وصفة : منى                 2007/03/22                 37 تعليقات

·          يوضع الحليب على النار حتى يغلي و في هذه الأثناء تحضر العجينة .

·          يوضع كوبان و نصف من الطحين و الحليب البودرة و الخميرة و الملح و السكر في وعاء محضرة الطعام  إذا وجدت ثم تشغل على سرعة واطية حتى تمتزج المواد الجافة جيداً ثم يضاف الزيت و البيضة و تترك حتى تمتزج المواد .

·          يضاف الحليب المغلي و تشغل محضرة الطعام على سرعة متوسطة و تترك لتعجن المزيج لمدة ربع ساعة .

·          يضاف الباقي من الطحين بالتدريج و تعجن العجينة بعد كل اضافة حتى تستوعب العجينة الطحين , قد لا يستخدم كل الطحين ثم يفرغ محتوى الوعاء على طاولة مرشوشة بالقليل من الطحين و تعجن العجينة باليد لمدة 10 أو 15 دقيقة أخرى حتى الحصول على عجينة طرية جداً و لا تلتصق باليد .

·          توضع العجينة في وعاء كبير مدهون بالقليل من الزيت و يغطى الوعاء بشكل محكم ثم يغطى بفوطة و يوضع في مكان دافئ حتى يتضاعف حجم العجينة .

·          بعد ذلك يربت على العجينة بلطف و تفرد على سطح مرشوش بالقليل من الطحين و تستخدم حسب الحاجة في اعداد الفطاير و غيره   .

·          إذا لم تتوفر محضرة الطعام تمزج كل المكونات الجافة على طاولة العمل ثم يعمل فيها حفرة و توضع فيها الزيت و اللبن و البيضة و تعجن باليد ثم يضاف الماء المغلي و تعجن العجينة حتى الحصول على كرة طرية و ناعمة .

 




3,5 – 4 كوب طحين حلويات فاخر
ملعقة كبيرة بيكنغ بودر
كوب حليب بودرة
2 ملعقة كبيرة خميرة فورية
3 ملعقة كبيرة سكر
ملعقة صغيرة ملح
نصف كوب زيت
بيضة بحرارة الغرفة
كوب و نصف حليب




• يوضع الحليب على النار حتى يغلي و في هذه الأثناء تحضر العجينة .

• يوضع كوبان و نصف من الطحين و الحليب البودرة و الخميرة و الملح و السكر في وعاء محضرة الطعام إذا وجدت ثم تشغل على سرعة واطية حتى تمتزج المواد الجافة جيداً ثم يضاف الزيت و البيضة و تترك حتى تمتزج المواد .

• يضاف الحليب المغلي و تشغل محضرة الطعام على سرعة متوسطة و تترك لتعجن المزيج لمدة ربع ساعة .

• يضاف الباقي من الطحين بالتدريج و تعجن العجينة بعد كل اضافة حتى تستوعب العجينة الطحين , قد لا يستخدم كل الطحين ثم يفرغ محتوى الوعاء على طاولة مرشوشة بالقليل من الطحين و تعجن العجينة باليد لمدة 10 أو 15 دقيقة أخرى حتى الحصول على عجينة طرية جداً و لا تلتصق باليد .

• توضع العجينة في وعاء كبير مدهون بالقليل من الزيت و يغطى الوعاء بشكل محكم ثم يغطى بفوطة و يوضع في مكان دافئ حتى يتضاعف حجم العجينة .

• بعد ذلك يربت على العجينة بلطف و تفرد على سطح مرشوش بالقليل من الطحين و تستخدم حسب الحاجة في اعداد الفطاير و غيره .

