كرابيج حلب


         وصفة : منى                 2007/12/17                 32 تعليقات
كرابيج حلب

·          تحمى السمنة على نار هادئة حتى تذوب كلها من دون أن تغلي , ثم تسكب فوق السميد مع الماء المغلي أو الحليب و تحرك فوراً بملعقة خشبية حتى يصبح بالإمكان مسها باليد حينها تعجن باليد بشكل جيد حتى تفتر العجينة , تغطى العجينة و تترك لترتاح لليوم التالي .

·          يجرش الفستق ( أي يفرم خشناً ) ثم يخلط مع باقي المقادير و يغطى و يترك لليوم التالي .

·          في اليوم التالي تعجن العجينة مرة أخرى ثم تدار على ماكينة فرم اللحمة الشفرات المتوسطة لمرة واحدة أو مرتان حتى يسهل التعامل معها و تشكيلها , أصبحت العجينة جاهزة .

·          تؤخذ قطعة صغيرة من العجينة و تعمل فيها فتحة ثم ترق بين أطراف الأصابع و تحشى بالحشوة المجهزة .

·          توضع أول كرة في قالب الكرابيج حتى تأخذ شكل الكرابيج ثم تصف على صينية ألمنيوم أو صينية غير لاصقة من دون دهن و تكرر العملية حتى تنتهي لدينا كل الكمية .

·          تخبز صينية الكرابيج في الفرن حتى تشقر القطع ثم  تترك حتى تبرد قليلاً بعدها ترفع بلطف و ترتب في طبق مسطح و يقدم الكرابيج مع الناطف .  

سر الطبخة :

 ·          نفس الوصفة قد تحتاج للمزيد من السمنة إذا حضرت في فصل الشتاء , بعد أن تصبح العجينة جاهزة حاولي رقها بين يديك , إذا ظهر عليها بعض الشقوق أضيفي ما يقارب 100 غ من السمنة المذوبة بالتدريج و اعجنيها مرة أخرى .

·          عندما أعطتني الست الوصفة أخبرتني بأن زوجها يقوم ببث السميد مع السمنة الحارة و الماء المغلي فور صبهم فوق السميد و أن هذه المرحلة واحدة من أسرار كرابيجها !!! و بما أنني لم أستطع تحمل الحرارة حركتهم قليلاً بالملعقة ثم بدأت العجن حين أصبح بإمكاني لمس العجين .

 





كيلو سميد ناعم فرخة
400 غ سمنة
200 غ ماء أو حليب


الحشوة :

600 غ فستق أو جوز
2 كوب صغير سكر ناعم
2 ملعقة كبيرة سمنة عربية
القليل من عطر الورد





• تحمى السمنة على نار هادئة حتى تذوب كلها من دون أن تغلي , ثم تسكب فوق السميد مع الماء المغلي أو الحليب و تحرك فوراً بملعقة خشبية حتى يصبح بالإمكان مسها باليد حينها تعجن باليد بشكل جيد حتى تفتر العجينة , تغطى العجينة و تترك لترتاح لليوم التالي .

• يجرش الفستق ( أي يفرم خشناً ) ثم يخلط مع باقي المقادير و يغطى و يترك لليوم التالي .

• في اليوم التالي تعجن العجينة مرة أخرى ثم تدار على ماكينة فرم اللحمة الشفرات المتوسطة لمرة واحدة أو مرتان حتى يسهل التعامل معها و تشكيلها , أصبحت العجينة جاهزة .

• تؤخذ قطعة صغيرة من العجينة و تعمل فيها فتحة ثم ترق بين أطراف الأصابع و تحشى بالحشوة المجهزة .

• توضع أول كرة في قالب الكرابيج حتى تأخذ شكل الكرابيج ثم تصف على صينية ألمنيوم أو صينية غير لاصقة من دون دهن و تكرر العملية حتى تنتهي لدينا كل الكمية .

