كاتو قدرة قادر


         وصفة : منى                 2007/07/08                 99 تعليقات
كاتو قدرة قادر



مقادير الكريم :

كوب سكر للكراميل
5 بيض
3 كوب حليب
نصف كوب سكر
بشر ليمونة أو برتقالة ناعم
فانيليا

مقادير الكاتو :

3 بيض
فانيليا
بشر ليمونة أو برتقالة ناعم
نصف كوب زيت
نصف كوب حليب
نصف كوب سكر
كوب و ربع طحين
3 ملعقة كبيرة كاكاو
ملعقة صغيرة نسكافيه
ملعقة و نصف بيكنغ بودر





• يوضع سكر الكراميل في وعاء صغير و يحرك حتى يذوب و يصبح لونه ذهبي ثم تغطى به قاع و جوانب الصينية و يترك حتى يبرد تماماً .

• يخفق البيض و السكر و الفانيليا و بشر الليمون في خلاط العصير لمدة بضع دقائق ثم يضاف الحليب و يخلط الكل ثم يوضع الكريم فوق الكراميل و توضع الصينية في البراد حتى تحضير الكاتو .

تحضير الكاتو :

• يحمى الفرن على درجة حرارة 180 درجة مئوية , ينخل الطحين مع البيكنغ يبودر و الكاكاو , يسخن الحليب في الميكرويف حتى يغلي ثم تذوب به النسكافيه .

• يخفق البيض و السكر و الفانيليا حتى يبيض المزيج و يسمك .

• يضاف الزيت و الحليب و يقلب ثم يضاف الطحين المنخول و يقلب الكل بلطف حتى يتجانس المزيج .

• تصب خلطة الكاتو في منتصف صينية الكريم ثم توضع الصينية في صينية أكبر منها و تملىء الصينية الأكبر بالماء المغلي حتى منتصفها تقريباً .
• توضع الصينيتان في الفرن على الرف السفلي لمدة ساعة تقريباً حتى ينضج الكاتو و يجف سطحه , لا نغز السكينة في الكاتو للتأكد من نضجه كي يبقى الكاتو متماسكاً عند قلبه .
• يخرج الكاتو من الفرن و يرفع من صينية الماء الساخن و يترك حتى يبرد ثم يوضع في البراد لمدة يوم كامل أو طول الليل على الأقل .

• يقلب الكاتو في طبق ذو حافة مرتفعة بعض الشي لكي تحتوي السائل و يقدم بارداً .









  • وصفات تانية ممكن تعجبك


التعليقات

  1. omtasneem 28 February 2008

    السلام عليكم ورحمة الله وبركاته. عزيزتي منى عم نعذبك معنا في جملة لم افهمها جيدا لماذا نضعه في صينيتين وكيف نضع المزيج في الوسط ولماذا وبالاخر ذكرتي انوا في سائل؟؟؟اسفة عل كتر اسئلة بس شكله اغراني بصراحة وحابة جربو :cry :?

  2. منى 28 February 2008

    هلا ام تسنيم :) بالعكس حبيبتي أسئلتك على العين و الراس ;)

    أختي لهل الكاتو في عندنا صينيتين , صينية الكاتو الي رح نغطيها بالاول بالكراميل و بعدها بالكريم و أخر شي بالكاتو , أما الصينية التانية لازم تكون أكبر من صينية الكاتو و منحط فيها مي لحتى ما يكون الكراميل مباشرة على النار و يحترق الكريم و الكراميل قبل ما يستوي :zzz

    هلأ اختي بعد ما حضرنا مزيج الكريم و حطيناه في القالب , منحضر مزيج الكاتو و منصبه بلطف فوق منتصف مزيج الكريم و بس ..

    ان شاء الله تكون وضحت الصورة و أوعدك أختي ان أضيف صور للخطوات في أقرب فرصة أحضر بها هذه الوصفة إن شاء الله :)

  3. رنا 23 June 2008

    كيفك مدام منى انشالله بخير انا صار لي زمان مادخلت على الموقع لانه عندي امتحانات ويوم الخميس رح اخلص بالسلامة
    بس في شغلة كتير عويصة
    القصة انه عندي عزيمة (جمعية بنات )يوم 17 والقصة صايرة متل بوفيه او هيك شي بس المشكلة انه انا مالي محضرة شي بقا بدي منك كم اكلة على ذوقك يكونوا شي جديد وتحضيرهن سهل وشكلهن حلو …
    شكرا كتير يامنى عم عذبك معي بس بحكم خبرتك ياريت تفيديني وكم صنف لازم اعمل وهيك شي العزيمة تقريبا ل (25)شخص …ناطرة ردك

  4. منى 24 June 2008

    هلا رنونة :)

    ان شاء الله موفقة بامتحاناتك يا حق , و ان شاء الله احسن النتائج و شي يرفع راسك و راس أهلك لفوق

    هلا عندك جمعة و بدك اشياء سهلة و طيبة , خلينا نبدأ بالموالح , فيك تعملي عجينة و في عجينة سهلة كتير , [URL=http://www.l2ma.com/content/view/375/2/]عجينة العشر دقايق [/URL]و منها بتعملي فطاير مشكلة متل الجبنة و الزعتر و الفليلفة أو حتى البيتزا ..

    ممكن كمان تعملي سلطة [URL=http://www.l2ma.com/content/view/388/2/]المعكرونة[/URL] من قبل بيوم و بنفس اليوم بتزيديلها ملعقة أو ملعقتين مي و بتحركيها بلطف ..

    ممكن تعملي [URL=http://www.l2ma.com/content/view/291/2/]فطيرة اللحمة .. خطيرررة[/URL] و [URL=http://www.l2ma.com/content/view/382/2/]سجق رول[/URL] و [URL=http://www.l2ma.com/content/view/367/2/]كرات البطاطا[/URL] و إذا بدك شي تقيل على السفرة و سهل كتير ممكن تجربي الكبة [URL=http://www.l2ma.com/content/view/225/2/]على السيخ[/URL] [URL=http://www.l2ma.com/content/view/133/2/]مع صحن محمرة[/URL], شو كمان ممكن تعملي سندويش [URL=http://www.l2ma.com/content/view/174/2/]الفيلادلفيا[/URL] نممممي و لا أطيب و كمان الحشوة ممكن تحضريها قبل بيوم ..أو الحمص [URL=http://www.l2ma.com/content/view/283/2/]جديدة[/URL], أو كمان [URL=http://www.l2ma.com/content/view/239/2/]خبز شرائح بالجبنة و المايونيز[/URL]

