حلى الكيت كات الرائع


         وصفة : منى                 2007/09/22                 32 تعليقات
حلى الكيت كات الرائع



وصفة بسكويت الليدي فنجرز أو علبة جاهزة من نفس النوع
4 – 5 علبة كيت كات
صلصة توفي كريم

الكريما الصفراء :

2 علبة قشطة
علبة كريما دريم ويب
ثلاث أرباع كوب حليب سائل بارد جداً
ظرف كريم كراميل (البودرة من دون الكراميل )





• تخفق الكريمة مع الحليب البارد حتى تتماسك ثم تضاف القشطة و الكريم كراميل و يخفق الكل جيداً حتى الحصول على كريما صفراء .

• توضع الكيت كات في البراد ثم تدق حتى تصبح ناعمة , تحضر صلصة التوفي كريم و تترك حتى تبرد بحرارة الغرفة .

• تؤخذ ملعقتان من الكريما و ملعقتان من الكت كات المدقوقة و القليل من صلصة التوفي كريم و تترك على جنب .

• يغلف قالب على شكل قبة بورق نايلون ثم تصف طبقة من البسكويت في قاع و حوانب القالب و تمرر فوقه صلصة التوفي كريم بشكل عشوائي ثم تغطى بطبقة من الكريما الصفراء و يرش الكت كات .

• تكرر الطبقات حتى تنتهي لدينا كل المقادير على أن تكون أخر طبقة من البسكويت ثم يضغط على القالب بلطف بصحن مسطح كي لا يبقى أي فراغات بين الطبقات ثم يوضع القالب في الفريزر لمدة 12 ساعة .

• قبل موعد التقديم يخرج القالب من الفريزر و يقلب ثم تنزع ورقة النايلون و يغطى بالكريما ثم يرش الكت كات و صلصة التوفي كريم و يقدم .

فكرة سريعة :

يمكن تحضير الحلى بطبق بايركس عادي إذا لم يتوفر لديك القالب المدور .
  • وصفات تانية ممكن تعجبك


التعليقات

  1. بدور 26 September 2007

    أنا نبهرت هلأ بالشكل ضل جرب الطعم :grin

    الله يخليلنا ياكي و يسلم هالايدين الحلوين يلي مالون مثيل.

    شتهيت أجربو بس شكلو صعب شوي نشالله يظبط معي كتير شتهيت عليه :cry

    شكرا كتير ميمو الحلوة على هالوصفات البتجنن الله يئويكي يا رب :)

  2. منى 26 September 2007

    الله يسلمك بدورة :)

    بده شوية شغل بس مستاهل و الله

    الحلو أكلوه كل ضيوفي و يا دوب دقت منه لقمة صغيرة من صحن زوجي :roll

    ان شاء الله رح يعجبك :)

  3. haya 4 February 2009

    صباح الخير يا منى كيفك تسلم على هالطبق المشهي انا اليوم صاحية من النوم ونفسي اعمل شي حلو فشفت الطبق هذا واعجبني شكله بس بدي اسألك بالنسبة للكيت كات انت حاطة من 4-5 علبة كيت كات طيب كم وزن العلبة سامحيني على كثر الاسئلة بس حبيت استفسر وشكرا لك لأني حابة كثير اني جربه

  4. haya 4 February 2009

    اسفة منى كمان سؤال نسيت اسأله الك بالنسبة للبسكويت فيني استعمل البسكويت العادي (بسكويت اولكر العادي) بدل بسكويت الليدي فنجرز وشكرا الك

  5. رنا 15 April 2009

    بدي جرب هالحلا
    بس بدي اسألك هلأ في شي ازرق طالع بالصورة شو هاد ؟

  6. منى 16 April 2009

    أزرق رنونة !
    شو ما شفت الا بني و كراميل و بيج , اما الازرق ما شفتوا , وين هادا :roll

  7. رنا 17 April 2009

    هيك من تحت شي على ازرق ياترى الصحن اللي حاطة فيه ولا انا معي مي زرقة بعيني :? :upset :grin

