المحمرة


         وصفة : منى                 2007/07/03                 31 تعليقات
المحمرة



3 - 4 ملعقة كبيرة دبس فليلفة
2 ملعقة صغيرة فليفلة حمراء ناعمة
كوب ماء
كوب كعك مطحون
ملعقة صغيرة كمون
3 ملعقة كبيرة دبس رمان
ربع كوب زيت زيتون
كوب جوز صحيح
عصير ليمون حسب الحاجة
رشة سكر ( بعد التذوق )





• ينقع دبس الفليلفة و الفليفلة الحمراء بالماء لمدة نصف ساعة ثم يضاف الكعك المطحون و الكمون و دبس الرمان و الزيت و يقلب الكل .

• تترك المحمرة جانباً و يفرم الجوز ناعماً ثم يضاف للمحمرة و تترك بضع حبات من الجوز للتزيين .

• تذاق المحمرة حتى يتم التأكد من حمضها و يضاف القليل من عصير الليمون و القليل من السكر إذا دعت الحاجة .

• تسكب المحمرة في طبق التقديم و تزين بحبات الجوز حسب الرغبة و المزيد من زيت الزيتون و تقدم مع الكبب و المشاوي بأنواعها .



  • وصفات تانية ممكن تعجبك


التعليقات

  1. linda 5 July 2007

    يا عيني على اكلات حلب يلي بتشهي
    انا بحب الاكل الحر كتير
    مع اني مو جوعانة بس اشتهيت الاكلة :zzz

    و هي اول مرة بشوف هل الوصفة
    بس انزل بدي اعملها لامي

    يعطيكي العافية

  2. منى 5 July 2007

    الله يعافي قلبك ليندا :)

    قصدك أول مرة بتشوفيها على النت ؟ و إلا أول مرة بتسمعي فيها :roll

    جربيها ليندا و جنب الكبة مممممممم

    يتاخد العقل ;)

    رح تنبسط امك فيك كتير ..
    ان شاء الله توصلي بالسلامة :)

  3. linda 5 July 2007

    الله يخيليكي و يجبر بخاطرك
    امي قالتلي رح تساويلي كبة نية بس انزل و ان شالله انا بساوي معها المحمرة

    اصدي اني هي اول مرة بسمع بهل الوصفة و كمان ولا مرة صدفت اني شفتها عل النت
    بس باين عليها بتجنن وخاصة مع المشاوي

    تصبحي على خير :)

  4. منى 5 July 2007

    ان شاء الله ليندا :)

    الله يخليكم لبعض و ما يحرمكم من بعض يا رب :)

    كتير طيبة مع كل شي 8) و هي انا هلأ عم أتعشى منها لان كل ما بساويها ببقى بروح و بجي على البراد لحتى خلصها :zzz

    و انت من أهل الخير

  5. تورتاية بالكريز 4 September 2008

    تسلم ايدكي الحلوين على الوصفة الشهية
    الصراحة بدخل موقعك بشغف كبير
    تصدقي على كتر ماجربت من اكل الشوام ولاجربت المحمرة
    الصراحة بدخل موقعك بحس بجوع يامنمون حتى لو واكلة من طيب الوصفات وتفانيك الرائع في تقديم الوصفة وتفاصيلها
    الله يعطكي الصحة والعافية ويزيدك من فضله حبيبة قلبي وتظلي رائعة ومبدعة دوما

  6. منى 4 September 2008

    هلا ام ياسمين
    هادا بس من زووءك يا قمر انت , و الوصفة هي كتيررر كتيرر طيبة و مين ما داقها بيحبها حتى الفرنساويين جنوا عليها لما داقوها عندي ;)

    منورة دايما بقلبي يا طيبة يا بنت الأصول ;)

  7. ام دانية 6 September 2008

    يسلم ايدك انا اليوم رح جربها ان شاءالله تنجح :zzz

  8. منى 6 September 2008

    ان شاء الله و يا ريت تخبريني شو بيصير معك :)

  9. ام نور 12 November 2008

    عزيزتي منى بدي جرب هالوصفة بس بدي اعرف شغلة بعد ما انقع الدبس بالماء اكب الماء قبل اضافة الكعك ولا اضيف المقادير فوق الماء والفليفلة :?

