بطاطا بيوريه باللحمة المفرومة غراتان


         وصفة : منى                 2009/02/26                 4 تعليقات
بطاطا بيوريه باللحمة المفرومة غراتان



بطاطا بيوريه فيكي تتحكمي في مدى سماكتها انا عن نفسي بساويها وسط لا سميكة و لا سائلة و بعد ما يخلص الغراتان راح تشوفي كيف راح تطلع

الحشوة :

ملعقة زيت زيتون او زبدة او زيت نباتي متل ما بدك
بصلة مفرومة ناعما او مبشورة
150-200غ لحمة مفرومة
ملح و فلفل اسود
جبنة مبشورة للوجه





• نحضر البطاطا البيوريه

• لتحضير الحشوة نسخن الزيت في مقلاة ثم نضع البصلة المفرومة و نقليها حتى تصبح شفافة ثم نعلي النار و نضيف اللحمة المبشورة و نقلبها مع اضافة الملح و الفلفل الاسود و الاستمرار في التقليب حتى ينضج اللحم و يجف مرقه

• ندهن صينية بايركس بالقليل من الزيدة

• نمد عليه نصف كمية البطاطا بيوريه ثم اللحمة المفرومة و بعدها النصف المتبقي من البطاطا بيوريه و نرش الوجه بالجبنة ثم ندخلها فرنا محمى على درجة حرارة 180 درجة و نتركها حتى يصبح لونها ذهبي و ان اردت ممكن تشغلي عليها الشواية من فوق و راح يصير لونها بيشهي

• و ما حدا راح يعرف انها بالبطاطا بيوريه تحتى يدوقها لان بتبين كانها غراتان بالبيشاميل

ملاحظات :

• اذا بدك فيكي بعد وضع اللحمة المفرومة تحطي النصف الثاني من البطاطا بيوريه في كيس حلواني و تشكلي وردات فوق طبقة اللحمة المفرومة و بعدين ترشيها بالجبنة المبشورة و راح يطلعها شكلها كتير حلو بس راح تاخد كمية اكبر من البيوريه

• هذه الكمية تكفي ل 3-4 اشخاص و يمكنك تحضير نصفها او ضعفها حسب الرغبة

• هالوصفة ما بينفع تظل لتاني يوم حتى ما بينفع ترجعي تسخنيها عالعشاء لان البيوريه راح تجمد الا اذا كنتي بتحبي البيوريه جامدة كتير بس اذا ساويتي كمية كبيرة للغدا و ظل منها فيكي عالعشاء تخلطيها بملعقة او شوكة و تحطيها بطنجرة و تضيفيلها شوية حليب دافئ و تستمري في تحريكها على نار هادئة او متوسطة و راح تصير عندك بطاطا بيوريه عادية بس بلحمة مفرومة و راح تكون كتير طيبة , ان شاء الله تجربوها و تعجبكم و تعجب كل اللي بتساووها مشانهم

  • وصفات تانية ممكن تعجبك


التعليقات

  1. منى 26 February 2009

    ايه شو هل الفن كله سارونات :)

    كتير طيبة هل الوصقة و انا بحضر بنت عمها لمن يكون عندي زايد بطاطا بيوريه بس بحط مع اللحمة تشكيلة خضرة :)

    سلم هل الديات الف شكر الك للوصفة و الملاحظات و الروابط و كل شي و حتى المقدمة الحلوة ,عملت للوصفة جو لذيذ ;)

  2. سارونات 27 February 2009

    السلام عليكم و رحمة الله و بركاته

    اهلا و سهلا يا مرحبايخليلي ياكي اختي منى عيني كانت راح تدمع من كتر الفرحمة من اللي قلتيه نحنا ما منجي نقطة ببحرك يا احلى فنانة :cry
    لكان خلينا نمسح الدموع و نبتسم :zzz
    اختي منى ما طلعت كلمة البطاطا بيوريه بالاخضر قصدي مشان يعرفو ان الوصفة موجودة بالمنتدى

    بدنا افراد العيلة يلتقو مع بعض هالوصفة بدها تلتقي مع بنت عمها ان شاء الله تحطيها قريبا لان اكيد مع الخضر بتطلع احلى بس ما تكون وصفتك هي الوصفة اللي اسمها فطيرة الراعي لان هاديك بتكون بنت عمتها لهالوصفة :grin بس بتكون طبقتين بس يعني من تحت لحمة مفرومة فيها جزر و كراث و بازلا و من فوق البطاطا بيوريه اذا كانت مو هي ان شاء الله بس جربها ببقى حط الوصفة

    ياالله شو طويل ردي :upset
    بالتوفيق
    سلام

  3. semo 22 June 2009

    يسلمو هالايدين حاسستا شي بيطير العقل
    رح جربها وقلك

  4. سارونات 17 September 2009

    السلام عليكم و رحمة الله و بركاته

    و ايديكي ايه و الله هي طيبة كتير و ان شاء الله تجربيها و تطلع متل ما بدك

    بالتوفيق
    سلام

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)