• تخبز صينية الكرابيج في الفرن حتى تشقر القطع ثم تترك حتى تبرد قليلاً بعدها ترفع بلطف و ترتب في طبق مسطح و يقدم الكرابيج مع الناطف .


سر الطبخة :

• نفس الوصفة قد تحتاج للمزيد من السمنة إذا حضرت في فصل الشتاء , بعد أن تصبح العجينة جاهزة حاولي رقها بين يديك , إذا ظهر عليها بعض الشقوق أضيفي ما يقارب 100 غ من السمنة المذوبة بالتدريج و اعجنيها مرة أخرى .

• عندما أعطتني الست الوصفة أخبرتني بأن زوجها يقوم ببث السميد مع السمنة الحارة و الماء المغلي فور صبهم فوق السميد و أن هذه المرحلة واحدة من أسرار كرابيجها !!! و بما أنني لم أستطع تحمل الحرارة حركتهم قليلاً بالملعقة ثم بدأت العجن حين أصبح بإمكاني لمس العجين .



  • وصفات تانية ممكن تعجبك


التعليقات

  1. ام نور 17 December 2007

    يا عيني عليكي ياست منى عاهل وصفة كان لازم تنزليا من زمان سلم دياتك انشالله بوقرة بخبرك عن معمولاتي

  2. منى 17 December 2007

    مية اهلا و سهلا ام نور :)

    كنت مشتهية نزلها بالصور , يلا بس ما حضرهم المرة التانية ببقى بضيف الصور

    ان شاء الله بيعجبوك أم نور و بيكونوا على زووءك:)

  3. nidaa84 18 December 2007

    والله الله يسلك ايديك والف الف شكر على هل وصفة الحلوة وماتوتخذينى انه عماطلب منك كتير بس والله عم اقلك طلبات الموجودة هنا
    بدى بس اطلب منك طلب واحد ووهو فريكة بلحمة انه تنزليها بالموقع على فكرة ماحدا بيعرف يعمل طريقتنا الحلبية وكلهم يلى ذاقوها عندى بدهم تنزليها على الموقع والف الف الف شكر وبرجع بقلك لا تواخذينى لانه صايره نقاقه

  4. منى 18 December 2007

    هلا ندا يا عسل :)

    و الله بنت حلال كنت حابة نزل الفريكة اليوم بس ما لحقت على الشغل ..

    رح نزلها بعد العيد إذا الله راد :)

    و انت ما بتطلبي ندوشة , انت بتامري أمر ;)

    بس يا ترى شو الي بيميز فريكتنا عن غيرها ؟

  5. nidaa84 18 December 2007

    تسلم يارب كلك ذوق ياست يلى بميز فريكتنا عن غيرها انه اولا مابيعرفه يعملوها بهل طريقة مثلا صديقاتى الاردنيات بيعملو الفريكة شوربة مابيعرفو يعملوها بهل الطريقة وطريقة التطبيق حتى المصريين بس السوريين بيعرفو يعملوها بهل طريقة
    صديقتى من الاردن اتصلت فينى وطلبت منى طريقتها لهل درجة كتير حبوها بس مابيعرفو يعملوها وعلى كل حال الف الف شكر

  6. linda 18 December 2007

    السلام عليكم ورحمة الله وبركاته
    كل عام و انتو بالف خير

    انا حاليا بالسويد و ما عم فوت عل النت كتير
    بس اليوم قلت لحالي لفوت عاييد على احلى منى

    قام لقيت اسمي مكتوب على اللوح :grin

    ان شالله كل عام وانتي بالف خير يا منى
    الله يحميكي و يخليلك ولادك و جوزك

    وصلت ريحة المعمول لعندي مدري من وين جايية :roll

    على فكرة الوصفات بتجنن
    انتي مبدعة بكل معنى الكلمة

    يالله سلام هلق و انشالله برجع بفوت متل الاول بس ارجع على بريطانيا
    و بجرب كل الوصفات لانو شكلها لحالو بيجنن و خاصة مربى قشر البرتقال

