شوكي بالصوص الابيض


         وصفة : منى                 2011/03/17                 29 تعليقات
شوكي بالصوص الابيض

الشوكي واحد من الخضار المفضلة عندي و بحب دوما دور على وصفات جديدة حضرها فيه , مع ذلك مو سهل لاقي وصفة طيبة تعجبني و تعجب الراي العام العالمي , بحس انه ما عم يطلع طيب ابدا مع البندورة , او يمكن انا كل الوصفات الي دخلتهن مع بعض ما كانوا كل هل الاد . أما هل الوصفة طلعت شي نغم , حبيتها , شوكي بالصوص الابيض , صوص طيب كتير مغلفهن و معهن خضرة طيبة , فطر و بطاطا و جزر , و عم حضرها بالدجاج , يعني الي بيحب التغيير هي كتير رح تعجبه , و كمان الوصفة سهلة و بسيطة .

فيكي تستعملي كريم عوض المرق , بس بالمرق حسيتها خفيفة و مقبلة أكتر , و من وقت ما تبدي تحضيرها و تقلبي هل الخضرة مع بعض , رح تعرفي فورا انك عم تحضري شي طيب بيستاهل عيلتك .

بالصحة و الهنا

-المقادير:

1 ملعقة كبيرة زبدة أو سمنة
ملعقة كبيرة زيت
نصف كيلو صدر دجاج , مقطع مكعبات متوسطة
نصف ملعقة صغيرة فلفل أبيض
رشة بهار مشكل
رشة فلفل أسود
ملح
1 حبة كبيرة بصل , مقطع جوانح
2 فص ثوم , مهروس
5 – 6 حبة متوسطة شوكي , مقشر و مقطع أرباع و موضوع بماء مع عصير ليمون
كوب فطر طازج , مقطع شرائح سميكة
3 حبة متوسطة جزر , مقشر و مقطع دوائر
4 ملعقة كبيرة طحين
4 كوب كبير مرق دجاج
- طريقة التحضير :

• تنقع صدور الدجاج بالقليل من الخل حتى اعداد بقية المقادير .

• تذوب الزبدة مع الزيت على نار متوسطة , يضاف الدجاج المقطع و البهارات و يقلب الكل حتى ينضج الدجاج و يجف مرقه و يكتسب بعض اللون . يرفع بملعقة ذات ثقوب جانباً .

• لنفس القدر يضاف البصل و يقلب لبضع دقائق , يضاف الشوكي و الثوم و يقلب لحوالي 5 دقائق , يضاف الفطر و الجزر و يقلب لمدة دقيقتان إضافيتان .

• يرجع الدجاج للقدر و يرش الكل بالطحين و يقلب حتى تتغلف المقادير بالطحين . يضاف المرق بالتدريج مع التقليب بعد كل اضافة حتى ينتهي المرق .

• يغطى القدر و يترك الكل على نار هادئة لمدة 20 – 30 دقيقة حتى ينضج و يقدم مع الرز المفلفل .

التعليقات

  1. hajar 17 March 2011

    سلام منى كيفك ؟؟؟شو أخبارك اشتقتلك كتير واشتقت لاكلاتك أنا على طول على تواصل معك ومتابعة كل جديد بس للاسف وقتي ضيق ما بيصحلي علق عالوصفات يسلمووو دياتك ولا يحرمنا منك

  2. آرام 18 March 2011

    ألف شكر أخت منى على الوصفة .. أنا كمان من محبي الشوكي .. ولقمة طيبة علمني وصفات جديدة ورائعة إله .. رح جرب الوصفة بأقرب وقت وخبرك النتيجة.

  3. na3oom 18 March 2011

    حبييييتها من قبل ما دوقها وان شاء الله بس أعملها راح أرجع أعلق بس أكيد كمان راح قللك انها طيبة
    ومعك حق هالخضرة المفيدة جدا ماعم نستفيد منها متل العادة
    يسلموا ايديك منمون

  4. abeer03us 18 March 2011

    والله يامنى الاكلة كتير طيبة …ماما بتعمل هالاكله كتير بس بتحطلا بطاطا كمان هيك بيعلوها بالجزائر( باعتبار ماما اصلها جزائري)…بتطلع شي كتير طيب وكنت بدي دقلا حتى تقللي وصفة هالاكله…بس مشي الحال
    يسلمو اديكي

  5. lana 18 March 2011

    الله يعطيكي العافية يا ست منى ، عنجد موقع كتير حلو ومتعوب عليه ، وكل الأكلات اللي فيه ظريفة وبتظبط بالتحضير ، وأنا ما ظبط الكيك معي و لامرة قبل ما جرب وصفاتك ،وصرت مخبرة كل رفقاتي عن هالموقع يلي بيجنن وأولادي صار عندون إدمان على كيكة الشوكولا السهلة شكرا كتييير لمجهودك.