• إذا لم تتوفر محضرة الطعام تمزج كل المكونات الجافة على طاولة العمل ثم يعمل فيها حفرة و توضع فيها الزيت و اللبن و البيضة و تعجن باليد ثم يضاف الماء المغلي و تعجن العجينة حتى الحصول على كرة طرية و ناعمة .
  • وصفات تانية ممكن تعجبك


التعليقات

  1. nidaa84 22 November 2007

    مرحبا منى مرة تانية اليوم بدى عذبك معى من كثر اسئلتى بس بدى اقول لك انه بالوصفة هنا مكتوب زيت قصدك زيت زيتون ولا مازولا انا انشالله الاسبوع القادم بدى اعمل هل وصفة لانه لازم اعمل بوفيه لانه زوجى الاسبوع القادم بده يعمل دفاع الدكتوراة وعازم شى ثلاثين شخص والمشكلة كلهم فرنسيين بقى قلت بدى اعمل معجنات وكبة مقلبة وطرطور ومرتديلا يعنى قاعده وعم انقى الاكلات من الموقع وبدى اسالك هى العجينة اذا عملت الفطاير وشويتهم وقمتهم على بيت البوظ وبعدين طالعتهم وسخنتهم ببقو على حالهم ولا الافضل اعملهم قبل بيوم انصحينى والف الف شكر طولت عليك

  2. منى 22 November 2007

    بالعكس ندا , اسئلتك على عيني و راسي

    الله يكون بعونك , هيك عزيمة كبيرة بدها شغل

    نصيحة ان تعمليها قبل بيوم ..

    الزيت الي بستعمله زيت مازولا

    إذا بتحبي أعطيك كم فكرة بعملها أنا بالبوفيهات الكبيرة ..

    عندك سندويش الهمبرغر , بعمله صغير و بحضره قبل اسبوع مو مشكلة و هي
    [URL=http://www.l2ma.com/content/view/192/2/ ]الرابط[/URL]

    و هي سندويش بيجنن للبوفيهات

    بس أنا بساويه بالدجاج أكتر
    فيك تحضري الحشوة كمان قبل بكم يوم و بالبراد ليوم العزيمة
    [URL=http://www.l2ma.com/content/view/174/2/ ]فيلادلفيا[/URL]

    و هل الحمص لذيذ و سهل
    [URL=http://www.l2ma.com/content/view/31]حمص بيروتي[/URL]

    و الكبة المبرومة فيك تعمليها قبل باسبوع و تحطيها بالفريز و بيوم البوفيه بطالعيها و بتخليها تحل شي ربع ساعة بس بعدها بتحطيها بصينية مدهونة و بالفرن [URL=http://www.l2ma.com/content/view/211/2/]و الطريقة[/URL]

    و هدول نوعين حلا سهلين و طيبين و ما بدهم شغل كتير

    [URL=http://www.l2ma.com/content/view/238/2/]الأول[/URL]

    [URL=http://www.l2ma.com/content/view/234]و التاني[/URL]

    و عندي كمان حلا بيجنن , بالمارس إذا بتحبي بنزلك طريقته

    الله يكون بالعون :roll

    أنا بحفلة تخرجي كمان عملت سفرة , و حضرتها كلها لحالي , بس الصراحة بيوم العزيمة أمي الله يخليها هي الي استلمت كل سغلات أخر دقيقة و أنا يا دوب كنت عم سلم على الضيوف ..

    يلا بيعين الله :)

  3. nidaa84 23 November 2007

    والله الله يسلم ايديك انا كنت بانتظار تعطينى افكارك والله كتير اكله هم هل عزيمة والمشكلة انا هنا ماعندى حدا اهلى كلهم بسوريا يعنى لحالى بس الله يبارك فيها ام نور بدها تساعدنى
    وانشالله بدى اعمل الفطاير قبل بيوم والكبة يمكن هل يومين والله الموقع فصفصته صار عندى تقريبا ليسته بعشرين اكله مع المقبلات انشالله كلهم بدى اعملهم ماعدا الحلو والله الله يبارك فيكى وببقى بقلك على النتائج انشالله بس اكيد اذا من وصفاتك بده يطلع شى ببيض الوجه الف شكر

