كفتة بورق العنب


         وصفة : منى                 2009/06/17                 27 تعليقات
كفتة بورق العنب

وصفة كفتة بورق العنب شاركت فيها haya و انا جربتها و طلعت أروع من الروعة و قالت انو مو كل الفلسطينية بيعرفوها , وصفة سهلة و ما في اطيب منها ..

بالصحة و الهنا




لحم مفروم
بقدونس
بصل
بهار
ورق عنب
بندورة
ملح و بهار و فلفل اسود
ليمون
زيت زيتون او سمن





• تدعك اللحمة و البقدونس و البصل و البهار مع بعض و بعدها اما بنشكلها علي هيئة اصابع او اقراص مدورة بعد هيك بنلفها بورق العنب طبعا اذا كان ورق العنب اخضر طازة ما بنسلقه بس بنغسله طبعا وبنلف فيه الكفته او اذا كان مسلوق بينفع كمان .

• بعد هيك اما انك بتحطي على وجه كل حبة بندورة مقطعة شرحات وممكن تستغني عنها بعدين بنحط ملح وبهار وفلفل اسود وليمون وزيت زيتون او سمن على حسب ما بتحبي والاثنين كثير لذيذين وبيعطوا نكهة رائعة وماء .

• بعدها بندخلهم الفرن لحتى يستوي الورق والكفتة وتؤكل مع الخبز والبطاطا المقلية .

  • وصفات تانية ممكن تعجبك


التعليقات

  1. منى 17 June 2009

    يا سلام عليك هيا شو شكلها بيشهي هل الوصفة :)

    سلم دياتك يا حق و ناوية جربها بورق عنب جديد ان شاء الله , حسيته اطيب

  2. haya 17 June 2009

    مرحبا منى ان شاءالله تجربيها وتعجبك يارب هي فعلا طعمها كثير لذيذ يا ريت بس تجربيها اعطيني رأيك فيها يعني قولي لي شو هي النتيجة اذا عجبتك او لأ

  3. JoJo 23 June 2009

    شكرا هي علي الوصفة الرائعة ياريت لما تعمليها المرة الجاية تنزلي لها صورة منشان اشوف كيف شكلها لاني سمعت فيها بس مو متاكدة هي الوصفة الي سمعت عنها والا لاء
    وتحياتي لك حبيبتي :)

  4. ام نور 27 June 2009

    سلم دياتك اخت هيا على هالوصفة فكرة حلوة كتير بس اكيد لازم يكون الورق اخضر وطري حتى يستوي بسرعة بلبنان منعمل ورق عنب بزيت كتير طيب والحشوة عبارة عن رز وبصل وبقدونس وبندورة مقطعة مكعبات وفليفلة مكعبات وملح وبهار وزيت ومنلف الورق ومنحط بارضية الطنجرة بطاطا وبندورة دوائر شو بتطلع طيبة ومنيحة لا الريجيم بالمطاعم بيقدموا كنوع من المقبلات

  5. DOUHA 27 June 2009

    فكرة حلوة وتغييرشكل بس لو في صورة يميمييم شكرا :p

  6. haya 28 June 2009

    هلا اختي ام نور ان شاءالله تعجبك الوصفة باذن الله وورق العنب بزيت الزيتون انا بعمله وكثير بحبه وطعمته طيبة

  7. haya 28 June 2009

    هلا اخت ضحى ان شاءالله المرة الجاية بس اعملها بصورها وبنزل صورتها وان شاءالله تعجبك وهي فعلا تغيير شكل ومثل ما قلت لك لو كان ورق عنب اخضر طازة بيكون كثير الذ طعمها

  8. DOUHA 29 June 2009

    كلك زوءءء مممنونة لطفك :zzz

  9. سارونات 29 June 2009

    السلام عليكم و رحمة الله و بركاته

    منيحة كتير هالوصفة و خصوصا انها فلسطينية

    اختي بدي اسالك اذا منغطي الصينية او لا و كمان كم كمية الماء اللي منحطها يعني منغطيها تماما او كيف

    جازاك الله خيرا

    سلام

  10. haya 30 June 2009

    السلام عليكم ورحمة الله وبركاته

    هلا اخت سارونات بالنسبة الى انا ما بغطيها علشان بعد ما تستوي الكفتة والورق يتحمر شوي الورق يعني يأخذ لون وممكن انك تغطيها ولما تستوي اكشفيها شوي لتأخذلون بس انا بصراحة ما جربت
    وبالنسبة للماء شي بس انه يغطي القاع علشان تستوي اللحمة وورق العنب وبعدين ما تنسي انو فيها ليمون والليمون حسب الرغبة في ناس بيحبوه حامض وفي ناس لأ

  11. haya 30 June 2009

    ملاحظة صغيرة :) لكل اللي بيحبوا يجربوا هالوصفة فينا نحط مع الماء او اذا في مرق لحمة شوي من النشا لتطلع المرقة ثقيلة شوي

  12. عربية 1 July 2009

    السلام عليكم ورحمة وبركاته

    انا مشاركة جديدة في الموقع وعجبني كتير لاني بحب الطبببببببخ :) وفيه اكلات حلبية وانا نصي من حلب 8) ،،، وبحب اكلات حلب وحلب كلها على بعضها حبيبتي وانشا الله اتشارك معكم في رمضان يعطيكن العافية

