شارلوت الفراولة


         وصفة : منى                 2009/06/25                 42 تعليقات
شارلوت الفراولة

يغسل الفريز ثم تنتخب الحبات الجميلة ذات الحجم المتشابه و تترك لتزيين الوجه , سيلزمنا تقريباً نصف الكمية .

توضع بقية قطع الفريز في الخلاط و تضرب مع ثلث كوب من السكر و نشاء الذرة حتى تنعم و تصبح متجانسة .

توضع بيوريه الفريز على نار متوسطة و تقلب بمضرب سلك حتى تغلي و تسمك .

تضاف الزبدة و بشر الليمونة لمزيج الفريز و تقلب حتى تذوب و يصبح لدينا مزيج متجانس ثم يغطى و يترك حتى يبرد .

يوضع الكريم فريش في وعائه في الفريزر و يترك لمدة نصف ساعة حتى يسهل علينا خفقه .

يخفق الكريم حتى يصبح كالغيمة , يضاف ثلث كوب السكر الباقي و يخفق لبضع دقائق أخرى حتى يصبح كريم شانتيه . يجب أن لا يخفق الكريم لفترة زيادة .

يضاف الكريم شانتيه لكريم الفريز و يقلب الكل حتى تتجانس الكريما .

يغلف قالب من النوع الذي ينفتح من جوانبه بورق نايلون . للجوانب سيلزمنا نصف مقدار بسكويت الليدي فنجرز أو أقل بقليل و لبسكويت الجوانب يقطع طرف البسكويت بحيث يكون طول البسكوتة بنفس قياس القالب المجهز . ثم يرتب البسكويت الأصابع على الأطراف .

تغمس نصف كمية بقية الأصابع بالحليب بخفة و يرتب كأول طبقة ثم تغطى بنصف مقدار الكريما .

تغمس باقي كمية الأصابع بالحليب بشكل بسيط و تصف فوق الكريما ثم يغطى ببقية الكريما ثم توضع في البراد لمدة ساعتين أو ثلاثة .

يذوب الجيلو بالماء المغلي ثم يوضع جانباً و يترك حتى يفتر قليلاً .

ترتب قطع الفريز على وجه الكريما ثم يسكب الجيلو على قطع الفريز و يوضع في البراد حتى يجمد الجيلو .

تفك جوانب القالب و يتم التخلص من ورق النايلون ثم يوضع الشارلوت على طبق التقديم و يفضل تقديمه و هو بارد جداً .

 






عبوة جاهزة من بسكويت الليدي فنجرز و يمكنك اعداده بنفسك باتباع وصفتي
حليب

كريم الفريز :

كيلو فريز
2 ملعقة كبيرة نشاء ذرة ( كورن فلور )
2 ملعقة كبيرة زبدة
ثلثي كوب سكر بودرة
بشر ليمونة
كوب كريم فريش

للوجه :

باكيت جيلو فريز
نصف كوب ماء مغلي





يغسل الفريز ثم تنتخب الحبات الجميلة ذات الحجم المتشابه و تترك لتزيين الوجه , سيلزمنا تقريباً نصف الكمية .

توضع بقية قطع الفريز في الخلاط و تضرب مع ثلث كوب من السكر و نشاء الذرة حتى تنعم و تصبح متجانسة .

توضع بيوريه الفريز على نار متوسطة و تقلب بمضرب سلك حتى تغلي و تسمك .

تضاف الزبدة و بشر الليمونة لمزيج الفريز و تقلب حتى تذوب و يصبح لدينا مزيج متجانس ثم يغطى و يترك حتى يبرد .

يوضع الكريم فريش في وعائه في الفريزر و يترك لمدة نصف ساعة حتى يسهل علينا خفقه .

يخفق الكريم حتى يصبح كالغيمة , يضاف ثلث كوب السكر الباقي و يخفق لبضع دقائق أخرى حتى يصبح كريم شانتيه . يجب أن لا يخفق الكريم لفترة زيادة .

يضاف الكريم شانتيه لكريم الفريز و يقلب الكل حتى تتجانس الكريما .

يغلف قالب من النوع الذي ينفتح من جوانبه بورق نايلون . للجوانب سيلزمنا نصف مقدار بسكويت الليدي فنجرز أو أقل بقليل و لبسكويت الجوانب يقطع طرف البسكويت بحيث يكون طول البسكوتة بنفس قياس القالب المجهز . ثم يرتب البسكويت الأصابع على الأطراف .