  4. منى 23 November 2007

    :roll ولي على ألبي

    الله يكون بالعون , و إن شاء الله بتتيسر عليك

    الله يعطيها العافية ام نور , الحمد لله , الله ما بيقطع
    هي اجتك أخت جديدة بتسهل عليك الغربة :)

    يلا عم استنى خبريات عزيمتك , و الله يعطيك العافية ;)

  5. ام نور 5 December 2007

    اخت منى اد ما طلعت العجينة مع نداء روعة انا بدي اعملا بس حابي اسالك ضروري نوعين من الحليب السائل والبودرة ما بيمشي فقط السائل :? وشغلي كمان انا كتير سامعة بخلية النحل بس ماني مجربتا ممكن تنزليلنا طريقة شو بتنحشا وطريقة صفا بالصينية :p عم عذبك بطلباتي بس انا كمان زوجي بدو يتخرج انشالله بايلول القادم ولازم اعمل بروفا من الان لا حتى ما اتلبك وقت الحفلة لان كمان اهلي بلبنان :(

  6. منى 5 December 2007

    الحمد لله , طمنتيني عن ندا :)

    ام نور بيمشي الحال بلا الحليب البودرة أكيد , بس الحليب البودرة مع البيكنغ بودر هن سر هل العجينة :roll

    خلية النحل كتير سهلة بتحضري أي عجينة ناجحة عندك و بتقطعيها لكرات , بعدها فيك تحشيها بالي بتحبيه من جبنة أو زعتر مع زيت زيتون أو فطاير دبس الفليلفة ,و فيك تعملي أكتر من نوع بنفس الصينية

    أما الحشوة المفضلة عندي الكيري ..

    بعدها بتصفي العجينة بالصينية كل كرة بجنب التانية و بتدهني الوش ببيضة و بعدها بترشيها حبة بركة للجبنة أو كمون صحاح للفليفلة أو سمسم للزعتر
    بتخبزي الصينية و بس ..

    بيكون منظرها روعة , أماالكرات الي حشيناها كيري منحطها بصينيةلوحدها و بعد ما تطلع من الفرن منرشها قطر محضر بشكل عادي بس بضيف له ثلاث أو أربع ملاعق عسل بيعطيه طعم بيجنن

    هي هي باختصار و من عيوني التنتين الخطوات و الطريقة بالتفصيل و الصور :)

    و ان شاء الله بيعين الله على هل العزيمة الكبيرة , و إذا بدك أي شي من عيوني ام نور :)

  7. ام نور 6 December 2007

    الله يبارك فيكي يا رب ما بتقصري انا حابي جرب خلية النحل بعجينة القطنة وكمان
    ناوي جرب كذا شغلة خرج ضيافة لان جاي العيد وجايين ضيوف اكيد رح اعمل معمول وبيتي فور بس كمان شي معجنات كمان يا ريت تعطيني افكار بتعرف كتير الوحدة بتحتار بهاك مناسبات :upset وشغلة كمان انا ولا مرة مجربة جبنة الكيري بالحلو وكتير بسمع عنا هالأد بتطلع طيبة وبتدوب يعني

  8. ام نور 6 December 2007

    اخت منى بس بدي اتاكد من شغلي بالخطوة التالتة كاتبة ماء مغلي وبالمكونات مانك ذاكرة ماء قصدك الحليب مغلي مهاك

  9. منى 6 December 2007

    هلا ام نور :)

    أنا لضيوفي بحضر لهم فطاير و كاتويات بس ميني ..

    يعني بعمل أكتر من قالب و بعدها بقطعهم مستطيلات صغيرة و بحطهم بورق بلسيه ..

    بصينية كبيرة برتب هل القطع بجنب بعضها بيطلع منظرهم تحفة :eek

    و كمان الفطاير زعتر و بيتزا و فليلفة و جبنة و كله بالحجم الصغير ..

