فطيرة البطاطا الحلوة


         وصفة : منى                 2010/01/10                 18 تعليقات
فطيرة البطاطا الحلوة

هذه وصفه كتيييييير طيبه لاستخدام البطاطا الحلوه المليئه بالفوائد و الفيتامينات

حتى اللي ما بيحب البطاطا الحلوه رح يحب هذا الطبق

اتمنى تنال اعجابك يا منى و هي طبق كتيييييرمتواضع امام ابداعاتك




5 حبات بطاطا حلوه
بيضه
نصف كوب كريما(او نصف كوب حليب مع ملعقتين قشطه)
نصف كوب قطر(شيره) او عسل او maple syrup
ملعقه صغيره فانيلا
ملعقه صغيره قرفه
نصف ملعقه هيل
رشه جوز طيب
ثلاث ارباع ملعقه صغيره ملح

للوجه

نصف كوب طحين
نصف كوب سكر بني او ابيض
ربع كوب (نصف اصبع زبده)
نصف كوب جوز مفروم





• قشري البطاطا و قطعيها مكعبات و اسلقيها في ماء حتى تطرى .

• في الخلاط ضعي البطاطا و بقيه المكونات (البيض و القطر و الحليب و البهارات و الملح) اخفقيها حتى تحصلي على خليط ناعم , صبيه في صينية .

• في وعاء اخر اخلطي الطحين و السكر , قطعي الزبده مكعبات و افركيها مع الطحين و السكر حتى يصبح الخليط مثل الرمل .

• رشي الخليط على وجه الصينيه فوق البطاطا و رشي الجوز.

• غطيها بورق القصدير و ادخليها فرن حرارته 180 في الرف السفلي 15دقيقه ثم ازيلي القصدير و اتركيها مده 15 دقيقه اخرى في الفرن على نفس الحراره .

• ثم حمريها من الاعلى و قدميها فاتره او بارده .
  • وصفات تانية ممكن تعجبك


التعليقات

  1. منى 10 January 2010

    بتعرفي سوسن , انا و لا مرة استخدمت البطاطا الحلوة في الطبخ و وصفتك هي كتير شكلها بيشهي و رح تخليني جيب هل البطاطا لاول مرة .

    الف الف شكر الك , ما بتعرفي اديه انا سعيدة لمشاركتك بهل الوصفة المميزة , لان حبيتي تنزليها هون , ممنوتك يا قمر و ان شاء الله هي الاولى بس مو الاخيرة .

    سؤال , يا ترى اديه كمية البطاطا بالغرام بشكل تقريبي و كمان فيني طبق الفكرة على التفاح او غير نوع فواكة ؟

    سلم هل الديات يا قمر ;)

  2. dentamaniac 10 January 2010

    اول شي شكرا جزيلا للطفك
    تانيا انا و الله الي الشرف اني انزل وصفه بموقعك الرائع و الف مبروك الجائزه الجديده …بتستاهلي كل الخير

    الصراحه انا كنت من الناس اللي ما بحب البطاطا الحلوه بتاتا لحد ما لقيت هي الوصفه

    كميه البطاطا 3-4 حبات متوسطه الحجم
    للاسف ما بعرف كم بيطلعوا بالغرام

    بالنسبه لاستخدام التفاح ..ما جربت بس بتصور ما في ما يمنع

    انا الطبقه اللي على الوجه جربتها على وجه الكرمبل و بتطلع روعه

    بكرر شكري للطفك

  3. farah 10 January 2010

    تسلم دياتك شكلها طيبة انا زمان جبت هالبطاطا الحلوة وشويتها بالفرن كان طعمها كتير طيب بتشبه الكستناء نوعا ما
    انشاء الله بدي جيبها للمرة التانية بحياتي وجرب وصفتك ;)

  4. رنا 10 January 2010

    واااااااااااو بطاطا حلوة
    ياستي انا كنت بسمع بهالنوع من البطاطا بس مالي شايفتها شخصي او دايقتها …هلأ يمكن انا كنت شوفها بس مابعرفها …بهالنزلة الي جيت فيها لعند اهلي كانت امي جايبة شوي من الكارفور قال لانه الها ذكريات معها وقت كانت تدرس بطرطوس …المهم دقتها سخنة ومشوية وياعيني شو طلعت طيبة …كتير قريبة من طعمة الكستنا …ولسه بهالفطيرة بتطلع اطيب واطيب
    شكرا لالك اختي سوسن عالوصفة الغنية والمميزة ;) وعالتجريب القريب انشالله

  5. Mays 10 January 2010

    ممم شكلها كتير طيبة… على التجربة فورا

    و جواب لمنى ( من بعد إذن سوسن)
    أنا بعمل شي بيشبها بالتفاح ، بحط شرائح تفاح سميكة شوي بالصينية و فوقها نص علبة حليب مكثف محلى و علبة قشطةو ملعقة صغيرة قرفة و الوجه نفسها بالضبط طحين و زبدة و سكر و جوز و بتطلع كتير طيبة