  10. منى 13 November 2008

    هلا ام نور :)
    لا اكيد المي ما بتكبيها لان لازمة لحتى ينبل الكعك و يصير متل معجون

  11. ام احمد الغالي 13 June 2009

    الله يسلم دياتك يارب عن جد اشتهيت عليها كتير
    بس عندي سؤال صغنون الجوز بفرمو بالمفرمه ولا عادي بايدي يعني قطع صغيرة
    الله يخليلنا اياكي يا منى ويباركلك بولادك :)

  12. منى 13 June 2009

    الله يخليلي ياكي ام احمد على هل الدعوة شو بحبها , ان شاء الله انت كمان انت و كل الغوالي على قلبك ;)
    اختي الجوز نفرمه على ايدنا مو بالمفرمة و الا بيروح كله و ما بيبن ;)

  13. ام احمد الغالي 18 July 2009

    يسلمو ايديكي يا احلى منى بلعالم
    ياليت لاقي موقع يشرحلي برامجه متل موقعك ما بيشرح الاكلات الطيبه :zzz
    كل شوي بغطس بهالمواقع تبعت الكمبيوتر وبتطلع روحي وبرجع لموقعك بقرى شي اكله بتنسني البرمجه :grin
    الله يخليلنا اياكي يا منى وما يحرمنا هالاكلات الزيزة وهالروح الطيبه

  14. منى 19 July 2009

    :grin تبقى اذا لاقيتي خبريني , بس اذا ناوية بجد ما الك غير المواقع الاجنبية , هونيك الشرح بيكون بقلب و رب على الاغلب ..

    الله يخليلي ياكي اخت كريمة و غالية و نورتي يا عسل

  15. na3oom 25 August 2009

    هلأ مو بحطو بصلة ناعمة للمحمرة ولا أنا غلطانة

  16. منى 25 August 2009

    ايه في ناس بتحط و في ناس لا , انا لأ :zzz

  17. hamoud 23 July 2010

    تسلم ايديكم كتير

  18. منى 24 July 2010

    الله يسلمك اخي مية هلا فيك بالموقع

  19. razan83m 10 August 2010

    السلام عليكم
    شكرا كتير على هالوصفة زوجي بحب المحمرة كتير وكل مرة بساويها مابتزبط معي
    باذن الله رح جربها اليوم وتكون اول صنف على سفرتي برمضان

  20. razan83m 14 August 2010

    السلام عليكم وكل رمضان والكل بخير وصحة وايمان وعبادة شكرا كتير اخت منى جربت المحمرة وزوجي انبسط عليها كتير شكرا جزيلا نزلتها عالفيس بوك بصفحتي من بعد اذنك بس ذكرت انو ماخوذة من موقع لقمة طيبة
    شكرا كتير

  21. منى 15 August 2010

    الف صحة و هنا و عافية يا رب , انبسطت كتير انها عجبت الباشا و نزلي على كيفك حبيتي :)

    شرفتي يا قمر

  22. 7ayah 11 October 2010

    بما إني رجعت من عند أهلي من يومين
    جبت معي فليفلة و عملت محمرة بنفس طريقتك تقريباً
    بس ما بعرف حسيت انو فيا شي ناقص
    ما عرفت شو هو :?
    اتخيلت بعدين انو ممكن كان بدها ملح :roll
    على كل رح جرب ساويا مرة تانية بمقاديرك و شوف
    و سمعت انو ممكن يضيفولا ملعقة طحينة
    سمعتي بهالشي :?
    و في عندي سؤالين كمان إذا ما فيها سئلة :roll
    بعتلك من فترة على اتصل بنا سؤال عن طريقة مستحلب اللوز….عندك فكرة :?
    و كمان كنت عم دور على طريقة طبخ الكبة السفرجلية و ما لقيتا بالموقع
    فهل هيي مو موجودة ولا أنا ما عرفت دوّر منيح :upset
    لأني جبت معي سفرجل و حابة اطبخو للباشا ;)
    طولت عليكي لا تآخزيني
    و مشكورة مقدماً