  6. Pro rawan 18 March 2011

    شكلها بياخد العقل … انا ليا تجربة قديمة مع الشوكي وبعدها كرهت نفسي ههههه بس انا بحب ادوق واجرب مرة ومرتين فشكلي حدور ع حدا بيحبوا ونجربوا سوا
    ،
     على سيرة النق مرة بكتاب تبع سوبر ناني كانت بتتكلم عن الولد الي بيرفض ياكل فبتقول انو الطفل لا تضغطي عليه ياكل خاصة اذا كان صغير لأنو احيانا بيكون عن جد مابيتقبل الأكل… فسيبيه وارجعي تاني بعد فترة وقدميه بشكل تاني اذا اصر برضو علا موقفو فبيكون حقيقي مابيقدر يتقبل هالصنف اما اذا انتي عارفة انو دلع بس فاقترح انك تخليه يوقف اي نشاط بيحب يساويه او يشوف التلفزيون لين يخلص صحنو

  7. bobo84 18 March 2011

    سلام عليكم جميعاعن جد يسلمو ست منى دائما في جديد ما شاء الله عليكي وكل ما بحاول إبعد شوي وما فوت عهالموقع اللي بيجنن مشان إثبت عالريجيم ما بقدر يعني متل كتير صبايا صار عنا إدمان لازم نفتحو يوميا والحمدلله كل شي عم جربو عم ينجح خصوصا الكاتويات شي بيطير العقل وببيض الوجه فانشالله بيضل وجهك أبيض يا ست منى دنيا آخرةوطبعاصار الشوكي ضمن ليستة السوبر ماركت لهالاسبوع وعالتجريب انشالله :grin

  8. أم نوران 20 March 2011

    ما شاء الله تبارك الحمن و الله م ا قصرتي يا منى حطيتي هالوصفة يعني على قولتك الشوكي بيحير ما بتلاقي وصفة بتزبط معو ,انا لما بجيب شوكي يا بعملو محشي باللحمة على طريقتك او بطبخ فيه طاجين الشوكي مع الفول و اللحمة على الطريقة المغربية..الا ما اجرب هالطريقة ان شاء الله الله يعطيكي العافية و يسلم هالديات .. ;)
    اما على قولة النق والاولاد انا عندي مبدا ما بتزحزح عنو التجوييييييييييييع :grin
    مع بنتي جاب نتيجة ومع اخي الصغير كمان جاب نتيجة انو ما يحبو نوع اكل نوعين يالله الواحد بيتساهل اما ما بدي هي و ما بدي هي ايه بالصرماي على راسن هههههه :grin
    بس لا تحسبيني شريرة انا صارمة و بس على كل حال الواحد لازم ينتبه ما يعطي الولاد اكلات و هالشغلات لانها خطرة اولا و بتسد شهيتن ثانيا وبتكرهن باكل ماما الطيب :sigh
    على كل حال الام لازم تنوع باكل الولاد و بطريقة التقديم هيك بينبسطو و بحب اكل ماماتن اللي تعبت فيه 8)
    الله يخليلك كتاكيتك و ما يحرمك منن يا رب ,,انتي ايش موقفك بهالحالات ؟؟؟

  9. منى 20 March 2011

    هلا هاجر :)
    المهم تبقى معنا و تكتبي كم كلمة من فترة للتانية لحتى اطمن عليك ;)

  10. منى 20 March 2011

    هلا ارام ,
    ان شاء الله هي كمان تنضاف للقائمة و تكون بتشبه خواتها
    بانتظار رايك

  11. منى 20 March 2011

    هلا نعومة :)
    ان شاء الله تجربيها و تكون متل ما بتحبي و تطلع زابطة على زووءك
    الله يسلمك يا ر ب و بانتظار رايك

  12. منى 20 March 2011

    هلا عبير :)
    يا سلاام و اله اكيد بتطلع طيبة مع البطاطا , اسمو وين ما حطيتي البطاطا بتطلع يمممم
    شكرا للفكرة و ان شاء الله تجربي هل الوصفة و تحبيها و الله يخليلك ماماتك و تبقوا دايميين لبعض :zzz

  13. لارا مينا 20 March 2011

    ولا مرة مجربة الأرضي شوكي بس أكيد متحمسة بعد الوصفات إلي في الموقع وفي قناة فتافيت.

