صينية الفاصوليا البيضاء بالبسطرما


         وصفة : منى                 2014/12/03                 لا تعليق بعد
صينية الفاصوليا البيضاء بالبسطرما

الأتراك من أكتر الناس الي بيتفننوا بوصفات الفاصووليا البيضا ، ما بتتخيلوا اديه هم مبدعين بطبخها و الخيارات ما الها حدود معهم .. هي الوصفة من الوصفات القديمة كتير بالمطبخ التركي ، صينية الفاصوليا البيضاء بالبسطرما وصفة تراثية عريقة و انا بشوفها من الوصفات الي ما بينشبع منها .. رح تصير طعم الصوص كله من البسطرما بقى الي بيحب البسطرما رح تعجبه هل الووصفة كتيررررر مع انها غريبة على طبخنا .
الوصفة مناسبة للشتي ، مع صحن برغل جنبها و قرون فليفلة حدا رح ناكل ناكل ناكل و ما نشبع
بالصحة و الهنا

-المقادير:

2 كوب فاصوليا جافة
2 ملعقة كبيرة زبدة
3 - 4 ملعقة كبيرة زيت زيتون
1 حبة بصل ، مفروم ناعماً
1 حبة فليفلة حمراء ، مفرومة ناعماً
3 - 4 ملعقة كبيرة معجون الطماطم
2 حبة بندورة ، مقشرة و مفرومة
4 - 6 كوب ماء
1 ملعقة كبيرة دبس فليفلة
1 ملعقة صغيرة كمون
1 ملعقة صغيرة فليفلة حمراء ناعمة
ملح و فلفل أسود
شرائح بسطرما حسب الرغبة
- طريقة التحضير :

1 - تغسل الفاصوليا البيضاء جيداً ، تغمر بالماء و تنقع طول الليل ، في اليوم التالي تغسل مرة أخرى و تغمر بالماء ثم تسلق حتى تنضج ، تصفى و توضع جانباً .

2 - يقلب البصل بالزبدة و الزيت حتى يشقر ، تضاف الفليفلة الحمراء و تقلب لبضع دقائق ، يضاف معجون الطماطم و يقلب لمدة دقيقة . يضاف الماء و البندورة المفرومة و دبس الفيفلة و الملح و البهار و الكمون و الفيفلة الحمراء الناعمة . تغلى لمدة ربع ساعة ثم تضاف الفاصولياء و تغلى لمدة ساعة أو حتى تنضج .

- توضع الفاصوليا في صينية فرن . تصف شرائح البسطرما فوقها ، تغطى الصينية بوررق المنيوم ثم تخبز في الفرن لمدة عشر دقائق ، تقدم مع البرغل أو الأرز حسب الرغبة .

التعليقات

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)