    الحلويات فيك تعملي كاتو [URL=http://www.l2ma.com/content/view/396/2/]كلاس[/URL] أو [URL=http://www.l2ma.com/content/view/376/2/]قالب الشوكولا[/URL] بحشوة المارس و كمان [URL=http://www.l2ma.com/content/view/250/2/]الكاسترد بالبسكويت[/URL] أو[URL=http://www.l2ma.com/content/view/319/2/]تارت الجلاكسي[/URL] أو [URL=http://www.l2ma.com/content/view/63/2/]و أسهل و أطيب بسكويت بالشوكولا[/URL]

    حكيت كتيررر إذا عندك أي سؤال أنا بالخدمة

  5. رنا 24 June 2008

    شكرا كتير الك يااحلى ست بيت بالعالم رح ساوي منهن شغلات جديدة وطيبة
    بس بدي اسئلك هلأ شو هو قالب الكاتو كلاس وبشو بقدر استبدله ؟؟

  6. منى 25 June 2008

    هلا رنونة :)

    ما كتير فهمت سؤالك , قصدك على شكل القالب يعني و الا شو ؟

  7. رنا 27 June 2008

    ياستي قصدي شكل القالب يعني اله قالب خاص ولا شي صحن مدعبل متل الزبديه؟؟هلأ انا مالي مجربته بدي تنصحيني خرج اجربه وبيزبط ؟؟؟لانه انا هلأ عند امي وامي بتعصب اذا مازبطوا الطبخات :grin

  8. منى 30 June 2008

    لا ما في اله قالب معين , أي طبق عندك اله شكل الزبدية يس على كبير بيمشي حاله :)
    يا ستي اذا رح تشتري البسكويت الاصابع جاهز جربيه و لااا توقفي و ماماتك رح تبوسك من بين عيونك

  9. Eman 13 August 2008

    كاتو رائع ومنظره جميل جدا ،
    البارحة حضرته ونجح معي والحمد لله ، بس ما عرفت أعمل الكراميل ، عملته شلون ما كان :x وصار متل الدروبس ،
    غلطتي الماضية إني ما انتظرت الكاتو يستوي منيح وهاد الكاتو بياخد وقت أكتر من غيره..
    يسلمو على الخطوات الدقيقة..

  10. منى 14 August 2008

    هلا أمولة :)

    كتير انبسطت ان ظبط معك , مستاهل هل الكاتو تتعلميه ;)

    الكراميل لازم تستني عليه شوي بعد ما يصير متل الدروبس لحتى يدوب كله و بعدها رح يصير سائل , بس اهم الشي ان تكون النار هادية و انت عم تدوبي السكر ;)

    هنا و عوافي يا حق

  11. Iman 14 August 2008

    ما شاء الله يا منى يسلموا ايديكي عجبني انو معمول بكاتو شوكولا بيعطي تضارب بالالوان فانا ارى كل شيء بالدنيا الوان بحب الرسم و شغله الالوان كتير مهمه و متاكده انو طعمو رهيب خلاص ان شاء الله او عزومه راح اسويه مثل كل وصفاتك اسمالله بيبيض الوش شكله

  12. منى 14 August 2008

    هلا أمونة :)
    الصراحة باين عليك الك اهتمام بالرسم من ردودك و تعليقك على قصة التضارب بين الالوان و بالفعل متل ما قلتي , العين لازم تاكل قبل التم ;)

    ان شاء الله تجربيه و يعجبك

  13. سارونات 22 November 2008

    السلام عليكم و رحمة الله وبركاته
    :cry :cry اختي منى تعي تاحكيلك اللي صار معي انا اول مرة شفت الوصفة كانت هون بالموقع و كنت لساتني ما سجلت المهم لما لقيت فيها كتير بيض و كانت عاجبتني كتير قلت تدور عليها بمكان تاني يمكن لاقي كمية البيض اقل و دورت و دورت كتير حتى ساويت ملف و سميتو قدرة قادر :grin المهم لقيت الوصفة ب4 بيضات و حليب بودرة و ماء و اخدت وقت طويل و بحث طويل تحتى فهمت كيف بيتساوى و الله يجاز يخير كل اللي حطو الوصفة مع الصور و الشرح المهم بالاخير ساويتها بالصيف و طلعت كتير حلوة بس ما نفشت كتير امهم كل شي كان تمام و بعدين لما سجلت بالمنتدى رجعت لقيت الوصفة و فرحت كتير لانها بحليب سائل بس ظلت مشكلة البيض فقلت ليش ما ساوي نفس الوصفة بس ب 4 بيضات يعني 2 بالكريم و 2 بالكيك المهم امس ساويتها و كان كل شي تمام بس لما طالعتها من الفرن لاحظت انو في انو في سائل بني على الجوانب و ما كان في المرة الماضية المهم اليوم الصبح لما قلبتها :sigh لقيت طبقة الكريم بالجوانب متماسكة اما بالنص فاختربت و ظلت سائلة شوي بس مع هيك تم انقاذها و طلعت نافشة و كل شي تمام ما عدا طبقة الكريم مع ان ما صار هالش يالمرة الماضية يا ترى ليش صار هالمرة يمكن لازم قلل حليب او شو او يمكن كان لازم انطر الكراميل يبرد اكتر مع اني شفتو لقيتو برد بس بالمرة الماضية خليتو فترة اطول
    اخر شي بدي اسألك انو سواء المرة الماضية او هالمرة الكراميل بعد ما حطو بالصينية بيبدأ يتشقق وهالشي بيبيت بعدين بطبقة الكريم كتعرجات
    الله يعينك على قراءة الرد قد مانو طويل
    ناطرة ردك لان عبالي ساويها مرة تانةي بالمستقبل و بدي يطلع كل شي تماملان عن جد فكرتو كتير حلوة و خرج الصيفية و قد ما كان بدي ساويه حسب طريقتك قمت ساويتو هلأ مع ان الجو بارد شوي
    بالتوفيق
    سلام

  14. منى 22 November 2008

    يعني حطيتي لـ 3 كوب حليب بس بيضتين ؟
    اذا هيك بيكون كتير منيج منه طلع معك شي متاسك مو شوربة لأن هل الكريم ما في شي رح يخلييه متاسك غير البيض .
    طبقة الكراميل لما بتتشقق معناها برد و هو المطلوب و ما اله علاقة بان الكريم صار عليه تشققات
    اذا حابة تعمليها ممكن تحطي 4 بيض بالكريم و هادا أقصى ما يكن انقاصه من البيض بالنسبة لكمية الحليب :)