    بالنسبة للأطفال النقاقين , مع إني مش مجربة أساسا بس سمعت في أحد البرامج إنك تخلي الطفل يتابع برنامج بيحبه كثير ويكون مذهول لما يتابعه , وقتها بتصيري تأكليه بالملعقة لقمةلقمة وهو لاشعوريا بيصير يفتح فمه وغمضي عين فتحي عين بيكون صحن الأكل خلص :zzz

    والله يهدي كل النقاقين بالعالم ويعين كل الأمهات ويجزيهم الخير يارب على تعبهم وصبرهم :roll

  14. نورا 24 March 2011

    والله طلعت روعة بكل معنى الكلمة…
    جربتها البارحة وكنت ناوية أعمل كمية صغيرة كتجربة خوفاً انه ما تعجب العيلة بس كترت الكمية بالغلط ويا ريت كترت اكتر لانها لاقت استحسان الكل وطارت طيران وبعد ما خلصت غدا وقبل ما أقوم من السفرة حتى عممت الوصفة على ماما اولاً وبعدين أخواتي وأصدقائي…
    يسلموا دياتك يا منى على هالوصفة الروعة…

  15. منى 25 March 2011

    هلا نورا :)
    لو تعرفي شو انبسطت انك جربتيها و حبيتيها
    صحتين و هنا على البك و الب الكل الي داقها ;)

    انت اول واحدة جربت الوصفة , شكرا لثقتك في :zzz

  16. أم نوران 29 March 2011

    اليوم جربت الوضفة كتيييييير طيبة و جوزي كتير حبا عن حد تغيير شكل و انا كتير بحب تغير الشكل ههه :grin
    الله يعطيكي الف عافية و يسلم ايديكي و ان شاء الله كل يوم بتتحفينا بالجديد و المفيد,بتصدقي بطلت اطلع على كتب الطبخ اللي عندي :x بس ما احترت بدور بلقومة و بشوف ايش في ما في و غالبا بلاقي يعني تقريبا جربت نص و صفاتك من الحلو للمالح للمعجنات ,,الله يبارك فيكي و يباركلك بجوزك وولادك واهلك عنجد خيرك هذا صدقة جارية بميزان حسناتك :)

  17. آرام 31 March 2011

    أخت منى من وين جبتي الشوكي؟ ما لقيت منه بالسوق :roll

  18. منى 31 March 2011

    هلا ارام , الشوكي من الفريزر لسا ما نزل :)

  19. منى 31 March 2011

    هلا ام نوران :)
    صحتين و الف هنا على البك و الب الباشا , الحمد لله انه عجبتكم :zzz
    و الله كتب الطبخ ما في منها شي مفيد الا القليل , و على كل هادا من مصلحتي لحتى تبقي معنا على طول , الله يديم المحبة و يخليلنا لقومة الي عرفنا على بعض

    انا ما بطعمي اولادي اكلات نهائيا , و هي سياسة التجويع اتبعتها , بس مع ابني الصغير ما نفعت لان ما عنده مشكلة ابدا يبقى يوم كامل من دون اكل و انا بيتقطع قلبي عليه :cry لهيك صرت اتبع معه سياسة معاوية , بشد و برخي حسب مزاجه

    يا ريت لو تعلميني وصفة الطاجين , لان هلا وقت الفول و حابة جرب اشيا جديدة فيه

    يسلمك حبيبتي و الك متل هل الدعوات و اكتر ان شاء الله

  20. آرام 1 April 2011

    لأ هيك صايرة عم تزوغلي أخت منى :)
    من سنتين نصحتيني أنو الشوكي مو منيح يتفرز، وأنك بتفرزي بس حوالي 60 حبة وبيكون الاستهلاك خلال شهرين أو تلاتة بالكتير، وأنا سمعت نصيحتك وألغيت تفريز الشوكي :sigh
    شو عدا ما بدا :roll

  21. منى 1 April 2011

    :grin و الله بريء يا بيه , الوصفة قديمة بس انا ما نزلتها بوقتها .

