سندويش الدجاج بالمايونيز


         وصفة : منى                 2008/10/11                 23 تعليقات
سندويش الدجاج بالمايونيز

·          يسلق الدجاج حتى ينضج ثم يقسم لمكعبات صغيرة .

·          يخلط الدجاج بالمايونيز و الذرة في حال استخدامها ثم يحشى بالصمون و يغطى يقطعة من المخلل أو الخس و يقدم .

 




صدور دجاج
مايونيز حسب الحاجة
مخلل أو ورق خس
ذرة ( اختياري )
صمون





• يسلق الدجاج حتى ينضج ثم يقسم لمكعبات صغيرة .

• يخلط الدجاج بالمايونيز و الذرة في حال استخدامها ثم يحشى بالصمون و يغطى يقطعة من المخلل أو الخس و يقدم .
  • وصفات تانية ممكن تعجبك


التعليقات

  1. رندوش 12 October 2008

    مممممممم شهيه منى تسلمي يا عسل
    سندويشتي المفضله بس عليها جبنه مبشوره
    تسلمي يا احلى منى بالدنيا

  2. منى 12 October 2008

    مممم , بتجنن فكرة الجبنة , و اكيد طيبة لان محسوبتك منعشاق الجبنة بكل اصنافها :zzz

    خليلي عينك رندوشة و لا يحرمني من هل الاخت الغالية :)

  3. قهوه مُره 12 October 2008

    تسلم ايدك منى …بسشو نوع الجبنه يللي بنحطها :)

  4. منى 12 October 2008

    هلا قهوة :) انا لو رح ضيف جبنة رح ضيف اما سلايس شدر أو موزاريلا مبشورة

  5. ميساء 12 October 2008

    عزيزتي منى يسلمو هالايدين الحلوين هي السندويشة المفضلة عند بنتي بس بدي اسأل سؤال شو المقصود بالضبط بكريمة الطبخ وهل ينفع بدالها قشطة العلب المخفوقة مع الحليب لتخفيف كثافتها قليلا ولك مني كل الشكر وطبعا سؤالي مالو علاقة ابدا بالسندويشة

  6. أم علي 13 October 2008

    تسلم ايدك ست منى طريقة سهلة وطيبة :)

  7. muna.g.7 13 October 2008

    وصفه شهيه وسريعة واكيد لذيذة تسلمي اختي منى بس انا بدي اسالك عن كبه مسلوقة محشيه سبانخ او سلق وجوز يقدم معها بندورة مفرومه ناعم جدا مع شطة وزيت ونعناع اكلتهاعند عيله سوريه كريمه من زمان والحين سافروا وما الي الا الفنانه منى تدورلي على هالوصفه

  8. منى 13 October 2008

    مية هلا ام علي :) الله يسلمك أختي نورتي الوصفة ;)

  9. منى 13 October 2008

    هلا منونة :) ممم , هادا نوع من أنواع كبة حيلة و انا بعمل وصفة تقريبا نفس الي قلتيها بس من دون بندورة , بس تقلية بصل و زيت و جوز , و ببقى بنزل الوصفة ان شاءالله :zzz

  10. أم الهدى 14 October 2008

    الله يعطيك العافية أختي لأنك ظبطت العطل
    وتسلم دياتك على هالوصفات كلها بتشهي المرة الماضية عملت شاورما الدجاج طلعت مظبوة 100 بالمية وزوجي قعد كتب لي شعر :grin

  11. منى 14 October 2008

    و لو بدنا خدمة تحرز ;) هنا و مية عافية على الشااورما , شو متت ضحك على الشعر :grin

    الحلو شكله بيجنن , الف شكر ليك للوصفة ;)

  12. basma 7 November 2008

    يسلمو إيديكي رح أجربها إن شاء الله
    واضح إنها لذيذة

  13. منامينو 8 November 2008

    يسلمو هالإيدين يا رب. وأنا كمان هذا من السندويشات المفضلة عندي. بس أنا ما بحط خس. ومخلل الخيار بقطعه مكعبات زغيرة وبخلطه مع الدجاج والمايونيز وشوي بصل مقطع جوانح رفيعة. بس زيادة أنا بلف السندويشات بورق القصدير كل وحدة لحالها مثل ما بتلفي الملبّس يعني من الجهتين، وبسخنها بالفرن. ولما بقدمها عالطاولة بتكون سخنة وكل واحد بيفتح سندويشته لحاله. الكبار حبّّّوها كتير هيك سخنة وطرية، والزغار انبسطو عليها كتير قال بونبون كبير :grin

  14. منى 8 November 2008

    هلا بسمة الحلوة :)
    ان شاء الله بتعجبك سهلة و طيبة , لا تنسي اما تعزميني او تعزميني اختاري الي بيريحك :grin

  15. منى 8 November 2008

    هلا منامينو :)
    اسمك عاجبني كتير , حلو ;) مية اهلا و سهلا فيك نورتي اختي .
    فكرة كتير طيبة الي قلتيها , و بتنفع للبوفيهات الواحد يجهزها من قبل بوقت
    هنا على قلب الصغار وة الكبار و الف شكر ليك على الاضافات الي عم تضيفيها

  16. منامينو 9 November 2008

    تسلمي حبيبتي منى، كلك ذوق والله. أنا كمان (بدون مجاملة) من زمان بحب اسم منى. معناه حلو كتير. على فكرة اسمي الحقيقي موجود بالمنتدى، فالموقع ما قبله وقت التسجيل. فحطيت الإسم اللي كانو ينادوني فيه وأنا زغيرة :roll :)

  17. منى 9 November 2008

    اتشرفنا أختي , مية اهلا و سهلا فيك .. سبحان الله اسمك الحقيقي في اكتر من 5 اخوات بالموقع الهن نفس الاسم بس بيكتبوه بطرق مختلفة و عربي و انكليزي 8)
    عاشة الاسامي

  18. سارونات 6 December 2008

    السلام عليكم و رحمة الله و بركاته
    عن جد متل ما قلتي ما حدا ممكن يتوقع تطلع هيك طعمة طيبة من هالمكونات البسيطة
    جازاك الله خيرا اختي منى و انا اضفت نص شيحة طماطم و ورقة خس لاني ابدا ما بستغني عن الطماطم بالسندويشات حتى ساعات بحط خس و طماطم و جبنة مثلجات و هيك صار ابسط و اطيب سندويش
    بالتوفيق
    سلام

  19. منى 6 December 2008

    و الله معك حق سارونات :) هي ايب و السهل سندويشة , انا كتير بعملها كمان بس بجبنة حلب ;)

    الف هنا و عافية على السندويشة و مية هلا اختي ;)

  20. سموره 23 September 2009

    بسم الله ما شاء الله
    وصفه حلوه اوى وسهله كمان
    وتسلم الايادى

  21. hajar 1 January 2010

    يسلمووووووو دياتك انا جربتها وصار عملتها يمكن فوق 10 مرات فعلا بتجنن :)

  22. منى 2 January 2010

    هلا سمورة :)
    الف صحة و هنا يا رب , الله يخليك و يحفظك اختي

  23. منى 2 January 2010

    هلا هاجر :)
    الف الف صحة و هنا , انا دايما بعملها وقت الزنقات , بحسها بتبيض وش و سهلة ;)

    هنا و عافية اختي

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)