  15. سارونات 22 November 2008

    السلام عليكم و رحمة الله و بركاته
    جازاك الله خيرا اختي منى انا كمان شكيت انو ما كان في تناسب بين كمية الحليب و البيض لان بالوصفة اللي فيها 4 بيضات فيها حليب بودرة مع كاستين ماء
    اكيد ان شاء الله راح عيدها للوصفة بالمستقبل لان عن جد بتستاهل
    بالتوفيق
    سلام

  16. سارونات 22 November 2008

    السلام عليكم و رحمة الله و بركاته
    اختي منى بدي اسألك اذا مجربة الوصفتين اللي بالصورة يعني الكيك بالبرتقال و كيك باناشيه لان عندي ياهم و عبالي جربهم بس قلت اسألك يمكن تكوني مجربتهم و كيك بانشيه عجبتني طريقته بس كمية الزبدة فيه كتير كبيرة يعني 125 للعجينة و 150 للحشوة هيك راح تطلع دسمة كتير شو قولك ما فينا يعني نقلل الزبدة او نستبدل نصها بزيت او هيك شي
    بالتوفيق
    سلام

  17. منى 22 November 2008

    هلا أختي :)
    مع اني بحب كتير كتاب اناهيد , بس بالنسبة للحلويات كل ما جرب شي بيطلع مو زابط لهيك ما بقى اتشجع و حضر شي من وصفاتها بالنسبة للحلويات أو الكيك :sigh

  18. ام سيمى 1 January 2009

    السلام عليكم
    الله يعطيكي الف عافية
    الكاتو لذيذ جدا وفكرته حلوة
    بصراحة شفته قبل هذه المرة ولكن ترددت بالتجربة اما مع شرحك والصور فلم اتردد
    والنتيجة مرضية جدا

  19. منى 2 January 2009

    هنا و عافية ام سيمى :)
    كتير انبسطت انك اتشجعتي و جربتيه و كمان زبط معك , لا تنسي تاكلي عني كم لقمة ;)

  20. zsoukar 5 March 2009

    مرحبا ست منى .بدي اشكرك على وصفاتك الطيبه .مبارح ساويت معكرونه بالباشميل وطلعت كتير طيبه عجبت زوجي والاولاد كتير ياستي الله يسلم هالايدين.هلق سؤالي عن كاتو قدره قادر مكتوب بطريقه التحضير بأول سطر(يوضع سكر الكراميل مع) مع شو؟وتاني سؤال يوضع على الرف السفلي بالفرن يعني الشبك على الارضيه مباشره؟ام لا.وهل ممكن استبدال النسكافيه بالكابتشينو البودره.وشكرا لانك اتحملتيني وسلامي الك

  21. منى 6 March 2009

    هلا فيك اختي :)
    هنا يا رب و عوافي بكل لقمة و على قلوب كل العيلة

    هي مع غلطة مطبعية هلا رح صححها ان شاء الله
    المفروض انك تحطيه على الرف السفلي ,متل مو ظاهر بالصورة , يعني على ارضية الفرن مباشرة من دون شبك لان فيه صينية المي و هي رح تحمي الكيك و اخر الشي ممكن تستغني عن النسكافييه كلها مو ضرورية , بس انا بحسها بتعطي طعم طيب كتيرلكل كيكات الشوكولا ;)

  22. zsoukar 8 March 2009

    مرحبا وتحمليني رجاء.هلق بيصير انو الصينيه يلي فيها الكريم كراميل والكاتو تلمس الماء الموجود بالصينيه الاكبر أم مابتستوي ؟وشكرا الك

  23. منى 9 March 2009

    اكيد ما في مشكلة اختي , اي سؤال تاني انا تحت امرك :)

  24. رنا 13 March 2009

    هلأ باول مرة ساويته كتير زبط معي بس لمشكلة انه ساويته بصينية تيفال بس سميكة ونجح كتير وطلع طيب بس مو متل مو نافش بالصورة لان الصينية كبيرة …
    تاني مرة قررت جربه بطنجرة وجربته بس الطنجرة كانت كتييييييير رقيقة وبظن هالشي اثر عليه لان علقت فيه طبقت الكراميل وماطلع معه مرقة متل اول مرة ؟…بقا بدي اسالك ياترى لانه الصينية رقيقية ممكن تأثر بماانه رح يقعد عالنار مباشرة يعني عالرف السفلي وبيطوول بالفرن ؟؟

  25. منى 14 March 2009

    رنونة هو بيعقد في الفرن بس مو مباشرة على النار , على حمام مائي :roll
    انا بحضره بطنجرة متل الي ظاهرة و ممكن بصينية المنيوم عادية بس و لا مرة ما حضرته بالتيفال , اظن الغلط انك خبزتيه مباشرة و الا في شي ما فهمته عليك منيح

  26. رنا 9 May 2009

    بدي اسالك منى هلأ انا خمنت انه عم تنشف طبقة السكر معي لانه بحطه عالرف السفلي وهادا المطلوب بس انا لاحظت شغلة عندك بالصورة انه انتي الصينيتين اللي مستخدمتيهن الاولى ماعم تلامس قعر التانية يعني ماله لازق سفلها فيها صح ولا شو ..؟؟قصدي بماانه الها ايدتين فهنن حاملينها عن اسفل التانية الملاصق للنار …ياترى فهمتي علي :sigh

  27. منى 10 May 2009

    ايه فهمت عليك و ممكن يكون هادا السبب , مع ان احيانا بحضرها بصينية المنيوم عادية اذا كنت حابة قطعها لقطع صغيرة

    ممكن تجربي بنفس الأوعية الي ظاهرة بالصورة , و على فكرة اختي ما بينجح معها هل الكيك الا بهل الطناجر لهيك اشترت طقم كامل مشان هل الوصفة :zzz

  28. رنا 10 May 2009

    طقم كامل الله يبشرك بالخير هههههههههه ياستي وانا كمان كتير بينجح معي وقت بساوية بصواني عادية يعني بالالمنيوم او التيفال بس المشكلة انه بدي ياه يطلع سميك مشان هيك عم حاول استعمل الطناجر …ياستي خلص رح ادخل على خزانة الطناجر انكشلي شي نكشة :grin يسلمو على ردك موني

  29. مانو 18 June 2009

    يسلموا ايديكي عالموقع بيجنن.
    بس عندي سؤالين :
    1- انو الحليب المستخدم بالكراميل هو حليب بودرة ولا حليب سائل.
    2- الفرن لا زم يكون حامي من قبل؟
    وشكرا الك سلف.
    بتمنى تردي علي بسرعة لأني حابة أعملها اليوم.

