شوربة البصل الفرنسية اللذيذة


         وصفة : منى                 2007/11/24                 14 تعليقات
شوربة البصل الفرنسية اللذيذة



3 – 4 حبة كبيرة بصل أحمر
ملعقة كبيرة زبدة
ملعقة كبيرة زيت زيتون
نصف ملعقة صغيرة سكر
فص ثوم
2 ملعقة كبيرة طحين
ورقة غار
ربع ملعقة صغيرة زعتر أخضر
5 كوب مرقة لحم
ملح و فلفل أسود
5 – 6 شرائح خبز باغيت
ثلاث أرباع كوب جبنة غرويير مبشورة مع القليل من جبنة البارمزان





• يقشر البصل و يقطع لجوانح رقيقة .

• تذوب الزبدة و الزيت في قدر كبير على نار متوسطة ثم تضاف جوانح البصل و تهدى النار و يترك البصل ليتحمر لمدة نصف ساعة تقريباً مع التحريك بين كل فترة و أخرى , يضاف السكر بعد عشر دقائق من تقلية البصل لمساعدة في عملية التحمير , لا تغطى الطنجرة إثناء تحمير البصل .

• يضاف الثوم و يقلب لمدة دقيقة تقريباً , يضاف الطحين و يقلب الكل حتى تظهر رائحة الطحين الجميلة لمدة دقيقة أو دقيقتان .

• يضاف المرق على ثلاث مراحل مع التحريك بعد كل إضافة ثم يضاف الزعتر و ورق الغار و يغطى القدر و يترك على نار هادئة لمدة نصف ساعة .

• في هذه الإثناء يحضر خبز الباغيت , يقطع لشرائح بسماكة 2 سنتيمتر تقريباً و يحمص في فرن على درجة حرارة 180 درجة مئوية على الوجهيين .

• ترفع ورقة الغار و تتبل الشوربة بالملح و الفلفل حسب الرغبة ثم تسكب في طبق فخاري كبير أو أطباق فخارية صغيرة .

• تغطى الشوربة بالخبز المحمص و ترش الجبنة فوقه ثم يوضع في الفرن مرة ثانية و تشعل المشواة و تترك الشوربة حتى تتحمر الجبنة ثم تقدم فوراً .


تنويعات و أفكار :

• إذا لم تتوفر مرقة اللحم استعملي مكعبات مرق الخاروف , أضيفي المكعبات بعد الثوم و قلبيها قليلاً ثم تابعي إعداد الوصفة كالسابق .

• يمكن استعمال خبز التوست المحمص الجاهز عوضاً عن خبز الباغيت .















  • وصفات تانية ممكن تعجبك


التعليقات

  1. رنا 15 August 2008

    انا بحب كتير شوربة البصل ..بس في شغلة انه ماما الله يخليها يارب لماكانت تحضرها كانت تطلع معها بيضا …اما بالصورة طالعة مابعرف كانه غامقة شوي ياترى شو السبب …طيب مو ممكن نستعمل مرق الدجاج ابدا ..ماجي يعني ..لانه مو دائما بتتوفر ماء سلق اللحمة لانه بتعرفي برمضان لازم تنويعات بالشوربات
    وشكرا كتير كتير لالك

  2. منى 17 August 2008

    هلا رنونة :)
    الشوربة بتطلع كاشفة معاها معناها ما بتقلي البصل منيح و القلي هو سر شوربة البصل اليمي ;)

    أكيد فيك تستعملي المرق المتوفر عندك , انا كاتبة فوق الطريقة الأصلية و الفرنسية بالميلي لتحضير الشوربة لحتى تطلع معك متل المطاعم , غن شاء الله تجربيها و تعجبك :)