    7ayah Dayyen

  23. منى 25 October 2010

    هلا حياة :)
    يمكن ملح , ان شاء الله تعمليها بنفس الطريقة و اتوقع رح تعجبك كتير انت شاء الله

    صح في ناس بتضيف الها طحينة , طيبة كمان ;)

    ما عندي فكرة عن مستحلب اللوز :roll
    اما السفرجلية , ان شاء الله بنزلها اسمه هلا وقتها :zzz

    شكرا الك لثقتك في حياة , و اسفة للتاخر بالرد حبيبتي

  24. 7ayah 25 October 2010

    شــــــــــــكــــــــراً كتير :)
    لـَكـَن أنا رح استنى السفرجلية
    و مو مشكلة على التأخير
    شو ورانا :grin
    بعرف انك بتكوني مشغولة لما بتطولي
    الله يعطيكي العافية
    سلامي الحار

    7ayah Dayyen

  25. karamela 27 December 2011

    ادعولي قايمة جربها وبخبركن

  26. karamela 29 December 2011

    كيفك ست الكل
    نيمت ولادي وضبيت البيت واتجهت فورا على الكمبيوتر مع اني ميتة من النعس حتى قلك يسلم ايدك ويرضي عليكي دنيا واخرة
    يعني كأني محترفة بالمحمرة وطول عمري بعملها بشاهدة الكل بما فيهن الباشا اللي حسها مابتفرق عن تبع حماتي
    بس الي عندك سؤال ليش نقعنا دبس الفليفلة بالبداية يعني مابيمشي بلا نقع
    نصيحتي لكل الصبايا يجربوها لانها كتير طيبة ومقاديرك كتير راكزة
    تصبحي على خير

  27. رانو 30 September 2012

    تسلم الايادي يارب

  28. نورطعمة 24 December 2013

    يعطيكي الف عافية ربي يامدام منى حبيتك وحبيت وصفاتك ودائما بقرا تعليقاتكون بحس حالي عم شاركون الحكي وبضحك ,بدي اسالك انا بستعمل التوست اليابس بدل الكعك بيصيرللمحمرة ولالأ وهي نفسا يللي بناكلها بالشام فطاير اومعجنات المحمرة بس مع سمسم وحبة بركة زيادة ويمكن بندورة مفرومة يعني بتصير مناقيش

    • منى 25 December 2013

      الله يعافيك نور , القلب ع القلب و الله
      بيصير التوست المحمص عواض الكعك لهل الوصفة اذا مو متوفر عندك

      فطاير الفليفلة على هل الرابط

      http://l2ma.com/?p=715

      غير المحمرة , بس نفس الاسم

      ان شا الله تجربيها و تون على زوءك , منورتينا

  29. omomara 28 May 2014

    مهما تجددت الوصفات بالمطبخ لكن تبقى الأكلات الشعبية لها مذاق ونكهة لا تقاوم

    سلمت يداك
    نالت إعجاب الكثيرين بعد ما ذاقوها عندي

    دمت بخير

    • منى 26 June 2014

      الف شكر الك ام عمارة , منورة الموقع بتواجدك الطيب و تعليقاتك الحلوة و فعلا اطيب من اكلاتنا التراثية ما في :)

تقييم الوصفة
عاديةقد أحضرهاجيدةممتازةأكثر من رائعة (3 votes, average: 3.67 out of 5)