كاتو القرفة المميز


         وصفة : منى                 2014/03/13                 8 تعليقات
كاتو القرفة المميز

هل الكاتو مو معقول شو خفيف و هش و طري و طعمته روووعة , بتاكلي بتاكلي منه و ما بتشبعي و بتحضريه بسرعة ضيافة مميزة و سهلة و بتبيض الوج .
دوما عندي بالبيت في مرطبان من صلصة التوفي كريم الجاهز , لهيك وقت يطلع الكاتو من الفرن و يبرد , بدهن وجو من الصلصة و برش قرفة , إذا ا عندك صوص كراميل , أو ممكن تدهني وش الكاتو بالزبدة و ترشيله سكر بودرة أو سكر بني و قرفة , عن جد رااائع . بتمنى تجربي هل الوصفة لتحضير كاتو القرفة و بتمنى تعجبك
بالصحة و الهنا

-المقادير:
2 بيضات
1 كوب سكر
فانيليا
1 كوب حليب
ملعقة صغيرة قرفة
نصف كوب زبدة مذوبة
1 كوب و ثلاث أرباع الكوب طحين حلويات
2 ملعقة صغيرة بيكنغ بودر
ربع ملعقة صغيرة ملح

-للتقديم :
توفي كريم
قرفة حسب الرغبة
أو
2 ملعقة كبيرة زبدة , مذوبة
2 ملعقة كبيرة سكر بني أو سكر بودرة
1 - 2 ملعقة صغيرة قرفة
- طريقة التحضير :

1 - يدهن قالب كيك بالزبدة , ينخل الطحين و الملح و القرفة و البيكنغ بودر و يترك جانباً . يحمى الفرن على درجة حرارة 180 درجة مئوية .
2 - يخفق البيض و السكر و الفانيليا بالخفاقة الكهربائية حتى تصبح مزيج متجانس لونه أصفر باهت .
3 - يضاف الحليب و الزبدة المذوبة و يقلب بخفة , يضاف الطحين المنخول مع القرفة و البيكنغ بودر و الملح . يقلب بلطف حتى يصب المزيج متجانساً .
4 - يصب المزيج في القالب المدهون , يخبز في الفرن الحامي على الرف المتوسط لمدة ساعة أو حتى ينضج
5 - يترك الكاتو في القالب لمدة ربع ساعة حتى يهدأ , يقلب و يدهن بصلصة التوفي كريم و يرش بالمزيد من القرفة , أو يدهن بالزبدة و يرش بالسكر و القرفة . يقطع و يقدم حسب الرغبة .

التعليقات

  1. foza 15 March 2014

    يا عيني يا منى..شي خيالي..خلاني اول ما شفت الوصفة صار بدي طبقها..و هلا بقول بسم الله نبتدي :)

    انا بعشق القرفة وين ما كانت :)
    المسا بخبرك بالنتيجة

    • منى 15 March 2014

      يا الله يا الله فوزة , ان شا الله بتعجبك النتيجة و بترضي طارق باشا و يارا العسل

      رح استنى :)

  2. foza 15 March 2014

    طارق باشا : حاجة مفتخرة
    يارا الشريرة : يمي نمي يمي نم
    ام الشريرة : خربت الدايت و رايحة جاية عم تقطع و تاكل
    يا ستي يسلم دياتك و يجزيكي كل الخير..كتير طيب و حبيناه، و لانه فيه زبدة مو زيت قدرت خلي يارا تاكل منه و خففت شوي السكرّ مشانها
    يمي يمي يمي :* :*

    • منى 15 March 2014

      ههههههه ابوس روح يارا و امها , صحتين و الف عافية يا حق يا قمر , و شكراً لثقتك بوصفاتي :)

  3. ديما 16 March 2014

    يسلم اديكي يا مدام منى عالوصفات الحلوة متلك انا جربت الكاتو الاسفنجي على طريقتك وقطعتو طبقات وحشيتو شوكولا طلع كتير طيب وهاي الطريقة لازم جربا بس بدي أسألك انا بحب كاتو القرفة يكون معو زبيب كيف فيني حط الزبيب بقلب هالوصفة وشو الطريقة وشكرا سلف يا قمر

    • منى 16 March 2014

      الله يسلمك ديما , ألف صحة و عافية ع قلبك , كتير مبسوطة انو الكيك الاسفنجي ظبط معك :)

      هلا بصورة عامة وقت بدك تحطي زبيب للكاتو , بتغسليه و بتحطيه ع مصفاية و بتخليه لحتى ينشف شوي بس تبقى رطوبة فيه , بعدها بتمرغيه بالطحين و ترشيه ع وش الكاتو بعد ما تصبيه بالقالب , و بتدخليه شوي بمعلقة لحتى ما يبقى ع الوج و بس هل الوصفة ما بتزبط لان مزيج الكيك مريق و رح يغوص الزبيب للقاع ..

      رح نزل وصفة خاصة بكاتو الزبيب اذا رب العالمين راد
      منورة

  4. ديما 16 March 2014

    طيب اوكي مدام منى انا بانتظار وصفة كاتو الزبيب بس كمان هي الوصفة لازم جربا مبين الكاتو كتير طيب شكرًا كتير ألك :)

    • منى 16 March 2014

      ان شا الله بنزلها بااقرب وقت , و جربيها و يا ريت تخبريني رأيك :)

تقييم الوصفة
عاديةقد أحضرهاجيدةممتازةأكثر من رائعة (15 votes, average: 3.93 out of 5)