  30. منى 18 June 2009

    هلا اختي :)
    ان شاء الله ما كون اتاخرت عليك ,

    المهم الحليب سائل و الفرن محمى من قبل بربع ساعة تقريباً

    مية اهلا و سهلا فيك و يا رب تجربيه و يظبط معك ;)

  31. DOUHA 1 August 2009

    منى انا مبارح عملتوا واليوم اكلتواا :zzz
    وطلع هااااااااااايل جد وكتير سهل يسلموااا
     

  32. منى 1 August 2009

    هنا و الف صحة و عافية يا قمر يا ضحى :)
    الحمد لله انه زبط معك , و ان شاء الله يكون كمان عجب كل العيلة

  33. mazon 9 September 2009

    واو جد شكلو بيجنن

    انا كتير مشتهية جربو…بس خايفة

    قولتك في اي خطورة انو ما ينجح؟؟؟ :roll

  34. منى 10 September 2009

    لا ان شاء الله و تعالى اذا اتبعتي الخطوات تمام و انتبهتي على طريقة صب الكيك على الكراميل فرح ينجح معك و من اول مرة اذا ربنا راد ;)

  35. mazon 10 September 2009

    شكرا الك منىبس بدي اسالك اذا بتريدي
    هلئ اذا استعملت قالب كاتو عادي..يعني الو حفرة بالنص”فهمتي علي بظن”….كيف بدي اسكب الكاتو فوق الكراميل؟؟؟؟؟

  36. منى 11 September 2009

    رح تصبي الكيك بشكل عادي فوق الكريم , متل مو ظاهر بالصورة , بس انا انصحك انك تحضريه بقالب متل الي ظاهر بالصورة , لان هي اول مرة بتحضري الكيك و لان بهل القالب اسهل بكتير ;)

  37. mazon 12 September 2009

    لك شكرا كتير كتير كتير
    خلص ان شالله لازم امن قالب متل يلي بالصورة
    ان شاله بجربوا قريبا
    ع فكرة جربت كتير وصفات من موقعك والحمدلله لاقت اعجاب ماماوبابا واخواتي
    شكرا كتير الك..وجد هدا فخر النا ك سوريين انو يكون في هيك موقع سهل وبسيط ومنوع…
    والله يجزيكي الخير

  38. منى 13 September 2009

    الف شكر الك لكلامك المزوء و انا كتير مبسوطة انه عجوك الوصفات الي جربتيهم و عجبت العيلة :)

    يلا ان شاء الله بس ما تامني القالب تجربي الكيك و يا رب تكون على زووءك ;)

  39. farah 10 January 2010

    ,

  40. marim 4 February 2010

    اختي منى كتييير مبسوطة فيكي الله يخليلنا ياكي بدي منك وصفة كيك جوز هند طيبة متلك الله يوفقك وعندي وصفة معمول كتير بتظبط وطيبة وبدنا حلويات لعيد الام الله يخليلي ياكي وتسلمي يارب

  41. منى 5 February 2010

    تكرم عيونك مريم , ان شاء الله ما اتاخر عليك بالطلبات , و اذا عندك وصفة طيبة قيكي تبعتيها كردو انا ان شاء الله رح انشرها باسمك

  42. marim 14 February 2010

    كيفك اختي منى بس بدي اسالك عن البيض يلي بالكراميل فيني اضع زلال من دون صفار وضيف 2ملعقة كريم كراميل عوض عن زلك لاني بقرف من البيض والبيكنج بودر العيار بملعقة صغيرة ولا مبيرة

  43. marim 16 February 2010

    عم استنى ردك مدام منى :cry

  44. منى 18 February 2010

    اختي ممكن تعملي الوصفة متل ما هي لحتى تزبط معك ;)

    الملعقة تبعة البيكنغ بودر هي الملعقة الصغيرة ;)

  45. ام نور 19 February 2010

    منى هالقالب كتير مميز ولفتلي نظري وحابة اجربو بس عندي كم سؤال حبيبتي اول الشي بالنسبة لا الكراميل لما تجهزي وتحطي بالبراد لازم يجمد ولا بيضل رخو ولما تصبي الكاتو فوقه ما بيختلط ببعضو كمان شغلة انت حاطة الكاتو بطنجرة ودخلتي الفرن فممكن نستعمل صينية الفرن بوضع صينية ماء بارض الفرن والكاتو بصينية عالرف بوسط الفرن ولا لازم يكون متلك يقلب بعضون لا تواخذيني وجعتلك راسك

  46. منى 21 February 2010

    هلا ام نور :)
    الكراميل لازم يجمد تمام لحتى ما يختلط مع الكريم , و لما منصب الكاتو رح نصبه في المنتصف بس لهيك ما رح يختلط مع الكريم وبتلاقيه فورا طلع لفوق ,
    الصينية لازم تكون بقلب صينية تانية , و ما بينفع ابدا حطها على الرف الوسط من دون مي تحتها ;)

    تكرم عيونك ام نور , ايا خدمة تانية انا تحت امرك

  47. OmRedwan 22 February 2010

    عزيزتي منى صاحبة اليد الذهبية بسم الله وماشالله عليكي
    الله يحميكي ويقويكي :)
    انا كنت عم حاول بالردود مامشي الحال فبعتلك رسالة عالفايس بوك فيها اسئلة مشان اللزانيت وهيي صارت بالبراد بكرا بدي اخبزها
    حبيبتي مشان قدرة قادر حبيتو وحسيتو سهل المشكلة انو انا عندي قالب سيليكون مطاطي بس لسه ولا مرة جربتو
    وعندي قال بينفتح من تحت
    المشكلة انو بشر منو :cry
    شو رأيك ؟؟؟
    باتمنى تجاوبيني لان حضرن الاغراض عالطاولة وكمان الاسئلة اللي بالرسالة
    شكرا الك

  48. منى 25 February 2010

    هلا فيك اختي :)
    هلا جاوبتك على الفيس بوك و بالنسبة لهل القالب انا معودة حضره بالقالب الي ظاهر بالصورة , اكيد ما بينفع بالقالب الي بينفكوا اطرافه , و ما جربت قالب السيلكون :roll

  49. semo 2 March 2010

    كيفك منمونة والله اشتأتلك كتير وللموقع وللاخوات كلن
    وسبب انقطاعي كان مشان الاجازة وهلأ رجعت لأسئل عن اخبارك واتطمن عليكي ونستفيد من خبراتك بالمطبخ