    بس بتعرفي ام نور , كل ضيوفي بالعيد بيطلبوا مني مهلبية الرز و البيتزا ..
    لهيك بعمل كمان اما مهلبية أو حبوب أو رز بحليب :)

    جبنة الكيري بتطلع كتير طيبة بالخلية , هي اساسا بتتاكل باردة , يعني رح تدوب بالخبز بس بعدها بترجع متل ما كانت :)

    نبهتين اختي ام نور على الغلطة بالكلمة , الله يعطيك العافية , هلأ عدلتها ..

  10. nidaa84 7 December 2007

    ياعين ياهيك العجينة يا اما بلا اى شو هل عجينة بتجنن بتجنن العالم كلهم سالونى شو هل عجينة طرية وطيبة بتاخد العقل
    ياستى الله يبارك فيك وبافكارك امبارح رفقاتى يسالونى اقلهم موقع لقمة كلهم اخدو الينك
    انا اخدت من الموقع اليالنجى والكبة مقلية والصينية وكرات التويكس والبينزا والفطاير والكبة نيه وكلهم طلعو بشهو اشتهينك معنا
    وبرجع بقلك الف شكر على هل وصفات وبانتظار المزيد

  11. منى 8 December 2007

    ان شاء الله صحتين و هنا و عوافي يا رب ندا ..

    شو كان بقيان بالي عندك و اكلة هم هل العزيمة و انت لوحدك :roll

    كلك زووء يا عسل و مية السلامة :)

  12. نهال صبري 29 December 2007

    أكلتها عند نداء و كانت تجنن :roll هجربها اليوم ان شاء الله .. تسلم ايديك أخت منى .

  13. منى 29 December 2007

    صحتين و هنا على قلبك و قلب ندوشة يا رب ;)

    الله يسلمك حبيبتي و انا رح استنى رايك بعد ما تجربيها بنفسك :)

  14. نهال صبري 31 December 2007

    السلام عليكم أخت منى ، طلعت رائعة و سألوني عليها أصحابي .. فعلا زي القطنة طرية جدا.

  15. منى 31 December 2007

    صحة و هنا يا رب

    كتير انبسطت انها عجبتك , ان شاء الله وافي و هنا يا رب :)

  16. kuwaiti_girl 7 February 2008

    حبيبتي سؤال الحليب يوضع على العجينه وهو حار؟؟؟

  17. kuwaiti_girl 10 February 2008

    مشكووره غاليتي على الرد وساجربها اليوم اذا الله راد… صرت احب هالموقع كثيرا والله يعطيك العافيه
    واتمنى انا نكون صديقات لاني احببتك في الله

  18. منى 11 February 2008

    أحبك الله أختي :) و هلا أنت صرت أخت و صديقة غالية و من أهل البيت و نورتي و نور الموقع بتواجدك الطيب فيه ;)

  19. منى 11 February 2008

    أيوه أختي تحطيه و هو حار و تمزجيه مع باقي المقادير ;)

  20. هيلين 25 February 2009

    يعطيكى العافية اختى بصراحة العجينة شكلا روعة من شوى عملتها وعم استناها تخمر
    بس عندى سؤال بعد ما تطلع من الفرن غطيها مباشرة ولا شو حتى تحافظ على طرواتها
    وسؤال تانى الله يخليكى دائما بتلبك وقت يكون عندى عزيمة واعمل معجنات مع اصناف تانية لانه المعحنات بتعرفى بتقلب المطبخ فوقانى تحتانى
    بقى بقدر اعمل هالعجينة قبل بيوم مثلا وكيف بحفظها لتحافظ على طعمتها وطراوتها

  21. هيلين 25 February 2009

    نسيت اسالك بقايا العجين يلى بينقص دائما بيصير قاسى وبيصعب علييى ارجع رقو بالشوبك شو الحل لهالقصة