    يعني فيكي تقولي ناطف البي على ما اكول منو

  7. منى 19 December 2007

    أهلا أهلا باقمر الغايب من زماان 8)

    كيفك ليندا , بعد زمان

    :grin :grin فرطت من الضحك على كلمة لوح , خليلي عينك ليندا

    كيفهم جبريل و شام ؟
    ابقي بوسيلي ياهم

    يلا عم استنى رجعتك لولو و ان شاء الله بترجعي بالسلامة و بتجربي مربى بشر البرتقال لان عن جد بيجنن

  8. منى 19 December 2007

    هلا ندوشة :)

    ممم..

    مرة سمعت عن شوربة الفريكة من صديقة فلسطينية و حابة جربها..

    الشكر ليك ندوشة لان عم تذكريني بوصفات لازم تكون موجودة بالموقع و يمكن كون انا نسيانتها ..

    اذا جربت الكرابيج ابقي خبريني ;)

  9. Rino 25 December 2007

    كل عام و أنت بألف خير وصحة و عافية
    يما يسلمو إيديكي يا منى عالوصفة الحلوة بس حبابة يا منى ما خرج تجيبلنا وصفة كرابيج دايت و ناطف دايت ;)
    وبالمناسبة هيك بداكمان أنا انبسطت كتير لما شفت أسمي باللوح عا قولة ليندا
    حبيبتي كلك ذوق و لطافة الله يبارك فيكي و بزوجك و أولادك

  10. منى 26 December 2007

    و انت ان شاء الله بالف خير و بصحة و عافية انت و كل حبايبك و قرايبينك :)

    كرابيج داايت :eek

    صعبة رينو , إذا ما كانت العيارات مظبوطة رح يطلع الكرابيج ناشف و مو طيب

    أما الناطف فكل العلب الي عم نشتريها من السوق دايت , لان بيستعملولها القطر الصناعي , طبعا لانه أرخص :roll
    ما بقى حدا يحضرها على اصولها الا القليل

    نورتي رينو ياا عسل

  11. WAFAA 6 August 2008

    شو هو الناطف :? :roll

  12. منى 6 August 2008

    الناطف شي حلو مصنوع من مادة اسمها شرش الحلاوة , نحنا منشتريه جاهز و بيتقدم مع الكرابيج ;)

  13. حوراء 24 September 2008

    أهلين

    آسفة أزعجتك بكثرة أسئلتي
    بس جهزت عجينة أقراص بعجوة وكرابيج حلب
    بس لاحظت أنو العجينتين ما فيهن خميرة
    أنا جربت عجائن كثيرة للمعمول وما نجحوا معي
    فخايفة اعمل أقراص بعجوة والكرابيج وما يضبطوا معي .
    وآسفة أني عم غلبك بس أرجو تردي علي بسرعة لأنو بدي اعملن بكرى بالليل
    وشكرا
    وكل عام وانتي بخير

  14. منى 24 September 2008

    و لا يهمك اختي , خدي كرابيج حلب من أهل حلب نحنا بعمرنا ما ضفناخميرة للعجينة , هي العجينة لازم تقرمش لهيك مو بحاجة للخميرة , انصحك تجربي كمية صغيرة لحتى تشوفي كيف بتطلع معك أو إذا بتعجبك و أهم الشي انك تديرها بالماكينة أول مرة و بعدها تضغطي عليها إذا شفتيها سهلة بالتشكل معناها جاهزة للعمل و إذا لأ ارجعي ديريها مرة تانية ;)

    ان شاء الله انت بالف خير انت و حبابك و كل عيلتك و اي سؤال تاني انا بالخدمة ;)

  15. حنان 2 July 2009

    ممكن نستعمل شى غير الناطف هاي اول مرة بسمع عنه ممكن تطلطفي علينا وتقولي المقادير وشكرا

  16. Arlette 2 July 2009

    Marhaba Mona,
    Do you know the recipe for the Natef which we use with the karabeej???
    thanks for all you wonderful recieps

  17. منى 2 July 2009

    هلا حنان :)
    تكرم عيونك اختي , ان شاء الله رح نزل وصفته قريب :zzz

  18. منى 2 July 2009

    Hi Arlette:)
    I have a great recipe , I`will post it as soon as possible ;)

    Thank you 4 being here , I wish you try one of my recipes & I wish you like it .