    راجعة نشيطة وشادة عزماتي وقررت اعمل هالكاتو اللي بيجنن

    عنجد ظبط معي من اول مرة وبنصح الكل يجربومع انو كتير مبين صعب من الخطوات بس طلع مافي اسهل منو

    بس بدي اسألك منى بقدر عدل المقدار لمقدار اكبر لأن بدي ياه يطلع اسمك بشوي لان الظاهر طناجري اكبر شوي من طناجرك

    كنت عم فكر اعمل مقدار الكراميل 8 بيض و4 كاسات حليب

    والكيك يكون 4 بيض و4/3 كاسة من كل مقدار ولا ما بيمشي الحال واذا بقدر كم ساعة بدو بالفرن وشودرجة الحرارة ولا نفس الشي درجة الحرارة والوقت؟؟

    لأن هي الطناجر الوحيدة عندي المناسبة لهالوصفة

    الله يحقق لك كل شي بتطمحيلو ويحميكي وولادك من كل شر

    لا تآخذيني طولت عليكي وسلامي للاخوات كلن

  50. منى 2 March 2010

    هلا سمسوم :) الحمد لله ان كل اخبارك منيحة و هادا اهم شي

    و تاني شي الف صحة و هنا على البك , الحمد لله انه زبط معك و متل ما قلتي , سهل و ما بده شي :)

    تالت شي اذا حابة تكتري المقدار فيك تضاعفيه كله ما دام الطناجر اكبر و ممكن ياخد معك ساعة و ربع بالفرن , هلا اهم الشي انك ما تجربي تشفي انه استوى و تشكي فيه شوكة او سكينة و الا رح يفرط عند القلب :)

  51. شفاء 11 March 2010

    انا عملته وماشاء الله شو طلع طيب
    وبصراحة ما توقعت ينجح من أول تجربة
    مع اني عملته على عزيمة
    وعملته بفس الطناجر اللي انتي عاملة فيها
    صحي انا عملته من الصيف الماضي بس
    حبيت اتشكرك وأخبرك انه نجح

  52. منى 11 March 2010

    الف صحة و هنا شفا :)
    لازم تاخدي لقب نجمة الحلويات , الف الف صحة و هنا على البك , كتير مبسوطةانا فيك و بالكيكات الي عم تحضريها و تنجح معك .

    صحتين و بوسات للقطط 8)

  53. ghinwa 27 March 2010

    السلام عليكم اختي منى
    يعطيك ألف عافية على هاد الموقع الجميل و عقبال الوصفة الألف.
    سؤالي عن نوع الكوب اللي تستخدميه في الكيك (في هذه الوصفة او غيرها على الموقع). شو هوي هالكوب يعني بقياس كاسة الشرب او الكوب الأمريكي أو شو؟ و شكرا جزيلا لردك و لنفسك الحلو بالطبخ.

  54. منى 27 March 2010

    هلا في غنوة :)
    الكوب الي استخدمه هو كوب الشرب العادي مو الكوب المعياري و هل الشي لحتى تكون مقاديري دوما سهلة و تحت ايد الجميع ;)

    مية هلا فيك و ايا سؤال تاني من عيوني

  55. Amar 29 March 2010

    لقد نفذت التعليمات بدقه وحتى أنني زدت بيضه على مكونات الكسترد وعلى مكونات الكيك لأن حجم البيض لدي صغير وقد حصلت بعد ساعه ونصف على طبقة كاتو تسبح في سائل،وقد وضعتها بالبراد حتى يوم غد.
    السؤال الذي أرجو الإجابه عليه هو: كيف يفترض أن يكون قوام مزيج الكسترد ؟ هل يجب أن يكون سميك كالكريم أم سائل؟ لأنني حصلت على مزيج سائل وبسبب صغر القالب لدي استعملت نصف المزيج فقط في الوصفه وأدخلت النصف الأخر في الفرن لوحده وقد استغرق أكثر من ساعه حتى شعرت بأنه أصبح متماسك على الرغم من أن ثخنه لم يتعدى 2,5 سنتيمتر

  56. منى 30 March 2010

    مممم , الكريم لازم يكون متل السائل و هادا المزبط , ممكن نستنى لبكرة و نشوف بعد ما تقلبي شو رح يصير ؟

    خطر ببالي فكرة تانية , ممكن تكوني حطيتي القالب على الرف الوسط ؟
    لان هو لازم على الطبقة الي فوق النار مباشرة

  57. Amar 31 March 2010

    لم ينجح للأسف وبقي هناك الكثير من السائل البني ، أعتقد أن السبب هو الحليب وكمية البيض المستخدمه فالحليب وهو نصف منزوع الدسم يحتوي على الكثير من الماء، حاليا أفكر أنه علي الدخول إلى المختبر وتجريب بعض الأمور كغلي الحليب قبل استعماله في الوصفه حتى يفقد نصف حجمه على الأقل وخاصة أنني تذكرت معاناتي مع الحليب عندما نفذت وصفة الرز بحليب حيث اضطررت لغلي الحليب لفتره طويله جدا حتى بدأ يقترب من المطلوب.
    وعلى فكره أنا وضعت الوعاء على أرضية الفرن مباشرة وخاصة أن النار في فرني موجوده في صدر أسفل الفرن وليست موزعه على كامل أرضية الفرن.
    شكرا على سرعة الرد.

  58. منى 1 April 2010

    ممم , هلا بان السبب , اكيد نوعية الحليب الها دور , يمكن قمر لو حضرتي الوصفة متل ما هي بالحليب العادي رح تنجح معك , هي وصفة بحضرها من 10 سنين على الاقل و دائما ناجحة :)

  59. dado 16 April 2010

    كيفك منوش
    حابة كتير جرب هالوصفة .. مع غني حاسستها خطيرة
    بس عندي كم استفسار
    أول شي كيف مزيج الكيك ما بيختلط مع الكراميل؟
    وتاني شي .. كيف ممكن نلاقيلها حلة إني استخدم خليط كريم جاهز لحتى اهرب من البيض.
    شكرا

  60. منى 18 April 2010

    دلوشة ما بيختلط بسبب فرق الكثافة بين المزيجين لهيك سموه قدرة قادر :grin

    اذا اتبعتي الوصفة بحذافيرها رح تنجح معكان شاء الله , ما لها صعبة

    مممم , هلا في ناس مجربته بالخليط الجاهز , انا مو مجربته لحتى قلك الخطوات بالتفصيل , لهيك ما فيني قلك شو تعملي على التمام :roll