  8. منى 18 April 2009

    الصحن شفاف و ما في شي ازرق على بعد 2 كم من مركز التقاط الصوورة :grin

  9. رنا 19 April 2009

    هههههههه والله شككتيني بحالي خلص رح غمض عيوني وجربها :grin

  10. منى 19 April 2009

    و الله و انت كمان شككتيني بعيوني ,

    دقيقة هي صرخت لاولادي لابداء الرأي

    :roll كمان شافوا ازرق , أظن هادا انعكاس الكريما و الكاميرا القديمة التعبانة هيك طلعت :x

  11. رنا 21 April 2009

    يحيا العدل …بوسيلي اولادك ;)

  12. منى 21 April 2009

    وصل :grin

  13. رنا 26 April 2009

    مممممم
    اليوم كتير انا مبسوطة ….من يومين رحت زيارة قام تضيفت حلى كتير طيب وخفيف سالت صاحبته شو هاد قالتلي بسكويت بالكريمة
    كان بطبق بايركس بس طبقة الي قالت عليها بسكويت كانت مبينة كاتو بس قال هادا نوع بسكويت خاص بتجيبه وبتغمسه بالنسكافيه بعدين طبقة تانية وعالوش قشطة وعلبة نسلة وبترشه بالنسكافيه …انا كتير بحب النسكافيه لذلك قررت اعمل هالوصفة لزوجي بس سالتها عالبسكويت شرحتلي كيف بيكون وكيف شكل العلبة وبالفعل جابه زوجي واذذذذذذذذ….بيطلع هو البسكويت ليدي فنجرز يلي مجنني وماعم ينجح معي انبسطت كتير اني لقيته جاهز مشان اعمل هالوصفات الحلوة
    ;)
    اذا بدي اعمل هالوصفة بس بدي اسألك قديش كمية البسكويت اللازمة ؟العلبة الي عندي 400 غ

    طيب البسكويت لما بدي اصفه مااغمسه بشي طيب كيف رح ينصف ؟قصدي بيوقع :zzz
    وكمان قديش استعمل كيت كات انا عندي العلبة يلي فيها اصبعين كم وحدة رح يلزم ؟؟لانه ماعرفت اي علبة كت كات قصدك في منهن فيها اربع اصابع وفي تنتين :grin

    كترت عليكي بالاسئلة بس بدك تطولي بالك علي وياريت تشرحيلي طريقة صف البسكويت لانه مابظن انه متل الكاتو جلاس هداك قريت انه بتغمس بالحليب ;)

  14. منى 4 May 2009

    هلا رنونة :)
    اسفة للتاخر :roll , كعادتي يعني …

    البسكويت الي قلتي عليه هو نفسه الليدي فنجرز و المفروض ان المقدار الي بعمله مقابله 40 حبة أو علبة كاملة ..

    البسكويت الجهز عم يكون انشف من البسكويت شغل البيت لهيك أنصحك انك تغمسيه شوي صغيرة بالحليب , الكت كات انااستخدمت العلبة الي كان فيها تنتين , بس يا ستي لو كترت الشوكولا بيكون أطيب و انتي كريمة و ضيوفك بيستاهلوا :grin

    طريقة الصف نفس طريقة كاتو جلاس و حتى لو من دون تغميس لان الكريما رح تسنده و ما رح يوقع لا تخافي ..

    شو هل المرة بدي حصتي لازم تخبيلي ياها او على الاقل تاكلي عني قطعة منيييحة , ايه

  15. رنا 4 May 2009

    خلص مو تكرم عينك الف شكر على ردك ;)

  16. رنا 11 May 2009

    سؤالي اليوم عن الكريما
    الكريما هون العلبة فيها 4 ظروف كل ظرف بيحتاج 115 مل حليب بارد تقريبا نص كوب …طيب هلأ انتي قديش معناها بتستعملي كريما لهالطبق مثلا ؟؟هي العلبة كلها تبع الكريما بوزن 39 غ ياترى علبتك نفس القياس يعني استخدم الاربع ظروف ؟؟ :zzz

  17. رنا 11 May 2009

    كمان سؤال غليظ تاني
    هلأ كمية التوفي كريم هي كوب ونص سكر يعني رح احتاج كل الكمية :zzz

  18. منى 13 May 2009

    هلا رنونة :)
    العلبة عندي 132 غ , بقى ما بعرف كيف رح تقيسيها و انا استعملت كريما دانية , عرفتيها :roll
    على حساب الحليب نحتاج ظرفين و على حساب الوزن نحتاج , احم 3 علب كاملة او أكتر , بقى انتي شوفي شو المطلوب و نفذيه