  22. هيلين 25 February 2009

    اختى بدى اشكرك من قلبى على هالعجيبنة الطرية الرائعة ، يسلموا ايديكى بس بدى اسالك حسيت كانه مقدارها قليل مقارنة باربع كاسات طلع معى تقريبا 50 محمرة مينى شو رياك عدد منيح ولا شو انا تركتها تختمر شى 2 ساعة

  23. منى 26 February 2009

    هلا هيلين :)
    شو زعلت لان ما لحقت جاوبك على السريع , و بعدها كتير انبسطت ان العجينة زبطت معك و عجبتك , عوافي اختي

    اختي اذا كانت العجينة منحة بتستني عليها لتفتر و بعدها تغطيه و اذا عندك عزيمة قبل بيوم فيك تخبزي المعجنات و تحفظيهم بكيس نايلون محكم الاغلاق , او فيك تحضري العجين بالليل و تقللي كمية الخميرة و هيك لتاني يوم بتصير عجينتك جاهوة لتشتغلي فيها , انا الصراحة بحضرهم قبل بيوم و خصوصا لفطاير الفليلفة أو الزعتر أما الجبنة بحسها بتطلع اطيب بنفس اليوم ;)

    اختي الكمية حسب حجم و سماكة الفطاير , و اذا كان حجمهم مناسب معناها زيدي العجينة لحتى تكفيك تاني مرة ;)

    الف الف هنا و صحة مرة تانية بكل لقمة و كل فطيرة

  24. هيلين 1 March 2009

    تسملى عينك يا رب
    بصراحة كانت بتجنن كتر مو لذيذة ،وعلى فكرة زاد كم قطعة تانىي و كانوا لذيذين جدا وطرايا
    يسلمو ايديكى يا حىء

  25. منى 3 March 2009

    هنا و الف صحة يا رب , الحمد لله انها زبطت معك و عجبتك :)

  26. إسراء 18 October 2010

    مرحبا ……. هي العجينة بتجنن كتير طرية وقد ما حمرت الفطاير بالفرن بقيت طرية كتير حبوها اهلي وزوجي ……. شكرا كتير ست منى :)

  27. منى 25 October 2010

    هلا اسراء :)
    الف الف صحة و هنا و مية عافية على البك , ممنوتك لثقتك في و لتجربتك وصفاتي و كمان لرددودك :zzz

  28. نجمة 19 January 2011

    جربت هالعجينة وطلعت رووووووعة وعجبت كل الشعب الله يجزيك الخير :grin

  29. نجمة 25 January 2011

    السلام عليكم والله يا منى جربت هالعجينة بالسينابون وطلعت ولا أروع من جد بتجنن يعطيك ألف عافية

  30. منى 25 January 2011

    عوافي و الف الف صحة و هنا نجمة :)

  31. نورطعمة 25 December 2013

    مدام منى ذكرتي بالوصفة انوبنضيف الحليب اوالمي مغلي مو لازم يكون بس دافي حتى ماتموت الخميرة

    • نور من قبرص 7 January 2014

      لوسمحتي تردي عسؤالي لاني حابة جرب هالعجينة بس لازم ضيف الحليب اوالمي مغلي للطحين ولا فاتر متل العادة

      • منى 8 January 2014

        لا فاتر نور متل كل العجاين :)

  32. سلمى 2 January 2014

    اخت منى هاليومين ان شاء الله ناوية على هالعجينه والكبة اللبنية من زمان نفسي فيها وطبعا ما الي غير وصفاتك حبيت أسالك عن حشوة الفليفلة

    • منى 2 January 2014

      هلا سلمى , عوافي و الف صحة مقدماً :)

      هي وصفتي لفطاير الفليفلة , ان شا الله تكون على زوءك

  33. سلمى 3 January 2014

    اخت منى بدي عذبك معي بس ما بين معي انك حاطة وصفة فطائر الفليفلة

    • منى 8 January 2014

      اسفة ما حطيت الرابط , واااخ

      هي الطريقة

      http://l2ma.com/?p=715

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)