  61. hajar 16 May 2010

    هادا بقى الكيك الوحيد الي جربته كتير ومانجح معي ولحد الآن عندي غصة انو مابينجح معي مابعرف وين الغلط الي على طول بيتكرر ومو منتبهة عليه
    على طول بيضل سائل الكراميل بيصير شوربة :cry الكراميل مع انو الكيك الفوقاني بيستوي وبينتفخ وطعمته ولا الذ بس الكراميل شوربة جربته 3 مرات وعلى طول ما بينجح ساعديني لسا عندي امل انو يصير معي :roll مع العلم اني مابقلبه لحتى يمضى يوم كامل على تبريده انا كتير بحب هالكيك ونفسي ينجح معي بليييييييز help me

  62. منى 17 May 2010

    جربتي طريقتي ؟

  63. Amar 17 May 2010

    لقد حدثت معي نفس المشكله وأعتقد أن السبب هو الحليب، بمعنى أن مقادير الحليب ونوعيته وقابليته للتجمد تختلف من نوع لآخر ومن بلد لآخر، لذلك إذا كنت مصره على اكتشاف أفضل طريقه لنجاح الوصفه حاولي أن تختبري الحليب أولا قبل تنفيذ كامل الوصفه، بمعنى جربي الكريم بالفرن لوحده بدون الكاتو وغيري بالمقادير مثلا زيدي كمية البيض وقللي كمية الحليب.
    أنا شاركتك بأفكاري لأنني عند توفر الوقت سأدخل على المطبخ وأبدأ بعمل تجاربي، أرجو أن أكون قد أفدتك.

  64. منى 17 May 2010

    الف شكر الك قمر للمداخلة المفيدة جدا , اتمنى ان تستفيد منهاهاجر و تزبط معها :)

  65. larooo 25 May 2010

    مسااا الخير
    ممكن تقوليلي منى كيف طريقة عمل الكراميل بتفاصيل اكتر ..يعني لازم تكون النار هادية ولا وسط
    انا عاساس اليوم بدي اعمله وبلشت بالكراميل
    بس شكله طلع شي قمة في العفن :sigh
    حطيته على نار هادية كتير يمكن لأني خفت مايحترق
    :upset
    وانا عم حركه قام صار عندي صغور سكرية بدي صخور ملحية :grin
    وماكان في ملامح كراميل ..قمت قررت قوي النار تحته ..وبلش يصير الحباب كراميل وكتير كنت سعيدة
    بسسس لما صبيته بقلب الصينية وانا عم مده صار
    قاسي متل المصاصات :sigh
    مابعرف اذا الاصلي بيشبه هيك شي .أنا حزين :sigh :?

  66. منى 25 May 2010

    له يا لارو خسى الزعل و الحزن

    الي صار معك هو الصح و اتمام , لان انت لما تصبيه بعد شوي رح يقسى و بعد نتفة كمان رح تسمعي صوت كانه اتكسر و بالفعل ممكن تلاقي شقوق في الكراميل , انت و لا على بالك تابعي الوصفة و رح تشوفي كيف رح يصير بعد ما يستوي القالب

    انا بحط السكر على نار واطية من دون تحريك لحتى تبدى الاطراف تشقر و تدوب بعدها بحرك و مت ما قلتي ممكن يصير في صخور سكرية بس بعدها كلها رح تدوب ;)

  67. larooo 26 May 2010

    فعلا فعلا كأنك كنت معي
    بعد مازعلت ..فرحت كتير لأنو طلع الكاتو طييب
    بس طبعا ماقدرت استنى 24 ساعة ..اكلته المسا
    ومشان اتأكد انو طيب اكلت قطعتين :grin
    مرسي قوي عالوصفة :)

  68. منى 26 May 2010

    :grin هنا لاروش و انا كمان هل الكيك كتيرر بحبه , يمكن اكتر كيك لان بصورة عامة ما بميل للكريمات , و هادا بحسه صحي اكتر من غيره , كيف ما بعرف :grin

    الف صحة و عافية و هنا

  69. فرفوشة 6 June 2010

    وأخيرا قررت أعمل قدرة قادر
    بعد تردد سنين لحتى شفته بهالموقع
    لأني بصراحة بثق فيه كتير لدرجة إني ممكن أجرب أي وصفة لضيوفي لأول مرة وأنا متأكدة تماما إنه راح تنجح
    المهم
    عملت هالطبق ضمن عدة أطباق كلها بجربها لأول مرة مع غيرها لسفرة فطور
    عملت ضفيرة زيتون وسندويش كودو وسلطة مقلمة وتشيز كيك بالتمر وكاتو كلاس
    الله يجزيك كل خير يا منى وكل وحدة شاركت بوصفة
    الحمد لله كل الأطباق نجحت وطلعت راااااائعة
    إلا قدرة قادر
    للأسف ما عجبتني
    وما قدرت أقدمها
    هلأ الشكل كان حلو ومرتب
    بس
    كان الكاتو مو نافش ع السوا
    والكراميل فيه شوي طعمة بيض :cry

  70. منى 7 June 2010

    هنا و الف صحة على الوصفات الي عجبتك ..

    اما هادا , الزنخة لان قللتي فانيليا اكيد أو كان البيض مو تازة و ما نفش كتير ممكن خبزتيه على الرف الوسط ؟

  71. دودي82 12 June 2010

    الوصفه عجبتني بزااف و شكل الحلا مشهي و يشجع على المغامره
    لكن عندي مجموعةاستفسارات بسيطه و أتمنى يتسع صدرك لها: ممكن تقولي لي بالضبط كم قطر القدر أو الطنجرة اللي استخدمتي بالصوره؟
    أنا حابة أعمل الوصفه بصينية بايريكس كبيره (أكبر واحده في الثلاثه) هل أضاعف المقادير اللي فوق مرتين أو ثلاثه؟
    و إذا حابه طبقة الكاتو تكون أقل سمكا مما عليه في الصوره و قللت المقادير مثلا بنسبة الثلث (مثلا أعمل بيضتين /ثلث كوب زيت /ثلث كوب حليب…..) ممكن تضبط معي ؟ولا هالكميه القليله ممكن تقلل من نسبة نجاح الحلا كله؟
    آسفه على الاطاله
    و أنتظر ردك الطيب 8)

  72. منى 12 June 2010

    هلا فيك اختي :)
    اتمنى تجربيه و يظبط معك و تعتمديه ;)

    الطنجرة الي مستخدمتها بقياس 27 سم, و انتي فيك تستعملي ايا صينية عندك المهم انها تكون بتوسع 10 كوب من الماء لان هادا هو عيار الصينية