تغمس نصف كمية بقية الأصابع بالحليب بخفة و يرتب كأول طبقة ثم تغطى بنصف مقدار الكريما .

تغمس باقي كمية الأصابع بالحليب بشكل بسيط و تصف فوق الكريما ثم يغطى ببقية الكريما ثم توضع في البراد لمدة ساعتين أو ثلاثة .

يذوب الجيلو بالماء المغلي ثم يوضع جانباً و يترك حتى يفتر قليلاً .

ترتب قطع الفريز على وجه الكريما ثم يسكب الجيلو على قطع الفريز و يوضع في البراد حتى يجمد الجيلو .

تفك جوانب القالب و يتم التخلص من ورق النايلون ثم يوضع الشارلوت على طبق التقديم و يفضل تقديمه و هو بارد جداً .




  • وصفات تانية ممكن تعجبك


التعليقات

  1. ام نور 25 June 2009

    مساء الخير منى واخواتي الكريمات
    يا سلام على هالشارلوت شي بيشهي يممممممممممم سلمون يا عسل
    من فترة بعتلك وصفة شارلوت بالفواكه ما بعرف اذا شفتيا وشو رايك فيا :? المهم انو الشارلوت كتير مشهورة بفرنسا وبيعملوها بكتير حشوات مختلفة وكلون طيبين :p

  2. منى 25 June 2009

    هلا ام نور :)
    الله يسلمك يا قمر و الوصفة وصلتني و كمان بتشهي , الله يسلم هل الديات الحلوة :zzz

  3. سمر 26 June 2009

    الله يسلم ايدك يا منمون شكلها كتير شهي وبسيطة ان شاء الله رح جربها باقرب وقت :zzz

  4. منى 26 June 2009

    ان شاء الله تجربيها و تعجبك سمورة و ان شاء الله تخبريني ;)

  5. سارونات 26 June 2009

    السلام عليكم و رحمة الله و بركاته

    جازاك الله خيرا اختي منى و الصورة عشرة على عشرة

    بس للاسف ما في فريز هلأ ما بعرف اذا بلاقي او لا

    شو الفواكي التانية اللي ممكن نساويها فيه و اختي ام نور قالت في حشوات تانية يعني هالحشوات بفواكه كمان او من غير فواكه :?

    بالتوفيق

    سلام

  6. semo 26 June 2009

    بيجنن منظر القالب وببيض الوجه قدام الضيوف
    واللي عجبني اكتر كلمة (تلت) يعني يمكن مو الكل رح يفهمها
    مابعرف اذا هي الكلمة عربي فصيح بس كتير حلوة
    والي زمان ماسمعتا
    كتير بحب طريقتك بسرد الوصفات بحس حالي عايشة معك
    لما بتحكي قصة شي طبخة
    يسلمو هالايدين والله يهني عيلتك فيكي
    ;)

  7. منى 26 June 2009

    هلا سارونات :)
    كا الفواكهة الي بالدنيا ممكن تستعمليها , انت و رغبتك و زءك , يا ستي حتى الكيوي , الكيوي ممكن تستعمليه ;)

  8. منى 26 June 2009

    هلا سمسومة :)
    الله يسلمك و يحفظك اختي و يا ريت تجربيه و يعجبك

    طيب , هلا بغير نلت , لحتى ما يصير لت و عجن :grin و رح خليها نغمس , شو رايك

  9. رنا 26 June 2009

    كتير لذيذ هالحلى …ومع فريز ولا الذ بس حسيته بيشبه الفريزييه مو ؟؟؟
    يسلم هالايدين ورح جربها وقت بتفشكل بشي فريزات ظراف يسلم هالايدين ;)

  10. لين 26 June 2009

    تسلم اديكي والله لايحرمنا هل الطلة وهل الزوق وهل فن الله يحمكي من كل عين بتمنى كون متلك انت درست فرنسي انا حشرية بس الفضول لاعرف عنك بلكي بنعدي

  11. منى 27 June 2009

    هلا رنونة :)
    يعني في شبه شوي , بس طعمته مختلفة شوي و شكله مختلف كتير ;)
    يلا ان شاء الله تجربيها و تعجبك رنون و اكيدة رح تخبريني و كمان تدوقيني , شو

