شوربة اللوز


         وصفة : منى                 2010/02/26                 21 تعليقات
شوربة اللوز





3/4 كوب لوز مسلوق و محمص و مطحون
2 ملعقة كبيرة زبدة
1/3 كوب طحين
1 كوب حليب دافئ
2 1/2أو 3كوب مرق بقر أو خروف
رشة جوزة الطيب
ملح و فلفل

للتزيين:

1ملعقة كبيرة زبدة
1/4 كوب مرق بقر أو خروف
قليل من البقدونس
رمان





• ذوبي الزبدة في طنجرة و أضيفي إليها الطحين و حركي قليلا حتى تمتزج الزبدة بالطحين ( بدون أن يتحمص الطحين ) ثم أضيفي الحليب الفاتر بالتدريج مع التحريك باستمرار ( استخدمي مخفق البيض ) استمري بإضافة الحليب و التحريك حتى يصبح لديك شبه عجينة مائعة .

• أضيفي اللوز المطحون و المرق و جوزة الطيب و الملح و الفلفل و اتركيها على نار هادئة مدة 20 – 25 دقيقة بدون تغطية الوعاء .

• ذوبي ملعقة الزبدة في وعاء صغير ثم أضيفي ربع كوب من المرق و عندما يبدأ بالغليان أضيفي البقدونس و حركي لثواني ثم اسكبيه فوق الشوربة .

• قدمي الشوربة و هي ساخنة و زيينيها بالرمان , بصراحة أنا أفضل أن أزينها ببودرة فليفلة حمراء أكثر من الرمان لكن هذا أمر يعود لذوق كل شخص .
  • وصفات تانية ممكن تعجبك


التعليقات

  1. منى 26 February 2010

    كالعادة سهى ةصفاتك مميزة و منتقاة بعناية و و زووء كبير و محضرة بنفنفة و حب و نفس :)

    منظرها بيشهي , سلم هل الديات يا حق

  2. تورتاية بالكريز 26 February 2010

    تسلم ايدك سهى وصفة طيبة ورائعة واكيد باذن الله حجربها اكيد طعمها حلو وغني الف شكر لك اختي الكريمة

  3. رنا 26 February 2010

    يعني اختها لوصفة شوربة الفستق يلي مشتهية جربها بس ماعم اتجرأ ….الله يسلم ايديكي ياسهى وماشالله عليك تألق دائم …بس شو بدي اسألك هلأ كيف بتطلع طعمتها …متل شراب اللوز بس مالح :roll

  4. omtasneem 26 February 2010

    السلام عليكم ورحمة الله وبركاته. والله اول مرة بسمع فيها غربية شوي بس بتستحق التجريب تسلم ايديك عزيزتي سهى

  5. ام نور 26 February 2010

    سلم دياتك سهى ماشالله عنك مبدعة الله يبارك فيكي

  6. larooo 26 February 2010

    أنا بحب اللوز
    بس ماني متخيلة طعمته كشوربة.غريبة شوي الفكرة
    بلكي بقوي قلبي وبعملها  
    شكل الصحن حلو ..مشكورة ;)

  7. souha 27 February 2010

    السلام عليكم
    هلا منونة :) تسلميلي هدا كلو من بعض ما عندكم
    ———————-
    هلا تورتاية بالكريز شكراً لمرورك الكريم على فكرة اسمك كتير بيعجبني فيو موسيقى ;)
    ———————
    هلا رنا قوي قلبك و جربيها كل وصفة جديدة جرأة أحيانا لما يكون عندي وصفة جديدة بقول لحالي جربي نص الكمية بس ماما بتشجعني و بتقلي جربي كل الكمية أحيانا بتصير فيني مقالب غوار الطوشة :grin بس هالوصفة عن جد ملوكية ما رح تندمي و الطعمة مختلفة عن شراب اللوز لأنو عندك كتيير منكهات مختلفة يعني هل حرام عليك شهيتيني على كاسة شراب اللوز :p
    ——————-
    هلا أم تسنيم مزبوط الفكرة غريبة يلا جربيها و عم استنى رأيك ;)
    ——————
    هلا أم نور تسلمي لقلبي كلماتكن الحلوة هي يلي بتشجع :zzz
    —————–
    هلا larooo
    أنا كمان بالبداية ما كنت متخيلة الطعمة بس قوية قلبي و جربتها و هي الشوربة المفضلة عند والدتي :zzz
    سلامي لكل الصبايا

  8. omyosef 27 February 2010

    السلام عليكم اختى منى انا كتير بهنيكي على هل الموقع وبدعيلك بلتوفيق اختك ام يوسف من حلب الشهباء مع التمنيات بلتوفيق الدائم وانا معك على طول باءذن الله