  6. snow whit 11 January 2010

    أموت على شي اسمه بطاطا

    سؤال :?
    البطاطا الحلوة يعني تختلف عن البطاطا العاديه ولا شو؟؟

    ومنى أنا كذا مرة سألتك من قبل في كذا وصفة وتجاوبي على الأخوات وأنا لا …

    انقهرت كثييير ..يمكن لاني مو من تبعكم يعني انا من الاحساء وماتحب تواجدي.. :cry

    إذا متضايقة مني أنا فورا راح اطلع من الموقع وصدقيني مارح أزعل وراح ادعيلك كل يوم بالخير

    أنا سألتك من قبل شو نوعية الكاميرا اللي تستخدميها؟؟

    والصور قبل ماتنزليها ع الموقع بتعملي لها تعديل بالفوتوشوب ولا لا؟؟

    لان تصويرك بيجنن…

    واعتذر ع الاطالة فيي الكلام ..

  7. منى 11 January 2010

    خلص سوسنة , رح جربها باذن اله و هلا بعد ما قالوا الصبايا ان طعمتها بتشبه الكستنا ما بقى بدها تفكير كتير :zzz

    رنون بدي التريقة بالتفسيل الممل :grin

    شكرا ميوسة لفكرتك :zzz

  8. snow whit 11 January 2010

    اي والله بعد ماشفت ردك انبسطت كثير :)

    وصرت مطمنه ..

    خلاص انتظر رسالتك ع الايميل :zzz

    أكيد مافي شي بقلبي …

    شكرا مرة ثانيه …

  9. سمسمة 11 January 2010

    ياعيني ياعيني الله يسلم هالأيدين
    ياترى البطاطا الحلوة بتختلف من بلد لبلد أنا بعرف لونها أحمر وشكلها
    مطاول صح الكلام ولا أنا غلطانة

  10. منى 12 January 2010

    الله يسامحك اختي سنو وايت :( كيف بيخطر ببالك هيك . على كل و الله حقك علي وانا كتير اسفة ان ما رديت عليك , سماح لان انا ما بقدر على زعلك و لا زعل ايا واحدة من الاخوات :x

    اختي انا اتشرف فيك و بكل الاخوات من السعودية و عن جد زعلت لان خطر هيك ببالك , على كل حصل خير ان شاء الله ..

    الكاميرا الي استعملها canon g9 كتير منيحة الحمد لله و الصور اعمل عليهم تعديلات بسيطة بالنت , اذا بتحبي ابعتهم على ايميلك بالتفصيل مع كل اسراري الصغيرة ;)

    سماح يا عسل و الا لسا في شي بقلبك :sigh

  11. farah 12 January 2010

    اي عزيزتي سمسمة بتختلف انا متلك مجربتها الحمرا واللي بالشام شكلها ابيض ولسا ما جربتها بس اشتريها وقشرها وشوف النتيجة بخبرك ;)

  12. farah 12 January 2010

    اي عزيزتي سمسمة بتختلف انا متلك مجربتها الحمرا واللي بالشام شكلها ابيض ولسا ما جربتها بس اشتريها وقشرها وشوف النتيجة بخبرك ;)

  13. snow whit 12 January 2010

    صحيح منى بسألك

    يعني تنصحيني اشتري مثل كاميرتك أو لا؟؟

    أو في كاميرا أفضل منها … :?

  14. نعنوعة 13 January 2010

    السلام عليكم لقد جربتها وكانت لذيدية جدا.
    اختي منى صابوني هل من الممكن الاتصال بك شخصيااذا امكن ما هو عنوان الاتصال بك
    مع الشكر

  15. dentamaniac 13 January 2010

    سمسمه البطاطا الحلوه هي اللي بتحكي عنها قشرتها حمراء و مطاوله و عند التقشير لونها برتقالي فاتح

    نعنوعه الف صحه و هنا
    سعيده انها اعجبتك :)

  16. Amar 13 January 2010

    البطاطا الحلوه اللي لونها أحمر بتختلف عن البطاطا الحلوه اللي لونها أبيض واللي بتلتقى بسوريا طعم البطاطا الحمره حلو لكن في شي بيخليكي وانت عم تاكليها ما ترجعي تجيبيها مره تانيه أما البطاطا البيضه السوريه يا عيني عليها وهيه مشويه الطعم متل الكستنا فعلا وما بتكتفي منها.

  17. رنا 14 January 2010

    مو على عيني منى خانم …خلص حطي القهوة عالنار عشر دقايق وبكون عندك :grin

  18. منى 15 January 2010

    يلا رنون , حطيتها , بس لا تتاخري لان ما بحب القهوة الا غالية :zzz

    اختي نعنوعة ممكن تبعتيلي ايميل عن طريق اتصل بنا ;)

    اختي سنو وايت , هي على كيفك . انا بالنسبة 8) الي كمبتدئة كانت اكتر من ممتزة , بس اذا عندك شوية خبرة , فممكن تشتري احسن منها اكيد ;)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)