    ما انصحك تغيري في العيارات , اذا استعملتي صينية اكبر فرح تطلع معك الطبقة ارق , ممكن هل المرة تجربي العيار متل ما هو و بس ما نجح معك ممكن تعدلي فيه لحتى يناسبك ;)

    ايا سؤال تاني من عيوني 8)

  73. دودي82 13 June 2010

    صباح الخير و الأنوااار
    اولا مشكوووره على ردك الطيب و تفاعلك السريع من استفساراتي
    أنا قريتها أمس و الحمد لله أفادتني كثير, جزاك الله الجنه
    أنا طيقت الوصفه أمس الكاتو تقيدت بمقاديره ميه بالميه أما الكريم كراميل فعملت فيه إضافه بسيطه لأني كنت خايفه من نوعية الحليب المتوفر عندي (نصف دسم)ضفت عليه نصف كوب حليب مركز محلى و نصف كوب حليب بودره و طبعا لغيت السكر
    و استخدمت صينية البايركس الكبيره
    طلع الحلا رووووووووووووووعه
    و حتى الطبقات طلعت بالسمك اللي تمنيته
    جزاك الله خيري الدنيا و الآخرة
    و بارك الله فيك و نفع بك و بعلمك
    صباحك مبروووووووووووووك (عبارة مغربيه يعني جعل الله هذا الصباح مبارك عليك)

  74. دودي82 13 June 2010

    نسيت شي انا عملت فالكريم كراميل 4 بيضات لأنه كان عندي كبير شوي و الحمد لله ما في زفورة ولا ريحه و لا شي كان طيب كثير إن شاء الله أحاول أدرج الصورة لو عرفت :roll

  75. دودي82 13 June 2010

    آسفه أظن أني حطيت الرابط الغلط

    [img]http://img97.imageshack.us/img97/5896/ph1q.jpg[/img]

    [img]http://img710.imageshack.us/img710/6736/ph2c.jpg[/img]

    يارب يكون الراط صحيح :upset :?

  76. منى 14 June 2010

    ووووااو

    صباحك مبروك و منور بانوار الصلاة على النبي :)

    يا سلام , عن جد الصور بتجنن , طالع معك بيشهي , سلم هل الديات دودي و الف الف صحة و هنا على الكيك , لو تعرفي شو انبسطت انه زبد كعك و طالع بهل الحلاوة و كمان انو عجبك

    منيح انك اضفتي هل الاضافات ما دام الحليب الي عندك نصف دسم ,,, مممم

    هلا نجي للمهم

    اكلتي عني قطعة و الا لا :grin

  77. دودي82 14 June 2010

    مساء الخير ..
    الحمد لله إنه تطبيقي عجبك
    و الصراحه أنا جربت وصفات عديده لقدرة قادر و كان ديما يطلع فيها شي مش حلو إما وجه الكريم مشقق و مش متماسك او الكاتو رقيق جدا و معجن و اكثر حاجه كانت تضايقني هي زفورة البيض
    اما وصفتك ماشاء الله ناجحه بكل المقاييس و ما فيها ولا عيب صارت وصفتي المعتمده
    نجي للمهم على قولتك
    إن كان على القطع أنا يمكن أكلت عن كل الموقع :grin
    خرب الريجيم بس مش مشكل الكاتو يستاهل نخرب الريجيم عشانو

  78. shimOoO 19 July 2010

    بجد منظرها رووووووعة وبيفتح النفس يعطيكي العافية وبالنسبة للاخت دودي هيا الطريقةولا زدتي الكريم وقللتي الكيك بللليز ردي بسرعة لاني في القريب العاجل راح اعملها انشاءالله :)

  79. دودي82 21 July 2010

    لا أنا تقيدت بمقادير الكيك بالضبط
    اما الكريم فأضفت على مقادير السيده منى نصف كوب معياري حليب مركز محلى و لغيت مقدار السكر و البيض عملت 4 بيضات فقط لأنه كان كبير شوي
    و جربيها لأنها فعلا راااائعه

  80. منى 22 July 2010

    الف الف صحة و هنا دودي على البك و الب كل الي داقه و حتى انا و لو نظريا :grin

    و ان شاء الله تجربيها شيمو و تزبط معاك

  81. shimOoO 22 July 2010

    السلام عليكم بشكرك كتيير اختي دودي الله يجعلو في ميزان حسناتك يارب
    في شغلة تانية بدي اياها منك.. تحكيلي كيف تحطي الصور في الرد؟؟لاني عملت الكيكة الرخامي وابة كتيير افرجيكو اياها وقدرة قادر انشاءالله بس اعملها هلأ ارجوكي ردي بسرعة لاني متحمسة كتيير تشوفوهم :)

  82. دودي82 23 July 2010

    العفو أختي شيمو
    و إن شاء الله تضبط قدرة قادر معك و تستمتعي بطعمها الشهي
    بالنسبه للصور انا باحملها من مركز ايماج شيك هذا رابطه http://www.imageshack.us/ ميزته إن الصور بظل فيه كثير
    و بعدها يتم التحميل إنسخي الرابط المباشر للصورة و إضغطي على الأيقونه اللي فيها شجرة [img]http://a.imageshack.us/img257/8703/l2ma.png[/img]
    أنا أشرت لها بالسهم الأحمر و ستفتح نافذه صغيره ضعي فيها الرابط المباشر للصورة اللي حملتي و اعملي اوكي
    و إن شاء الله تتوفقي في وضع الصورة
    و ألف شكر لك أختي منى على ذوقك العالي

  83. shimOoO 24 July 2010

    [img]http://yfrog.com/jvimg1949nj[/img]هيني عملت زي ماقلتيلي بالزبط عاد يارب تبين
    عشان انشاءالله لما تظهر افرجيكو باقي الصور معلش اختي دودي بغلبك معي سامحيني بس والله الكيكة طلعت روعة بنصحك تجربيها اكيد راح تحبيهامتلي:)

  84. shimOoO 24 July 2010

    [img]http://yfrog.com/epimg1964rj[/img]
    وهادي الكيكة نفسها بس التزيين اللي يختلف انشاءالله تعجبكو ياارب
    مع تحياتي :شيـــمو :)

  85. منى 24 July 2010

    ممممم , ما زبطوا الصور ’ طيب ممكن تحطي رابط الصورة و انا بزبطها ان شاء الله

    شكرا كتير دودي على الشرح المصور , يعني خجلتيني و الله :roll

  86. shimOoO 26 July 2010

    السلام عليكم
    اممم بسيطة بالنسبة للصور بس والله كنت كتيير حابة افرجيكو اياهم وعملت كمان اكلة (تحلاية) راح فرجيكو اياها لقدام بس قولولي كيف بقدر احط المقادير والطريقة في صفحة لحالها وبالنسبة للرابط هيو http://yfrog.com/07img1949fyj
    وهي الرابط التاني http://yfrog.com/epimg1964rj
    سامحوني يا جماعة بغلبكو معي :roll

