سلطة الفطر و الشوكي


         وصفة : منى                 2014/05/05                 2 تعليقات
سلطة الفطر و الشوكي

فكرة هي السلطة بتشبه سلطة من المطبخ الحلبي , سلطة الشوكي التازة , دوماً بهي الفترة من السنة بحضرها , و ما بشبع منها , بنفس الطريقة المذكورة في الوصفة بس من دون الفطر , و كل ما بحضر هل السلطة بترك الطبخة الرئيسية و بتهنا فيها .
هل السنة اتوفقت بفطر تازة و كنت جايبة شوكي , خطرلي ادمجهن مع بعض , ممممممممممم , مو معقول شو طيبة , سلطة الفطر و الشوكي التازة سلطة بتعبي الراس . و بتنعنش القلب بلونها الحلو .
بالصحة و الهنا

-المقادير:

5 حبة شوكي , مقشرة
5 - 7 حبة فطر فريش

صلصة الحامض :

3 حبة ليمون
ربع كوب زيت زيتون
1 فص كبير ثوم مهروس
ملح حسب الرغبة
نصف ملعقة صغيرة زعتر أخضر
نصف ملعقة صغيرة فليفلة حمراء ناعمة
- طريقة التحضير :

1 - تحضر التتبيلة : تقشر حبة ليمون و تفرم مكعبات صغيرة , تعصر حبتا الليمون المتبقيتان و يقلب العصير مع الزيت و الثوم و الفليفلة الحمراء و الزعتر الأخضر و الملح في وعاء .
2 - يفرم الشوكي ناعماً و يضاف إلى التتبيلة فوراً , يقلب حتى يتغلف بالحمض و يحافظ على لونه الأشقر الجميل , يفرم الفطر بنفس حجم الشوكي و يضاف للتتبيلة .
3 - تترك السلطة جانباً لمدة ساعتين على الأقل حتى تتشرب الحمض , تقدم مع الخبز العربي أو كطبق مقبلات . .



التعليقات

  1. الدمشقية 11 May 2014

    فعلاً رائعة وطيبة كتيير وممكن تحطي معها بصلة صغيرة ناعمة ورشة بقدونس مممممممممم

    • منى 12 May 2014

      اي و بتطلع غير شكل بالبصلة و البقدونس , كل واحدة طعمة , يممممم

تقييم الوصفة
عاديةقد أحضرهاجيدةممتازةأكثر من رائعة (3 votes, average: 5.00 out of 5)