  12. منى 27 June 2009

    هلا لنلونة :)
    هادا بس من زووءك أختي و يا رب تجربي الوصفة و تعجبك :(
    درست فرنسي من باول 2006 و كنت محمسة كتير اله , بس هلا ما بقى الي همة متل قبل لان صار صعب كتير و كمان لان لو شو ما اتعلمت ما عم ااقدر احكي بطلاقة :roll

  13. Dimah 27 June 2009

    مرحبا منى
    طالع معك كثير روعة، أنا كثير مشتهية أعمل الشارلوت ومن زمان مسجل بالليست بس ما عم يصح لي فرصة!
    Dimah
    مدونة ماء زهر البرتقال – Orange Blossom Water

  14. dado 27 June 2009

    مرحبا منوش
    إي شو هالشارلوت .. شي مغري كتير 8)
    هاد النمط من الحلويات بيعجبني كتير.. عالتجريب القريب انشالله.
    بس أهم شي ننتخب حبات الفريز .. حسيت بأهمية الحبات كتير.. أكتر من اللازم :p
    بتعرفي انو صار معي نفس الشي بالنسبة للأساتذة لما كنت عم بدرس إيطالي.. بس ما بعرف إذا كان السبب هو إنو بيتعلق الشخص بأول استاذ أو بالفعل أول حدا مر علي كان مميز جداً.
    هلأ اذا جربتها أنا مين بدي اتذكر.. شارلوت برونتي مثلاً؟ ;)

  15. منى 28 June 2009

    هلا ديمة :)
    ان شاء الله تجربيه و تشوفيه شو سهل و منظره بيبن عليه متعوووب عليه مع انه مو كل هل الأدة صعب .

    يلا عم استناك :zzz

  16. gsm 28 June 2009

    يمي والله كتيير شهيتيني على الفريز انا بموت عليه وكل شي فيه معناها رح يكون طيب بمجرد ما اجيب الفريز رح أعملها إن شاء الله بس كان بدي اسألك سؤال إخت منى انا من كم يوم بعتلك وصفة الغريبة يا ترى وصلتك شي ويعطيك الف عافية

  17. منى 28 June 2009

    هلا دالو:)
    ان شاء الله تجربيه و يعجبك و يعجب السيادة و يكون كل شي تمام :zzz

    هلا اول استاذ اكيد مهم كتير و اله رزاية خاصة و انا كان اول استاذ الي ايمانويل و كنت شوفه ممتاز و الصراحة لو ما كان منيح ما كنت كملت فرنسي اصلاً و انا كنت مفكرته التوب لحتى درستني شارلوت الي كانت رقم 3 ..

    ااايه الله يذكرها بالخير , يا ترى وين اراضيها هلأ

    اتذكريني دالو , و لو بدها تنين يحكوا فيها يعني :grin

  18. منى 28 June 2009

    هلا gsm :)
    ان شاء الله تجربيها و تعجبك و تكون على زووءك و الوصفة وصلت الف الف شكر الك عليها , ان شاء الله بنزلها هل اليومين ;)

  19. BaSmAa 29 June 2009

    ما شاء الله رووووعة و شوفتو بتبرد عالقلب
    جزاكِ الله كل خير :) [B]null[/B]

  20. semo 29 June 2009

    اي هيك تمام نغمس لانو ممكن في حدا ما بيفهما
    بس انا بحب كتير لهجتك الحلوة
    نلت نغمس مارح يتغير شي بالطعمة

  21. منى 29 June 2009

    هلا بسمة الحلوة :) ان شاء الله تجربيها و تحبيها حبيبتي

  22. منى 1 July 2009

    هلا سيمو :)
    كتير منيح لان نبعتيني , لازم الوصفة تكون بالفصحى لحتى الكل يفهمها, اما المقدمة خليني احكي فيها على مزاجي مو مشكلة :zzz

  23. JoJo 6 July 2009

    ماشاء الله منى شكلها كثير سهلة وطيبة بالذات بطعم الكرز والفواكة يسلموو الايادي يا عسل :)

  24. منى 8 July 2009

    الله يسلمك جوجو و اتمنى تجربيها و تعجبك حبيبتي ;)

  25. suzy79 12 July 2009

    بصراحة روعة يسلمو ايدك

  26. منى 13 July 2009

    هلا سوزي :)
    كلك زووء أختي , نورتي الموقع

  27. سارونات 30 September 2009

    السلام عليكم و رحمة الله و بركاته

    منوووش هل فيني استعمل بس موز يعني راح تطلع طيبة :? و كمان جيلاتين بدلا من الجيلي :?