  87. حمودي 31 December 2010

    كيفك مدام منى
    ان شاء الله بخير
    ……………
    انافهمت انه ندخل الكريم والكراميل البراد لحد مايصير متماسك بعدين نعمل الكيك ونصبه فوق الكريم
    ويكون طبقه كراميل يعدها كريم وبعدها الكيكه ؟
    بس كيف رح اعرف ان الكيكه استوت اذا كنت مابغرس الشوكه ؟
    …………..
    اه
    تذكرت اقدر اعمله في صحن طويل الحافه (المونيوم)

    …………..
    شكر لك كل جهودك المميزه والرائعه

  88. منى 31 December 2010

    هلا فيك اخي منور الموقع :)

    هلا لازم نحط الكريم في البراد بس لوقت ما يجهز بقية المقادير , هو رح يكون سائل و ما رح يجمد الا لمن نحطه بالفرن
    الكيكة بتاخد ساعة , ما بده تختبرها , اما اذا كان فرنك جديد و ما بتعرفي
    عياراته فجرب بس ممكن تتفتت معك لما تقلبها :roll

    قصدك في صينية المنيوم ؟ اذا هيك فممكن لان انا جربتها مرة فيها و نجحت كتير

    ايا سؤال تاني من عيوني

  89. حمودي 31 December 2010

    مبعرف والله
    بس لما رح نصب خليط الكيك ما رح يتداخل
    اقصد يطلع الكريم لفوق والكيك يصير تحت او يكون مخلوط
    …….
    وكمان المي لحد وين لنص مثلاً او لازم تلامس الصينيه تبع الكيكه ؟
    …….

  90. رغد غسان علاء الدين 27 January 2011

    حرام عليكون..شي بيجننننننننن..دوبتونا..ميمو..كمان رح أجربو أحكيلك عن المغامرة..

  91. ocean7 9 February 2011

    اسعدكم الله جميعا
    و جزاك خيرا يا اخت منى و اعطاك من الدعوات الحلوة اضعاف و اضعاف
    فعلا موقع رائع و كل عام وا نتن جميعا بالف خير
    انا متابعة من زمان لكن من فترة قريبة اشتركت

    استدللت على الموقع صدفة لما كنت ابحث عن اكلات سورية – لان اغلب المواقع فيها تخبيص و شي منعرفو و شي ما منعرفو
    وطار عقلي لما لقيت هالموقع
    و الاحلى من كونه سوري – ان صاحبته مذوقة و مرتبة و ست بيت و فهيمة و اكابرية لابعد الحدود – ربي يعطيها كل شي بتتمناه
    و كمان بيعجبني كتيرررررررررر المقدمات يلي بتكتبها ببداية الوصفة و بنبسط موت بقراءتها
    و بيعجبني انها عم تسمح لنا نشاركها بحياتها مع عيلتها و نتخيل هالاجواء الروعة
    و بحب كتير تعليقات البنات و نفسياتون الحلوة

    و ان شاء الله ما لح اترككم ابدا من هلء و رايح

  92. الدمشقية 29 June 2011

    مممممممممم مو معقول جربته وظبط وطلع شي بيجنن
    انا وحدة من زميلاتي بالشغل علمتني ياه من زمان وكنت خايفة جربه وما يطلع ظريف
    بس اخدت طريقة حبيبتي منى وجربت وقلت علي وعلى أعدائي يا بيزبط يا أمه :cry
    بس طلع شغله ظريفه كتييييييييييير بجد
    ربي يخليلي ياكي يا حبيبتي ويكرمك بالدنيا والأخرة :grin :zzz

  93. zina 19 July 2011

    مرحبا مدام منى انا هاد بعملو بالعادة تبع الحليب البودرة وبيطلع كتير طيب بس حابة جرب وصفتكاليوم لان كلشي عندك اطيب : 1- انا بالعادة بستعمل قالب الكاتو المفتوح من النص فممكن استعملوه؟
    2- اذا لا فيني استعمل أي نوع طناجر ؟؟؟ ولا في نوع معين
    3-اذا عملت الحمامالمائي بصينية استانلس وحطيتها على الرف الي فوق النار راسا ما بيلدع الكاتو
    شكرا كتير دائما معزبتك معي

  94. اميرة مملكتي 27 July 2011

    السلام عليكم اختي الفاضله منى
    تسلم يديك على الوصفه الرائعه وانا بصراحه كنت محتاره ومتردده من الطرق الكثيره فالمواقع الاخرى
    بس طريقتك سهله وراح اطبقها اليوم بأذن الله

    تقبلي مني كل الاحترام والتقدير

  95. loulou1983 23 December 2011

    عزيزتي منى
    يعني ما بتتخويلي شقد مبسوطة من هالموقع وبنفس الوقت مدايقة انو ما كنت بعرفو من قبل مع اني من مستخدمي الانترنت بشكل كبير وعندي اهتمامات بالطبخ وترتيب السفر,مارح طول عليكي انا جربت الكاتو وطلع بيجنن من اول مرة مع اني مجربتو مرتين قبل هلق بغير مقادير وفشل فشل ذريع,حطيتو بالفرن وقلبي ع ايدي ليقوم ما يظبط بس طلع بيجنن
    بس كان لازم استعمل قالب اصغر شوي من يلي استعملتو لأنو طلع رقيق شوي

    عن جد شكرا كتيييييييييير

  96. loulou1983 23 December 2011

    :grin :grin

  97. منى 28 December 2011

    هلا لولو :)
    كتير مبسوطة انك وصلتي لهون اخيرا و مبسوطة اكتر انك جربتي الكاتو و كان طيب على زوءك

    مية هلا فيك و اهلا و سهلا , نورتينا ;)

  98. حسناء غضنفر 9 May 2014

    السلام عليكم منى.. شكرا على الوصفة لكن الكريم طلعت كميته كبيرة ماضل محل للكاتو عندي.. يمكن قالبي صغير ﻷنه؟

    • منى 9 May 2014

      اي طبعا الكمية الها علاقة بالقالب , يا ترة القالب الي استعملتيه بيوسع كم كاسة ؟

تقييم الوصفة
عاديةقد أحضرهاجيدةممتازةأكثر من رائعة (3 votes, average: 4.00 out of 5)