    التوفي كريم بيلزم كله للوصفة و اي سؤال تاني تكرم هل العيون 8)

  19. رنا 13 May 2009

    ياستي انا طلعت غلطانة الكيس الواحد من الكريما وزنه 39 غ وكل كيس بيلزمه 115 مل من الحليب معناها في فرق بين تركيبة الكريمتين لانه قلتيلي انتي للعلبة كلها عندك بدك تلات ارباع الكوب بقا هون على حساب الحليب يلي مستخدمتيه بدي كيسين بس …المشكلة اني انتبهت على شغلة وقت الكاتو جلاس ووقتها استعملت بس كيسين من الكريما اكتشفت انه طلعت قليلة على كمية البسكويت يعني كأنه كان لازمني كريما اكتر يعني لحتى تطلع اكثف واسمك لان حسيتها مرئت شوي على كل حال الله يعطيكي العافية عالمتابعة ووجعتلك راسك رح حط 115 مل لكل ظرف واستعمل الاربعة وخلصت السيرة ;)

  20. منى 17 May 2009

    لا بالعكس رنونة لا وجعتيلي راسي و لا شي , المهم هلا عرفتي شو بدك تعملي و هادا هو المهم ;)

  21. رنا 7 June 2009

    واخييييييييييرا صار حلى الكيت كات …والله ناجح وطيب كتير وعجب الجمهور بس دسممممم :p
    [img]http://up3.m5zn.com/photo/2009/6/5/09/tygbkp44t.jpg/jpg[/img]

    وهي وحدة تانية
    [img]http://up3.m5zn.com/photo/2009/6/5/09/43b13t79s.jpg/jpg [/img]

    وهي كمان
    [img]http://up3.m5zn.com/photo/2009/6/5/09/actz3afoe.jpg/jpg[/img]

  22. منى 7 June 2009

    وووواااو ,. رنونة انا هلا راجعة من السفر و مشوبة و شفت هل الحلى , شوووو اشتهيت عليه

    الف صحة و هنا يا رب و كتير انبسطت انه عجب ضيوفك :zzz و الصور حلوة كتير و بتشهي برافو عليك و الله

  23. رنا 9 June 2009

    الله يسلمك منونة والله طار عقلن عليه بس عملته لاهل البيت لانه هون بهالغربة ضيوفنا مقتلة بعضها :grin

  24. منى 9 June 2009

    :grin ما انتبهت انه لاهل البت , لهيك قلتي انه تقيل , لان لو للضيوف يا بيطلعلك لقمة يا لأ :zzz , لما ساويته أكلت بس لقمة منه من صحن جوزي لاتاكد من نجاح الوصفة لان الباقي طار الله يرحمه

  25. DOUHA 21 July 2009

    هلئ انا جربتوو ورح خبرك شو بيصير معي بس سؤال ليه ما حطينا ليدي شوي بالحليب متل كل مرة :? وعلى فكرة كتير سهل :zzz

  26. منى 21 July 2009

    وم الله ضحى انا هيك اتعلمت الوصفة من ام ايموني , بس على فكرة انا احيانا عم غمسه بالحليب عم حسه بيطلع اطرى , بس الوصفة لما عملتها لاول مرة و نزلتها متل ما اتعلمتها كان ما بدها تغميس :roll

  27. DOUHA 22 July 2009

    جربتو وطلع بيجننننننننننن وصورتوو ورح ابتعلك الصورة :zzz

  28. منى 3 August 2009

    يم يم يممممم

  29. dano 25 March 2010

    السلام عليكم وين الاقي البسكوت يلي تحكون عنو وبيمشي الحال بسكوت عادي

  30. منى 25 March 2010

    لا ما بيمشي الحال و هل البسكويت بتلاقيه بالسوبرماركات الكبيرة جنب الكيك و البسكويت و اذا مو متوفر ممكن تستبدليه بكيك سادة :)

  31. violet 23 October 2011

    لوسمحتي يعني أديش بيلزمني بالغرام كيت كات وليدي فنجرز

  32. منى 29 October 2011

    و الله مو مسجلة انا شو استخدمت :roll

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)