غريبة الفستق الحلبي


         وصفة : نسرين رحال                 2014/07/08                 10 تعليقات

آخر تصويت


آخر تعليق

غريبة الفستق الحلبي

من الالوان المحببه الي اللون الاخضر,,, فكيف ازا كان اخضر و غريبه سوا! رح يكون مزج رهيب بالنكهه و اللون مجتمعين بهالوصفه! غريبة الفستق الحلبي رح تلفت العين مباشره , و طعمتها بالفستق الحلبي رح يحكي اللسان فيها شعر! بنصحكم تجربوها و ان شاء الله بتدعولي دعوة حلوة بعدها

-المقادير:

كوب زبده لينه او سمنه
نصف كوب سكر بودره منخول
كوب+ تلتين كوب طحين منخول ( و احتاجت تقريبا ملعقتان كبار طحين زياده عن المقدار اثناء عجن العجينه)
كوب فستق حلبي مقشر و محمص قليلا و مطحون ناعم
ملون طعام اخضر حسب الرغبه
فستق حلبي للتزين.
- طريقة التحضير :

- في محضره الطعام الفوود بروسيسر نضرب الزبده او السمنه جيدا حتى تصبح ملساء ثم نضيف السكر البودره و نستمر بالضرب 10 دقائق حتى نحصل على مزيج كريمي ناعم و املس و هذا اول سر في نجاح الغريبه.

- نضيف الفستق الحلبي و نضرب المكونات مع بعضها و من الممكن اضافه نقطتين من ملون الطعام الأخضر للحصول على لون اخضر قوي . اضافه ملون الطعام ليست اساسيه.

-الان نبدا باضافه الطحين تدريجيا ليمتزج فقط مع الخليط ثم عندما تبدا العجينه تتكون ,نخرجها من الفود بروسيسر و نعجنها باليد قليلا ( هنا احتجت اضافه قليل من الطحين على العجينه ) السر الثاني لنجاح الغريبه هو عدم عجن العجينه زياده! فقط مجرد نلمها على بعضها لتتماسك و نكورها بشكل كره و نغلفها بالنايلون و نضعها بالتلاجه 2-3 ساعات .

- ثم نخرجها و نقطع العجينه الى كرات صغيره متساويه الحجم تقريبا و نعمل حزوز او شكل نجمه باستخدام طرف سكين على كل كره و نزينها بحبه فستق حلبي و نضعهم على صنيه خبز عليها ورقه خبز و ندخلهم التلاجه نصف ساعه.

- في هذه الاثناء نحمي الفرن 180 , نخرج الغريبه من التلاجه و نخبزها 10-12 دقيقه او حتى الاستواء ..(لا تأخذ الغريبه وقت طويل بالفرن) ثم نخرجها و نتركها تبرد تماما في الصنيه قبل ما ننقل الحبات الى صحن التقديم
  • وصفات تانية ممكن تعجبك


التعليقات

  1. نسرين رحال 8 July 2014

    بشرفني اختيارك لوصفاتي لتتواجد بموقع متل موقعك يا منى … ^_^

    • منى 8 July 2014

      الهي تعيش ايديكي الي طبخت و الي صورت , من اشهى الوصفااات , شكرا الك نورتي لقمة طيبة :)

  2. Raz 8 July 2014

    يسلم ايديكي….شكلو طيب بدي جربو

    ملاحظة: انا حطيت كتير كىمنات بهالفترة عالموقع عأكتر من وصفة و ما يجيني ولا رد …فما بعرف اذا عبيوصلوا اؤ لأ

    • منى 8 July 2014

      هلا حبيبتي :)
      يمكن مو بايننين عندي … هلا برجع بتاكد من التعليقات الموجودة , مية هلا فيكي

  3. نسرين رحال 8 July 2014

    Raz حبيبتي الله يسلم البك… جربيها و ان شاء الله بتدعيلي دعوة حلوة بعدها :)

  4. ميس 8 July 2014

    و انا كمان علقت على المعروك و ما أجاني رد و كيف ببين الرد ؟ عبر الايميل؟

    • منى 8 July 2014

      اهللين ميس :)
      ما لقيتلك رد ع المعروك .. ممكن ترجعي تبعتيه

  5. رحاب البارودى 18 July 2014

    الوصفة اكتر من راااااااااااائعه تسلم ايديك ووصفات نسرين وان شاء الله اجربها قريبا جداااااااااااا

    • منى 18 July 2014

      فعلا وصفات نسرين زينت الموقع , ان شا الله تجربيها و تكون ع زوقك :)
      و منورتينااا

  6. لارا مينا 19 July 2014

    تسلمي أخت نسرين الوصفة مبين إنها أكثر من روعة ، أول مره عملت غريبة سببت لي أزمة ، ولغيتها من قائمتي ،
    وقلت في نفسي يعني الحلويات الشعبية والعالمية أكثر من مليون ومليون وصفة ،
    مش لازم هالغريبة بلاش منها ، لأني عملتها ع الطريقة المصرية وعندهم معادلة تقريباً أغلبهم ما يخرج عنها ،
    وحسب وصفهم إذا خرجتي عن المعادلة هاذي لاتعتبري إنك عملتي غريبة ،
    اعتبريها شي آخر غير الغريبة ، والمعادلة الشهيرة هي مقدار الطحين نصفه سمنه ومقدار السمنة نصفه سكر ، يعني كيلو طحين بياخذ نص كيلو سمنه وربع كيلو سكر ،
    وعملتها وكانت شوي مريقه ، وأصريت وكملتها وخبزتها ، وحسيتها ناعمة جداً لدرجة إنها تتفتت بالإيد مجرد ماأمسكها ،
    وكملت وأصريت إلا أقدمها لضيوفي قلت أكيد رح تتماسك مع مرور الوقت ،
    وياحرام كل مامسكوا حبه تتفتت كلها في الإيد قبل ماتوصل للفم وكل ما أخذوا حبة ورا الثانية المصير هو نفسه ،
    وتصير كأنها مطحونة مثل السميد الناعم ، كان المفروض أقدمها مع ملاعق للحلو لأن صارت سريلاك !!!!
    أكيد الخطأ من عندي يمكن من نوع الطحين أو السمنة ويمكن السكر الله أعلم أو الساعة اللي عملتها فيها كان حظي قليل شوي …
    لأن المصريين بيعملوها بنفس المقادير تمام التمام ، بس مع وصفتك والفستق والصورة أكيد راح أعملها إن شاء الله ….
    وعندي سؤال كوب الفستق في الوصفة وزنه وهو مطحون ولا حب صحيح ؟؟؟
    وألف شكر سلفاً :)

تقييم الوصفة
عاديةقد أحضرهاجيدةممتازةأكثر من رائعة (3 votes, average: 3.33 out of 5)