو موتو(معزز النكهات)
1و2/1 ملعقة صغيرة ملح عادي(اقل او أكتر حسب الرغبة)
4/1 ملعقة صغيرة بهارات الكبسة





• تغمر البهارات الصحيحةمع اللومي والقرقة والقرنفل بالماء وتترك مدة نصف ساعة ثم تصفى من الماء جيدا في مصفاة ناعمة

• ينقع الرز لمدة نصف ساعة في الماء البارد ثم يغسل جيدا ويصفى من الماء

• يحمى الزيت على النار وتوضع البهارت الصحيحة المنقوعة سابقا وتلب على نار متوسطة حتى يبدا لونها بالتغير وتظهر رائحتها ويأخد الزيت كل نكهة البهارات ثم يوضع الزنجبيل ويقلب الكل قليلا ثم يرفع الزيت والبهارات عن الناروتصفى البهارت مرة أخرى بمصفاة ناعمة ويحتفظ بالزيت والبهارت

• نضع البهارت المصفاة في كيس صغير خاص للطبخ حتى نستخدمها بعد قليل ونعيد الزيت الذي قلبنا به البهارات على النار مرة أخرى ثم نضيف البصل ونقلب على نار متوسطة حتى يطرى ولا يتغير لونه

• يضاف الماء على البصل انا أضع لكل كوب رز كوب ونصف ماء حسب نوع الرز عندك هناك أنواع تحتاج لكوبين ماء وهناك أنواع تحتاج لكوب , من خلال تجربتي أفضل رز هو أبو كاس وموجود منه بسوريا ممتاز وهذا يحتاج لكوب ونصف ماء لكل كوب

• نضع كيس البهارت الصحيحة التي حضرناها بأول الوصفة مع الماء والبصل ونضيف ربع ملعقة صغيرة بهارات الكبسة وملج الاجينو مومتو والملح العادي ويترك حتى يغلي ثم يذاق للتأكد من الملح ويترك يغلي لمدة 5 دقائق تقريبا حتى يأخذ نكهة البهارات الموجودة في الكيس

• يضاف الرز المنقوع والمصفى جيدا للماء المغلي ويحك حركة بسيطة ثم تضاف الفليفلة والجزر المبشورثم يغطى ويترك حتى يغلي مجدداويترك على نار عالية يغلي لعدة دقائق ثم تهدئ النارويترك 15-20 دقيقة حتى ينضج الارز تماماونطفئ النار

• رفع الغطاء ويضاف ماء الزعفران من دون الزعفران أو صفار الزعفران المذوب للأرز بشكل دائرة على سطح الأرزثم يغطى مرة أخرى لمدة 10 دقائق

• نرفع الغطاء ونتخلص من كيس البهارات وتحرك الرز قليلا ويسكب ويوضع الدجاج المحمر أو اللحم حسب الرغبة على وجه الرز وبالهنا والشفا
  • وصفات تانية ممكن تعجبك


التعليقات

  1. منى 21 March 2010

    مممم , ممممم , و كمان , مممم

    كتير الطريقة منفنفة و بتشهي و جاي على بالي جربها هلا , بس طبعا ما فيني على انعبار انه هلا قرب نص الليل :grin

    الله يعطيكي الف عافية سيمو , انا ممنونتك على هل الوصفة

  2. farah 21 March 2010

    والله طريقة تانية للكبسة وجدا مختلفة وشكلها لذيذة انشاء الله بنجربها مشكورة يا سيمو

  3. semo 22 March 2010

    والله كتير انبسطت أنو عجبتك لاني كتير بوثق فيكي ورأيك بالنسبة لي كتير مهم
    بعدين أنا اللي ممنونتك على كل شي من يوم ماعرفت موقعك تغيرت حياتي
    بس عم استنى تجربيها أكيد منوشوقليلي شو رأيك بعد التجربة ;)

  4. semo 22 March 2010

    العفو fara
    هي الطريقة أطيب طريقة لحد الان بعد كتير من التجارب
    جربي واحكمي بنفسك وعم انتظر رأيك :)

  5. semo 22 March 2010

    صحيح نسي عايدك بعيد الام
    ان شاء الله كل عام وانت بألف خير وماماتك بألف خير
    وكل الامهات بهالموقع والعالم بخير

  6. رنا 22 March 2010

    ياعيني عن جد طريقة تغيير شكل خصوصي لعشاق الكبسة امثالي:p
    طريقتك ياسمسومة كتير حلوة وتغيير شكل …بس بتعرفي في ناس مابتحي رز الكبسة يطلع ابيض يعني بفضلوا بهارات الكبسوة وتلوينها اكتر …بس طريقتك جديدة ولذيذة شكلها ومفصلة كمان الله يعطيكي العافية
    بس عندي سؤال هلأ ملح اجينو موتو ..؟؟هو نفسه الملح الصيني …وملح msg???
    وشكرا كتير الك مرة تانية

  7. ام جنى عبيدات 22 March 2010

    وانتي بالف خير ياسيمو وزكرتيني اعايد منى والامهات الموجودات كلهم وماما الغاليه… الطريقه بجد حلوه وجديده واول مره بسمع فيها وبتستاهل التجربه انا من انصار البهارات المتنوعه مع الطبخات ودايما بفتش عن بهارات جديده ووصفتك مليااااانه وبتفش الغل.. يسلم ايديكي يارب

  8. semo 22 March 2010

    اهلين رنوشة
    العفو حبيبتي جربيها وشوفي الفرق

    هلأ اصول الكبسة السعودية رزها يكون ابيض واصفر
    والدليل بالمطاعم هيك بتتقدم وجوزي اذا شاف الرز متغير لونه بيقلي هي اي شي تاني غير الكبسة :grin
    ملح الاجينوموتو هو نفسه الملح الصيني ما بعرف اذا اسموmsg بس اكيد هو الملح الصيني
    انا كتير بحب طعمتو لهيك أحيانا بكتر منو أكتر من الكمية المذكورة

  9. semo 23 March 2010

    أهلين ام جنى

    عجبتني هي بتفش الغل

    فشي غلك لكن وجربيها :grin

    شكرا على كلامك الحلو وبشكر منى اللي جمعتنا بهالموقع الله يطول بعمرا يارب

تقييم الوصفة
عاديةقد أحضرهاجيدةممتازةأكثر من رائعة (1 votes, average: 0.00 out of 5)