  13. منى 1 July 2009

    هلا فيكي اختي :) شرفتينا و نورتيتا و ان شاء الله بتبقي معنا على طول

  14. haya 1 July 2009

    هلا فيك اخت عربية :)

  15. kuwaiti_girl 5 July 2009

    تسلم الايادي
    اول ما قريت الوصفه عجبتني
    شريت ورق عريش خضروطقته على كميه صغيره
    وما شاء الله كثير زاكيه مثل ما ذكرتي وهذه الصوره
    http://img102.herosh.com/2009/07/05/320492517.jpg

    انا استخدمت تقريبا المقادير الموجوده بكتاب المطاحن ولفيتها بطريقه كبيبه حائل

    وسانزل الصور ان شاء الله ببلوقي قريبا

    اتمنى تطبيقي يكون مضبوط :>

  16. منى 6 July 2009

    هلا حبيبتي كوكو :)
    شهيتيني شوفها , بس الصورة مو طالعة بالرابط الي فوق :roll

    الف هنا و صحة و عافية يا رب على الوصفة بكل لقمة و بكل ورقة ;)

  17. haya 6 July 2009

    هلا فيكم يا صبايا والله كثير انبسطت انك جربتي الوصفة يا كويتية وشكرا الك انك نزلتي الصورة بس مو طالعة على الرابط مثل ما قالت الاخت منى

  18. kuwaiti_girl 6 July 2009

    منمون عزيزتي الغاليه…الله يعافيك ويكافيك من كل شر … بحط لك رابط اخر من بلوقي وان شاء الله بيكون شغال
    http://4.bp.blogspot.com/_vsYmoNfTIfE/SlJiw100fbI/AAAAAAAAB-g/eeLX8Z5SLKs/s1600-h/IMG_5149.JPG

    الاخت هيا.. اتمنى ان الرابط الثاني بيكون شغال وتسلم ايدك مره ثانيه والوصفه حلوه وتستاهل التجربه واعاده التجربه مرارا… بس بتمنى اذا في ملاحظات على تطبيقي تصلحيلي اياه عشان المره الجايه بتكون على اصولها :>

  19. منى 7 July 2009

    يم , يم , يم .. شو بيشهي ..

    هيك يا كوكو ما بتعرفي تعزميني , خلص زعلت منك :roll

    بس اذا كنتوا اكلتوها بالصحة و العافية و اكلتي عني كم لقمة فسماح :zzz

    حبيبتي عندي الك نصيحة لازم تعمليها و هي اسم البلوج تبعك على الصور و الا رح تطير يرحمها ربي و تشوفي عليها اسم تاني , لان في ناس ما عندهم مانع يسرقوا ايا شي بيصح الهم :roll

  20. haya 7 July 2009

    هلا اخت كويتية

    شكرا كثير الك على انك نزليتي الوصفة بالضبط هي مثل ما بنعملها وفعلا شكلها بالصورة بيشهي بس لو تخففي شوي من المرق تبعها بيكون ألذ علشان الوجه يكتسب شوي لون ويكون شوي محمر مو كثير بس فعلا انك شطورة وطبقتيها على طول ونزلتي صورتها انت انشط مني تسلم ايدك يارب

  21. منى 18 May 2010

    جربتها بزيت الزيتون و طلعت كتيرررر طيبة , سلم ايدك هيا على هيك وصفة مميزة , ان شاء الله تطبيقي تمام 8)

  22. semo 19 May 2010

    منوش حبيبتي الصورة رح تنطق ماشاء الله ومبين أنو ورق العنب مستوي عالأخير

    بس حابة اطلب منك طلب
    ياريت تعملي تعديل بسيط على الوصفة بما أنك جربتيها بدي تحطيلنا المقادير بالضبط كالعادة بكون ممنونتك

    كمية اللحمة والبصل والبهار وزيت الزيتون والليمون والبقدونس وسامحيني عالغلاظة :sigh

  23. شفاء 15 September 2011

    جربتها وطلعت لذيذة
    وعجبت الاولاد وابوهم الحمدلله
    بس حسيتها طلعت حامضة شوي
    المرة الجاي ان شاء الله بخفف الحمض

  24. منى 15 September 2011

    هلا سمسومة :)
    و الله سمسومة ما عندي مقادير تمام , هيك حطيتها على البركة , ان شاء الله اذا حضرتها مرة تانية بكتب المقادير

  25. Reem 25 June 2014

    شكرا منی..هاي اول مرة بلاقي حد سامع بالوصفة لان احنا من القدس بنطبخها ، بس حتي رفقاتي الفلسطينية ما حد سمع فيها!!..عاده ما بنحطلها مي و بنلفها بشي خمس ورقات للحبة و الوج بتحمر و بيقرمش شوي ،،بس كا طبق جانبي بنقلي بندوره مقطعة لما ميتها تقل بنحط لها توم شرايح رفيعة فلفل اخضر زيت زيتون و ملح و بتتاكل مع خبز طبعا

    • منى 9 July 2014

      و الله هي وصفة شاركت فيها هيا , و من اررروع ما يكون و سهلة كمان حبيت كتير اضافاتك , الهي تعيش ايديكي اغنيتي الوصفة :)

      و الحشوة نفسها ؟

      • Reem 5 November 2014

        معلش سامحيني ردي متأخر هلاء شفت السؤال..الحشوه نفسها تقريبا من غير البهار ..ملح فلفل بقدونس و بصل .و امي بتحط شوية زبدة مرات وما بنحط ليمون :-)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)