طريقة حفظ ورق العنب


         وصفة : منى                 2007/06/16                 9 تعليقات
طريقة حفظ ورق العنب



ورق عنب
ملح خشن





• ترتب أوراق العنب فوق بعضها البعض في رزم من دون نزع أعناقها ثم توضع في برميل بلاستيكي صغير .

• يحضر الماء المملح الذي ستغمر به أوراق العنب , يذوب الملح الخشن بالماء ثم توضع فيه بيضة , عندما تصبح كمية الملح مناسبة ستطوف البيضة على سطح الماء بحيث يخرج نصفها تقريباً

• تغمر أوراق العنب بالماء المملح ثم يوضع فوقها صحن مسطح كبير و يوضع ثقل فوق الصحن كي لا تطوف أوراق العنب و تبقى مغمورة بالماء و الملح بشكل كامل .

• تترك الأوراق منقوعة بالماء لمدة ثلاثة أيام , سيتغير لون الأوراق من اللون الأخضر إلى اللون الأصفر المشرق .

• بعد مرور الثلاثة أيام سيتشيع ورق العنب بالملح , عندها يخرج من الماء و يوضع على مصفاة حتى يجف منه الماء تماماً ثم يعبأ بأكياس و يوضع في الفريزر حتى وقت الاستخدام .

• عند الحاجة يخرج ورق العنب من الفريزر و يترك حتى يذوب عنه الثلج .

• يوضع قدر كبير فيه ماء على النار و بعد أن يغلي توضع فيه رزمة من أوراق العنب و تترك لتغلي لبضع دقائق ثم ترفع من الماء و يوضع غيرها و هكذا ثم تنزع أعناق الأوراق , أصبح الأن ورق العنب جاهزا للإستعمال و للحشوات المختلفة .



  • وصفات تانية ممكن تعجبك


التعليقات

  1. رندوش 15 April 2008

    عزيزتي منى مشكوره على الطريقه السهله
    بس اذا بتعرفي طريقة تخزينه عن طريق زجاجات العصير البلاستكيه
    مثل الكولا لان هالطريقه ما بتحتاج ثلاجه ممكن بخزانة المطبخ
    :cry :cry

  2. منى 28 April 2008

    هلا رندوشة , مشان الله لا تواخذيني للتاخر بالرد :roll

    انا بعرف الطريقة القديمة لحفظ ورق العنب , بتجيب كل مجموعة من الورق و بتكدسيهم على بعض و بعدها بتلفيهم و بتربطيهم بخيط قطن أو بقصاصة من قماشة نظيفة و بترتبيهم بمرطبان و هيك ليتعبى عندك المرطبان , و يفضل استخدام المراطبين الكبيرة كتير الي الها عنق , هي قديمة اكيد رح تعرفيها ;)

    بعدها بتعيري مي بعيار البيضة الي ذكرته بالوصفةمع رشة ملح ليمون لتى يصير لون الورق اصفر بياخد العقل و بتزيدي كمان عليه كمشة من الملح لخاطر الحبايب :grin بعدها بتغمري الورق بالمي المملحة و بتغطي المرطبان ..

    هلا المي رح تنقص و الاحسن انك تشوفيها كل يوميين و تزيدي من مية الملح هيك تقريبا لمدة شهر , بعدها بيكون ورق العنب أخد كفايته بتغطيي المي بورقة نايلون و بتغطي النايلون بكمشة ملح و بالأخير بتغطي المرطبان كتير منيح ..

    بعدها صار ورق العنب جاهز فيك تحفظيه باي مكان و ان شاء الله بيبقى صالح لمدة سنة

    بالنسبة للطريقة الي ذكرتيها بعلب الكولا أظن نفس الطريقة , بس مين اله بال يدخل هل الورق بالمرطبان , ولي على قامتي :upset

  3. سارونات 15 August 2008

    السلام عليكم و رحمة الله و بركاته
    جازاك الله خيرا اختي منى بدي اسالك ليش ما منشيل الاعناق يعني مشان يسهل علينا بعدين تفريق الاوراق او لشي تاني
    و كمان في اللي بس بيحطوه بماء مغلي لبضع دقائق بعدين يصفوه و يتركوه يبرد و يحفظوه في اكياس في الفريزر برايك بتنفع هالطريقة او لا
    بالتوفيق
    سلام

  4. الدمشقية 13 November 2008

    حبيبتي منى والله نحن بنحط ورق العنب (بعد ما نقطع الأعناق) بكيس نايلون ونفضيه من الهواء ومنسكره تمام ونحطه بالفريزر ووقت الاستعمال بنطلعه من الفريزر على المي السخنه فوراً وبيكون مثل التازه تمام 8)

  5. منى 18 November 2008

    مممم , من دون سلقه بالاول , فكرة بتسهل كتيررر

    ألف شكر ليك لاغناء الوصفة بهل الفكرة :)

  6. خط الديواني 9 February 2011

    يسلمو ايديكم يارب

    :zzz

  7. منى 10 February 2011

    الله يسلمك و يخليك :)

  8. حلب 24 May 2013

    الله يعطيكي ألف عافية.
    استفدنا كتير من خبرتك وموقعك الرائع

    • منى 24 May 2013

      هلا فيك , من زوؤك و الله :)

تقييم الوصفة
عاديةقد أحضرهاجيدةممتازةأكثر من رائعة (1 votes, average: 1.00 out of 5)