  19. TENDERNESS 17 July 2009

    يعطيكي العافية منى ، انا اكلت كرابيج حلب في الاردن بس شكلها بيختلف عن الصورة اللي حاطتيها لقيت الو صورة بالنت
    [img]null[/img][img]http://www.ammannet.net/cgi-bin/get_img?NrArticle=3167&NrImage=1[/img]

    هاد بينقلى مو بينشوى ، كانو يعملوه قدامنا على عربايات بالشارع ، بدي اسالك هاد طريقتو نفي اللي انتي كاتبتيها ولا بيختلف ياريت لو تفيديني لانو جاي عبالي :roll

  20. منى 18 July 2009

    هلا هدولة كرابيج حلب :roll

    و انا بسمع كرابيج حلب في الاردن , كرابيج حلب في الاردن و انا مو عرفانة شي , اتاريهم هدول .

    الي بالصورة ما الهم علاقة بحلب لا من قريب و لا من بعيد و الصراحة ما عندي فكرة عن طريقتهم . يمكن لو كنت دايقتهم كان ممكن فيدك , سماح هل المرة ;)

  21. شفاء 10 September 2009

    اذا بتسمحولي ادخل بيناتكن على اعتباري حلبية ساكنة بالاردن
    مو بقولوا عيش كتير بتشوف كتير

    اي والله يامنى هون بالاردن بيقولوا للمشبك كرابيج حلب

    لانه هدول طعمتهن كتير قريبة من المشبك

    بس اكيد المشبك الحلبي اطيب بكتير
    لانه هدول بكونوا طريات ومو مقرمشات

    وبالمناسبة اذا عندك طريقة المشبك بالمقادير
    لانه ماماتي بتعملوا وبطلع كتييييير طيب بس من غير مقادير
    وبما انها بعيدة عني فما عدت دقته للمشبك ابدا

    وان شاء الله عن قريب رح جرب الكرابيج اذا عمي بعتلي الناطف من حلب

  22. منى 10 September 2009

    اااه , هلا فهمت , الف شكر الك شفا للاضافة ;)

    و الله شفا ما بعرف طريقة الهم تمام , بس انا بشوف البياع بيعمل من نفس عجينة اللقم , بيعمل منها مشبك , على كل ممكن تبعتيلي طريقة الماما حتى لو من دون مقادير و انا بزبطها اذا ما فيها سقلة ;)

    ان شاء الله تجربي الكرابيج و يكونوا يممي و على زووءك

  23. ام رومل 21 November 2009

    يسلمو ايديكي بدي اجرب هالطريقه بس الناطف منين نجيبع بالسعوديه ما ينباع ولو سمحتي من بعد اذنك طريقه عمل المشبكلانو اوصي عليه يجيبوه للسعوديه بس يعجن و يصير لين ومع ذلك ناكله اي بعد مشبك اللي كان يسويه بياع عند المصور ديكران ما فيه
    :grin

  24. em layal 11 January 2010

    مرحبا منى كيفك ؟ ازا بتريدي بدي منك طريقه الناطف بس بدون شرش الحلاوه لانه نحن هون بفنزويلا صعب كتير انو لاقيه

  25. منى 12 January 2010

    هلا اختي ام رومل :)

    رح نزل طريقة الناطف ان شاء الله , انا اتعلمتها من حلونجي , يعني على اصول اصولها باذن الله .
    المشبك ما عندي اله طريقة تمام , ممم اسفة اختي :roll