    بالتوفيق
    سلام

  28. سارونات 2 October 2009

    السلام عليكم و رحمة الله و بركاته

    ناطرتك منووش مشان جرب الوصفة

    بالتوفيق
    سلام

  29. سارونات 4 October 2009

    السلام عليكم و رحمة الله و بركاته

    منووش ناطرة اجابتك مشان جربه بهاليومين ان شاء الله

    بالتوفيق

    سلام

  30. رنا 6 March 2010

    جربت مبارح الشارلوت وطلع شغلللللللة عن جد كتيييير طيب وهي صورة التطبيق

    [img]http://www.m5zn.com/uploads/2010/3/5/photo/dhm97i9pw2ud8n.jpg[/img]

  31. منى 6 March 2010

    هنا و الف الف عافية رنون , طالع معك بيشهي :zzz

    اسفة على الغلط المطبعي الي صار , هلا ملكة عم تلحق علي اكيد :grin

  32. رنا 7 March 2010

    الله يسلمك …يعني ولا شي قدام تطبيقك
    بس مشان ملكة عادي …..قولتك اخدوا الرقم المعجبين ههههههههههه

  33. منى 7 March 2010

    هههههههههه يا خوفي من هل القصة , ان شاء الله تمرء على خير :zzz

  34. بسبوسة 13 March 2010

    مرحبا للكل انا هي اول مرة بشارك بالتعليقات بس مو اول مرة بجرب من وصفات هالموقع الاكثر من رائع عنجد يسلم ايديكم وخصوصي انتي يا منى المهم انا امبارحة جربت الشارلوت بس حطيت كيوي بدال الفريز والكريما كانت بودرة يعني دانيا بس المشكلة انه الكريمة صارت طعمتها مرة شوي ما عرفت من وين اجى كتير كتير زعلت عجب من الكيوي ما عرفت فحبيت استفسر .. بس رجعت وصلحتها وبنفس اليوم عملت لقمة القاضي وطلعت روووووعة وصرت عاملة كتير من الوصفات والكل تمام … عنجد شكرا كتتتير :zzz

  35. منى 13 March 2010

    الف صحة و هنا و عافية :)
    مممم , غريب طعم مرار من وين , ممكن يكون الكيوي منزوع , ما عم يخطر ببالي غير هل السبب :roll

    الف صحة و هنا على كل شي جربتيه , مية هلا فيك اختي :zzz

  36. رانيا 2 9 June 2010

    السلام عليكم منى هذاأول تعليق لي في الموقع الطيب أنا كتير استفدت منه
    عندي سؤال ما هو الكريم فريش؟ وما هو كريمة دريم ويب ؟ تقصدي heavy whipping cream؟ لانه أنا أعيش بأمريكا و ما اعرف كيف بأقدر انفذ الوصفات التي تحتوي على الكريم فريش وما اكثرهم في هذا الموقع الرائع أرجو الافادة 

  37. منى 13 June 2010

    و عليكم السلام و رحمة الله و بركاته :)
    نورتي الموقع اختي , ربي يديم الخير و المعروف دوما

    الكريم فريش هو الكريم السائل و اسمه whippng cream
    هدا نخفقه مع سكر بودر للحصول على الكريم شانتيه

    اما الدريم ويب هو بديل الكريم فريش , يجي على شكل بودة و نحنا نضيف الحليب و نخفقه للحصول على ا, طلكريم شانتيه بعا فرق بالطعم و السائل اطيب بكتير ;)

    ايا سؤال تاني من عيوني و مية هلا فيك اختي مرة تانية

  38. رانيا 2 14 June 2010

    شكرا لكي أختي :)

  39. منى 15 June 2010

    :)

  40. سارونات 12 July 2010

    السلام عليكم و رحمة الله و بركاته

    منوووش ساويته للشارلوت اخيرا بالموز و طلع كتير طيب و شكله تحفة
    صارت الوصفة معتمدة عندي و ان شاء الله بالمستقبل ساويه بفواكه تانية متل الخوخ و غيره. بدي اسالك اذا في وصفات من هالنوع و باردة للصيف تحطيهالنا قريبا اذا فيكي

    بالتوفيق
    سلام

  41. reem 22 April 2013

    مرحبا
    ماهو كوب كريم فريش

    • منى 22 April 2013

      هو كريم الحلويات السائل

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)