شوكي بزيت


         وصفة : منى                 2007/07/15                 6 تعليقات
شوكي بزيت

لوحة ربيعية , شكل و طعم , وصفة ابداااع ببساطتها و بطعمتها و بشكلها و واحدة من اطيب و اشهى المقبلات السورية , بكل عزيمة لازم كون محضرتها , الشوكي بيدوب بالتم دوبان , مع الجزر و البازلا , و الكل مطبوخ بعصير الليمون و الزيتون البلدي الغير شكل , باكلها و باكل اصابيعي معها .
نفس هي الوصفة بتتحضر بكل منطقتنا , بتركيا بيضيفولها شبت , باليونان بيضيفوا بطاطا , و نحنا عنا بيضيفولها بصل , انا صايرة عبحضرها من دونه , عبشوف الطعمة أطيب بكتير , بس انت ع زوئك .
إذا حابة تضيفي بطاطا , بتفرمي حبة صغيرة و بتقلبيها مع الجزر و البازلا , و إذا حابة تقدميها ع الطريقة التركية بتفرمي شبت و بتزينيه فيها قبل التقديم , و طبعاً الوصفة اطيب الشي تتقدم بحرارة الغرفة او باردة , دوماً كليها و ادعيلي
بالصحة و الهنا

- المقادير:
6 حبة شوكي مقشرة
كوب بازلاء
2 حبة جزر متوسط الحجم
حبة صغيرة بصل , مفروم جوانح ( اختياري )
عصير ليمونة ( أكثر أو أقل حسب الذوق )
4 - 6 ملعقة كبيرة زيت زيتون
رشة سكر
ملح
- طريقة التحضير:
• يفرم الجزر إلى مكعبات صغيرة ثم يخلط مع البازلاء , يمكن اضافة حبة بطاطا في هذه المرحلة حسب الرغبة . .

• ترتب قلوب الأرضي شوكي في قدر و تحشى بالخضار ثم تغمر بالماء مع عصير الليمون و زيت الزيتون و رشة السكر و الملح و تترك حتى تغلي .

• تهدى النار و تغطى الطنجرة و يترك الشوكي بزيت على النار لمدة 30 – 40 دقيقة حتى تطرى جميع الخضار .

• تصف الأرضي شوكي في طبق التقديم و يسكب فوقها من خضار الحشوة و توضع باقي الحشوة بين قطع الشوكي .

• ترش الصلصة و المزيد من زيت الزيتون فوق الشوكي حسب الرغبة ثم يقدم .

ملاحظة :

تحتاج قلوب الأرضي شوكي المفرزة لوقت نضج أقل , لذا عند استخدامها تطبخ الخضار بمرق الليمون و زيت الزيتون حتى تقارب النضج ثم تضاف قلوب الأرضي شوكي و تترك حتى تمام النضج .

التعليقات

  1. ام نور 24 November 2008

    بتعرفي منى انا ما بعرف اقشر الارضي شوكي ولم اتعرف عليه الا هنا
    الماما ولا مرة طبخته
    كتير بياكلوا الفرنسين واهل المفرب العربي جبتو مرة مجلد مقشر ونضيف وطبختو مع لحمة ورز وما عدت عدتا حسيت ناقصا شي الاكلة الطريقة اخت عطتني ياها
    ومرة اكلتو عند اخت مغربية مقطعتو ني مع السلطة كتير طيب يل ريت منى تبقي تتزليلنا عنو وصفات كلك زوء

  2. منى 25 November 2008

    هلا ام نور :)
    انا بموت على الشوكي حتى ني ببقى بروح و بجي و باكل منه ..

    ان شاء الله على الربيع بس ما يجي موسمه ببقى بنزل طريقة تقشيره و كمان وصفات جديدة اله :zzz

  3. dado 3 December 2008

    مرحبا منى
    أما شو وصفة.. أبوس روحك شئد طيبة 8)
    عنجد.. ولا مرة جربت الشوكي غير بالبيتزا مع الهليون.. بس أغرتني الصورة.. وصرت عاملتة أكتر من مرة.. آخرها مبارح.. كنت عم حضره لغدا اليوم.. بس ما حسنت قاوم المنظر.. والتهمت تنتين.. وهلأ عم ناطرة إرجع عالبيت لاتكفل بالباقي :grin

  4. منى 3 December 2008

    هنا و الف عافية دالو :)
    متل جكايتي انا بمووت عليه و بكمل منه و ضميري مرتااح على الأخر
    هنا و عافية مرة تانية و كانت زوئنا بالأكل بيشبه بعض ;)

  5. ميساء 13 May 2009

    مسا الخير منى كل سنة وأنت سالمة بلش موسم الشوكي هالسنة وأنا سمعت كتير عن ضرر حفظ الشوكي مجلد بالفريزر وصرت خايفةومحتارة وبدي أسألك إذا كان ممكن تجفيف الشوكي لأني سمعت أنو فيه ناس بتجففه فهل عندك فكرة عن الطريقة وشكرا كتير :sigh

  6. منى 17 May 2009

    هلا ميوسة :)
    و انت سالمة و بعافية و صحة باذن الله .
    و الله كلامك مظبوط و انا سمعت كمان هيك قصص و قررت ما بقى احفظ منه , و طريقة التجفيف اول مرة اسمع فيها الصراحة و على كل بسال فريق الدعم الفني و اذا حصلت على ايا معلومات اكيد رح جربه و خبركم ;)

تقييم الوصفة
عاديةقد أحضرهاجيدةممتازةأكثر من رائعة (2 votes, average: 5.00 out of 5)