    هلا ام ليال :)
    اختي الناطف ما بيصير من دون شرش الحلاوة , هو الاساس . و بكل الاحوال رح اسال و اتاكد اذا في غير طريقة ;)

  26. شفاء 28 April 2010

    يييييييييي
    انا كتير اسفة منى ما انتبهت انك بدك مقادير المشبك :sigh دخيلك سامحينا

    وبالنسبة لطريقة ماماقالتلي المقادير التقريبية
    بس لسة ماجربت الطريقة
    المقادير هي بتحط كاستين سميد تقريبا وبتعجنهم باللبن بحدود كاسة وبتحط معلقة خميرة كمان

    وبعدين بتتركي هالخلطة شي نص ساعة تتخمر
    وقبل ما تبدى بالقلي بتحركن وبضفلن مي شي كاسة و12 معلقة صغيرة بيكنغ باودر وبتخلطن وبتبدا بالقلي
    ونسيت اذا قالتلي بتحط شوية نشا كأنه
    بصراحة ماعدت اتذكر
    طبعا هي المقادير مو كتير دقيقة لانه ماما بتعمله عالنظر
    بس كتير كتير بينجح معها يعني ماما مشهورة فيه
    لانه قليلين النسوان اللي بيعملوه

    ان شاء الله تكوني استفدتي :upset
    لانه حسيت حالي حكيت كتير عالفاضي

  27. منى 29 April 2010

    بالعكس شفا كتير الطرية واضحة , و حتى ممكن الواحد يضيف نشا , ما بياثر .

    طيب بتتذكري اذا السميد ناعم او خشن و اخر شي بتتذكري اذا اللبن منزاد مي او لبن صاغ :)

    الف الف شكر الك للطريقة , كتير مشتهية جرب المشبك

    ايه قبل ما انسى , يا ترى ماماتك بتطالعن من القلي على القطر مباشرة و الا شو ؟

    ممنونتك شفا ;)

  28. شفاء 31 May 2010

    انا اللي ممنوتك
    عمتخليني الت وأعجن عكيفي
    ياستي بالنسبة للسميد مابتفرق
    واللبن بدون ترويب يعني صاغ
    وبعد القلي ماما بطالعن فورا عالقطر

    بتعرفي من كتر ما عمبشتهي عليه
    عمبفكر اساويه شلون ما كان وشو ما طلع يطلع
    بس اذا الواحد ما جرب مابيتعلم

  29. منى 31 May 2010

    ممم
    ناوية جربه بلكي هل اليومين , لان كتير جاي على بالي

    معك حق اذا الواحد ما جرب ما بيتعلم , و كل شي و لو فشل معه الله لا يقدر بيتعلم منه شي ;)

  30. منال 11 November 2010

    سلام عليكم كيفك عزيزتي منى والله اشتقنا لوصفاتك وينك ليكون الفيس بوك اخدك منا حبيتي لهلق ما نزلت وصفة المعمول بالطحين شو القصة وسوال تاني لو سمحت اذا بدي ساوي الكرابيج بس بدون ناطف فيني حط سكر بودرة في العجينة بقدار 200غرام لكيلو السميد متل المعمول بالطحين بينع ارجو الرد بسرعة لاني ناوية ساويهم بكرة قبلاتي للجميع بمباسبة العيد عيدكم مبارك

  31. منى 12 November 2010

    هلا منال :)

    اسفة اختي للتاخر بالوصفة , بس هلا ما فيني نزل ايا شي , مشغولة كتير لراس السنة ان شاء الله .

    هل العجينة هي العجينة الذهبية , ما فيكي تغيري فيها شي ابدا ;)

  32. ام مثنى 19 October 2012

    السلام عليكم كيفك منى ان شاء الله تكوني بخير بس حابة اسوي على العيد وصفة كرابيج حلب بس اذا مافيها ساله ممكن تعطيني وصفة الناطف ولك الف شكر

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)