  22. أم نوران 1 April 2011

    هههه يا حبيبي و الله زعلت عليه الله يخليلك ياه ,والله هالولاد ما بمشو غير بالحيلة الله معين :cry
    ولك انا مو بس بكتبلك و صفة الطاجين كل شي بعرفو بكتبلك ياه بس ما بعرف شلون ابعتلك لانو صارلي يمكن شي مرتين عم ابعتلك على اسمك بالموقع بس كانو ما عم يوصلك شي .. ابعتلك الوصفة بالرد؟؟ :?

  23. منى 1 April 2011

    لا على الايميل ما وصلني شي , فيك تبعتيه هون كرد و رح استناه ;)

    يخليلك حبايبك يا قمر

  24. عيون ريم 20 July 2011

    الوصفه كتيررررررر شكلها طيب تسلم اديكي حبيبتي على هالوصفات الاكتر من رائعه انا جربت وصفات كتير من هووون وكانت ناجحه وطيبه يعطيكي الف عافيه ياااقمر
    عندي سؤال بصير استعمل بهاي الوصفه الارضي شوكي المجمد ولا بيختلف الطعم انا ولا مرة جربت الارضي شوكي وكتير حابه اجربه بس بطريقتك لنحبه هههههه واذا مابصير المجمد بكون شاكرة الك اذا وضحتيلي كيف طريقة تقشيره وتنضيفه وكيف اختاره لما اشتريه ولا مابيفرق ؟؟؟
    وشكرااااااا كتير الك يااامنى :?

  25. منى 20 July 2011

    بيصير تستعملي ايا نوعية انت متعودة عليها ;)
    تكرم عينك بنزل موضوع عنه , لان الصور عندي جاهزة :zzz

  26. na3oom 6 December 2011

    جربت الطريقة ومتل ماقلت من قبل حسيت بطعمتها قبل ما إعملها وبعد ما طبختها مو معقول شو طيبة اللي غيرت فيها اني استبدلت كاسة مرق بكاسة حليب خلى لونها أفتح شوي

    زوجي كيف عليها وقال عمليلي من هالأكلات الطيبة كل يوم وقال نزليها على اللستة
    يعني من الأكلاات اللي تعاد وتعاد

    الله يعطيك العافية شو عم اتعلم منك وبتعطيني الزبدة لأني أنا مو كتير شاطرة بالطبخ وبدي اعمل شغلة وأنا واثقة من النتيجة

  27. منى 7 December 2011

    الف الف هنا و صحة و عافية يا رب على البك , كتييرر انبسطت انها عجبتك و عجبت ابو الشباب ;) و شكرا لثقتك في :zzz

  28. طوق الياسمين 1 June 2013

    يعطيكي العافية ست منى.. هي الوصفة دائما تخليني اتخيل انها اختراعي لكن اختراع قديييييييم جداااا وطيـــــــــــــــب، عندنا بالجزائر طبق الشوكي او القرنون باللهجة المحلية يطبخ مع البازلاء ولحم الغنم (قرنون بالجلبانة) أما الاوراق فدائما تغلى لحوالي 10 دقايق بماء مملح وتغمس بالصلصة اللي ذكرتيها بالوصفة يعني الطريقة مختلفة شوي لكن النكهة روووعة وخصوصا الاولاد يحبوها طريقة القضمة الواحدة والتغميسة طفولية ومرحة اكتر…
    وإن شاء الله رح اتعمق معكم بالموقع واعرف طريقة للمشاركة بوصفات جزائرية أو وصفاتي الخاصة، كل الشكر ست منى على مجهودك الرائع مع تمنياتي بالنجاح المستمر للموقع الفريد فعلا

    • منى 2 June 2013

      هلا ياسمين , منورة و الله الموقع مية هلا
      مممم , حبيت كتير الطريقة الي ذكرتيها , شكرا للاضافة رح جربها ان شاء الله
      يا ريت حبيبتي , رح استنى وصفات منك , الشكر الك على ردك و تواجدك معنا بالموقع

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)