  3. سارونات 29 August 2008

    السلام عليكم و رحمة الله و بركاته
    شوربة البصل كتيييييييييير سمعت عنها بس خفت جربا لان بتعرفي كتير ناس بتهرب من سيرة البصل مع ان فوايدو ما بتنعد و بيقوي مناعة الجسم بس الناس بتخاف من الريحة
    المهم مكونات الوصفة بسيطة و متوافرة بس عندي سؤال فينا نستبدل الزعتر الاخضر باليابس لان مو دايما بيتوفر الاخضر
    و كمان الشوربة بتطلع سائلة صحيح يعني ما فينا نحطابخبز الشوربة:?
    ربنا يوفقك و يسهل دربك
    سلام

  4. تورتاية بالكريز 7 October 2008

    روعة شوربة البصل امبارح عملتها وفعلا طعمها رائعة كان عندي طريقة لها ولو كنت شفت طريقتك كان طبقتها لانها مليانة تفانين زي الزعتر والسكر كمان انا عملتها على شوربة دجاج مكنتش اعرف انو لازم لحمة بس كان فيها اضافة حلوة اعطت نكهة وهي اضافة ملعقة صغيرة خل بلسمك بعد انتهاء الاعداد والطهي يعني قليت البصل على نار هادية حتى تكرمل بعدين ضفت الطحين ثم المرقة الملح الفللل وبعد الطهي اضافة خل بلسمك وتركتها فترة قبل التقديم حتى تتجانس المكونات مع بعض وقدمتها مع الخبز المحمص ان شاء اللهخ رب العالمين التطبيق الجي وصفتك الرائعة الله لايحرمنا منك ومن تفانينك الحلوة يارب

  5. hajar 1 January 2010

    يممممممممممم كتير طييبة كمتن جربتها وكانت رووووعة بكرا كمان رح اعملها :roll
    يسلموووو دياتك

  6. منى 2 January 2010

    هلا سارونات :)
    ممكن تستبدلي الزعتر الاخضر باليابس و الشوربة ما خرج تنحط بخبز الشوربة مو لانها سايلة , لان هي في عليها خبز على وجهها و مو مناسبة ترجعي تحطيها بطبق خبز ;)

  7. منى 2 January 2010

    هلا ام ياسمين :)
    الف هنا و عافية و انا متاكدة انها كانت بتجنن بطريقتك كمان ;) و رح جرب فكرة الخل البلسميك , ممم فكرة جديدة .

    الله يبارك بعمرك ام ياسمين احلى عسل , دايما استنى رد منك لانه بيسعدني جدا :zzz

  8. منى 2 January 2010

    هلا هاجر :)
    الف صحة و هنا يا رب على البك و لا تنسي تاكلي عني كم لقمة :zzz

  9. ranya 19 March 2010

    السلام عليكم
    احب احيكي يا اخت مني علي البلوج الرائع ما شاء الله
    انا مصريه مش سوريه بس في اكلات كتيير عجبتني
    انا باحب جداا شوربه البصل و باعملها زييك تقريبا بس الفرق اني باضرب المكونات بعد اضافه الدقيق في الخلاط علشان يتجانسوا باحس انها كده احلي كتيير

  10. منى 19 March 2010

    اهلا و سهلا رانيا :)
    الموقع للكل مو بس للسوريين , بقى مية اهلا و سهلا و نورتينا و شرفتينا اختي ;)

    ممم , سبحان الله , انا بحب ان احس فيها قطع و هي شغلة اذواق , بس رح اجربها المرة التانية على طريقتك ان شاء الله ;)

  11. dalin 5 December 2010

    عن جد يسلمو أول مره بيطلع الكريم كراميل مالو زنخة بيض:) :zzz

  12. منى 5 December 2010

    هنا و الف الف صحة يا رب :zzz

  13. آرام 26 November 2011

    ليش ما في زر لايك هون بالموقع .. هالوصفة كان بدها شي ألف لايك :)

  14. منى 27 November 2011

    اي و الله ارام , هون معك حق بشغلتين , زر الايك الي لازم يكون في الموقع و هي الشوربة الي بدها الف لايك , واحدة من اطيب الشوربات عندي :)

تقييم الوصفة
عاديةقد أحضرهاجيدةممتازةأكثر من رائعة (1 votes, average: 3.00 out of 5)