  9. غيث 27 February 2010

    فنانة ومبدعة كالعادة وصور اطباقك حلوة الله يسلم ايديك انا كطبيبة لفت نظري بانك قلتي ان اللوز مر وانا اعرف ان تناول 10 حبات لوز مر يؤدي الى الموت بالسيانيد غريبة كيف مستعملينو بالطعام عموما فكرة اللوز الحلو احلى وصحية اكتر وشكرا لك اختي العزيزة ;)

  10. Mays 2 March 2010

    يسلم إيديك يا سهى ، شكلها طيبة كتير و أكيدمغذية :)
    سؤالي : إنتي ذكرت إنو اللوز مسلوق، يعني نسلقه بس مشان نقشره :? طيب و إذا كان عندي لوز مقشر و خالص ، ضروري إسلقه و لا ع التحميص فورا؟؟؟؟؟؟؟؟؟؟؟؟؟ :x

  11. haya 2 March 2010

    مرحبا يا سهى تسلم هالايادي يارب كثييييير زاكية راااااااائعة بمعنى الكلمة انا اول مرة بجرب الاكلات التركية بس فعلا هالشوربة لذيذة ومثل ما قلت كل الفوائد فيها شكرا الك وبانتظار وصفات ثانية منك

  12. haya 2 March 2010

    سهي كنت بدي اسألك سؤال ونسيت هلأ ممكن نستعمل اللوز المحمص المالح ولا لازم يكون ني ونسلقة ونحمصه وسؤال ثاني اذا ممكن انت لما قلت 3/4 كوب لوز بيكون هذا واللوز حب بعده مش هيك لأني انا هيك عملت عيرت مقدار اللوز وهو حب وبعدين سلقت وحمصت وطحنت
    انا اسفة معلش اسألتي كثير لكن بحب اتأكد من كل شي بس على العموم هي كثير زاكية ومرة ثانية شكرا الك

  13. ام نور 2 March 2010

    تسلمي يا سهى عندي سؤال بالنسبة لا اللوز كيف بتحمصي بعد ما تسلقي بالفرن ولا بالزيت وبتطحني ناعم بودرة ولا ما بياثر شكرا الك

  14. souha 2 March 2010

    هلا غيث الله يجزيك الخير على هالمعلومة عموما الوصفة الأصلية فيها كمية ربع كوب لوز مر بس بما أني ما بحب أي شي مر و كتيييييير بحب الحلويات و لازم أشكل جمعية عشاق الحلويات :grin ( يا صبايا يلي بحب ينضم ) لهيك استبعدت اللوز المر ;)

  15. souha 2 March 2010

    هلا ميس :)
    أنا على طول بجيب لوز و بسلقو لحتى ينقشر و بعدين بحتفظ فيه بالفريزر لحين الطلب لذلك أنا أخدت الكمية يلي بتلزمني و طبعا نشفتو بورقة مطبخ و بعدين حمصتو بالفرن و بس برد طحنتو و استعملتو بالوصفة و بالنسبة للوز المحص المالح ما فيكي تستعملي الني أفضل و شو هي أسفة ما أسفة أي سؤال من عيوني ;)

  16. souha 2 March 2010

    هلا haya
    هلأ أنا عم أكتب تعليق لميس جاوبت كمان على سؤالك لأنو خربطت بالأسماء عذروني لأني مكربة و صايرة هيك :upset و كمان هيك :x
    و تكرم عيونك أنا بالخدمة لأي سؤال و بنصحك تجربي أكلات من المطبخ التركي لأنو ذوقون بالطبخ بيشبه ذوقنا و تاني شي من مكونات بسيطة بيطلع عندك طعمات خيال يعني أنا كتيير بحب المطبخ الفرنس و هو مطبخ رفيع المستوى بس كتير أكلات بدها إما مكونات كتيرة أو خطوات طويلة و دقيقة
    سلام 8)

  17. منى 2 March 2010

    هلا اختي ام يوسف :)
    نورتينا و شرفتينا و على راسي حارتك و الله

    ولي غيوثة عن جد :x , لا بلاها خلينا على الحلو احلى

    ام السوس عليك الف عافية يا رب و ان شاء الله معداية , لا تبقي بالي :(

  18. marim 2 March 2010

    :cry كيفك مدام منى الله يوفقك قرب عيد الام وعم استنى وصفاتك بليز لاتتاخري علينا

  19. souha 3 March 2010

    هلا أم النور :)
    أنا بحمص اللوز بالفرن بدون زيت بس بحطو بصحن بايركس و على الفرن و بس يزهر بطالعو و بالنسبة لطحن اللوز قاعدة عامة لكل المكسرات بتطحنيها و بطلي كل شوي تفتحي الطاحونة و تطلعي عليها لأنو إذا بتبالغي بالطحن بتسخن شفرات الطاحونة و بيبلش يطلع زيت المكسرات و هيك بيصير عندك معجون بدال بودرة ;)

  20. farah 31 March 2010

    -

  21. هوايتي الطبخ 19 March 2011

    شكلها يشهي رهيبه اممم بس تعرفي يبغالي اجربها بمرق الخروف يتهيئلي بتطلع الذ

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)